Mui Psalm 18
18
1Nou sae paine amu, Lord: a haasusuleku.
2A Lord hau susu ineu, na para hau ni haaurileku: God ineu, hau susu ineu e mautaa nou putoo ana, mei talo honotaku, na haaurileku, na toloi nume ineu.
3Neke sasaie, Lord e mahsine palahelana: aena urinena kei haaurieu mwaanie mui maeloonga ineu.
4Nge walo hoohoo ni maenga e hiriieu: na tataalanga e urihaana wai e paipesi ko da neke mau.
5Nge Walo hoohoo ana hanue ni akalo e hangai hahieu: mui qenu ni maesii e lolotai hahieu.
6Maholo nou io ni haamasieu nou soisoia, Lord, nou kakau hunia God ineu: Ingeie e rongoa walaku urei nume Maai ingeie, nou kakau odohana naona esi keli elingana.
7Mwakano e kulekule e asuoloolo popotana mu toloi henue e akora, oto e alaa peire aena ana e saewasu.
8Kana e tohoa ure i qelusune: na dunge ure i ngidune e ngangau e wana, mu dango e akau ana.
9E lidue salo, oto e ohotoli mei: Rorodo e liu i hahana aena.
10E Io ilengine Cherub, oto e loho: Siue, e loho ilaona mawasidengi.
11E qaoa rodohono huni mumuni ingeie: hunie nume susulu kalikaliei ana, mui wei e mahuro, salo e kokohoaa.
12Mui rorodo ioe e kokohoaa ko lohoainii taraasi mwaanie rarangamu: mui hikei nemo papau otona na dunge e saeni pelupelu.
13Oto nge a Lord e unue loulou hunie ke louloulie salo, na Ini e liuta esi ere ta ana walana: mu hikei nemo papau na nga dunge e saeni pelupelu!
14E hanatainie mui omo ingeie, e da kire ke ahulele: na waariri e nangalie hungahungaa, ana e haamausire.
15Oto leesilana mui mai wei esi lae, oto popotana Walumalau e aate e kumwe, ana o ere luire, Lord: ana o ilie mangomu ana qalusumu.
16E hai usungei mei urei lengi, kire heleaku: kire si weitaaku mwaanie mu wei peine.
17E haaurieu mwaanie mui maeloonga ineu e ramo, na mwaanie mwala ko ngingiduupu hunieu: ana kire aailaa liuta aku.
18Kire polahieu i rodo tataalanga e toleau keu: tae a Lord e haaususueu.
19Oto tola laku ani leu e mataqa: E haaurieu ana e sae hahieu.
20A Lord e haaoaie sulie odotainge ineu hunieu: E nii haaadoau isulie nimeku e reereea.
21Aena ana nou kinetainie tala a Lord: na nou kaa hoalai ike mwaanie a God ineu.
22Ana mu tolahai leinge ingeie mola i naoku: ana nou kaa neiasie ahutana tolahana mwaanieu.
23Ana nou odotai i naona: nge e kinetainieu mwaanie mu tataalanga ineu.
24E urinena a Lord e nii haaoaie odotainge ineu hunieu: Na lou nimeku e reereea i naona.
25Oke unu tahangainie manatani amasinge amu hunie ini amasinge: na oke unu tahangainio maraamu uri o diana haaisi hunie ini e diana oto liuta.
26Na oke unu tahangainio uri O manola hunie ini e manomanolaa: na oke unu tahangainio uri oko saesaewasu hunie ini ko saesaewasu.
27Ana Okei haaurie mwala ko siohaa: na Okei hele tolingie muini ko totohainire.
28Tae Okei haakaunie sine ineu: a Lord God ineu kei sinelie rodohono aku.
29Aena ioe mone nou tahanie mae: na i nunuhaana God ineu mone nou pola laonge para.
30Ana tala diana God: ana ohongilana walana Lord, e Iae oto kau, uri Ingeie mei talo nana ahutana muini e norutoo ana.
31Tae atei God, uri kaa Lord: nge atei ni Hau susu uri e kaa God?
32Mone God oke roroie danumeku ana ramonga: na oke da tala ineu ke mataqa.
33E da uri aaeku ke mautaa mala aaena hart: na e haaiosieu ana mu ioioha e lai lengi hitoo.
34E haananaue nimeku hunie ohonga: Aena urinena nou si pelue pasi heu ana nimeku.
