Ga-la-ti 3
3
Hakum jakar thong sagar
(3:1 – 5:12)
Mong yau kahanôt kaywa sagar
1Hơic dôm urang Ga-la-ti gila gilit! Thei krung hu hatai lwak phik dei ai nạn dôm urang bloh binguk thek Pô Yê-su Krist gok pang đin ngok gai gan gak krung bihu sahadah tabiak pak anak mưta? 2Dahlak ưng dei ai brei ka dahlak thau kabha ni: Dei ai krung hu tôk mưk Pô Nưbi Ginrơh nạn nhơ di bruk hit hakum jakar ngan nạn kaywa hamit bloh dial? 3Habar dei ai gila gilit yau nan? Dei ai krung hu raup thong Pô Nưbi Ginrơh, habar urak ni gilaic patek mưng rilo darah? 4Dei ai krung hu ciup thau kađơ gleh glar piêh ôh bihu haget ô? Mưyah yau nan biak ôh hu hanim! 5Dê krung hu ƀai Pô Nưbi Ginrơh thong ngak ralô thunau crih krưh dei ai, nạn kaywa dei ai ngak tui hakum jakar, ngan nạn kaywa hamit thong dial?
6 #
Rô 4:3. Yau Ap-ra-ham “dial Pô Lingik, thong ong bihu hakê nạn kahanôt.” 7#Rô 4:16.Dei ai xang krưn thau laic dôm urang halei hu sagar nạn anưk taco Ap-ra-ham.
8Agal Nưbi krung hu ƀôh dahlau laic Pô Lingik mưca mong mưnuix Bôl-Lingiu yau kahanôt kaywa sagar, nan ka krung hu rao pahơh dahlau ka Ap-ra-ham Khao Siam ni: “Abih paran mưca nhơ di anưk mưng bihu phôl.” 9Ywa nan ka, thei dial yơ bihu liêng phôl thong Ap-ra-ham nạn mưnuix hu tian dial.
10Dok dôm urang halei giƀak di bruk hakum jakar yơ gok hatam xap; kaywa hu panôic vak: “Đang hatam lô nạn ra ôh kajap hatai pang khik abih kabha krung hu vak dalam tapuk hakum jakar!” 11Biak jalang jalôi laic ôh thei nhơ di hakum jakar bloh bihu mong yau kahanôt di anak Pô Lingik trah, kaywa “mưnuix kahanôt mưca diup kaywa sagar.” 12Hakum jakar ôh bha tui sagar; min gilaic vak: “Mưnuix halei ngak tui hakum jakar yơ mưca nhơ di nan mưng diup.” 13Dê Krist krung hu tabuh khol drei truh di gruk hatam xap anưd hakum jakar tuk Bhô ciup hatam xap kala ka khol drei — kaywa hu panôic vak: “Đang hatam xap lô ka ra gok tôr ngok gai kayau” — 14piêh dalam Dê Krist Yê-su, dhar phôl cek ka Ap-ra-ham bihu mưrai tom dôm mưnuix Bôl-Lingiu, thong khol drei tôk mưk panôic he Pô Nưbi Ginrơh kaywa sagar.
Hakum jakar thong panôic he
15Pathau dei ai, dahlak đôm tui ganap mưrôxak: Tuk tha jan ji krung bihu padang, kanê nạn anưd mưnuix, yơ ôh thei bihu gon palai klāk ngan thiak paƀlwak kabha haget. 16Dôm panôic he krung hu bican ka Ap-ra-ham thong talei pajeh ong, Agal Nưbi ôh đôm: “Thong ka dôm talei pajeh” yau piêh ka ralô urang, min đôm: “Thong ka dôm talei pajeh hư,” yau đôm ka tha urang, nan nạn Dê Krist. 17Dahlak ưng đôm laic: Hakum jakar, nạn kabha mưrai hadei di jan ji pāk rituh klau pluh thun, ôh mưda halei palai klāk jan ji bloh Pô Lingik krung hu padang mưng dahlau, lijang yau ôh thunit panôic he bihu. 18#Rô 4:14.Mưyah kaywa hakum jakar bloh bihu liêng dit diya yơ ôh dok kaywa panôic he tra. Min Pô Lingik krung hu angui panôic he piêh brei karun ka Ap-ra-ham.
