I Kô-rir-tô 2
2
Ganap thong kaxat lang pato anưd Phao-lô
1Pathau dei ai, tuk mưrai tom dei ai, dahlak ôh angui dôm panôic glong di glong ngan jag karag piêh pablo gruk palih kabal Pô Lingik#2:1 gruk palih kabal Pô Lingik: Dalam tha thanôn blah vak tangin nạn kaxan ka Pô Lingik. ka dei ai. 2Kaywa dok krưh dei ai, dahlak krung hu mư irat ôh thau haget pakan, tôk tha drei Pô Yê-su Krist, thong Pô Yê-su Krist gok pang đin ngok gai gan gak. 3#Bruk 18:9.Êng dahlak krung hu dok thong dei ai dalam gruk kre, thong ralô thur mưk thong yuh yuh. 4Panôic đôm thong anga dahlak ôh giƀak tamư dôm panôic kadha jag ghơh piêh pahalar, min êng nạn gruk pahưn gon xagta Pô Nưbi Ginrơh, 5piêh sagar dei ai ôh giƀak dalam gruk jag karag anưd mưrôxak, min ngok gon xagta Pô Lingik.
Pô Nưbi Ginrơh sahadah gruk jag karag Pô Lingik
6Yau nan min, jom thong dôm urang prong, khol dahlak lijang rao lang gruk jag karag, min ôh njaup gruk jag karag di rai ni, ngan ka dôm kar pan akok rai ni, nạn dôm urang mưca xang tapa nao. 7Min khol dahlak rao lang ka gruk jag karag, palih kabal thong padaup dađaup dalam Pô Lingik, kabha krung bihu Pô Lingik jarô thudia mưng dahlau dôm vagtu ka gruk xêh mưlang khol drei. 8Ôh hu kar pan akok halei anưd vagtu ni thau bihu kabha nan, kaywa mưyah thau, khol nhu krung hu ôh pang đin Pô xêh mưlang di gai gan gak. 9Min, yau kabha krung hu vak:
“Dôm haget mưta ô ka ƀôh, tangi ô ka hamit,
Thong tian ô ka xanưng tal
Yơ Pô Lingik krung hu piêh thudia ka dôm urang anit ranam Bhô.”
10Min#2:10 Min: Dalam tha thanôn blah vak tangin nạn Kaywa. Pô Lingik krung hu sahadah dôm kabha ni ka khol drei tapa Pô Nưbi Ginrơh. Kaywa Pô Nưbi Ginrơh thau haluh abih gruk, bahkan dôm kabha mưdalam anưd Pô Lingik. 11Thei thau bihu thangka mưnuix, mưyah ôh njaup nạn mat xwan dok dalam êng urang nan ô? Lijang yau nan, ôh thei hu mưda thau thangka Pô Lingik, ciêt hu Nưbi Ginrơh Pô Lingik thau. 12Min, khol drei ôh tôk mưk yang anưd dunya min nạn Pô Nưbi Ginrơh mưng Pô Lingik, piêh hu mưda thau bihu dôm karun bloh Pô Lingik ƀai brei ka khol drei. 13Khol dahlak tathit kabha ni, ôh nhơ di ralô panôic kadha baic tanhi bihu pak gruk jag karag anưd mưrôxak, min nhơ di gruk lang pato mưng Pô Nưbi Ginrơh, yah padah dôm tantu bha nưbi ginrơh ka dôm urang hu Pô Nưbi Ginrơh.#2:13 yah padah dôm tantu bha nưbi ginrơh ka dôm urang hu Pô Nưbi Ginrơh: Ngan nạn yah padah dôm tantu bha nưbi ginrơh nhơ di dôm boh panôic ywa Pô Nưbi Ginrơh. 14Mưnuix rilo darah ôh tôk bihu dôm kabha mưng Pô Nưbi Ginrơh, kaywa urang nan mong dôm kabha ni nạn hanrôi taba thong ôh mưda dul bihu, kaywa xang bihu bican iơk ganap bha nưbi ginrơh. 15Min, mưnuix hu Pô Nưbi Ginrơh yơ bican iơk abih gruk, dok urang nan êng yơ ôh gok thei bican iơk.
16“Kaywa thei krung hu thau bihu mat ar Pô,
Piêh lang pato Bhô?”
Min khol drei hu mat ar Dê Krist.
လက္ရွိေရြးခ်ယ္ထားမွု
I Kô-rir-tô 2: CJM2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.