انجیلِ لوقا 2
2
وَ دنیا اومَیَنِ عیسی مسیح
1مِنِه او روزَل، آگوستوس، امپراتور روم دستوری دا تا تَمومِ مردِمونِ دیارَلی که زِرِ سُلطۀ حکومتِ روم بییِن سرشِماری وابون. 2یِه اَوَلین سرشِماری بی، وِ مِنِه زمونِ کورینیوسِ فَرمُندار، مِنِه سوریَه اَنجوم ایابی. 3پَ هَرکه سی نوم‌نویسی رُونِی شهر خِش وابی. 4یوسُف هَم وَ شهرِ ناصِرَه مِنِه وِلاتِ جلیل، رَت وَ طرفِ بیت لَحم مِنِه وِلات یهودیَه که شهرِ داوودِ پادشاه بی. سی‌یِکِه وَ نسل وِ خاندان داوود بی. 5وِّ رَت وُچو تا بِی نومزاش مریم که زیمونِش نِزِنگ بی، نوم‌نویسی کِنِن. 6موقِی که وُچِه بییِن وختِ زِیمونِ مریم رَسی 7وِّ اَوَلین بَچَه‌شَه که کُر بی وَ دنیا آوُرد. وِّ نَه پیچَنا مِنِه قنداقی وِ خُونا مِنِه آخوری، سی‌یِکِه مِنِه مسافرحونَه جِیئی سیشون نَبی.
چِپونَل وِ فِرِشتِه‌یَل
8مِنِه او منطَقَه، چِپونَلی بییِن که مِنِه صحرا وَ سَر ایبُردِن وِ موقِی شو ناتوریِ گَلِه‌یَلِشونَه ایکِردِن. 9یِه دَفَه فرشته‌ای وَ طرفِ خداوند وَشون ظاهر وابی وِ نور جلال خداوند دورتادورِشونَه روشن کِه. چِپونَل زَلَه‌تَرَک وابی‌یِن، 10امّا فرشته وَشون گُت: «زَلَتون نَرَه، سی‌یِکِه ایسِه مُشتِلِقی سیتون دارُم، خَوری مَهلی خَش سی تَمومِ قومَل: 11اُمرو مِنِه شهر داوود نجات دَهنده‌ای سیتون وَ دنیا اومَه. وِّ خداوند، مسیح یَه. 12نِشونَش سی ایشا یِنِه که بَچَه‌ای نَه ایجوریت که مِنِه قنداقی پیچِسه وِ مِنِه آخوری خوسییِه.» 13یِه دَفَه دَسۀ گَپویی وَ لَشکَرَلِ آسمونی ظاهر وابی‌یِن وِ بِی او فرشته، مِنِه ستایِش خدا ایگُتِن:
14«جلال وَ خدا مِنِه عرشِ بَرین،
وِ صلح‌وُسلامتی وَ مَردِمونی که ری زمین، خدا وَشون راضی یَه.»
15وختی فرشتِه‌یَل وَ طِیشون رَتِن وَ آسمون، چِپونل وَ یَک گُتِن: «بی‌یِیت تا بِریم وَ بیت‌لحم وِ اوچیئی نَه که اتّفاق اُفتایِه وِ خداوند، ایما نَه وَش آگا کِرده بِوینیم.» 16پَ زی رَتِن وِ مریم وِ یوسف وِ طفلِ خوسییَه مِنِه آخورَ جُسِن. 17هَمیِکِه طِفلَه دییِن، گَپَلی نَه که درموردِش وَشون گُتَه وابی‌یَه بی، اعلام کردن. 18هرکه گَپَلِ چِپونَلَه ایشنُفت، حیرت‌زَیَه ایابی. 19امّا مریم، تَمومِ ای چییَلَه مِنِه دِلِش نِگَه ایکِه وِ طی خِشی وَشون فکر ایکِه. 20پَ چِپونَل وَرگَشتِن مِنه حالی که خدا نَه وَ خاطرِ تَمومِ اوچییَلی که اِشنُفتَه بییِن وِ دییَه بییِن حَمد وِ ستایش ایکِردِن، هموطو که وَشون گُتَه وابی‌یَه بی.
21مِنِه روز هشتم، موقی که وختِ ختنۀ بَچَه وابی، نومِشَه نَهان عیسی. یِه همو نومی بی که فرشتَه نِهِی یِکه وِّ مِنِه کِمِ مریم قرار بِگِره نهایَه بی سَرش.
