انجیلِ مَرقُس 11
11
عیسی شاهانَه ایا مِنِه اورشلیم
1وختی رَسییِن وَ دهاتِ بِیت‌فاجی وِ بِیت‌عَنیا که نِزِنگِ اورشلیم پِی کُو زیتون بی، عیسی دِتا وَ شاگردَلِشَه بِسی کِه 2وُ وَشون فرمایش کِه: «بِرِیت وَ دهاتی که دَمِ ریتونِه. هَمیِکِه رَتیت مِنِه دهات، کِرَه خَری نَه بَسَه ایجوریت که تا ایسِه کسی سُوارِش نَوابی‌یِه. وِه نَه واز کِنیت وِ بیاریتِش. 3اَر کسی وَتون پُرسی: "سیچه ای کارَ ایکِنیت؟" بِگِیت: "خداوند وِه نَه لازم دارِه وِ زی اییَرگَردَنِش واپَس."» 4او دِتا شاگِرد رَتِن وَدَر، مِنِه کوچه‌ای کِرَه خَرَ جُسِن که دَمِ دری بَسَه وابی‌یَه بی. پَ وازِش کِردِن. 5مِنِه هَمو موقَع، یِه‌پاره‌ای وَ کَسَلی که وُچِه وِیسایَه بییِن پُرسییِن: «سیچِه کِرَه خَرَ واز ایکِنیت؟» 6او دِتا شاگِرد هَموطو که عیسی وَشون فرمایش کِردَه بی، جواب دان؛ پَ لِشتِن بویَرِنِش. 7اوسِه کِرَه خَرَ آوُردِن طی عیسی، قَبایَلِشونَه بِسِن وَ ریش، وِ عیسی سُوار وابی. 8خیلی وَ مردم هَم قَبایَلِشونَه پَن کِردِن وَ سَرِ رَه وِ عِدِه‌ای هَم کِلغِه‌یَلی نَه که مِنِه زَمینَل بِرییَه بییِن، پَن ایکِردِن مِنِه رَه. 9کَسَلی که نِهِی عیسی ایرَتِن وِ اونگَل که وَ دینِ عیسی اییومَن، قیرَه ایزَن، ایگُتِن:
«نجات بییِه!
مبارکِه وِه که وَ نومِ خداوند ایایِه!»
10«مبارکِه پادشاییِ بُو ایما داوود که وَ رَه ایرَسِه!»
«نجات بییِه مِنِه عرشِ بَرین!»
11پَ عیسی اومَه وَ اورشلیم وِ رَت مِنِه معبد. وُچِه هَمَه چی نَه مِلاظَه کِه، امّا سی‌یِکِه دیر وخت بی، بِی او دُوازَه نفر رَت وَ بِیت‌عَنیا.
عیسی دارِ انجیرَ نُرفین ایکِنِه
12صَباش، موقِی که وَ بیت‌عنیا ایرَتِن وَدَر، عیسی گُسنَش وابی. 13وَ دیر دارِ انجیری دی که بَلگ داشت، پَ رَت نَهاتَر تا بینِه ایتَرِه دَمِش میوه بِجورِه وا نَه. وختی نِزِنگ وابی، غیرَ بَلگ چیئی دَمِش نَجُس، سی‌یِکِه هَنی مُوسِمِ انجیر نَبی. 14پَ وَ دارِ انجیر گُت: «وَ یِه واپَس دَ وَتَه کسی وَت میوَه نیخَرِه!» شاگردَلِش یِنَه اِشنُفتِن.
15وختی رَسییِن وَ اورشلیم، عیسی رَت مِنِه صحنِ معبد وِ اونگَلی نَه که وُچِه معامِلَه ایکِردِن، کِردِشون وَدَر. وِّ میزَلِ صرّافَل وِ بَساطِ کَموتَر فروشَلَه زیرِری کِه 16وِ اجازَه نَدا کسی سی جاوَجا کِردَنِ جنس وَ مابینِ صحنِ معبد رَد وابو. 17اوسِه وَشون تعلیم دا وِ گُت: «مَه مِنِه کتابَلِ پیغَمبَرَل نِوشتَه نَوابی‌یِه که،
«"حونِی مِ حونِی دعا سی تَمومِ مِلَتَل خوندَه ایابو"؟
امّا ایشا وِه نَه "کِرِ رازَنَل" کِردیتِه.»