19Yau nan hakum jakar piêh ngak haget? Hakum jakar krung bihu ƀai brei paƀlwak kaywa hu dôm gok tanrok, thong dok kađong ka tal tuk mưnuix talei pajeh mưrai, ar nạn Dê krung bihu he mưng dahlau. Hakum jakar bihu umat tathit trun, thong tapa tha urang gar krưh. 20Mưnuix gar krưh ciêt hajat tuk hu dwa gah, min Pô Lingik ciêt hu tha.
Hakum jakar ba mưrai Dê Krist
21Yau nan hakum jakar pagan gađi thong dôm panôic he Pô Lingik habar? Ôh mưda yau nan! Kaywa mưyah hakum jakar bihu ƀai brei ka hu mưda ba mai gruk diup yơ gruk kahanôt xang mưrai mưng hakum jakar. 22Min Agal Nưbi pađang akhan abih gruk jang gok karơk ala xagti danuh glaic, piêh kaywa sagar dalam Pô Yê-su Krist, panôic he bihu ƀai brei ka dôm ra dial. 23Dahlau tuk sagar mưrai, khol drei gok karơk thong mong khik ala hakum jakar ka tal tuk sagar bihu sahadah. 24Yau nan, hakum jakar nạn mưnuix ariêng ba ka khol drei tal Dê Krist, piêh kaywa sagar khol drei bihu mong yau kahanôt 25Min tuk sagar mưrai bloh, khol drei ôh dok ala gon mưnuix ariêng ba nan vơk. 26Kaywa sagar dalam Dê Krist Yê-su. Abih dei ai jang nạn anưk bik Pô Lingik. 27Mưnuix halei dalam dei ai krung bihu ƀap-tem piêh bha di Dê Krist jang cuk mưk Dê Krist. 28Tak ni ôh dok krưn mưnuix Yo Thaic ngan mưnuix Bôl-Lingiu, mưnuix halun kloh ngan mưnuix salalah, bangxa likei ngan bangxa kamei, kaywa abih dei ai jang nạn tha dalam Dê Krist Yê-su. 29#Rô 4:13.Mưyah dei ai bha di Dê Krist yơ dei ai nạn talei pajeh Ap-ra-ham, ar nạn dôm mưnuix mưvarih tui panôic he.
လက္ရွိေရြးခ်ယ္ထားမွု
Ga-la-ti 3: CJM2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.
Ga-la-ti 3
3
Hakum jakar thong sagar
(3:1 – 5:12)
Mong yau kahanôt kaywa sagar
1Hơic dôm urang Ga-la-ti gila gilit! Thei krung hu hatai lwak phik dei ai nạn dôm urang bloh binguk thek Pô Yê-su Krist gok pang đin ngok gai gan gak krung bihu sahadah tabiak pak anak mưta? 2Dahlak ưng dei ai brei ka dahlak thau kabha ni: Dei ai krung hu tôk mưk Pô Nưbi Ginrơh nạn nhơ di bruk hit hakum jakar ngan nạn kaywa hamit bloh dial? 3Habar dei ai gila gilit yau nan? Dei ai krung hu raup thong Pô Nưbi Ginrơh, habar urak ni gilaic patek mưng rilo darah? 4Dei ai krung hu ciup thau kađơ gleh glar piêh ôh bihu haget ô? Mưyah yau nan biak ôh hu hanim! 5Dê krung hu ƀai Pô Nưbi Ginrơh thong ngak ralô thunau crih krưh dei ai, nạn kaywa dei ai ngak tui hakum jakar, ngan nạn kaywa hamit thong dial?
6 #
Rô 4:3. Yau Ap-ra-ham “dial Pô Lingik, thong ong bihu hakê nạn kahanôt.” 7#Rô 4:16.Dei ai xang krưn thau laic dôm urang halei hu sagar nạn anưk taco Ap-ra-ham.
8Agal Nưbi krung hu ƀôh dahlau laic Pô Lingik mưca mong mưnuix Bôl-Lingiu yau kahanôt kaywa sagar, nan ka krung hu rao pahơh dahlau ka Ap-ra-ham Khao Siam ni: “Abih paran mưca nhơ di anưk mưng bihu phôl.” 9Ywa nan ka, thei dial yơ bihu liêng phôl thong Ap-ra-ham nạn mưnuix hu tian dial.
