II Kô-rir-tô 12
12
Gruk pơh catôi ka Phao-lô
1Dahlak xang mưyeh mưyom, kanê ôh hu hanim haget, min mưca dahlak đôm tal dôm catôi thong pơh catôi anưd Pô. 2Dahlak thau tha urang dalam Dê Krist, hađoh sani tha pluh pāk thun, krung bihu ba tagôk tal pakat lingik ya klau (ngan dalam rup pabhap, ngan lingiu rup pabhap mưnuix, dahlak ôh thau, hu Pô Lingik thau). 3Dahlak thau urang nan (ngan dalam rup pabhap, ngan lingiu rup pabhap urang nan, dahlak ôh thau, hu Pô Lingik thau) 4bihu ba tagôk libik Pa-ra-đi; tak nan, urang nan bihu pang dôm kabha ôh mưda đôm tabiak, thong lijang ôh thei bihu idin đôm tabiak.
Phao-lô mưyeh mưyom ka dôm kre drei
5Ka mưnuix nan, mưca dahlak mưyeh mưyom; min ka êng drei yơ dahlak ôh mưyeh mưyom, ciêt mưyeh mưyom ka dôm kre dahlak min. 6Kanê dahlak ưng mưyeh mưyom nao vơk yơ dahlak lijang ôh njaup nạn ra hanrôi taba, kaywa dahlak đôm gruk jat. Min dahlak êng khik takai ôh ngak kabha nan, piêh ôh thei xanưng siam ka dahlak hơl dôm haget khol nhu ƀôh dalam dahlak thong pang pak dahlak. 7Piêh khik dahlak klah di ganan ka dôm pơh catôi langka ni, tha kleh tahla krung hu drôk tamư rilo darah dahlak; tha kaphwari anưd Sa-tan krung hu tong dahlak piêh dahlak jôi ganan. 8Krung hu klau ƀang dahlak lang kar likau di Pô brei ka nhu niga atah di dahlak. 9Min Pô bican: “Karun hanim Ita tal bih ka hư, kaywa ritdhi#12:9 ritdhi: Dalam tha thanôn blah vak tangin nạn ritdhi Ita. gilaic hajiơng tamo tamê dalam gruk kre.” Kaywa nạn dahlak biak bui ôn mưyeh mưyom ka dôm kre dahlak, piêh ka ritdhi Dê Krist mưdok dalam dahlak. 10Nan yơ, kaywa di Dê Krist, dahlak bui ciup gruk kre, jhơk jhel, hal val, gơk tatơk, kathrưg. Kaywa tuk dahlak kre êng nạn tuk dahlak kati katang.
Gruk angat anưd Phao-lô
11Dahlak nạn ra hanrôi taba! Dei ai krung hu tatơk dahlak xang ngak yau nan. Biak nao dei ai xang mưyom dahlak; kaywa yau nan min ôh nạn haget, dahlak lijang ôh alah nje haget dôm Xêh Pachai xak tajai dêh ô. 12Dôm habang anưd tha Xêh Pachai krung bihu pahưn tabiak di krưh dei ai bloh: halei nạn gruk dadôn, halei nạn dôm nưm crih, dôm thunau ginrơh, thong dôm bruk gon xagta. 13Kaywa, lingiu bruk êng dahlak ôh ngak mưduh tal dei ai yơ dei ai hu alah nje haget dôm Nhom Nưbi pakan? Likau ampun ka dahlak ka gruk u kahanôt ni!
