کاریا رسول‌یا 5
5
حَنانیا وَ سَفیره
1وَ اما پیائی بی وِ نُومِ حَنانیا واردِ زِئنَه‌ش سَفیرَه مِلکی نِه فِرُوختِن، 2قَری دِ پیلِکَه‌شِه کِه زِئنَه‌ش هَم دِش واخَوَر بی، گِل دَه وُ تَنیا یِه بَر دِ وَه نِه اُوِرد، نِئا وِ تِه پا رسول‌یا، 3اما پِطرُس وِش گُت: «حَنانیا، سی چی هِشتی پیسی شِیطُو، چِنی دِلِتِه بِئیرَه کِه وِ روح‌القدس دِرو بُوئی وَ قَری دِ پیلِکَه زِمی نِه سی خُوت وِرداری؟ 4مَر وِرَز فِروش، هینِ خُوت نِوی؟ وَ دِما فِروش هَم اختیارِ پیلِکَه‌ش مَه دَسِ خُوت نِوی؟ یَه سی دِ دِلِت قَصت کِردی کِه چِنی بَکی؟ تو نَه یَکِه وِ انسان، بَلکِم وِ خدا دِرو گُتی!»
5هِه کِه حَنانیا ایی قِصَه‌یا نِه اِشنَفت، اُفتا وِ دِلِ زِمی وَ جُو نِئا! گِردِ وِنُو کِه یَه نِه اِشنَفتِن زَرتِلاق بییِن. 6اوسِه قَری جِوُو اُومان وا وَر وَ او نِه کَفِه‌پیچ کِردِن وُ بُردِن وِ دَر، نِئانِش دِ قُور.
7نِزیکِ سه ساعتی دِش رَتی، کِه زِئنَه‌ش بی‌خَوَر دِ ایی جریان اُوما وامی. 8پِطرُس دِش پُرسی: «وِم بُو بِئینِم یعنی ایی زِمی نِه وِ هِه ایی قیمت فِرُوختیت؟»
سَفیرَه جُئُو دَه: «اَ، هِه وِ ایی قیمت.»
9پِطرُس وِش گُت: «اَ سی وا یَکتِری، دَس وِ یَکی کِردیت تا روحِ خدا نِه اِمتحُو بَکیت؟ یَه نِه دُونِسو، وِنُو کِه مِیرَه‌تِه نِئان دِ قُور، هِیسِه پاشُو ها دِ پیکِرَه دَر، وَ تو نِه هَم مُورَن وِ دَر.»
10دَرجا، سَفیرَه هَم دِ وَرِ پایا پِطرُس اُفتا وُ جُو نِئا. هِه کِه جِوُونیاکَه اُومان وامی، دیئِن او هَم مُردَه. پس بُردِنِش وِ دَر، لِفِ مِیرَه‌ش نِئانِش دِ قُور. 11اوسِه زَلَه اُفتا وِ جُونِ گِردِ وِنُونی کِه دِ کلیسا بییِن وَ گِردِ وِنُو کِه یَه نِه اِشنَفتِن.
نِشُونَه‌یا وَ معجزَه‌یا رسول‌یا
12گُراگُر نِشُونَه‌یا وَ معجزَه‌یا زیادی دِ مینِ مردِم وِ دَسِ رسول‌یا مِوی وَ ایمُوداریا گِردِشُو یِه دِل دِ اِیوُونِ سِلِیمُو دُورِ یَک جمع مِویئِن. 13اما دِ باقی مردِم، کَس جرأت نِمی‌کِرد وِشُو نِزیک با، هَر چَن گِردِ مردِم خیلی قُرپِشُو نِه داشتِن. 14بُری‌وُشُری دِ پیایا وَ زَنُو ایمُو می‌اُوِردِن وَ ری می‌کِردِن وِ خداوند، 15تا جائی کِه حتی مریض‌یا نِه می‌اُوِردِن وِ مِیُونیا شهر وَ وِنُو نِه وِ ری رَختِ‌خُویا وَ تخت‌یا مُوحُوفتَنِن تا هِه کِه پِطرُس دوچِه رَد موئَه، دَسِ‌کَم ساش وِ قَری دِشُو بِفتَه. 16وَ هَم مردِم دَسَه دَسَه دِ شهریا هورَه اورشلیم مِی‌اُومان وَ مریض‌یا وَ وِنُو کِه گیرِ روح‌یا گَن بییِن نِه می‌اُوِردِن، وُ گِردِشُو شفا می‌گِرِتِن.