10Dok dôm urang halei giƀak di bruk hakum jakar yơ gok hatam xap; kaywa hu panôic vak: “Đang hatam lô nạn ra ôh kajap hatai pang khik abih kabha krung hu vak dalam tapuk hakum jakar!” 11Biak jalang jalôi laic ôh thei nhơ di hakum jakar bloh bihu mong yau kahanôt di anak Pô Lingik trah, kaywa “mưnuix kahanôt mưca diup kaywa sagar.” 12Hakum jakar ôh bha tui sagar; min gilaic vak: “Mưnuix halei ngak tui hakum jakar yơ mưca nhơ di nan mưng diup.” 13Dê Krist krung hu tabuh khol drei truh di gruk hatam xap anưd hakum jakar tuk Bhô ciup hatam xap kala ka khol drei — kaywa hu panôic vak: “Đang hatam xap lô ka ra gok tôr ngok gai kayau” — 14piêh dalam Dê Krist Yê-su, dhar phôl cek ka Ap-ra-ham bihu mưrai tom dôm mưnuix Bôl-Lingiu, thong khol drei tôk mưk panôic he Pô Nưbi Ginrơh kaywa sagar.
Hakum jakar thong panôic he
15Pathau dei ai, dahlak đôm tui ganap mưrôxak: Tuk tha jan ji krung bihu padang, kanê nạn anưd mưnuix, yơ ôh thei bihu gon palai klāk ngan thiak paƀlwak kabha haget. 16Dôm panôic he krung hu bican ka Ap-ra-ham thong talei pajeh ong, Agal Nưbi ôh đôm: “Thong ka dôm talei pajeh” yau piêh ka ralô urang, min đôm: “Thong ka dôm talei pajeh hư,” yau đôm ka tha urang, nan nạn Dê Krist. 17Dahlak ưng đôm laic: Hakum jakar, nạn kabha mưrai hadei di jan ji pāk rituh klau pluh thun, ôh mưda halei palai klāk jan ji bloh Pô Lingik krung hu padang mưng dahlau, lijang yau ôh thunit panôic he bihu. 18#Rô 4:14.Mưyah kaywa hakum jakar bloh bihu liêng dit diya yơ ôh dok kaywa panôic he tra. Min Pô Lingik krung hu angui panôic he piêh brei karun ka Ap-ra-ham.
19Yau nan hakum jakar piêh ngak haget? Hakum jakar krung bihu ƀai brei paƀlwak kaywa hu dôm gok tanrok, thong dok kađong ka tal tuk mưnuix talei pajeh mưrai, ar nạn Dê krung bihu he mưng dahlau. Hakum jakar bihu umat tathit trun, thong tapa tha urang gar krưh. 20Mưnuix gar krưh ciêt hajat tuk hu dwa gah, min Pô Lingik ciêt hu tha.
Hakum jakar ba mưrai Dê Krist
21Yau nan hakum jakar pagan gađi thong dôm panôic he Pô Lingik habar? Ôh mưda yau nan! Kaywa mưyah hakum jakar bihu ƀai brei ka hu mưda ba mai gruk diup yơ gruk kahanôt xang mưrai mưng hakum jakar. 22Min Agal Nưbi pađang akhan abih gruk jang gok karơk ala xagti danuh glaic, piêh kaywa sagar dalam Pô Yê-su Krist, panôic he bihu ƀai brei ka dôm ra dial. 23Dahlau tuk sagar mưrai, khol drei gok karơk thong mong khik ala hakum jakar ka tal tuk sagar bihu sahadah. 24Yau nan, hakum jakar nạn mưnuix ariêng ba ka khol drei tal Dê Krist, piêh kaywa sagar khol drei bihu mong yau kahanôt 25Min tuk sagar mưrai bloh, khol drei ôh dok ala gon mưnuix ariêng ba nan vơk. 26Kaywa sagar dalam Dê Krist Yê-su. Abih dei ai jang nạn anưk bik Pô Lingik. 27Mưnuix halei dalam dei ai krung bihu ƀap-tem piêh bha di Dê Krist jang cuk mưk Dê Krist. 28Tak ni ôh dok krưn mưnuix Yo Thaic ngan mưnuix Bôl-Lingiu, mưnuix halun kloh ngan mưnuix salalah, bangxa likei ngan bangxa kamei, kaywa abih dei ai jang nạn tha dalam Dê Krist Yê-su. 29#Rô 4:13.Mưyah dei ai bha di Dê Krist yơ dei ai nạn talei pajeh Ap-ra-ham, ar nạn dôm mưnuix mưvarih tui panôic he.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.