22وختی زمونِ وِه رَسی که رسمِ طهارتِشونَه طبقِ شریعت موسی اَنجوم بییِن، یوسف وِ مریم، عیسی نَه بُردِن وَ اورشلیم تا وِّ نَه تقدیم کِنِن وَ خداوند، 23هَموطو که مِنِه توراتِ خداوند نِوشتَه وابی‌یِه: «اَوَلین ذکوری که وَ دنیا بیا، چه بچۀ آیَم بو وِ چه بچۀ حِیون، وَقفِ خداوند ایابو.» 24وِ هم، تا قربونی تقدیم کِنِن، طبقِ اوچیئی که مِنِه توراتِ خداوند اومَیِه، یعنی «یِه جفت قمری یا دِتا جیجَه کموتر»
25مِنِه او زمون، مِردی صالح وِ دیندار مِنِه اورشلیم زندِیی ایکِه که نومش شمعون بی وِ بَندیرِ تسلیِ اسرائیل بی. روح‌القدس وَ شمعون قرار داشت. 26روح‌القدس وَش آشکار کِردَه بی که تا مسیحِ خداوَندَ نبینه، نیمیرِه. 27پَ شمعون بِی هدایت روحِ خدا رَت مِنِه صحنِ معبدِ خداوند، وِ وختی دِی‌بُوعیسی، بَچَه نَه آوُردِن تا رسمِ رِسومِ شریعتَه سیش وَجا بیارِن، 28شمعون بَچَه نَه گِرُت مِنِه بَغَلِش وِ مِنِه حالی که خدا نَه ستایِش ایکِه گُت:
29«ای خداوند، ایسِه بَنا وَ وَعدۀ خُوت،
خادِمِتَه وَ سلامت مرخص ایکِنی.
30سی‌یِکِه تییَلُم، نجاتِ تِنَه دییِه،
31نجاتی که دَم تییِی تَمومِ قومَل آمایَه کِردی‌یِی،
32نوری سی روشن کِردَن حقیقت وَ باقی قُومَل
وِ جلالی سی قومِت، قومِ اسرائیل.»
33دِی‌بُو عیسی وَ گَپَلی که درموردِش گُتَه وابی، حیرت کِردِن. 34اوسِه، شمعون اونگَلَه برکت دا وُ وَ مریم، دِی وِّ گُت: «قَرارِه که ای بَچَه باعثِ اُفتایَن وِ وَریسایَنِ خیلی‌یَل وَ قوم اسرائیل وابو، وِ نشونه‌ای بو که جلوش ایوِیسِن. 35وُ وَ ای ترتیب، فکرِ دلِ خیلی‌یَل آشکار ایابو. شُمشیری هم ایرَه مِنِه قلبِ تو.»
36وُچه زَنی زِندِیی ایکِه وَ نومِ حنّا، حنّا نَبی وِ دالو پیری بی، وِّ دویَرِ فَنوئیل وَ طِیفِی اَشیر بی. حنّا بعدَ هَف سال که شی کِردَه بی، میرَشَه وَ دَس دایَه بی 37وِ تا هشتادوچار ساله‌ئی بیوَه مُندَه بی. وِّ هیچ وَخت معبدَ وِل نیکِه، بَلکَم شو وِ رو، بی روزَه وِ دعا عبادت ایکِه. 38حنّا هم همو موقَع نِزِنگ وابی وِ خدا نَه شکر کِه وِ بِی تَمومیِ کَسَلی که بَندیرِ آزادیِ اورشلیم بییِن، درمورد عیسی گَپ زَه.
39وختی یوسف و مریم تَمومِ رسمِ رسومِ شریعت خداوَندَ کامل وَجا آوُردِن، وَرگَشتِن وَ شهرِ خِشون ناصِرَه، مِنِه وِلاتِ جلیل. 40ایسِه، او بَچَه رُشت ایکِه وِ قوی ایابی. وِّ پُر وَ حکمت بی وِ نظرِ خدا سَرِش بی.