گیر اُفتایِه‌نِ رسول‌یا
17اما کاهِنِ اعظم وَ گِردِ هُم‌قِطاریاش کِه دِ فِرقَه صَدوقی بییِن، دِ زورِ حَسیدی دَس وِ کار بییِن 18وَ رسول‌یا نِه گِرِتِن، وَنِن وِ هُلِفدُونِ شهر. 19اما دِ شُوگار، فرشتَه خداوند دَریا هُلِفدو نِه گُشَن وُ اُوِردِشُو وِ دَر 20وَ گُت: «رِت وَ دِ معبدِ خدا بِسیت وَ تمُومِ‌کمال پِیغُومِ ایی حیاتِ تازَه نِه وِ مردِم بُوئیت.»
21اوسِه شُوصُو، بِنا وِ او چیئی کِه وِشُو گُتینی، رَتِن وِ معبد وُ نِئان وِ تعلیم‌دِئِه‌نِ مردِم.
هِه کِه کاهِنِ اعظم وُ هُم‌قِطاریاش اُومان، اَهلِ شُورا وَ گِردِ مشایخِ اسرائیلِ نِه هِنا کِردِن. وَ قَری نِه کِل کِردِن تا رسول‌یا نِه دِ هُلِفدُو بیارَن. 22اما هِه کِه مأموریا رَتِن وِ مینِ هُلِفدُو، رسول‌یا نِه پیا نَکِردِن. پس گِل هَردِن وا دِما، خَوَر دَن کِه 23«دِراغِل‌یا هُلِفدو قُرص چِفتِ‌بَن بیئینی وَ نِگَبُونیا هَم دِ وَرِ دِراغِل‌یا اِیسایینی. اما هِه کِه دِراغِل‌یا نِه گُشَنیم، هیشکَه نِه دِ هُلِفدُو نَجُستیم.» 24وا اِشنَفتِه‌نِ ایی خَوَر، فَرمُوندَه نِگَبُونیا معبد وُ سَرُونِ کاهِن‌یا مِلاق دِ گُپِشُو بُرِس، وُ رَتِن دِ فکر کِه «عاقُوَتِ ایی کار چی موئَه؟»
25دِ ایی موقَع، یَکی اُوما وَ وِشُو خَوَر دَه، گُت: «وِنُونی کِه وَنیتُونی وِ هُلِفدُو، ایمدال دِ معبد اِیسانَه ها وِ مردِم تعلیم مِی‌ئَن.» 26پس فَرمُوندَه نِگَبُونیا معبد وا مأموریا رَتِن وُ رسول‌یا نِه اُوِردِن، اما نَه وِ زور، سی یَکِه زَلَه‌شُو مِی‌رَت کِه مردِم بَردبارُونِشُو بَکَن.
27هِه کِه رسول‌یا نِه اُوِردِن، وِنُو نِه نِئان دِ بِرُووَرِ شُورا، اوسِه، کاهِنِ اعظم دِشُو پُرسی: 28«مَر سخت مِناتُو نَکِردیم کِه دَ وا ایی نُوم تعلیم نِئیت؟ وا ایی حال شِما اورشلیمِ نِه وا تعلیم‌یاتُو پُر کِردیتَه وَ می‌حایت خینِ ایی پیا نِه بُونیت وِ مِلِ اِیما.»
29پِطرُس وَ رسول‌یا هَنی، جُئُو دَن: «اِیما بایِس دِ جالِ انسان خدا نِه اطاعت بَکیم. 30خدای بُوَه‌یا اِیما، هِه او عیسی نِه کِه شِما کَشیئیتُو وِ صلیب وَ کُشتیت، دِ مُردَه‌یا زِنَه کِرد. 31وَ او نِه وِ دَسِ راسِ خُوش بُرد بالا، سَروَر وَ نجات‌دهندَه کِرد، تا وِ قُومِ اسرائیل مِجالِ توبَه وَ آمرزشِ گُنَه‌یا بِئَه، 32وَ اِیما شاهدیا ایی چیائیم، هِه چِنُو کِه روح‌القدس هَم هی، کِه خدا او نِه دِئَه وِ وِنُو کِه دِش اطاعت می‌کَن.»