18کاهنلِ گَپو وِ معلملِ تورات وختی یِنَه اِشنُفتِن، وَ دینِ رَیی سی کُشتَنِ وِّ بییِن، سی‌یِکِه زَلَشون وَش ایرَت، سی‌یِکِه تَمومِ مردم وَ تعلیمَلِ وِّ مِنِه حیرت بییِن. 19تَنگِ پَسین، عیسی وِ شاگردل وَ شهر رَتِن وَدَر.
خشک وابی‌یَنِ دار انجیر
20گَکون، مِنِه رَه، دارِ انجیرَ دییِن که وَ بُن خشک وابی‌یَه بی. 21پطرس وَ حوشِش اومَه وُ وَ عیسی گُت: «استاد، سِی کُ! دار انجیری که نُرفین کِردی خشک وابی‌یِه.» 22عیسی جواب دا: «وَ خدا ایمون داشتَه بِیت. 23وَراسی، وَ ایشا ایگُم، اَر کسی وَ ای کُو بِگُ، "وَ جا کَندَه وابو، وَ دریا وِردایَه وابو، "وِ مِنِه دِلِش شک نَکِنِه بلکم ایمون داشتَه بو که اوچیئی که ایگُ ایابو، سیش اَنجوم ایابو. 24پَ وَ ایشا ایگُم، هر چیئی که مِنِه دعا درخواس کِنیت وِ ایمون داشتَه بِیت که وِه نَه جُسیتِه، وِه این ایشا ایابو.
25«پَ هر وخت ایوِیسیت وَ دعا، اَر نِسوَت وَ کسی چیئی وَ دل داریت، وِّ نَه بُویَخشیت تا بُو ایشا هَم که مِنِه آسمونِه، خطایَلِ ایشا نَه بُویَخشِه. 26[امّا اَر ایشا نَبَخشیت، بُو ایشا هَم که مِنِه آسمونِه، خطایَلِتونَه نیبَخشِه.]»
سؤال درموردِ اقتدارِ عیسی
27اونگَل یِه دَف‌دَه اومَن وَ اورشلیم. موقِی که عیسی مِنِه معبد قَیَم ایزَه، کاهنلِ گَپو وِ معلملِ تورات وِ شیخَلِ یهود اومَن طِیش، 28پُرسییِن: «وَ چه اقتداری ای کارَلَه ایکِنی؟ اقتدارِ اَنجوم دایَنِ ای کارَلَه کی وَ تِ دایِه؟» 29عیسی مِنِه جواب گُت: «مِ هَم سئوالی وَتون دارُم. جوابِمَه بِئیت تا مِ هَم وَتون بِگُم وَ چه اقتداری ای کارَلَه ایکِنُم. 30تعمید یحیی وَ جانبِ خدا بی یا وَ جانبِ انسان؟ جواب بِئیت.» 31اونگَل بِی یَک شُور کِردِن، گُتِن: «اَر بِگِیم، "وَ جانبِ خدا بی"، ایگُ، "پَ سیچه وَش ایمون ناوُردیت؟" 32اَر بِگِیم، "وَ جانبِ انسان بی"....» - وَ مردم زَلَشون ایرَت، سی‌یِکِه تَمومِ مردم یحیی نَه یِه پیغمبر دونِسِن. 33پَ وَ عیسی جواب دان: «نُونیم.» عیسی گُت: «مِ هَم وَتون نیگُم بِی چه اقتداری ای کارَلَه ایکِنُم.»
