انجیلِ لوقا 24
24
زِنَه بی‌یِه‌نِ عیسی
1دِ شَفَقِ صُو، روزِ اولِ هفتَه، زَنُو، سِدر وُ کافور وُ رِغُونیا خُوشبوئی نِه کِه آمادَه کِردینی، وا خُوشُو وِرداشتِن وُ رَتِن وِ مقبِرَه. 2وَ دیئِن كِه بَرد دِ وَرِ مقبِرَه پِلِسَه وا لائی. 3وَ هِه کِه رَتِن وا مینِ مقبِرَه، جِنازَه عیسی خداوندِه پیا نَکِردِن. 4دِ اتفاقی کِه اُفتائی ماقِشُو بُردی کِه یِگِلی دو پیا وا جُومَه‌یا نیرداری اِیسان دِ لِفِشُو. 5زَنُو دِ زَلَه، سَرِشُو نِه وَنِن وِ هار، اما او دو پیا وِشُو گُتِن: «سی چی زِنَه نِه دِ مینِ مُردَه‌یا می‌جوریت؟ 6او دیچِه نی، بَلکِم زِنَه بی‌یَه! وِ ویرتُو بیاریت اوسِناکَه کِه دِ جلیل بی، چی وِتُو گُتی. 7گُت کِه کُرِ انسان بایِس وِ دَسِ گُنَه‌کاریا تسلیم بوئَه، وِ صلیب کَشیئَه بوئَه وَ دِ روزِ سِئِم زِنَه با.» 8اوسِه زَنُو قِصَه‌یا عیسی نِه اُوِردِن وِ ویر 9وَ هِه کِه دِ مقبِرَه وِرگَشتِن، همَه چی نِه وِ یازَه رسول وُ باقی گُتِن. 10زَنُونی کِه ایی خَوَرِه وِ رسولُو دَن، مریم مجدلیَه، یوآنا وَ مریم داآ یعقوب وَ باقی زَنُونی کِه واردِشُو بییِن. 11اما رسولیا گُتَه زَنُو نِه هِلَه‌پِلَه دُونِسِن وُ قِصَه‌یاشُو نِه باوَر نَکِردِن. 12وا ایی همَه، پطرس وِریسا وُ دُوئِس والا مقبِرَه وُ دُولو بی سِیل كِرد، اما چیئی غیرِ كَفِه نِئی. پس هِه چِنُو کِه دِ ایی جریان بِلاجیش اُومایی، وِرگَشت وِ حُونَه.
دِ رَه عِمائوس
13هِه او روز، دو نفر دِشُو مِی‌رَتِن والا آبادی‌ای وِ نُومِ عِمائوس، كِه دِ دو فَرسَخی اورشلیم بی. 14وِنُو دِ بارَه گِردِ ایی چیائی کِه اتفاق اُفتائی وا یَکتِری قِصَه می‌کِردِن. 15هِه چِنُو كِه وا یَکتِری سَرگرمِ قِصَه‌کِردِه وَ هَچایَه بییِن، عیسی، خُوش، اُوما وِ تِه‌شُو وَ هُمرَه‌شُو بی. 16اما او نِه نَشناختِن سی یَکه چَشیاشُو دِ یَکه او نِه بَشناسَن، بَستِسی. 17عیسی دِشُو پُرسی: «دِ مینِ رَه، دِبارَه چی دَم‌تَقَه می‌کِردیت؟» وِنُو وا قیافَه غَم‌دِباری، بی‌کِش اِیسان. 18یَكی دِشُو كِه نُومِش كِلِئوپاس بی، جُئُو دَه وِش گُت: «مَری تو تَنیا کَسِ غَریو دِ اورشلیمی کِه دِ جریان‌یا مینِ ایی روزیا بی‌خَوَری!» 19عیسی دِش پُرسی: «چِه چیئی؟» وِنُو وِش گُتِن: «او چیائی کِه وِ سَرِ عیسی ناصری رَت. او پِیغَمَری بی کِه دِ پیشگاه خدا وَ وِ تِه گِردِ مردِم، کاریا وَ کلُومِ پُرقدرتی داشت. 20وَ چطور سَرُونِ کاهِن‌یا وَ گَپُونِمُو او نِه دَن تا وِ مرگ مَحكوم بوئَه وَ کَشینِش وِ ری صلیب. 21اما اِیما اُمیدِمُو وِ یَه بی کِه او هِه او کَسی با کِه قِرار اَ اسرائیلِه راهائی بِئَه. عِلاوَه بَر یَه، الان سه روز اَ ها دِ ایی جریان‌یا