33وِنُو هِه کِه ایی چیا نِه اِشنَفتِن چِنُو تَش دِ سَرِشُو رَت کِه قَصت کِردِن وِنُو نِه بَکُشَن. 34اما پیائی دِ فِرقَه فَریسی، وِ نُومِ گامالائیل، کِه معلمِ شریعت بی وَ همَه قُرپِشِه داشتِن، دِ مجلس وِریسا سَرِ پا وَ هُد کِرد رسول‌یا نِه گِری بُورَن وِ دَر. 35اوسِه وِ هُم‌قِطاریاش گُت: «پیایا اسرائیلی، حَواسِتُو با وا ایی پیایا چی می‌حایت بَکیت. 36سی یَکه وِرَز ایی روزیا، پیائی وِ نُومِ تِئُوداس وِریسا کِه ادعا می‌کِرد کَسی اَ، وَ نِزیکِ چارصد نفر هَم مُریدِش بییِن. اما او کُشِس وَ مُریدیاش هَم گِردِشُو دِ یَک تَرفِه‌تین بییِن. 37دِما وَه، یَهودایِ جَلیلی دِ زِمُونِ سَرشِماری قیام کِرد وَ قَری نِه وَن دِ دُمِ خُوش، او هَم کُشِس وُ مُریدیاش هَم تینوارَه بییِن. 38ایسِه دِ ایی بابَت هَم وِتُو سفارش می‌کِم دَس دِ ایی پیایا وِرداریت وَ وِنُو نِه بِئیلیت وِ حالِ خُوشُو. سی یَکِه اَر نیَت وُ کاریاشُو دِ انسان با، بی‌گِمُو رَه وِ جائی نِمُورَه 39اما اَر دِ خدا با، نَتُونیت وِنُو نِه دِ مینَه وِرداریت، وَ حتی، ممکن هَم هی کِه وِ تیشکِ خدا وِریسائوئیت!»
40پس وِنُو قانع بییِن، وَ رسول‌یا نِه هِنا کِردِن، شَلاقشُو زَن وَ سخت مِناشُو کِردِن کِه دَ وِ نُومِ عیسی چیئی نُوئَن، اوسِه وِشُو اِجازَه دَن کِه رُوئَن.
41رسول‌یا وا شایی دِ وَرِ اَهلِ شُورا کِردِن وِ دَر، سی یَکِه خُوشُو نِه قابل دیئِن کِه وِ سُنَه او نُوم بی‌قُرپ بان. 42وَ هیچ روزی، چِه دِ معبد چِه دِ حُونَه‌یا، دِ تعلیم وَ بشارت دِ بارَه یَکِه عیسی هِه او مسیحِ موعود اَ، دَس نَکَشیئِن.
လက္ရွိေရြးခ်ယ္ထားမွု
کاریا رسول‌یا 5: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
کاریا رسول‌یا 5
5
حَنانیا وَ سَفیره
1وَ اما پیائی بی وِ نُومِ حَنانیا واردِ زِئنَه‌ش سَفیرَه مِلکی نِه فِرُوختِن، 2قَری دِ پیلِکَه‌شِه کِه زِئنَه‌ش هَم دِش واخَوَر بی، گِل دَه وُ تَنیا یِه بَر دِ وَه نِه اُوِرد، نِئا وِ تِه پا رسول‌یا، 3اما پِطرُس وِش گُت: «حَنانیا، سی چی هِشتی پیسی شِیطُو، چِنی دِلِتِه بِئیرَه کِه وِ روح‌القدس دِرو بُوئی وَ قَری دِ پیلِکَه زِمی نِه سی خُوت وِرداری؟ 4مَر وِرَز فِروش، هینِ خُوت نِوی؟ وَ دِما فِروش هَم اختیارِ پیلِکَه‌ش مَه دَسِ خُوت نِوی؟ یَه سی دِ دِلِت قَصت کِردی کِه چِنی بَکی؟ تو نَه یَکِه وِ انسان، بَلکِم وِ خدا دِرو گُتی!»
5هِه کِه حَنانیا ایی قِصَه‌یا نِه اِشنَفت، اُفتا وِ دِلِ زِمی وَ جُو نِئا! گِردِ وِنُو کِه یَه نِه اِشنَفتِن زَرتِلاق بییِن. 6اوسِه قَری جِوُو اُومان وا وَر وَ او نِه کَفِه‌پیچ کِردِن وُ بُردِن وِ دَر، نِئانِش دِ قُور.
7نِزیکِ سه ساعتی دِش رَتی، کِه زِئنَه‌ش بی‌خَوَر دِ ایی جریان اُوما وامی. 8پِطرُس دِش پُرسی: «وِم بُو بِئینِم یعنی ایی زِمی نِه وِ هِه ایی قیمت فِرُوختیت؟»
سَفیرَه جُئُو دَه: «اَ، هِه وِ ایی قیمت.»
