کاریا رسول‌یا 4
4
پِطرُس وَ یوحنا دِ بِرُووَرِ شُورا یهود
1پِطرُس وَ یوحنا هَنی دِ حالِ قِصَه کِردِه وا مردِم بییِن، کِه کاهِن‌یا وَ فَرمُوندَه نِگَهبُون‌یا معبد وَ قَری دِ فِرقَه صَدوقی‌یا اُومان وِ تِه‌شُو. 2وِنُو دِ یَکِه رسول‌یا وِ مردِم تعلیم مِی‌دَن وَ اِعلُوم می‌کِردِن کِه دِ عیسی، زِنَه‌بی‌یِه‌نِ مُردَه‌یا هی، سخت تَش گِرِتِن. 3اوسِه وِنُو نِه گِرِتِن وَ سی یَکِه ایوارَه‌گُونی بی، تا صُوش دِ بَن نِئَه‌شُو داشتِن. 4اما بُری دِ وِنُو کِه پِیغُومِ نِه اِشنَفتینی، ایمُو اُوِردِن وَ شِمارِ پیایاشُو رَسِس وِ نِزیکِ پنج هزار نفر.
5وا صُوش، گَپُونِ قُوم وُ مشایخ وُ معلم‌یا تورات دِ اورشلیم وا یَک جمع بییِن. 6دِ ایی مجلس، حَنا کاهِنِ اعظم وَ قیافا وَ یوحنا کاهِن وَ اسکندر وَ گِردِ هوزِحَضِراتِ کهانتِ اعظم بیشُو. 7وِنُو پِطرُس وُ یوحنا نِه نِئان دِ مینجا، دِشُو پُرسیئِن: «وِ چِه قدرت وَ وِ چِه نُومی ایی کارِ نِه کِردیتَه؟»
8اوسِه پِطرُس دِ روح‌القدس پُر بی، جُئُو دَه: «اِ گَپُونِ قُوم وَ اِ مشایخ، 9اَر اِیمرو وِ سُنَه خوئی‌کِردِه دِ حَقِ پیا علیلی دِ اِیما بازخواس موئَه، وَ مِی‌پُرسیت او پیا چطور شفا پیا کِردَه، 10پس گِردِ شِما وَ گِردِ قُومِ اسرائیل دُونِسوئیت کِه وِ نُومِ عیسی مسیحِ ناصری اَ کِه ایی پیا دِ وَرِتُو ساق‌وُسالم اِیسایَه، وِ نُومِ هِه وَه کِه شِما کَشیئیتِش وِ صلیب اما خدا او نِه دِ مُردَه‌یا زِنَه کِرد. 11ایی عیسی هِه او بَردی اَ کِه توسطِ شما بَنایا رَد بی وَ ایمدال بی‌یَه وِ بَردِ اصلی بِنا. 12دِ هیچ کَه غیرِ او نجات نی، سی یَکِه دِ زیرِ آسمُو نُومی هَنی وِ آیِم‌یا دِئَه نِویَه تا توسطِ وَه نجات پیا بَکیم.»
13هِه کِه جِسارتِ پِطرُس وُ یوحنا نِه دیئِن وَ فَمِسِن کِه آیِم‌یا دَرس نَحَنَه وُ بی‌سَوادی هیسِن، بِلاجیشُو اُوما وَ پِی بُردِن کِه یِنُو هِه وِنُونَن کِه وا عیسی بینَه. 14اما سی یَکِه او پیا شفاگِرِتَه دِ لارِگِ او دوتا اِیسایی، نَتُونِسِن چیئی بُوئَن. 15پس هُد کِردِن کِه دِ مجلس بَکَن وِ دَر وَ خُوشُو نِشِسِن وِ شُور. 16وا یَک گُتِن: «وا ایی پیایا چی بَکیم؟ سی یَکِه گِردِ مردِمِ اورشلیم دُونَن کِه معجزَه دیاری‌ای وِ دَسِشُو بی‌یَه وَ نَتُونیم حاشاش بَکیم. 17اما تا بیشتِر دِ یَه چُو نِفتایَه دِ مینِ قُوم، بایِس وِ ایی پیایا هُشتار بِئیم کِه دَ وا اَحَدی وِ ایی نُوم قِصَه نَکَن.»
18اوسِه وِنُو نِه دُوارَه هِنا کِردِن وَ وِشُو هُد کِردِن کِه هرگز وِ نُومِ عیسی چیئی نُوئَن وُ تعلیمی نِئَن. 19اما پِطرُس وُ یوحنا جُئُو دَن: «شِما خُوتُو داوَری بَکیت، دِ نظرِ خدا کُوم دُرِس اَ، اطاعت دِ شِما یا اطاعت دِ خدا؟ 20سی یَکِه اِیما نَتُونیم او چیئی کِه دیئیمُونَه وُ اِشنَفتیمُونَه تعریف نَکیم.»