35Na lou o niie talo ni haaurite Ioe nakue: na qaloqalomu e suluieu, na sae malumunge Ioe e haa alaha au.
36O haapainaa talahuliana aaeku i melutana aeku: na nou kaa uri rerede.
37Nge nekesi ohea mu maeloonga: ani angainilada oto nou saa due huleana nekei saro suheinire.
38Nekei ui tahaunudara ada, kire saa roroa taelai lou: kire kei domu i melutana aaeku.
39Ana o peieu ana ramonga huni ohoohoo: O hele tolingie mwala e taelai honosieu.
40O dau uri mu maeloonga hunieu ke tolipuri eku: uri neke tapa asire muini ko ngingiduupu hunieu.
41Kire soisoi uri nga ini ni haaurire na haike: toohu uri a Lord na kaa alamire lou.
42Neke si papatainire kire ke qa morumoru mala mui kaokao ani mwakano: oru ko oru asii: nou talai asire mala mei mwakano i sulie tala.
43O haaurieu mwaanie mwala ko maolaola Okesi neieu huni naohai inoni nana taenanga komu: na mwala nou kaa hahaitelingeinire kei ala isulieu.
44Maholo kire kesi rongo tarohaku kire kei alaisulie oto: mui awata kei alaisulieu mola.
45Mu awata kei eia oto: na kire kei lae arieriri mei mwaanie iohada e mautaa.
46A Lord ini meumeurie, omu ke palahea ingeie hau susu ineu: na a God ingeie ini e liuta ingeie a haaurileku.
47A, God ni ngeena ola ko suu suueu: Ko hele tolingie mwala i meluteku.
48Ingeie a laueu mwaanie mui maeloonga ineu: toohu, O suluieu liutaada mwala ko taelai honosieu. O hele laueu mwaanie ini e popoliilii.
49Aena urinena neke palaheo, Lord, peire taenanga komu ni inoni kana ni palahelana satamu.
50Leu i sapena ni haauringe nana Inemauri ingeie: na e unu tahangainie hunie Ini ingeie kire suuhie, hunie mwane ingeie a David na mui weuwana oto di, oto di.
လက္ရွိေရြးခ်ယ္ထားမွု
Mui Psalm 18: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.
Mui Psalm 18
18
1Nou sae paine amu, Lord: a haasusuleku.
2A Lord hau susu ineu, na para hau ni haaurileku: God ineu, hau susu ineu e mautaa nou putoo ana, mei talo honotaku, na haaurileku, na toloi nume ineu.
3Neke sasaie, Lord e mahsine palahelana: aena urinena kei haaurieu mwaanie mui maeloonga ineu.
4Nge walo hoohoo ni maenga e hiriieu: na tataalanga e urihaana wai e paipesi ko da neke mau.
5Nge Walo hoohoo ana hanue ni akalo e hangai hahieu: mui qenu ni maesii e lolotai hahieu.
6Maholo nou io ni haamasieu nou soisoia, Lord, nou kakau hunia God ineu: Ingeie e rongoa walaku urei nume Maai ingeie, nou kakau odohana naona esi keli elingana.
7Mwakano e kulekule e asuoloolo popotana mu toloi henue e akora, oto e alaa peire aena ana e saewasu.
8Kana e tohoa ure i qelusune: na dunge ure i ngidune e ngangau e wana, mu dango e akau ana.
9E lidue salo, oto e ohotoli mei: Rorodo e liu i hahana aena.
10E Io ilengine Cherub, oto e loho: Siue, e loho ilaona mawasidengi.
11E qaoa rodohono huni mumuni ingeie: hunie nume susulu kalikaliei ana, mui wei e mahuro, salo e kokohoaa.
12Mui rorodo ioe e kokohoaa ko lohoainii taraasi mwaanie rarangamu: mui hikei nemo papau otona na dunge e saeni pelupelu.
13Oto nge a Lord e unue loulou hunie ke louloulie salo, na Ini e liuta esi ere ta ana walana: mu hikei nemo papau na nga dunge e saeni pelupelu!
14E hanatainie mui omo ingeie, e da kire ke ahulele: na waariri e nangalie hungahungaa, ana e haamausire.
15Oto leesilana mui mai wei esi lae, oto popotana Walumalau e aate e kumwe, ana o ere luire, Lord: ana o ilie mangomu ana qalusumu.