9پِطرُس وِش گُت: «اَ سی وا یَکتِری، دَس وِ یَکی کِردیت تا روحِ خدا نِه اِمتحُو بَکیت؟ یَه نِه دُونِسو، وِنُو کِه مِیرَه‌تِه نِئان دِ قُور، هِیسِه پاشُو ها دِ پیکِرَه دَر، وَ تو نِه هَم مُورَن وِ دَر.»
10دَرجا، سَفیرَه هَم دِ وَرِ پایا پِطرُس اُفتا وُ جُو نِئا. هِه کِه جِوُونیاکَه اُومان وامی، دیئِن او هَم مُردَه. پس بُردِنِش وِ دَر، لِفِ مِیرَه‌ش نِئانِش دِ قُور. 11اوسِه زَلَه اُفتا وِ جُونِ گِردِ وِنُونی کِه دِ کلیسا بییِن وَ گِردِ وِنُو کِه یَه نِه اِشنَفتِن.
نِشُونَه‌یا وَ معجزَه‌یا رسول‌یا
12گُراگُر نِشُونَه‌یا وَ معجزَه‌یا زیادی دِ مینِ مردِم وِ دَسِ رسول‌یا مِوی وَ ایمُوداریا گِردِشُو یِه دِل دِ اِیوُونِ سِلِیمُو دُورِ یَک جمع مِویئِن. 13اما دِ باقی مردِم، کَس جرأت نِمی‌کِرد وِشُو نِزیک با، هَر چَن گِردِ مردِم خیلی قُرپِشُو نِه داشتِن. 14بُری‌وُشُری دِ پیایا وَ زَنُو ایمُو می‌اُوِردِن وَ ری می‌کِردِن وِ خداوند، 15تا جائی کِه حتی مریض‌یا نِه می‌اُوِردِن وِ مِیُونیا شهر وَ وِنُو نِه وِ ری رَختِ‌خُویا وَ تخت‌یا مُوحُوفتَنِن تا هِه کِه پِطرُس دوچِه رَد موئَه، دَسِ‌کَم ساش وِ قَری دِشُو بِفتَه. 16وَ هَم مردِم دَسَه دَسَه دِ شهریا هورَه اورشلیم مِی‌اُومان وَ مریض‌یا وَ وِنُو کِه گیرِ روح‌یا گَن بییِن نِه می‌اُوِردِن، وُ گِردِشُو شفا می‌گِرِتِن.
گیر اُفتایِه‌نِ رسول‌یا
17اما کاهِنِ اعظم وَ گِردِ هُم‌قِطاریاش کِه دِ فِرقَه صَدوقی بییِن، دِ زورِ حَسیدی دَس وِ کار بییِن 18وَ رسول‌یا نِه گِرِتِن، وَنِن وِ هُلِفدُونِ شهر. 19اما دِ شُوگار، فرشتَه خداوند دَریا هُلِفدو نِه گُشَن وُ اُوِردِشُو وِ دَر 20وَ گُت: «رِت وَ دِ معبدِ خدا بِسیت وَ تمُومِ‌کمال پِیغُومِ ایی حیاتِ تازَه نِه وِ مردِم بُوئیت.»
21اوسِه شُوصُو، بِنا وِ او چیئی کِه وِشُو گُتینی، رَتِن وِ معبد وُ نِئان وِ تعلیم‌دِئِه‌نِ مردِم.
هِه کِه کاهِنِ اعظم وُ هُم‌قِطاریاش اُومان، اَهلِ شُورا وَ گِردِ مشایخِ اسرائیلِ نِه هِنا کِردِن. وَ قَری نِه کِل کِردِن تا رسول‌یا نِه دِ هُلِفدُو بیارَن. 22اما هِه کِه مأموریا رَتِن وِ مینِ هُلِفدُو، رسول‌یا نِه پیا نَکِردِن. پس گِل هَردِن وا دِما، خَوَر دَن کِه 23«دِراغِل‌یا هُلِفدو قُرص چِفتِ‌بَن بیئینی وَ نِگَبُونیا هَم دِ وَرِ دِراغِل‌یا اِیسایینی. اما هِه کِه دِراغِل‌یا نِه گُشَنیم، هیشکَه نِه دِ هُلِفدُو نَجُستیم.» 24وا اِشنَفتِه‌نِ ایی خَوَر، فَرمُوندَه نِگَبُونیا معبد وُ سَرُونِ کاهِن‌یا مِلاق دِ گُپِشُو بُرِس، وُ رَتِن دِ فکر کِه «عاقُوَتِ ایی کار چی موئَه؟»
25دِ ایی موقَع، یَکی اُوما وَ وِشُو خَوَر دَه، گُت: «وِنُونی کِه وَنیتُونی وِ هُلِفدُو، ایمدال دِ معبد اِیسانَه ها وِ مردِم تعلیم مِی‌ئَن.» 26پس فَرمُوندَه نِگَبُونیا معبد وا مأموریا رَتِن وُ رسول‌یا نِه اُوِردِن، اما نَه وِ زور، سی یَکِه زَلَه‌شُو مِی‌رَت کِه مردِم بَردبارُونِشُو بَکَن.