21پس او دو نِه دِما تهدیدیا زیاد وِل کِردِن، سی یَکه رَئی سی مجازاتشُو پیا نَکِردِن. سی یَکِه گِردِ مردِم، خدا نِه سی او چیئی کِه بیئی، شکر می‌کِردِن. 22سی یَکِه او پیا کِه وا معجزَه شفا گِرِتی، بالا چِل سال داشت.
دعای ایمُوداریا
23پِطرُس وُ یوحنا دِما راهابی‌یِه، وِرگَشتِن وِ تِه رِفیق‌یاشُو وَ چیئی کِه سَرُونِ کاهِن‌یا وُ مشایخ وِشُو گُتینی، تعریف کِردِن. 24اوسِه وِنُو، هِه کِه یَه نِه اِشنَفتِن، هُم‌دَنگ وِ درگاه خدا دعا کِردِن، گُتِن: «اِ خداوندِ حاکم وِ گِردِ کاریا، اِ آفرینندَه آسمُو وَ زِمی وَ دریا وَ هَر چیئی کِه ها دِشُو، 25تو خُوت وِ واسطَه روح‌القدس دِ زِوُونِ بُوَه اِیما داوود کِه پاکارِ تو بی، فَرمایِشت کِردی:
«"وِ سُنَه چی، قُوم‌یا شورش می‌کَن،
وَ قُوم‌یا دِ وِل نَشخَه مِی‌کَشَن؟
26پاتشایا زِمی وا یَکتِری هُمدَس وُ هُم‌قِطار موئَن،
وَ فرمانروایا جمع موئَن وِ دُورِ یَکتِری،
وِ تیشکِ خداوند
وَ وِ تیشکِ مسیحِ او."
27وِ راسی کِه هِه دِ ایی شهر، هیرودیس وُ پُنتیوس پیلاتُس، واردِ غیرِیهودیُو وَ قُومِ اسرائیل وِ تیشکِ پاکارِ مُقدَسِت عیسی کِه او نِه مسح کِردی، دَس‌وِیَکی کِردِن، 28تا او چیئی نِه کِه دَس وَ اِرادَه تو دِ زی مُقَدَر کِردی، وِ اَنجُوم بَرَسنَن. 29ایسِه، اِ خداوند، سِیل کُو وِ تهدیدیاشُو وَ لطفی کُو وِ پاکاریات تا کلُومِتِه وا دِل‌وُجرأتِ بیشتِری بُوئَن، 30وَ هَم دَسِ خُوتِه وِ شفا دراز کُو وَ وِ نُومِ پاکارِ مُقدَسِت عیسی، نِشُونَه‌یا وُ معجزَه‌یا بَکُو.»
31دِما دعاشُو، جائی کِه دِ اوچِه جمع بیئینی، اُفتا وِ رِکِسِه وَ گِردِشُو دِ روح‌القدس پُر بییِن، وَ کلُومِ خدا نِه وا دِل‌وُجرأت می‌گُتِن.
هُم‌بَری ایمُوداریا دِ دارائیشُو
32گِردِ ایمُوداریا یِه دِل وُ یِه جُو بییِن وَ هیچ کَه چیئی دِ دارائیشِه هینِ خُوش نُئُونِس، بَلکِم دِ همَه چی وا یَک هُم‌بَر بییِن. 33رسول‌یا وا قدرتِ زیادی وِ زِنَه‌بی‌یِه‌نِ خداوند عیسی شاهادَتی مِی‌دَن وَ فیضِ عظیمی وِ ری گِردِشُو بی. 34کسی دِ مینِشُو مُتاج نِوی، سی یَکِه هَر کَه زِمی یا حُونِه‌ای داشت، می‌فِرُوخت وُ پیلِشِه 35وِ تِه رسول‌یا مِی‌ئِشت تا وِ قَدِ هُوجَه هَر کَه مابِینِشُو بَر با. 36یوسف هَم کِه دِ طائفَه لاوی وَ اَهلِ قبرس بی وَ رسول‌یا نُومِشِه بَرنابا یعنی ’تشویق‘ نِئائینی، 37زِمینی کِه داشت، فِرُوخت وَ پیلِشِه اُوِرد، نِئا وِ تِه رسول‌یا.