عیسِی نوجَوون مِنِه معبد خداوند
41دِی‌بُو عیسی هر سال سی عید پسَح ایرَتِن وَ اورشلیم. 42وختی عیسی دُوازَه ساله وابی، وَ رسم عید رَتِن وَ اورشلیم. 43بَعدِ تموم وابی‌یَنِ مراسم عید، وختی مِنِه رَه وَرگَشتَن بییِن، عیسِیِ نوجوون وِیسا مِنِه اورشلیم. امّا دِی‌بُوش وَ ای کار خَوَر نَیاشتِن، 44سی‌یِکِه گَمون ایکِردِن مِنِه کارَوانِه، یه رو تموم، سفر کِردِن. آخِرِسَر شروع کِردِن وَ جُسَنِ عیسی مِلِی فامیلَل وِ آشنایَلِشون. 45وختی نَجُسِنِش، سی جوسَنِش وَرگَشتِن وَ اورشلیم. 46بعدَ سه رو، آخِرِسَر وِّ نَه مِنِه معبدِ خداوند جُسِن. مِلِی معلملِ دینی نِشَسَه بی وُ وَ گَپَلِشون گوش ایدا وُ وَشون سئوالَلی ایکِه. 47هرکه گَپَلِ وِّ نَه ایشنُفت، وَ فهمِش وِ جوابَلی که ایدا، حیرت ایکِه. 48وختی دِی‌بُوش وِّ نَه وَ وُچِه دییِن حیرت‌زَیَه وابی‌یِن. دیش وَش گُت: «کِرُو، سی چِه بِی ایما ای کارَ کِردی؟ مِ وِ بوت مَهلی پریشون وَ دینِت ایگَشتیم.» 49امّا عیسی وَشون گُت: «سیچِه مِنَه ایجُسیت؟ مَه نونِسیت که باید مِنِه حونِی بُوم بویُم؟» 50امّا اونگَل معنیِ ای گَپَه که وَشون گُت نَفَمِسِن. 51پَ بِی اونگَل اُفتا وَ رَه وِ اومَه وَ ناصرَه وِ گوش وَ فِرمونِ اونگَل بی. امّا دِیش تموم ای چییَلَه مِنِه دِلِش نِگَه ایکِه.
52وِ عیسی مِنِه قامت و حکمت، گَپو ایابی وِ طی خدا وِ مردم عزیزتَر ایابی.
လက္ရွိေရြးခ်ယ္ထားမွု
انجیلِ لوقا 2: SLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
انجیلِ لوقا 2
2
وَ دنیا اومَیَنِ عیسی مسیح
1مِنِه او روزَل، آگوستوس، امپراتور روم دستوری دا تا تَمومِ مردِمونِ دیارَلی که زِرِ سُلطۀ حکومتِ روم بییِن سرشِماری وابون. 2یِه اَوَلین سرشِماری بی، وِ مِنِه زمونِ کورینیوسِ فَرمُندار، مِنِه سوریَه اَنجوم ایابی. 3پَ هَرکه سی نوم‌نویسی رُونِی شهر خِش وابی. 4یوسُف هَم وَ شهرِ ناصِرَه مِنِه وِلاتِ جلیل، رَت وَ طرفِ بیت لَحم مِنِه وِلات یهودیَه که شهرِ داوودِ پادشاه بی. سی‌یِکِه وَ نسل وِ خاندان داوود بی. 5وِّ رَت وُچو تا بِی نومزاش مریم که زیمونِش نِزِنگ بی، نوم‌نویسی کِنِن. 6موقِی که وُچِه بییِن وختِ زِیمونِ مریم رَسی 7وِّ اَوَلین بَچَه‌شَه که کُر بی وَ دنیا آوُرد. وِّ نَه پیچَنا مِنِه قنداقی وِ خُونا مِنِه آخوری، سی‌یِکِه مِنِه مسافرحونَه جِیئی سیشون نَبی.