14Sani nạn ƀang ya klau dahlak thudia mưrai ravang dei ai; mưca dahlak lijang ôh ngak mưduh tal dei ai ô, kaywa dahlak ôh pachang dwah drap ar dei ai min nạn pachang dwah êng dei ai. Biak rei, ôh njaup anưk bik xang patak patom drap ar ka amek amư, min amek amư patom patak ka anưk bik. 15Dahlak biak bui bihu hao karang jiên padai, hao karang prưn kaywa thap xwan dei ai. Mưyah dahlak anit ranam dei ai bik ralô, gađi halei dei ai gilaic anit ranam dahlak bik takik habar? 16Êng dahlak ô ka bhian ngak mưduh tal dei ai, min kưk brei laic dahlak nạn mưnuix lam lai, krung hu angui varơic bloh pah mưk dei ai. 17Yau nan yơ dahlak hu angui tha urang halei dalam thanôn dôm urang dahlak hu pađar mưrai tom dei ai piêh pagat dei ai lei? 18Dahlak krung hu pajiak Tit nao, thong papôk tha dei ai nao thubik thong xaai nan. Tit hu pagat dei ai lei? Ôh njaup khol dahlak gam yam nao dalam thubik tha mưnơix thong thubik tui tha jalan ƀāk nan ô?
19Mưng tamưrơp, dei ai krung hu xanưng laic khol dahlak payah padah ka drei di anak dei ai. Pathau dei ai uranam, nan nạn di anak Pô Lingik thong dalam Dê Krist bloh khol dahlak đôm, abih ciêt piêh darap dei ai. 20Kaywa dahlak kađa laic tuk dahlak mưrai ƀôh dei ai ôh yau dahlak mong akok, dok dei ai lijang ƀôh khol dahlak ôh yau dei ai cong takrư. Dahlak hôic laic krưh dei ai jang hu gruk kamlah cah, jhak hatai, hanoh dangih, ganik tian, đôm jhak, đôm paranah, paki pakang, takaplung. 21Dahlak hôic laic, ƀang hadei mưrai tom dei ai, mưca Pô Lingik ngak ka dahlak glơh ƀok kaywa dei ai, thong dahlak xang hia patak parai ka ralô urang dahlau dêh krung hu tanrok glaic bloh jang ôh ciup tumal ka dôm bruk haruk haram, payar, ƀang mưin khol nhu krung hu tanrok.
လက္ရွိေရြးခ်ယ္ထားမွု
II Kô-rir-tô 12: CJM2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.
II Kô-rir-tô 12
12
Gruk pơh catôi ka Phao-lô
1Dahlak xang mưyeh mưyom, kanê ôh hu hanim haget, min mưca dahlak đôm tal dôm catôi thong pơh catôi anưd Pô. 2Dahlak thau tha urang dalam Dê Krist, hađoh sani tha pluh pāk thun, krung bihu ba tagôk tal pakat lingik ya klau (ngan dalam rup pabhap, ngan lingiu rup pabhap mưnuix, dahlak ôh thau, hu Pô Lingik thau). 3Dahlak thau urang nan (ngan dalam rup pabhap, ngan lingiu rup pabhap urang nan, dahlak ôh thau, hu Pô Lingik thau) 4bihu ba tagôk libik Pa-ra-đi; tak nan, urang nan bihu pang dôm kabha ôh mưda đôm tabiak, thong lijang ôh thei bihu idin đôm tabiak.
Phao-lô mưyeh mưyom ka dôm kre drei
5Ka mưnuix nan, mưca dahlak mưyeh mưyom; min ka êng drei yơ dahlak ôh mưyeh mưyom, ciêt mưyeh mưyom ka dôm kre dahlak min. 6Kanê dahlak ưng mưyeh mưyom nao vơk yơ dahlak lijang ôh njaup nạn ra hanrôi taba, kaywa dahlak đôm gruk jat. Min dahlak êng khik takai ôh ngak kabha nan, piêh ôh thei xanưng siam ka dahlak hơl dôm haget khol nhu ƀôh dalam dahlak thong pang pak dahlak. 7Piêh khik dahlak klah di ganan ka dôm pơh catôi langka ni, tha kleh tahla krung hu drôk tamư rilo darah dahlak; tha kaphwari anưd Sa-tan krung hu tong dahlak piêh dahlak jôi ganan. 8Krung hu klau ƀang dahlak lang kar likau di Pô brei ka nhu niga atah di dahlak. 9Min Pô bican: “Karun hanim Ita tal bih ka hư, kaywa ritdhi#12:9 ritdhi: Dalam tha thanôn blah vak tangin nạn ritdhi Ita. gilaic hajiơng tamo tamê dalam gruk kre.” Kaywa nạn dahlak biak bui ôn mưyeh mưyom ka dôm kre dahlak, piêh ka ritdhi Dê Krist mưdok dalam dahlak. 10Nan yơ, kaywa di Dê Krist, dahlak bui ciup gruk kre, jhơk jhel, hal val, gơk tatơk, kathrưg. Kaywa tuk dahlak kre êng nạn tuk dahlak kati katang.