လက္ရွိေရြးခ်ယ္ထားမွု
کاریا رسول‌یا 4: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
کاریا رسول‌یا 4
4
پِطرُس وَ یوحنا دِ بِرُووَرِ شُورا یهود
1پِطرُس وَ یوحنا هَنی دِ حالِ قِصَه کِردِه وا مردِم بییِن، کِه کاهِن‌یا وَ فَرمُوندَه نِگَهبُون‌یا معبد وَ قَری دِ فِرقَه صَدوقی‌یا اُومان وِ تِه‌شُو. 2وِنُو دِ یَکِه رسول‌یا وِ مردِم تعلیم مِی‌دَن وَ اِعلُوم می‌کِردِن کِه دِ عیسی، زِنَه‌بی‌یِه‌نِ مُردَه‌یا هی، سخت تَش گِرِتِن. 3اوسِه وِنُو نِه گِرِتِن وَ سی یَکِه ایوارَه‌گُونی بی، تا صُوش دِ بَن نِئَه‌شُو داشتِن. 4اما بُری دِ وِنُو کِه پِیغُومِ نِه اِشنَفتینی، ایمُو اُوِردِن وَ شِمارِ پیایاشُو رَسِس وِ نِزیکِ پنج هزار نفر.
5وا صُوش، گَپُونِ قُوم وُ مشایخ وُ معلم‌یا تورات دِ اورشلیم وا یَک جمع بییِن. 6دِ ایی مجلس، حَنا کاهِنِ اعظم وَ قیافا وَ یوحنا کاهِن وَ اسکندر وَ گِردِ هوزِحَضِراتِ کهانتِ اعظم بیشُو. 7وِنُو پِطرُس وُ یوحنا نِه نِئان دِ مینجا، دِشُو پُرسیئِن: «وِ چِه قدرت وَ وِ چِه نُومی ایی کارِ نِه کِردیتَه؟»
8اوسِه پِطرُس دِ روح‌القدس پُر بی، جُئُو دَه: «اِ گَپُونِ قُوم وَ اِ مشایخ، 9اَر اِیمرو وِ سُنَه خوئی‌کِردِه دِ حَقِ پیا علیلی دِ اِیما بازخواس موئَه، وَ مِی‌پُرسیت او پیا چطور شفا پیا کِردَه، 10پس گِردِ شِما وَ گِردِ قُومِ اسرائیل دُونِسوئیت کِه وِ نُومِ عیسی مسیحِ ناصری اَ کِه ایی پیا دِ وَرِتُو ساق‌وُسالم اِیسایَه، وِ نُومِ هِه وَه کِه شِما کَشیئیتِش وِ صلیب اما خدا او نِه دِ مُردَه‌یا زِنَه کِرد. 11ایی عیسی هِه او بَردی اَ کِه توسطِ شما بَنایا رَد بی وَ ایمدال بی‌یَه وِ بَردِ اصلی بِنا. 12دِ هیچ کَه غیرِ او نجات نی، سی یَکِه دِ زیرِ آسمُو نُومی هَنی وِ آیِم‌یا دِئَه نِویَه تا توسطِ وَه نجات پیا بَکیم.»
13هِه کِه جِسارتِ پِطرُس وُ یوحنا نِه دیئِن وَ فَمِسِن کِه آیِم‌یا دَرس نَحَنَه وُ بی‌سَوادی هیسِن، بِلاجیشُو اُوما وَ پِی بُردِن کِه یِنُو هِه وِنُونَن کِه وا عیسی بینَه. 14اما سی یَکِه او پیا شفاگِرِتَه دِ لارِگِ او دوتا اِیسایی، نَتُونِسِن چیئی بُوئَن. 15پس هُد کِردِن کِه دِ مجلس بَکَن وِ دَر وَ خُوشُو نِشِسِن وِ شُور. 16وا یَک گُتِن: «وا ایی پیایا چی بَکیم؟ سی یَکِه گِردِ مردِمِ اورشلیم دُونَن کِه معجزَه دیاری‌ای وِ دَسِشُو بی‌یَه وَ نَتُونیم حاشاش بَکیم. 17اما تا بیشتِر دِ یَه چُو نِفتایَه دِ مینِ قُوم، بایِس وِ ایی پیایا هُشتار بِئیم کِه دَ وا اَحَدی وِ ایی نُوم قِصَه نَکَن.»