چِپونَل وِ فِرِشتِه‌یَل
8مِنِه او منطَقَه، چِپونَلی بییِن که مِنِه صحرا وَ سَر ایبُردِن وِ موقِی شو ناتوریِ گَلِه‌یَلِشونَه ایکِردِن. 9یِه دَفَه فرشته‌ای وَ طرفِ خداوند وَشون ظاهر وابی وِ نور جلال خداوند دورتادورِشونَه روشن کِه. چِپونَل زَلَه‌تَرَک وابی‌یِن، 10امّا فرشته وَشون گُت: «زَلَتون نَرَه، سی‌یِکِه ایسِه مُشتِلِقی سیتون دارُم، خَوری مَهلی خَش سی تَمومِ قومَل: 11اُمرو مِنِه شهر داوود نجات دَهنده‌ای سیتون وَ دنیا اومَه. وِّ خداوند، مسیح یَه. 12نِشونَش سی ایشا یِنِه که بَچَه‌ای نَه ایجوریت که مِنِه قنداقی پیچِسه وِ مِنِه آخوری خوسییِه.» 13یِه دَفَه دَسۀ گَپویی وَ لَشکَرَلِ آسمونی ظاهر وابی‌یِن وِ بِی او فرشته، مِنِه ستایِش خدا ایگُتِن:
14«جلال وَ خدا مِنِه عرشِ بَرین،
وِ صلح‌وُسلامتی وَ مَردِمونی که ری زمین، خدا وَشون راضی یَه.»
15وختی فرشتِه‌یَل وَ طِیشون رَتِن وَ آسمون، چِپونل وَ یَک گُتِن: «بی‌یِیت تا بِریم وَ بیت‌لحم وِ اوچیئی نَه که اتّفاق اُفتایِه وِ خداوند، ایما نَه وَش آگا کِرده بِوینیم.» 16پَ زی رَتِن وِ مریم وِ یوسف وِ طفلِ خوسییَه مِنِه آخورَ جُسِن. 17هَمیِکِه طِفلَه دییِن، گَپَلی نَه که درموردِش وَشون گُتَه وابی‌یَه بی، اعلام کردن. 18هرکه گَپَلِ چِپونَلَه ایشنُفت، حیرت‌زَیَه ایابی. 19امّا مریم، تَمومِ ای چییَلَه مِنِه دِلِش نِگَه ایکِه وِ طی خِشی وَشون فکر ایکِه. 20پَ چِپونَل وَرگَشتِن مِنه حالی که خدا نَه وَ خاطرِ تَمومِ اوچییَلی که اِشنُفتَه بییِن وِ دییَه بییِن حَمد وِ ستایش ایکِردِن، هموطو که وَشون گُتَه وابی‌یَه بی.
21مِنِه روز هشتم، موقی که وختِ ختنۀ بَچَه وابی، نومِشَه نَهان عیسی. یِه همو نومی بی که فرشتَه نِهِی یِکه وِّ مِنِه کِمِ مریم قرار بِگِره نهایَه بی سَرش.
22وختی زمونِ وِه رَسی که رسمِ طهارتِشونَه طبقِ شریعت موسی اَنجوم بییِن، یوسف وِ مریم، عیسی نَه بُردِن وَ اورشلیم تا وِّ نَه تقدیم کِنِن وَ خداوند، 23هَموطو که مِنِه توراتِ خداوند نِوشتَه وابی‌یِه: «اَوَلین ذکوری که وَ دنیا بیا، چه بچۀ آیَم بو وِ چه بچۀ حِیون، وَقفِ خداوند ایابو.» 24وِ هم، تا قربونی تقدیم کِنِن، طبقِ اوچیئی که مِنِه توراتِ خداوند اومَیِه، یعنی «یِه جفت قمری یا دِتا جیجَه کموتر»
25مِنِه او زمون، مِردی صالح وِ دیندار مِنِه اورشلیم زندِیی ایکِه که نومش شمعون بی وِ بَندیرِ تسلیِ اسرائیل بی. روح‌القدس وَ شمعون قرار داشت. 26روح‌القدس وَش آشکار کِردَه بی که تا مسیحِ خداوَندَ نبینه، نیمیرِه. 27پَ شمعون بِی هدایت روحِ خدا رَت مِنِه صحنِ معبدِ خداوند، وِ وختی دِی‌بُوعیسی، بَچَه نَه آوُردِن تا رسمِ رِسومِ شریعتَه سیش وَجا بیارِن، 28شمعون بَچَه نَه گِرُت مِنِه بَغَلِش وِ مِنِه حالی که خدا نَه ستایِش ایکِه گُت:
29«ای خداوند، ایسِه بَنا وَ وَعدۀ خُوت،
خادِمِتَه وَ سلامت مرخص ایکِنی.
30سی‌یِکِه تییَلُم، نجاتِ تِنَه دییِه،
31نجاتی که دَم تییِی تَمومِ قومَل آمایَه کِردی‌یِی،
32نوری سی روشن کِردَن حقیقت وَ باقی قُومَل
وِ جلالی سی قومِت، قومِ اسرائیل.»
