Mui Psalm 31
31
1Nou norutoo amu, Lord: mwane nou masa oto, Oke haaurieu ana walamu e odo.
2Oke hahurei elinge mai takoieu, Oke haaurieu lauleu, Oke neie oto hau susu nekue: saohai nume ni haaurieu.
3Ana ioe hau susu na saohai nume ineu: i nunuhaana satamu Oke toleau, na oke nao nakue.
4Oke wainieu maanie huo kira ala pelipeli honosieu: ana ioe saohai nume ineu.
5Noko toliase maurihaaku weu ilaona nimemu: Ohanuieu oto Lord, God oto toohu.
6Nou ngiduupu hunie mwala ko neineisae ana waluola tauteu ni eronga: tae nou norutoo ana a Lord.
7Noko ilenimwae pei rikerike i nunuhaana amasinge ioe: ana o leese oto siohaanga ineu: o manatainie oto saemu e tahanie maurihaaku maholo e aiwaloa.
8O kaa toliasieu hunie mui maeloonga ke tapolieu: O haauresieu ana leu e too herana.
9Oke amasieu, Lord, ana ahe hiru ko hurosieu: maaku ko taera ana sae huunge: siue maurihaaku na sapeku.
10Ana maurihaaku ele oto ana saehuunge, na mu sapeku e akohe oto: ramonga ineu e qeto aena nou orahaa, na suisuliku e adiu oto.
11Nou neie ola ni heileledinge aena ana mu maeloonga ineu, siue, ikire mui eungeku liuta na ikire mu oaku kire mauteinieu: mwala e leesieu kau i sinaha kire ahulele mwaanieu.
12Kire pulongosieu, mala inoni e mae oto kire pulongosie: ineu nou urihana hena e qaa.
13Ana nou rongoa mu wala ketaketa ana mwala hunge, maunge e lae lilikeli: maholo kire ruruhieu hunie saunileku.
14Tae nou norutoo amu, Lord: na nou si teuri, ioe God ineu.
15Mui helisi ineu ilaona nimemu: Oke haaisitangainieu mwaanie nimana mwala ko maeloongaku, na mwala ko ngingiduupu hunieu.
16Oke huisie mai maamu takoie mwane ioe: Oke haaurieu ana mei sae ni sae diananga ioe.
17Lord, mwane nou masa, ana nou soisoi alaa amu: tae kira orahaa ke masa, kire ke io ana hanue ni akalo.
18Oke haa qaue wawana muini ko eroero: haananaue kira odotai mwaanie ere leledinge na tohainilada.
19Moola diana ioe e lai hunge liuta, O nei konii akau nana nga muini ko haamau emu: Oke peie nga muini e norutoo amu, i naona taenanga kale ni inoni.
20Oke mumunire ana leu ni mumumuni ioe mwaanie mwala: Okei tolera inume mwaanie mwala ko ereere hunire.
21Omu ke palahea Lord: ana e unu hadai ana saediananga ola ni anenga hunie mui henue e mautaa.
22Tae ana ineu, nou ere lauleu uri, tapaasileku oto mwaanie maamu: Tae o rongo hunie aitanainge maholo nou soisoi taau hunio.
23Omu ke manata diana hunia Lord, iomu muini maai ingeie: a Lord ko kinetainie muini ko hiwalaimoli, na ko haahungaa hunie muini ko esu diana.
24Oke haukama, omu ke ure mautaa: muini omu ko mamaohia Lord.
လက္ရွိေရြးခ်ယ္ထားမွု
Mui Psalm 31: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.