လက္ရွိေရြးခ်ယ္ထားမွု
انجیلِ مَرقُس 11: SLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
انجیلِ مَرقُس 11
11
عیسی شاهانَه ایا مِنِه اورشلیم
1وختی رَسییِن وَ دهاتِ بِیت‌فاجی وِ بِیت‌عَنیا که نِزِنگِ اورشلیم پِی کُو زیتون بی، عیسی دِتا وَ شاگردَلِشَه بِسی کِه 2وُ وَشون فرمایش کِه: «بِرِیت وَ دهاتی که دَمِ ریتونِه. هَمیِکِه رَتیت مِنِه دهات، کِرَه خَری نَه بَسَه ایجوریت که تا ایسِه کسی سُوارِش نَوابی‌یِه. وِه نَه واز کِنیت وِ بیاریتِش. 3اَر کسی وَتون پُرسی: "سیچه ای کارَ ایکِنیت؟" بِگِیت: "خداوند وِه نَه لازم دارِه وِ زی اییَرگَردَنِش واپَس."» 4او دِتا شاگِرد رَتِن وَدَر، مِنِه کوچه‌ای کِرَه خَرَ جُسِن که دَمِ دری بَسَه وابی‌یَه بی. پَ وازِش کِردِن. 5مِنِه هَمو موقَع، یِه‌پاره‌ای وَ کَسَلی که وُچِه وِیسایَه بییِن پُرسییِن: «سیچِه کِرَه خَرَ واز ایکِنیت؟» 6او دِتا شاگِرد هَموطو که عیسی وَشون فرمایش کِردَه بی، جواب دان؛ پَ لِشتِن بویَرِنِش. 7اوسِه کِرَه خَرَ آوُردِن طی عیسی، قَبایَلِشونَه بِسِن وَ ریش، وِ عیسی سُوار وابی. 8خیلی وَ مردم هَم قَبایَلِشونَه پَن کِردِن وَ سَرِ رَه وِ عِدِه‌ای هَم کِلغِه‌یَلی نَه که مِنِه زَمینَل بِرییَه بییِن، پَن ایکِردِن مِنِه رَه. 9کَسَلی که نِهِی عیسی ایرَتِن وِ اونگَل که وَ دینِ عیسی اییومَن، قیرَه ایزَن، ایگُتِن:
«نجات بییِه!
مبارکِه وِه که وَ نومِ خداوند ایایِه!»
10«مبارکِه پادشاییِ بُو ایما داوود که وَ رَه ایرَسِه!»
«نجات بییِه مِنِه عرشِ بَرین!»
11پَ عیسی اومَه وَ اورشلیم وِ رَت مِنِه معبد. وُچِه هَمَه چی نَه مِلاظَه کِه، امّا سی‌یِکِه دیر وخت بی، بِی او دُوازَه نفر رَت وَ بِیت‌عَنیا.
عیسی دارِ انجیرَ نُرفین ایکِنِه
12صَباش، موقِی که وَ بیت‌عنیا ایرَتِن وَدَر، عیسی گُسنَش وابی. 13وَ دیر دارِ انجیری دی که بَلگ داشت، پَ رَت نَهاتَر تا بینِه ایتَرِه دَمِش میوه بِجورِه وا نَه. وختی نِزِنگ وابی، غیرَ بَلگ چیئی دَمِش نَجُس، سی‌یِکِه هَنی مُوسِمِ انجیر نَبی. 14پَ وَ دارِ انجیر گُت: «وَ یِه واپَس دَ وَتَه کسی وَت میوَه نیخَرِه!» شاگردَلِش یِنَه اِشنُفتِن.