16E hai usungei mei urei lengi, kire heleaku: kire si weitaaku mwaanie mu wei peine.
17E haaurieu mwaanie mui maeloonga ineu e ramo, na mwaanie mwala ko ngingiduupu hunieu: ana kire aailaa liuta aku.
18Kire polahieu i rodo tataalanga e toleau keu: tae a Lord e haaususueu.
19Oto tola laku ani leu e mataqa: E haaurieu ana e sae hahieu.
20A Lord e haaoaie sulie odotainge ineu hunieu: E nii haaadoau isulie nimeku e reereea.
21Aena ana nou kinetainie tala a Lord: na nou kaa hoalai ike mwaanie a God ineu.
22Ana mu tolahai leinge ingeie mola i naoku: ana nou kaa neiasie ahutana tolahana mwaanieu.
23Ana nou odotai i naona: nge e kinetainieu mwaanie mu tataalanga ineu.
24E urinena a Lord e nii haaoaie odotainge ineu hunieu: Na lou nimeku e reereea i naona.
25Oke unu tahangainie manatani amasinge amu hunie ini amasinge: na oke unu tahangainio maraamu uri o diana haaisi hunie ini e diana oto liuta.
26Na oke unu tahangainio uri O manola hunie ini e manomanolaa: na oke unu tahangainio uri oko saesaewasu hunie ini ko saesaewasu.
27Ana Okei haaurie mwala ko siohaa: na Okei hele tolingie muini ko totohainire.
28Tae Okei haakaunie sine ineu: a Lord God ineu kei sinelie rodohono aku.
29Aena ioe mone nou tahanie mae: na i nunuhaana God ineu mone nou pola laonge para.
30Ana tala diana God: ana ohongilana walana Lord, e Iae oto kau, uri Ingeie mei talo nana ahutana muini e norutoo ana.
31Tae atei God, uri kaa Lord: nge atei ni Hau susu uri e kaa God?
32Mone God oke roroie danumeku ana ramonga: na oke da tala ineu ke mataqa.
33E da uri aaeku ke mautaa mala aaena hart: na e haaiosieu ana mu ioioha e lai lengi hitoo.
34E haananaue nimeku hunie ohonga: Aena urinena nou si pelue pasi heu ana nimeku.
35Na lou o niie talo ni haaurite Ioe nakue: na qaloqalomu e suluieu, na sae malumunge Ioe e haa alaha au.
36O haapainaa talahuliana aaeku i melutana aeku: na nou kaa uri rerede.
37Nge nekesi ohea mu maeloonga: ani angainilada oto nou saa due huleana nekei saro suheinire.
38Nekei ui tahaunudara ada, kire saa roroa taelai lou: kire kei domu i melutana aaeku.
39Ana o peieu ana ramonga huni ohoohoo: O hele tolingie mwala e taelai honosieu.
40O dau uri mu maeloonga hunieu ke tolipuri eku: uri neke tapa asire muini ko ngingiduupu hunieu.
41Kire soisoi uri nga ini ni haaurire na haike: toohu uri a Lord na kaa alamire lou.
42Neke si papatainire kire ke qa morumoru mala mui kaokao ani mwakano: oru ko oru asii: nou talai asire mala mei mwakano i sulie tala.
43O haaurieu mwaanie mwala ko maolaola Okesi neieu huni naohai inoni nana taenanga komu: na mwala nou kaa hahaitelingeinire kei ala isulieu.
44Maholo kire kesi rongo tarohaku kire kei alaisulie oto: mui awata kei alaisulieu mola.
45Mu awata kei eia oto: na kire kei lae arieriri mei mwaanie iohada e mautaa.
46A Lord ini meumeurie, omu ke palahea ingeie hau susu ineu: na a God ingeie ini e liuta ingeie a haaurileku.
47A, God ni ngeena ola ko suu suueu: Ko hele tolingie mwala i meluteku.
48Ingeie a laueu mwaanie mui maeloonga ineu: toohu, O suluieu liutaada mwala ko taelai honosieu. O hele laueu mwaanie ini e popoliilii.
49Aena urinena neke palaheo, Lord, peire taenanga komu ni inoni kana ni palahelana satamu.
50Leu i sapena ni haauringe nana Inemauri ingeie: na e unu tahangainie hunie Ini ingeie kire suuhie, hunie mwane ingeie a David na mui weuwana oto di, oto di.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.