Gruk angat anưd Phao-lô
11Dahlak nạn ra hanrôi taba! Dei ai krung hu tatơk dahlak xang ngak yau nan. Biak nao dei ai xang mưyom dahlak; kaywa yau nan min ôh nạn haget, dahlak lijang ôh alah nje haget dôm Xêh Pachai xak tajai dêh ô. 12Dôm habang anưd tha Xêh Pachai krung bihu pahưn tabiak di krưh dei ai bloh: halei nạn gruk dadôn, halei nạn dôm nưm crih, dôm thunau ginrơh, thong dôm bruk gon xagta. 13Kaywa, lingiu bruk êng dahlak ôh ngak mưduh tal dei ai yơ dei ai hu alah nje haget dôm Nhom Nưbi pakan? Likau ampun ka dahlak ka gruk u kahanôt ni!
14Sani nạn ƀang ya klau dahlak thudia mưrai ravang dei ai; mưca dahlak lijang ôh ngak mưduh tal dei ai ô, kaywa dahlak ôh pachang dwah drap ar dei ai min nạn pachang dwah êng dei ai. Biak rei, ôh njaup anưk bik xang patak patom drap ar ka amek amư, min amek amư patom patak ka anưk bik. 15Dahlak biak bui bihu hao karang jiên padai, hao karang prưn kaywa thap xwan dei ai. Mưyah dahlak anit ranam dei ai bik ralô, gađi halei dei ai gilaic anit ranam dahlak bik takik habar? 16Êng dahlak ô ka bhian ngak mưduh tal dei ai, min kưk brei laic dahlak nạn mưnuix lam lai, krung hu angui varơic bloh pah mưk dei ai. 17Yau nan yơ dahlak hu angui tha urang halei dalam thanôn dôm urang dahlak hu pađar mưrai tom dei ai piêh pagat dei ai lei? 18Dahlak krung hu pajiak Tit nao, thong papôk tha dei ai nao thubik thong xaai nan. Tit hu pagat dei ai lei? Ôh njaup khol dahlak gam yam nao dalam thubik tha mưnơix thong thubik tui tha jalan ƀāk nan ô?
19Mưng tamưrơp, dei ai krung hu xanưng laic khol dahlak payah padah ka drei di anak dei ai. Pathau dei ai uranam, nan nạn di anak Pô Lingik thong dalam Dê Krist bloh khol dahlak đôm, abih ciêt piêh darap dei ai. 20Kaywa dahlak kađa laic tuk dahlak mưrai ƀôh dei ai ôh yau dahlak mong akok, dok dei ai lijang ƀôh khol dahlak ôh yau dei ai cong takrư. Dahlak hôic laic krưh dei ai jang hu gruk kamlah cah, jhak hatai, hanoh dangih, ganik tian, đôm jhak, đôm paranah, paki pakang, takaplung. 21Dahlak hôic laic, ƀang hadei mưrai tom dei ai, mưca Pô Lingik ngak ka dahlak glơh ƀok kaywa dei ai, thong dahlak xang hia patak parai ka ralô urang dahlau dêh krung hu tanrok glaic bloh jang ôh ciup tumal ka dôm bruk haruk haram, payar, ƀang mưin khol nhu krung hu tanrok.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.