15وختی رَسییِن وَ اورشلیم، عیسی رَت مِنِه صحنِ معبد وِ اونگَلی نَه که وُچِه معامِلَه ایکِردِن، کِردِشون وَدَر. وِّ میزَلِ صرّافَل وِ بَساطِ کَموتَر فروشَلَه زیرِری کِه 16وِ اجازَه نَدا کسی سی جاوَجا کِردَنِ جنس وَ مابینِ صحنِ معبد رَد وابو. 17اوسِه وَشون تعلیم دا وِ گُت: «مَه مِنِه کتابَلِ پیغَمبَرَل نِوشتَه نَوابی‌یِه که،
«"حونِی مِ حونِی دعا سی تَمومِ مِلَتَل خوندَه ایابو"؟
امّا ایشا وِه نَه "کِرِ رازَنَل" کِردیتِه.»
18کاهنلِ گَپو وِ معلملِ تورات وختی یِنَه اِشنُفتِن، وَ دینِ رَیی سی کُشتَنِ وِّ بییِن، سی‌یِکِه زَلَشون وَش ایرَت، سی‌یِکِه تَمومِ مردم وَ تعلیمَلِ وِّ مِنِه حیرت بییِن. 19تَنگِ پَسین، عیسی وِ شاگردل وَ شهر رَتِن وَدَر.
خشک وابی‌یَنِ دار انجیر
20گَکون، مِنِه رَه، دارِ انجیرَ دییِن که وَ بُن خشک وابی‌یَه بی. 21پطرس وَ حوشِش اومَه وُ وَ عیسی گُت: «استاد، سِی کُ! دار انجیری که نُرفین کِردی خشک وابی‌یِه.» 22عیسی جواب دا: «وَ خدا ایمون داشتَه بِیت. 23وَراسی، وَ ایشا ایگُم، اَر کسی وَ ای کُو بِگُ، "وَ جا کَندَه وابو، وَ دریا وِردایَه وابو، "وِ مِنِه دِلِش شک نَکِنِه بلکم ایمون داشتَه بو که اوچیئی که ایگُ ایابو، سیش اَنجوم ایابو. 24پَ وَ ایشا ایگُم، هر چیئی که مِنِه دعا درخواس کِنیت وِ ایمون داشتَه بِیت که وِه نَه جُسیتِه، وِه این ایشا ایابو.
25«پَ هر وخت ایوِیسیت وَ دعا، اَر نِسوَت وَ کسی چیئی وَ دل داریت، وِّ نَه بُویَخشیت تا بُو ایشا هَم که مِنِه آسمونِه، خطایَلِ ایشا نَه بُویَخشِه. 26[امّا اَر ایشا نَبَخشیت، بُو ایشا هَم که مِنِه آسمونِه، خطایَلِتونَه نیبَخشِه.]»
سؤال درموردِ اقتدارِ عیسی
27اونگَل یِه دَف‌دَه اومَن وَ اورشلیم. موقِی که عیسی مِنِه معبد قَیَم ایزَه، کاهنلِ گَپو وِ معلملِ تورات وِ شیخَلِ یهود اومَن طِیش، 28پُرسییِن: «وَ چه اقتداری ای کارَلَه ایکِنی؟ اقتدارِ اَنجوم دایَنِ ای کارَلَه کی وَ تِ دایِه؟» 29عیسی مِنِه جواب گُت: «مِ هَم سئوالی وَتون دارُم. جوابِمَه بِئیت تا مِ هَم وَتون بِگُم وَ چه اقتداری ای کارَلَه ایکِنُم. 30تعمید یحیی وَ جانبِ خدا بی یا وَ جانبِ انسان؟ جواب بِئیت.» 31اونگَل بِی یَک شُور کِردِن، گُتِن: «اَر بِگِیم، "وَ جانبِ خدا بی"، ایگُ، "پَ سیچه وَش ایمون ناوُردیت؟" 32اَر بِگِیم، "وَ جانبِ انسان بی"....» - وَ مردم زَلَشون ایرَت، سی‌یِکِه تَمومِ مردم یحیی نَه یِه پیغمبر دونِسِن. 33پَ وَ عیسی جواب دان: «نُونیم.» عیسی گُت: «مِ هَم وَتون نیگُم بِی چه اقتداری ای کارَلَه ایکِنُم.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company