Mui Psalm 4
4
1Ana maholo noko soio oke alamieu, God, ini ni haamaaieu: o toliasi sapemawa aku maholo siohaaku e lai tataala; oke amasieu, oke rongo hunie aitaninge ineu.
2Mu kale ni inoni, kei hule oto inganite mwakaterehainilana manikuluanga ineu: na ani saetooana lodosaenga tototala, na ani heitalelana eronga?
3Tae omu ke manatainie oto uri a Lord e lio hunie oto nana inoni iolana e manirei: a Lord kei tolai sulie noko soi alaa ana.
4Omu ke saesaewasu tae mwane omu oraorahaa ani: omu ke loolooi ola i saemiu, na iomu ke rohu.
5Omu ke aroroa mu ununge odotai: na iomu ke noorutoo ana Lord.
6Mwala hunge ko talei ununue uri, Atei kei roroa haatainie nakaelu dianahaana mu ola: Lord, oke atomaa hahiemelu rarangana maamu.
7O haasaedianaa saeku: e paine liutaana saediananga mwala e potenga hahire ani corn na ani wine.
8Neke eno saesapea hao neke maahu: ana ioe Lord maraamu, oko qaoau huni neke io sapemawa.
လက္ရွိေရြးခ်ယ္ထားမွု
Mui Psalm 4: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.