کاریا رسولیا 28
28
پولُس دِ جزیرَه مالتا
1هِه کِه وِ سِلامت رَسِسیم وِ حُشکی، فَمِسیم نُومِ او جزیرَه مالتا اَ. 2مردِمُونِ جزیرَه لطفِ زیادی وِمُو کِردِن. سیمُو تَش وِرکَنِن وَ وِ گرمی دِ جِلومُو دِراُومان سی یَکه هوا سَرد بی وُ بارُو مِیوارِس. 3پولُس قَری هیمَه جمع کِرد وَ هِه کِه وَه نِه مِینِئا وِ ری تَش، دِ زورِ گَرما تَش، ماری دِ مینِ وَه کِرد وِ دَر وَ غِلِف حَرد وِ دَسِش. 4مردِمُونِ جزیرَه هِه کِه دیئِن ماری دِ دَسِ او دُر بییَه، وِ یَک گُتِن: «بیگِمُو، ایی پیا قاتل اَ، وا یَکِه دِ دریا نجات پیا کِردَه، اما عدالت نِمِئیلَه زِنَه بَمُونَه.» 5اما پولُس مارِ نِه وَن دِ تَش وَ هیچ بِلائی نَگِرِتِش. 6وِنُو چَشچَش مِیکِردِن بدنِش بای بَکَه یا یَکِه یِگِلی بِفتَه وُ بَمیرَه. اما دِما چَشچَشِ زیاد، هِه کِه دیئِن هیچ بِلائی نَگِرِتِش، فِکرِشُو وِرگَشت وُ گُتِن پولُس یِه خدا اَ.
7دِ او نِزیکی زِمینیائی بی هینِ رئیسِ جزیرَه کِه نُومِش پوبلیوس بی. او اِیما نِه وِ حُونَه خُوش دعوت کِرد وَ سِه رو وِ گَرمی دِ جِلومُو دِراُوما. 8تُومَرز، بُوَه پوبلیوس اُفتائی دِ جا، وَ تُوء وَ بِلَریقَه داشت. پولُس رَت وِ تِهش وَ دعا کِرد، دَس نِئا وِ ریش وُ شَفاش دَه. 9دِما ایی جریان، باقی مریضیائی کِه دِ جزیرَه بییِن، مِیاُومان وَ شفا میگِرِتِن. 10وِنُو خیلی قُرپ وُ عِزَتِ اِیما نِه داشتِن، وَ هِه کِه سی رَتِه حاضر مِویئیم، هَر چیئی کِه هُوجَهمُو بی سیمُو آمادَه کِردِن.
پولُس رَسِس وِ روم
11دِما سِه ماه، وا کَشتیئی کِه زِمِسُو نِه دِ جزیرَه مَنی، رائی دریا بیئیم. او کَشتی هینِ اسکندریَه بی وُ دِ جِلوش نِشُونَه «خدایا لِفُونَه» نِه داشت. 12رَسِسیم وِ سیراکوز، لنگر وَنیم وَ سِه رو مَنیم دوچِه. 13اوسِه سفرِ دریائی نِه ادامَه دِئیم وَ رَسِسیم وِ شهرِ ریگیون. وا صُوش، بایِ جنوبی وِریسا، دو صُوش رَسِسیم وِ شهرِ پوتیولی. 14دِ اوچِه چَنتا دِ بِرارُو نِه پیا کِردیم کِه دِ اِیما دعوت گِرِتِن یِه هفتَه وِ تِهشُو بایم. آخِر سَر رَسِسیم وِ روم. 15بِرارُونِ ایمُودارِ اوچِه اِشنَفتینی کِه هایم دِ رَه، تا بازارِ آپیوس وَ آبادیئی وِ نُومِ "سِه مِی حُونَه" اُومایینی وِ پیشوازِمُو. پولُس وا دیئِهنِ وِنُو خدا نِه شکر کِرد وَ دِلِش قُرص بی. 16هِه کِه رَسِسیم وِ روم، وِ پولُس اِجازَه دَن تا تَنیا وا یِه سَروازِ محافظ بَمُونَه دِ حُونَه خُوش.
پولُس دِ روم
17دِما سِه رو، پولُس گَپُونِ یهودِ نِه دعوت گِرِت. هِه کِه جمع بییِن، وِشُو گُت: «بِرارُو، وا یَکِه مِه کاری وِ تیشکِ قُومِ خُوم یا آییندایینِ بُوَهیامُو نَکِردیمی، مِه نِه دِ اورشلیم گِرِتِن وَ تحویلِ رومییا دَن. 18وِنُو دِ مِه بازخواست کِردِن وَ حاسِن آزادِم بَکَن، سی یَکِه دِ مِه جُرمی نِئییِن کِه سزاوارِ مرگ با. 19اما هِه کِه یهودیُو اعتراض کِردِن، ناحِلاج بیئِم دِ قیصر دادخوائی بَکِم، اَلوَت نَه سی یَکِه دِ ملتِ خُوم شکایت بَکِم. 20زوتا، حاسِم شِما نِه بِئینِم وَ واتُو قِصَه بَکِم، سی یَکه وِ سُنَه او اُمیدِ اسرائیل اَ، کِه مِه نِه وِ ایی زنجیر زالِنَه کِردِنَه.»