27هِه کِه رسول‌یا نِه اُوِردِن، وِنُو نِه نِئان دِ بِرُووَرِ شُورا، اوسِه، کاهِنِ اعظم دِشُو پُرسی: 28«مَر سخت مِناتُو نَکِردیم کِه دَ وا ایی نُوم تعلیم نِئیت؟ وا ایی حال شِما اورشلیمِ نِه وا تعلیم‌یاتُو پُر کِردیتَه وَ می‌حایت خینِ ایی پیا نِه بُونیت وِ مِلِ اِیما.»
29پِطرُس وَ رسول‌یا هَنی، جُئُو دَن: «اِیما بایِس دِ جالِ انسان خدا نِه اطاعت بَکیم. 30خدای بُوَه‌یا اِیما، هِه او عیسی نِه کِه شِما کَشیئیتُو وِ صلیب وَ کُشتیت، دِ مُردَه‌یا زِنَه کِرد. 31وَ او نِه وِ دَسِ راسِ خُوش بُرد بالا، سَروَر وَ نجات‌دهندَه کِرد، تا وِ قُومِ اسرائیل مِجالِ توبَه وَ آمرزشِ گُنَه‌یا بِئَه، 32وَ اِیما شاهدیا ایی چیائیم، هِه چِنُو کِه روح‌القدس هَم هی، کِه خدا او نِه دِئَه وِ وِنُو کِه دِش اطاعت می‌کَن.»
33وِنُو هِه کِه ایی چیا نِه اِشنَفتِن چِنُو تَش دِ سَرِشُو رَت کِه قَصت کِردِن وِنُو نِه بَکُشَن. 34اما پیائی دِ فِرقَه فَریسی، وِ نُومِ گامالائیل، کِه معلمِ شریعت بی وَ همَه قُرپِشِه داشتِن، دِ مجلس وِریسا سَرِ پا وَ هُد کِرد رسول‌یا نِه گِری بُورَن وِ دَر. 35اوسِه وِ هُم‌قِطاریاش گُت: «پیایا اسرائیلی، حَواسِتُو با وا ایی پیایا چی می‌حایت بَکیت. 36سی یَکه وِرَز ایی روزیا، پیائی وِ نُومِ تِئُوداس وِریسا کِه ادعا می‌کِرد کَسی اَ، وَ نِزیکِ چارصد نفر هَم مُریدِش بییِن. اما او کُشِس وَ مُریدیاش هَم گِردِشُو دِ یَک تَرفِه‌تین بییِن. 37دِما وَه، یَهودایِ جَلیلی دِ زِمُونِ سَرشِماری قیام کِرد وَ قَری نِه وَن دِ دُمِ خُوش، او هَم کُشِس وُ مُریدیاش هَم تینوارَه بییِن. 38ایسِه دِ ایی بابَت هَم وِتُو سفارش می‌کِم دَس دِ ایی پیایا وِرداریت وَ وِنُو نِه بِئیلیت وِ حالِ خُوشُو. سی یَکِه اَر نیَت وُ کاریاشُو دِ انسان با، بی‌گِمُو رَه وِ جائی نِمُورَه 39اما اَر دِ خدا با، نَتُونیت وِنُو نِه دِ مینَه وِرداریت، وَ حتی، ممکن هَم هی کِه وِ تیشکِ خدا وِریسائوئیت!»
40پس وِنُو قانع بییِن، وَ رسول‌یا نِه هِنا کِردِن، شَلاقشُو زَن وَ سخت مِناشُو کِردِن کِه دَ وِ نُومِ عیسی چیئی نُوئَن، اوسِه وِشُو اِجازَه دَن کِه رُوئَن.
41رسول‌یا وا شایی دِ وَرِ اَهلِ شُورا کِردِن وِ دَر، سی یَکِه خُوشُو نِه قابل دیئِن کِه وِ سُنَه او نُوم بی‌قُرپ بان. 42وَ هیچ روزی، چِه دِ معبد چِه دِ حُونَه‌یا، دِ تعلیم وَ بشارت دِ بارَه یَکِه عیسی هِه او مسیحِ موعود اَ، دَس نَکَشیئِن.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company