مِی‌رَه. 22دِ یَه گذشتَه، قَری دِ زَنُونی هَم کِه هان دِ مینِمُو، اِیما نِه حِیرُو کِردِنَه. وِنُو اِیمرو شَفَقِ صُو رَتِن وِ مقبِرَه، 23وَ هِه کِه جِنازَه عیسی نِه پیا نَکِردِن، اُومان، وِ اِیما گُتِن فرشتَه‌یائی دِ رُویا دینَه کِه وِشُو گُتِنَه عیسی زِنَه‌آ. 24اوسِه قَری دِ رِفیق‌یامُو رَتِن وِ مقبِرَه وُ اُوضاع نِه هِه چِنُو کِه زَنُو گُتینی، دیئِن، اما خُودِ عیسی نِه نِئییِن.» 25اوسِه عیسی وِشُو گُت: «اِ نایُونیائی کِه دِلِ دیر فَهمی سی باوَرکِردِه‌نِ قِصَه‌یا انبیا داریت. 26مَه نِمی‌بایِس كِه مسیحِ موعود، ایی عَذُویا نِه بِئینَه وَ اوسِه وِ جِلالِ خُوش دِرآ؟» 27اوسِه شروع کِرد دِ نیسَنَه موسی وُ گِردِ اَنبیا وَ هَر چیئی نِه کِه دِ تمُومیِ کِتُویا مقدس دِبارَه خُوش گُتِسی سیشُو توضیح دَه.
28اوسِه، هِه کِه وِ دِیاتی کِه مقصدِشُو بی نِزیک بییِن، عیسی وانِمود کِرد کِه می‌حا رُوئَه وِ جا دیرتِری. 29اما وِنُو جُرِسِن وُ گُتِن: «وا اِیما بَمُو، سی یَکه چیئی وِ آخِرِ روز نَمَنَه وَ شُو نِزیک اَ.» پس عیسی رَت وامی وُ واشُو مَن. 30هِه کِه واشُو نِشِس وِ سَرِ سِفرَه، نُو نهِ گِرِت وُ برکت دَه، کُت کِرد دَه وِشُو. 31هِه دِ او موقَع، چَشیاشُو واز بی وَ او نِه اِشناختِن، اما او جَلدی دِ وَرِ چَشِشُو غِیو بی. 32اوسِه وِنُو دِ یَکتِری پُرسیئِن: «مَه اوسِناکَه کِه دِ رَه وامُو قِصَه می‌کِرد وُ کِتُویا مقدسِ نِه سیمُو توضیح مِی‌دَه، دِل دِ سینَه‌مُو پِرپَر نِمی‌کِرد!» 33پس آزِعی وِریسان وُ وِرگَشتِن وِ اورشلیم. دِ اوچِه او یازَه رسولِ نِه پیا کِردِن کِه وا رفیق‌یاشُو جمع بیئینی، وُ می‌گُتِن: 34«بله، وِ راسی کِه عیسی خداوند زِنَه بی‌یَه، وَ خُوشِه وِ شَمعون دیاری کِردَه.» 35اوسِه، او دو نفر هَم گُتِن کِه دِ مینِ رَه چِه چیئی بی‌یَه وَ چطور عیسی نِه دِ موقَع کُت کِردِه‌نِ نُو اِشناختِنَه.
عیسی خُوشِه وِ شاگردیا دیاری می‌کَه
36هِه کِه هَنی دِ ایی بارَه دَم‌تَقَه می‌کِردِن، کِه عیسی خُوش اِیسا دِ مینِشُو وُ گُت: «سِلام وِ شِما!» 37وِنُو زَرتِلاق بییِن وُ گِمُو کِردِن كِه روح مِئی‌نَن. 38عیسی وِشُو گُت: «سی چی چِنی پَریشُونیت؟ سی چی شِک وُ شُبهَه وِ دِل‌یاتُو رَه مِئیت؟ 39دَس وُ پایامِه سِیل بَکیت؛ خُومِم. وِ مِه دَس بَزِنیت وَ بِئینیت؛ روح گوشت وُ سِخُو نارَه، اما چِنُو کِه مِئی‌نیت مِه دارِم.» 40یَه نِه گُت وُ دَس‌یا وَ پایاشِه نِشُونِشُو دَه. 41وِنُو دِ زورِ خُشالی وُ بِلاجیشُو نَتُونِسِن باوَر بَکَن. پس عیسی وِشُو گُت: «یعنی چیئی سی حَردِه داریت؟» 42قَلی ماهی کَوُوکِردَه وِش دَن. 43وَه نِه گِرِت وَ دِ وَرِ چَشِشُو حَرد.