21وِنُو دِ جُئُو گُتِن: «هیچ نُومِهای دِ یهودیَه دِ بارَه تو نَرَسِسَه وِ دَسِمُو، وَ هیچ کُوم دِ بِرارُونی کِه دوچِه اُومانَه خَوَر یا لاپُرتِ گَنی دِ بارَه تو نیُووِردِنَه. 22اما دوس داریم عقیدَه تو نِه هَم بَشنُوئیم، سی یَکِه دُونیم کِه مردِم دِ هَر جا وِ تیشکِ ایی فِرقَه قِصَه میکَن.»
23پس روزی نِه دیاری کِردِن وَ بُریوُشُری اُومان وِ حُونَهش تا بِئینَنِش. او دِ صُو تا شُو، دِ بارَه پاتشائی خدا واشُو قِصَه کِرد وَ تَقِلا کِرد دِ توراتِ موسی وَ نیسَنَهیا انبیا، دِ بارَه عیسی قانِعِشُو بَکَه. 24قَری دِشُو وا قِصَهیاش قانِع بییِن، اما باقی باوَر نَکِردِن. 25پس هِه چِنُو کِه وا یَک دَمرِگَه میکِردِن، دوچِه زَن وِ دَر. اما وِرَز یَکِه دوچِه رُوئَن، پولُس کلُومِ آخِرِ خُوشِه اِعلُوم کِرد وَ گُت: «روحالقدس چِه دُرِس وا بُوَهیا شِما قِصَه کِرد، اوسِه کِه وِ واسطَه اِشعَیا نبی گُت:
26«”وِ تِه ایی قُوم رُو وَ بُو،
’شِما حقیقتا وِ گوشِ خُوتُو مِیشنُوئیت، اما هیچ موقَع نِمیفَمیت؛
شِما حقیقتا وِ چَشِ خُوتُو مِئینیت، اما هیچ موقَع درک نِمیکیت.‘
27سی یَکِه دِلِ ایی قُوم بَرد بییَه،
گوشیاشُو سنگین بییَه،
وَ چَشیا خُوشُو نِه بَستِنَه،
نَکَه وا چَشیاشُو بِئینَن،
وَ وا گوشیاشُو بَشنُوئَن،
وَ دِ دِلِ خُوشُو بَفَمَن
وَ والا مِه وِرگَردَن وَ مِه شَفاشُو بِئِم.“
28« پس دُونِسوئیت کِه نجاتِ خدا وِ تِه غیرِیهودیُو کِل بییَه وَ وِنُو گوش مِیئَن!» 29[دِما یَکِه یَه نِه گُت، یهودیُو هِه چِنُو کِه سخت وا یَک دَمرِگَه میکِردِن، دوچِه رَتِن.]
30وِ ایی صورت پولُس دو سالِ تمُوم مَن دِ حُونَه اِجارِهایش وَ هَر کَه نِه کِه مِیاُوما وِ تِهش، قبول میکِرد. 31او پاتشائی خدا نِه اِعلُوم میکِرد وَ وا دِلوُجرأتِ تمُوم بییَکِه کسی جِلوشِه بِئیرَه دِ بارَه عیسی مسیحِ خداوند تعلیم مِیدَه.
လက္ရွိေရြးခ်ယ္ထားမွု
کاریا رسولیا 28: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
کاریا رسولیا 28
28
پولُس دِ جزیرَه مالتا
1هِه کِه وِ سِلامت رَسِسیم وِ حُشکی، فَمِسیم نُومِ او جزیرَه مالتا اَ. 2مردِمُونِ جزیرَه لطفِ زیادی وِمُو کِردِن. سیمُو تَش وِرکَنِن وَ وِ گرمی دِ جِلومُو دِراُومان سی یَکه هوا سَرد بی وُ بارُو مِیوارِس. 3پولُس قَری هیمَه جمع کِرد وَ هِه کِه وَه نِه مِینِئا وِ ری تَش، دِ زورِ گَرما تَش، ماری دِ مینِ وَه کِرد وِ دَر وَ غِلِف حَرد وِ دَسِش. 4مردِمُونِ جزیرَه هِه کِه دیئِن ماری دِ دَسِ او دُر بییَه، وِ یَک گُتِن: «بیگِمُو، ایی پیا قاتل اَ، وا یَکِه دِ دریا نجات پیا کِردَه، اما عدالت نِمِئیلَه زِنَه بَمُونَه.» 5اما پولُس مارِ نِه وَن دِ تَش وَ هیچ بِلائی نَگِرِتِش. 6وِنُو چَشچَش مِیکِردِن بدنِش بای بَکَه یا یَکِه یِگِلی بِفتَه وُ بَمیرَه. اما دِما چَشچَشِ زیاد، هِه کِه دیئِن هیچ بِلائی نَگِرِتِش، فِکرِشُو وِرگَشت وُ گُتِن پولُس یِه خدا اَ.
