II Kô-rir-tô 13
13
Patom nôk
(13:1-13)
Panôic adan thong tanhi ravang
1Sani nạn ƀang ya klau dahlak mưrai tom dei ai. “Abih masalah mưca bihu paya giƀak di panôic anưd dwa ngan klau rakaxan.” 2Dalam mưƀôk ravang dei ai ƀang ya dwa, dahlak krung hu patayơt thong dôm ra dahlau dêh krung hu tanrok glaic thong abih urang pakan pajơ. Urak ni tuk dađaup ƀok, dahlak gilaic patayơt dei ai thau laic mưyah dahlak mưrai tha ƀang tra, mưca dahlak ôh ampun ô, 3kaywa dei ai đôk tha kaxan brei ƀôh Dê Krist bican tapa dahlak. Bhô ôh liman limuic dalam bruk dok dang jom thong dei ai ô, min Bhô nạn Dê bak ganuh gon dalam dei ai. 4Kanê Bhô krung hu ciup pang đin ngok gai gan gak dalam canưk kre, min Bhô dok diup thong xagta Pô Lingik. Khol dahlak lijang yau nan, kanê kre dalam Bhô, min nhơ di gon xagta Pô Lingik khol dahlak mưca diup thong Bhô piêh dok dang thong dei ai.
5Xang long athul êng drei piêh iơk dei ai hu dok dalam sagar kaic! Xang êng cammran drei mek. Dei ai ôh krưn thau laic Pô Yê-su Krist krưh dok dalam dei ai ô? Klưg tabiak dei ai ôh mưtal tanut raxa. 6Dahlak pachôm dei ai krưn thau laic khol dahlak ôh njaup ôh mưtal tanut raxa. 7Min dahlak likau kanư Pô Lingik piêh dei ai ôh ngak dôm haget xwel, ôh njaup piêh xakrưn khol dahlak mưtal tanut raxa, min piêh dei ai hu mưda ngak dôm kabha njaup, kanê khol dahlak hu mưda gok mong yau ôh mưtal tanut raxa. 8Kaywa khol dahlak ôh mưda ngak kabha haget pagan gađi thong tantu min ciêt ligeh tui tantu. 9Khol dahlak bui ôn kaywa tuk khol dahlak kre, dei ai jang kati katang. Kabha khol dahlak likau kanư, nạn dei ai mưtal tal gruk tamo tamê. 10Yau nan, tuk dađaup ƀok, dahlak vak kabha ni piêh tuk hu ƀok, dahlak klah di angui tha ganap thur aco gon Pô Lingik krung hu ƀai brei ka dahlak, nạn aco gon piêh darap mih ôh njaup piêh yah jalơh.
11Taluic, pathau dei ai, xang bui ôn nao, xang ran mưtal tal gruk tamo tamê, xang paxơh gaup, xang tha mat ar, dok dang yak yum, yơ Pô Lingik mưca ƀai tiak anit ranam thong thug siam mưca dok thubik thong dei ai. 12Xang xalam gaup yau dei ai dalam Pô. Abih xêh nưbi xalam dei ai. 13Halar likau karun hanim Pô nạn Pô Yê-su Krist, tiak anit ranam Pô Lingik, thong gruk atadha anưd Pô Nưbi Ginrơh dok thong abih dei ai!
လက္ရွိေရြးခ်ယ္ထားမွု
II Kô-rir-tô 13: CJM2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.
II Kô-rir-tô 13
13
Patom nôk
(13:1-13)
Panôic adan thong tanhi ravang
1Sani nạn ƀang ya klau dahlak mưrai tom dei ai. “Abih masalah mưca bihu paya giƀak di panôic anưd dwa ngan klau rakaxan.” 2Dalam mưƀôk ravang dei ai ƀang ya dwa, dahlak krung hu patayơt thong dôm ra dahlau dêh krung hu tanrok glaic thong abih urang pakan pajơ. Urak ni tuk dađaup ƀok, dahlak gilaic patayơt dei ai thau laic mưyah dahlak mưrai tha ƀang tra, mưca dahlak ôh ampun ô, 3kaywa dei ai đôk tha kaxan brei ƀôh Dê Krist bican tapa dahlak. Bhô ôh liman limuic dalam bruk dok dang jom thong dei ai ô, min Bhô nạn Dê bak ganuh gon dalam dei ai. 4Kanê Bhô krung hu ciup pang đin ngok gai gan gak dalam canưk kre, min Bhô dok diup thong xagta Pô Lingik. Khol dahlak lijang yau nan, kanê kre dalam Bhô, min nhơ di gon xagta Pô Lingik khol dahlak mưca diup thong Bhô piêh dok dang thong dei ai.
5Xang long athul êng drei piêh iơk dei ai hu dok dalam sagar kaic! Xang êng cammran drei mek. Dei ai ôh krưn thau laic Pô Yê-su Krist krưh dok dalam dei ai ô? Klưg tabiak dei ai ôh mưtal tanut raxa. 6Dahlak pachôm dei ai krưn thau laic khol dahlak ôh njaup ôh mưtal tanut raxa. 7Min dahlak likau kanư Pô Lingik piêh dei ai ôh ngak dôm haget xwel, ôh njaup piêh xakrưn khol dahlak mưtal tanut raxa, min piêh dei ai hu mưda ngak dôm kabha njaup, kanê khol dahlak hu mưda gok mong yau ôh mưtal tanut raxa. 8Kaywa khol dahlak ôh mưda ngak kabha haget pagan gađi thong tantu min ciêt ligeh tui tantu. 9Khol dahlak bui ôn kaywa tuk khol dahlak kre, dei ai jang kati katang. Kabha khol dahlak likau kanư, nạn dei ai mưtal tal gruk tamo tamê. 10Yau nan, tuk dađaup ƀok, dahlak vak kabha ni piêh tuk hu ƀok, dahlak klah di angui tha ganap thur aco gon Pô Lingik krung hu ƀai brei ka dahlak, nạn aco gon piêh darap mih ôh njaup piêh yah jalơh.
11Taluic, pathau dei ai, xang bui ôn nao, xang ran mưtal tal gruk tamo tamê, xang paxơh gaup, xang tha mat ar, dok dang yak yum, yơ Pô Lingik mưca ƀai tiak anit ranam thong thug siam mưca dok thubik thong dei ai. 12Xang xalam gaup yau dei ai dalam Pô. Abih xêh nưbi xalam dei ai. 13Halar likau karun hanim Pô nạn Pô Yê-su Krist, tiak anit ranam Pô Lingik, thong gruk atadha anưd Pô Nưbi Ginrơh dok thong abih dei ai!
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.