Mui Psalm 33
33
1Omu ke ilenimwae i nunuhaana Lord, iomu kira odotai: tolahai palahenga e malisine kira odotai.
2Omu ke palahea Lord, ani eu: omu ke kana ni palahea ana nga awalai ehu.
3Omu ke kana nana ani kana haalu: Omu ke daudeu wala ni saenanau ani wala paine.
4Ana walana a Lord e odo: na ahutana mu palonga ingeie e lalo ana walaimolinge.
5Ingeie e saetooana odoodonga na ko lei ni manata: walumalau e honu ana manatanga a Lord.
6E haahola ilengi ana mei wala a Lord: na ahutana pulita huni mangoi ola e ure ana ngidune.
7E tarakonie ahe ure ana asi hunie ke susupou ilengi na e tola konie asi e kokoro ilaona nume talai ola diana.
8Walumalau ke haamau ana a Lord: ahutana mwala e iose walumalau ke haamau ana.
9Ana e ere, na qaolani kei lae oto: Ehai usungei, na e oa paupeu.
10A Lord e haaanoa oalainge taenanga komu: na e huisie mui lodosaenga mwala ke tala.
11A Lord e tooana mu oalainge oto hu e odo: na mui neisaenga i manatana hunie taenanga qaunge.
12Mui komu ngeena ke rikerike hahie a Lord ikire a God ena: mwala nge e lio hunire huni mwala oto nana.
13A Lord e lio toli mei uie i lengi: ngeie e toomaie ahutana mu kaleni inoni
14Ure ana ioioha ingeie ko ooo ana: E lio toli mei hahie ahutana mwala ko ooo ana Walumalau.
15E manireinie ahutana manatada: ana e manatainie ahutana mui palonga ikire.
16Haike oto oo hunie na Inemauri ke mauri nunuhaana nga mwala e hunge kaa hehe: na inoni e ramo kaa isita sapemawa nunuhaana e ramo kaa hehe.
17Horse nge nga ola e asaie huni haaurie nga ini: nga e saa roroa haaurie nga ini uri ana e aailaa liuta.
18Lio kau maana Lord hahie muini ko haamau ana: na hahie muini ko maohie amasinge ingeie.
19Huni toliase maurihaada mwaanie maenga: huni reiilada maholo dinge ni hiolonga.
20Maurihaaka e harihunie maohie a Lord: Ingeie a peilaka na mei talo honotaka.
21Saeka ke ilenimwae i nunuhaana: aena ana kie norutoo ana satana e maai.
22Amasinge ioe Lord, ke aluhi emi: mala emi herihunie oto maohilemu.
လက္ရွိေရြးခ်ယ္ထားမွု
Mui Psalm 33: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.