44اوسِه وِشُو گُت: «یَه هِه او چیئی اَ کِه هِه کِه واتُو بیئِم، می‌گُتِم، یَکه گِردِ چیائی کِه دِ توراتِ موسی وَ کِتُویا انبیا وَ زَبور دِبارَه مِه نیسَنَه بی‌یَه، بایِس وِ اَنجُوم بَرَسَه» 45اوسِه، فکرِشُو نِه روشِه کِرد تا بَتُونَن کِتُویا مقدسِ نِه بَفَمَن. 46وَ وِشُو گُت: «دِ کِتُویا مقدس نیسَنَه بی‌یَه کِه مسیح عَذُو می‌کَشَه وَ دِ روزِ سِئِم دِ مُردَه‌یا زِنَه موئَه، 47وَ دِ نُومِ او توبَه وَ آمرزشِ گُنَه‌یا وِ گِردِ ملت‌یا اِعلُوم موئَه وَ شِروعِش دِ اورشلیم اَ. 48شِما شاهدیا ایی چیائیت. 49دُونِسوئیت، مِه او کَسی نِه کِه وَعدَه بُوَه‌‌م اَ دِ آسمُو وِ ری شِما کِل می‌کِم، پس دِ مینِ شهر بَمُونیت تا اوسِه کِه ایی قدرتی کِه دِ آسمُونَه شِما نِه بِئیرَه دِ وَر.»
وِرگَشتِه‌نِ عیسی وِ آسمُو
50اوسِه عیسی وِنُو نِه وِ دَر دِ شهر تا نِزیکی آبادی بِیت‌عَنیا بُرد وَ دَس‌یاشِه بُلِن کِرد، برکتشُو دَه، 51وَ هِه چِنُو کِه برکتشُو مِی‌دَه دِشُو سَوا بی، وِ آسمُو بالا بُردِس. 52وَ گِردِشُو او نِه پِرَسِش کِردِن وُ وا شایی گَپی وِرگَشتِن وِ اورشلیم. 53وَ همیشَه دِ معبدِ خداوند مِی‌مَنِن وَ خدا نِه شکر وُ ستایش می‌کِردِن.
လက္ရွိေရြးခ်ယ္ထားမွု
انجیلِ لوقا 24: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
انجیلِ لوقا 24
24
زِنَه بی‌یِه‌نِ عیسی
1دِ شَفَقِ صُو، روزِ اولِ هفتَه، زَنُو، سِدر وُ کافور وُ رِغُونیا خُوشبوئی نِه کِه آمادَه کِردینی، وا خُوشُو وِرداشتِن وُ رَتِن وِ مقبِرَه. 2وَ دیئِن كِه بَرد دِ وَرِ مقبِرَه پِلِسَه وا لائی. 3وَ هِه کِه رَتِن وا مینِ مقبِرَه، جِنازَه عیسی خداوندِه پیا نَکِردِن. 4دِ اتفاقی کِه اُفتائی ماقِشُو بُردی کِه یِگِلی دو پیا وا جُومَه‌یا نیرداری اِیسان دِ لِفِشُو. 5زَنُو دِ زَلَه، سَرِشُو نِه وَنِن وِ هار، اما او دو پیا وِشُو گُتِن: «سی چی زِنَه نِه دِ مینِ مُردَه‌یا می‌جوریت؟ 6او دیچِه نی، بَلکِم زِنَه بی‌یَه! وِ ویرتُو بیاریت اوسِناکَه کِه دِ جلیل بی، چی وِتُو گُتی. 7گُت کِه کُرِ انسان بایِس وِ دَسِ گُنَه‌کاریا تسلیم بوئَه، وِ صلیب کَشیئَه بوئَه وَ دِ روزِ سِئِم زِنَه با.» 8اوسِه زَنُو قِصَه‌یا عیسی نِه اُوِردِن وِ ویر 9وَ هِه کِه دِ مقبِرَه وِرگَشتِن، همَه چی نِه وِ یازَه رسول وُ باقی گُتِن. 10زَنُونی کِه ایی خَوَرِه وِ رسولُو دَن، مریم مجدلیَه، یوآنا وَ مریم داآ یعقوب وَ باقی زَنُونی کِه واردِشُو بییِن. 11اما رسولیا گُتَه زَنُو نِه هِلَه‌پِلَه دُونِسِن وُ قِصَه‌یاشُو نِه باوَر نَکِردِن. 12وا ایی همَه، پطرس وِریسا وُ دُوئِس والا مقبِرَه وُ دُولو بی سِیل كِرد، اما چیئی غیرِ كَفِه نِئی. پس هِه چِنُو کِه دِ ایی جریان بِلاجیش اُومایی، وِرگَشت وِ حُونَه.