18اوسِه وِنُو نِه دُوارَه هِنا کِردِن وَ وِشُو هُد کِردِن کِه هرگز وِ نُومِ عیسی چیئی نُوئَن وُ تعلیمی نِئَن. 19اما پِطرُس وُ یوحنا جُئُو دَن: «شِما خُوتُو داوَری بَکیت، دِ نظرِ خدا کُوم دُرِس اَ، اطاعت دِ شِما یا اطاعت دِ خدا؟ 20سی یَکِه اِیما نَتُونیم او چیئی کِه دیئیمُونَه وُ اِشنَفتیمُونَه تعریف نَکیم.»
21پس او دو نِه دِما تهدیدیا زیاد وِل کِردِن، سی یَکه رَئی سی مجازاتشُو پیا نَکِردِن. سی یَکِه گِردِ مردِم، خدا نِه سی او چیئی کِه بیئی، شکر می‌کِردِن. 22سی یَکِه او پیا کِه وا معجزَه شفا گِرِتی، بالا چِل سال داشت.
دعای ایمُوداریا
23پِطرُس وُ یوحنا دِما راهابی‌یِه، وِرگَشتِن وِ تِه رِفیق‌یاشُو وَ چیئی کِه سَرُونِ کاهِن‌یا وُ مشایخ وِشُو گُتینی، تعریف کِردِن. 24اوسِه وِنُو، هِه کِه یَه نِه اِشنَفتِن، هُم‌دَنگ وِ درگاه خدا دعا کِردِن، گُتِن: «اِ خداوندِ حاکم وِ گِردِ کاریا، اِ آفرینندَه آسمُو وَ زِمی وَ دریا وَ هَر چیئی کِه ها دِشُو، 25تو خُوت وِ واسطَه روح‌القدس دِ زِوُونِ بُوَه اِیما داوود کِه پاکارِ تو بی، فَرمایِشت کِردی:
«"وِ سُنَه چی، قُوم‌یا شورش می‌کَن،
وَ قُوم‌یا دِ وِل نَشخَه مِی‌کَشَن؟
26پاتشایا زِمی وا یَکتِری هُمدَس وُ هُم‌قِطار موئَن،
وَ فرمانروایا جمع موئَن وِ دُورِ یَکتِری،
وِ تیشکِ خداوند
وَ وِ تیشکِ مسیحِ او."
27وِ راسی کِه هِه دِ ایی شهر، هیرودیس وُ پُنتیوس پیلاتُس، واردِ غیرِیهودیُو وَ قُومِ اسرائیل وِ تیشکِ پاکارِ مُقدَسِت عیسی کِه او نِه مسح کِردی، دَس‌وِیَکی کِردِن، 28تا او چیئی نِه کِه دَس وَ اِرادَه تو دِ زی مُقَدَر کِردی، وِ اَنجُوم بَرَسنَن. 29ایسِه، اِ خداوند، سِیل کُو وِ تهدیدیاشُو وَ لطفی کُو وِ پاکاریات تا کلُومِتِه وا دِل‌وُجرأتِ بیشتِری بُوئَن، 30وَ هَم دَسِ خُوتِه وِ شفا دراز کُو وَ وِ نُومِ پاکارِ مُقدَسِت عیسی، نِشُونَه‌یا وُ معجزَه‌یا بَکُو.»
31دِما دعاشُو، جائی کِه دِ اوچِه جمع بیئینی، اُفتا وِ رِکِسِه وَ گِردِشُو دِ روح‌القدس پُر بییِن، وَ کلُومِ خدا نِه وا دِل‌وُجرأت می‌گُتِن.
هُم‌بَری ایمُوداریا دِ دارائیشُو
32گِردِ ایمُوداریا یِه دِل وُ یِه جُو بییِن وَ هیچ کَه چیئی دِ دارائیشِه هینِ خُوش نُئُونِس، بَلکِم دِ همَه چی وا یَک هُم‌بَر بییِن. 33رسول‌یا وا قدرتِ زیادی وِ زِنَه‌بی‌یِه‌نِ خداوند عیسی شاهادَتی مِی‌دَن وَ فیضِ عظیمی وِ ری گِردِشُو بی. 34کسی دِ مینِشُو مُتاج نِوی، سی یَکِه هَر کَه زِمی یا حُونِه‌ای داشت، می‌فِرُوخت وُ پیلِشِه 35وِ تِه رسول‌یا مِی‌ئِشت تا وِ قَدِ هُوجَه هَر کَه مابِینِشُو بَر با. 36یوسف هَم کِه دِ طائفَه لاوی وَ اَهلِ قبرس بی وَ رسول‌یا نُومِشِه بَرنابا یعنی ’تشویق‘ نِئائینی، 37زِمینی کِه داشت، فِرُوخت وَ پیلِشِه اُوِرد، نِئا وِ تِه رسول‌یا.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company