Mui Psalm 48
48
1A Lord e alaha, e malisine nga paalahelaana: ana hulume a God ikie, ana toloi henue maai ingeie.
2Toloi henue oto, na e lai kohi, nga ola ni ilenimwaenga hunie ahutana walumalau: toloi henue mone i Sion poo hao, hanua King e liutaa.
3Kire manataina God oto ana mu nume mu alaha: uri ngeie nume hau ni para ahuire.
4Ana lokau, mu king e tararuru noone mai: kire lae tarasi weu teingelute.
5Kire leesie nada, kire si pangaa ana: kire maumeu oto, kire tolane talo rorora ani tehinge.
6Arieringe e tolera mango ileune: salunge mala ana hue ko meuri ana kalena.
7Ani oru urei qaalana sato: oke papatainie mu haka urei Tarsis.
8Mala kie talei rongoi oto, kie leesii noone urine: ana hulume a Lord Sabaoth, ana hanua God ikie, God kei roroie oto urine.
9Emi lolodo sae ana nga manata diananga ioe, God: i matolana lolata maai ioe.
10Mala kau Satamu, God, manikuluhaamu noone urine lou lai hule ana ngengedena walumalau: qaloqalomu e honu eni odatainge.
11Toloi henue i Sion ke ileilenimwae, mu keni kalena Juda ke saesaediana: itehulaana mu leinge ioe.
12Omu pe aweawe kalikelie Sion, omu ke liu kelie: omu ke idu mangoa mu nume ni kakali ingeie.
13Omu ke lie diana ana mu para ingeie, omu ke neineisae ana mu nume mu alaha ingeie: huni omu kesi laladoi hunie mu qeunge ue mai.
14Ana God ie ngeia Gad ikie oto taraurei: ngeie ie ke nao naka hule ana nga maenga.
လက္ရွိေရြးခ်ယ္ထားမွု
Mui Psalm 48: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.