دِ رَه عِمائوس
13هِه او روز، دو نفر دِشُو مِی‌رَتِن والا آبادی‌ای وِ نُومِ عِمائوس، كِه دِ دو فَرسَخی اورشلیم بی. 14وِنُو دِ بارَه گِردِ ایی چیائی کِه اتفاق اُفتائی وا یَکتِری قِصَه می‌کِردِن. 15هِه چِنُو كِه وا یَکتِری سَرگرمِ قِصَه‌کِردِه وَ هَچایَه بییِن، عیسی، خُوش، اُوما وِ تِه‌شُو وَ هُمرَه‌شُو بی. 16اما او نِه نَشناختِن سی یَکه چَشیاشُو دِ یَکه او نِه بَشناسَن، بَستِسی. 17عیسی دِشُو پُرسی: «دِ مینِ رَه، دِبارَه چی دَم‌تَقَه می‌کِردیت؟» وِنُو وا قیافَه غَم‌دِباری، بی‌کِش اِیسان. 18یَكی دِشُو كِه نُومِش كِلِئوپاس بی، جُئُو دَه وِش گُت: «مَری تو تَنیا کَسِ غَریو دِ اورشلیمی کِه دِ جریان‌یا مینِ ایی روزیا بی‌خَوَری!» 19عیسی دِش پُرسی: «چِه چیئی؟» وِنُو وِش گُتِن: «او چیائی کِه وِ سَرِ عیسی ناصری رَت. او پِیغَمَری بی کِه دِ پیشگاه خدا وَ وِ تِه گِردِ مردِم، کاریا وَ کلُومِ پُرقدرتی داشت. 20وَ چطور سَرُونِ کاهِن‌یا وَ گَپُونِمُو او نِه دَن تا وِ مرگ مَحكوم بوئَه وَ کَشینِش وِ ری صلیب. 21اما اِیما اُمیدِمُو وِ یَه بی کِه او هِه او کَسی با کِه قِرار اَ اسرائیلِه راهائی بِئَه. عِلاوَه بَر یَه، الان سه روز اَ ها دِ ایی جریان‌یا مِی‌رَه. 22دِ یَه گذشتَه، قَری دِ زَنُونی هَم کِه هان دِ مینِمُو، اِیما نِه حِیرُو کِردِنَه. وِنُو اِیمرو شَفَقِ صُو رَتِن وِ مقبِرَه، 23وَ هِه کِه جِنازَه عیسی نِه پیا نَکِردِن، اُومان، وِ اِیما گُتِن فرشتَه‌یائی دِ رُویا دینَه کِه وِشُو گُتِنَه عیسی زِنَه‌آ. 24اوسِه قَری دِ رِفیق‌یامُو رَتِن وِ مقبِرَه وُ اُوضاع نِه هِه چِنُو کِه زَنُو گُتینی، دیئِن، اما خُودِ عیسی نِه نِئییِن.» 25اوسِه عیسی وِشُو گُت: «اِ نایُونیائی کِه دِلِ دیر فَهمی سی باوَرکِردِه‌نِ قِصَه‌یا انبیا داریت. 26مَه نِمی‌بایِس كِه مسیحِ موعود، ایی عَذُویا نِه بِئینَه وَ اوسِه وِ جِلالِ خُوش دِرآ؟» 27اوسِه شروع کِرد دِ نیسَنَه موسی وُ گِردِ اَنبیا وَ هَر چیئی نِه کِه دِ تمُومیِ کِتُویا مقدس دِبارَه خُوش گُتِسی سیشُو توضیح دَه.