33دِی‌بُو عیسی وَ گَپَلی که درموردِش گُتَه وابی، حیرت کِردِن. 34اوسِه، شمعون اونگَلَه برکت دا وُ وَ مریم، دِی وِّ گُت: «قَرارِه که ای بَچَه باعثِ اُفتایَن وِ وَریسایَنِ خیلی‌یَل وَ قوم اسرائیل وابو، وِ نشونه‌ای بو که جلوش ایوِیسِن. 35وُ وَ ای ترتیب، فکرِ دلِ خیلی‌یَل آشکار ایابو. شُمشیری هم ایرَه مِنِه قلبِ تو.»
36وُچه زَنی زِندِیی ایکِه وَ نومِ حنّا، حنّا نَبی وِ دالو پیری بی، وِّ دویَرِ فَنوئیل وَ طِیفِی اَشیر بی. حنّا بعدَ هَف سال که شی کِردَه بی، میرَشَه وَ دَس دایَه بی 37وِ تا هشتادوچار ساله‌ئی بیوَه مُندَه بی. وِّ هیچ وَخت معبدَ وِل نیکِه، بَلکَم شو وِ رو، بی روزَه وِ دعا عبادت ایکِه. 38حنّا هم همو موقَع نِزِنگ وابی وِ خدا نَه شکر کِه وِ بِی تَمومیِ کَسَلی که بَندیرِ آزادیِ اورشلیم بییِن، درمورد عیسی گَپ زَه.
39وختی یوسف و مریم تَمومِ رسمِ رسومِ شریعت خداوَندَ کامل وَجا آوُردِن، وَرگَشتِن وَ شهرِ خِشون ناصِرَه، مِنِه وِلاتِ جلیل. 40ایسِه، او بَچَه رُشت ایکِه وِ قوی ایابی. وِّ پُر وَ حکمت بی وِ نظرِ خدا سَرِش بی.
عیسِی نوجَوون مِنِه معبد خداوند
41دِی‌بُو عیسی هر سال سی عید پسَح ایرَتِن وَ اورشلیم. 42وختی عیسی دُوازَه ساله وابی، وَ رسم عید رَتِن وَ اورشلیم. 43بَعدِ تموم وابی‌یَنِ مراسم عید، وختی مِنِه رَه وَرگَشتَن بییِن، عیسِیِ نوجوون وِیسا مِنِه اورشلیم. امّا دِی‌بُوش وَ ای کار خَوَر نَیاشتِن، 44سی‌یِکِه گَمون ایکِردِن مِنِه کارَوانِه، یه رو تموم، سفر کِردِن. آخِرِسَر شروع کِردِن وَ جُسَنِ عیسی مِلِی فامیلَل وِ آشنایَلِشون. 45وختی نَجُسِنِش، سی جوسَنِش وَرگَشتِن وَ اورشلیم. 46بعدَ سه رو، آخِرِسَر وِّ نَه مِنِه معبدِ خداوند جُسِن. مِلِی معلملِ دینی نِشَسَه بی وُ وَ گَپَلِشون گوش ایدا وُ وَشون سئوالَلی ایکِه. 47هرکه گَپَلِ وِّ نَه ایشنُفت، وَ فهمِش وِ جوابَلی که ایدا، حیرت ایکِه. 48وختی دِی‌بُوش وِّ نَه وَ وُچِه دییِن حیرت‌زَیَه وابی‌یِن. دیش وَش گُت: «کِرُو، سی چِه بِی ایما ای کارَ کِردی؟ مِ وِ بوت مَهلی پریشون وَ دینِت ایگَشتیم.» 49امّا عیسی وَشون گُت: «سیچِه مِنَه ایجُسیت؟ مَه نونِسیت که باید مِنِه حونِی بُوم بویُم؟» 50امّا اونگَل معنیِ ای گَپَه که وَشون گُت نَفَمِسِن. 51پَ بِی اونگَل اُفتا وَ رَه وِ اومَه وَ ناصرَه وِ گوش وَ فِرمونِ اونگَل بی. امّا دِیش تموم ای چییَلَه مِنِه دِلِش نِگَه ایکِه.
52وِ عیسی مِنِه قامت و حکمت، گَپو ایابی وِ طی خدا وِ مردم عزیزتَر ایابی.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company