28اوسِه، هِه کِه وِ دِیاتی کِه مقصدِشُو بی نِزیک بییِن، عیسی وانِمود کِرد کِه می‌حا رُوئَه وِ جا دیرتِری. 29اما وِنُو جُرِسِن وُ گُتِن: «وا اِیما بَمُو، سی یَکه چیئی وِ آخِرِ روز نَمَنَه وَ شُو نِزیک اَ.» پس عیسی رَت وامی وُ واشُو مَن. 30هِه کِه واشُو نِشِس وِ سَرِ سِفرَه، نُو نهِ گِرِت وُ برکت دَه، کُت کِرد دَه وِشُو. 31هِه دِ او موقَع، چَشیاشُو واز بی وَ او نِه اِشناختِن، اما او جَلدی دِ وَرِ چَشِشُو غِیو بی. 32اوسِه وِنُو دِ یَکتِری پُرسیئِن: «مَه اوسِناکَه کِه دِ رَه وامُو قِصَه می‌کِرد وُ کِتُویا مقدسِ نِه سیمُو توضیح مِی‌دَه، دِل دِ سینَه‌مُو پِرپَر نِمی‌کِرد!» 33پس آزِعی وِریسان وُ وِرگَشتِن وِ اورشلیم. دِ اوچِه او یازَه رسولِ نِه پیا کِردِن کِه وا رفیق‌یاشُو جمع بیئینی، وُ می‌گُتِن: 34«بله، وِ راسی کِه عیسی خداوند زِنَه بی‌یَه، وَ خُوشِه وِ شَمعون دیاری کِردَه.» 35اوسِه، او دو نفر هَم گُتِن کِه دِ مینِ رَه چِه چیئی بی‌یَه وَ چطور عیسی نِه دِ موقَع کُت کِردِه‌نِ نُو اِشناختِنَه.
عیسی خُوشِه وِ شاگردیا دیاری می‌کَه
36هِه کِه هَنی دِ ایی بارَه دَم‌تَقَه می‌کِردِن، کِه عیسی خُوش اِیسا دِ مینِشُو وُ گُت: «سِلام وِ شِما!» 37وِنُو زَرتِلاق بییِن وُ گِمُو کِردِن كِه روح مِئی‌نَن. 38عیسی وِشُو گُت: «سی چی چِنی پَریشُونیت؟ سی چی شِک وُ شُبهَه وِ دِل‌یاتُو رَه مِئیت؟ 39دَس وُ پایامِه سِیل بَکیت؛ خُومِم. وِ مِه دَس بَزِنیت وَ بِئینیت؛ روح گوشت وُ سِخُو نارَه، اما چِنُو کِه مِئی‌نیت مِه دارِم.» 40یَه نِه گُت وُ دَس‌یا وَ پایاشِه نِشُونِشُو دَه. 41وِنُو دِ زورِ خُشالی وُ بِلاجیشُو نَتُونِسِن باوَر بَکَن. پس عیسی وِشُو گُت: «یعنی چیئی سی حَردِه داریت؟» 42قَلی ماهی کَوُوکِردَه وِش دَن. 43وَه نِه گِرِت وَ دِ وَرِ چَشِشُو حَرد.
44اوسِه وِشُو گُت: «یَه هِه او چیئی اَ کِه هِه کِه واتُو بیئِم، می‌گُتِم، یَکه گِردِ چیائی کِه دِ توراتِ موسی وَ کِتُویا انبیا وَ زَبور دِبارَه مِه نیسَنَه بی‌یَه، بایِس وِ اَنجُوم بَرَسَه» 45اوسِه، فکرِشُو نِه روشِه کِرد تا بَتُونَن کِتُویا مقدسِ نِه بَفَمَن. 46وَ وِشُو گُت: «دِ کِتُویا مقدس نیسَنَه بی‌یَه کِه مسیح عَذُو می‌کَشَه وَ دِ روزِ سِئِم دِ مُردَه‌یا زِنَه موئَه، 47وَ دِ نُومِ او توبَه وَ آمرزشِ گُنَه‌یا وِ گِردِ ملت‌یا اِعلُوم موئَه وَ شِروعِش دِ اورشلیم اَ. 48شِما شاهدیا ایی چیائیت. 49دُونِسوئیت، مِه او کَسی نِه کِه وَعدَه بُوَه‌‌م اَ دِ آسمُو وِ ری شِما کِل می‌کِم، پس دِ مینِ شهر بَمُونیت تا اوسِه کِه ایی قدرتی کِه دِ آسمُونَه شِما نِه بِئیرَه دِ وَر.»
وِرگَشتِه‌نِ عیسی وِ آسمُو
50اوسِه عیسی وِنُو نِه وِ دَر دِ شهر تا نِزیکی آبادی بِیت‌عَنیا بُرد وَ دَس‌یاشِه بُلِن کِرد، برکتشُو دَه، 51وَ هِه چِنُو کِه برکتشُو مِی‌دَه دِشُو سَوا بی، وِ آسمُو بالا بُردِس. 52وَ گِردِشُو او نِه پِرَسِش کِردِن وُ وا شایی گَپی وِرگَشتِن وِ اورشلیم. 53وَ همیشَه دِ معبدِ خداوند مِی‌مَنِن وَ خدا نِه شکر وُ ستایش می‌کِردِن.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company