7دِ او نِزیکی زِمینیائی بی هینِ رئیسِ جزیرَه کِه نُومِش پوبلیوس بی. او اِیما نِه وِ حُونَه خُوش دعوت کِرد وَ سِه رو وِ گَرمی دِ جِلومُو دِراُوما. 8تُومَرز، بُوَه پوبلیوس اُفتائی دِ جا، وَ تُوء وَ بِلَریقَه داشت. پولُس رَت وِ تِهش وَ دعا کِرد، دَس نِئا وِ ریش وُ شَفاش دَه. 9دِما ایی جریان، باقی مریضیائی کِه دِ جزیرَه بییِن، مِیاُومان وَ شفا میگِرِتِن. 10وِنُو خیلی قُرپ وُ عِزَتِ اِیما نِه داشتِن، وَ هِه کِه سی رَتِه حاضر مِویئیم، هَر چیئی کِه هُوجَهمُو بی سیمُو آمادَه کِردِن.
پولُس رَسِس وِ روم
11دِما سِه ماه، وا کَشتیئی کِه زِمِسُو نِه دِ جزیرَه مَنی، رائی دریا بیئیم. او کَشتی هینِ اسکندریَه بی وُ دِ جِلوش نِشُونَه «خدایا لِفُونَه» نِه داشت. 12رَسِسیم وِ سیراکوز، لنگر وَنیم وَ سِه رو مَنیم دوچِه. 13اوسِه سفرِ دریائی نِه ادامَه دِئیم وَ رَسِسیم وِ شهرِ ریگیون. وا صُوش، بایِ جنوبی وِریسا، دو صُوش رَسِسیم وِ شهرِ پوتیولی. 14دِ اوچِه چَنتا دِ بِرارُو نِه پیا کِردیم کِه دِ اِیما دعوت گِرِتِن یِه هفتَه وِ تِهشُو بایم. آخِر سَر رَسِسیم وِ روم. 15بِرارُونِ ایمُودارِ اوچِه اِشنَفتینی کِه هایم دِ رَه، تا بازارِ آپیوس وَ آبادیئی وِ نُومِ "سِه مِی حُونَه" اُومایینی وِ پیشوازِمُو. پولُس وا دیئِهنِ وِنُو خدا نِه شکر کِرد وَ دِلِش قُرص بی. 16هِه کِه رَسِسیم وِ روم، وِ پولُس اِجازَه دَن تا تَنیا وا یِه سَروازِ محافظ بَمُونَه دِ حُونَه خُوش.
پولُس دِ روم
17دِما سِه رو، پولُس گَپُونِ یهودِ نِه دعوت گِرِت. هِه کِه جمع بییِن، وِشُو گُت: «بِرارُو، وا یَکِه مِه کاری وِ تیشکِ قُومِ خُوم یا آییندایینِ بُوَهیامُو نَکِردیمی، مِه نِه دِ اورشلیم گِرِتِن وَ تحویلِ رومییا دَن. 18وِنُو دِ مِه بازخواست کِردِن وَ حاسِن آزادِم بَکَن، سی یَکِه دِ مِه جُرمی نِئییِن کِه سزاوارِ مرگ با. 19اما هِه کِه یهودیُو اعتراض کِردِن، ناحِلاج بیئِم دِ قیصر دادخوائی بَکِم، اَلوَت نَه سی یَکِه دِ ملتِ خُوم شکایت بَکِم. 20زوتا، حاسِم شِما نِه بِئینِم وَ واتُو قِصَه بَکِم، سی یَکه وِ سُنَه او اُمیدِ اسرائیل اَ، کِه مِه نِه وِ ایی زنجیر زالِنَه کِردِنَه.»
21وِنُو دِ جُئُو گُتِن: «هیچ نُومِهای دِ یهودیَه دِ بارَه تو نَرَسِسَه وِ دَسِمُو، وَ هیچ کُوم دِ بِرارُونی کِه دوچِه اُومانَه خَوَر یا لاپُرتِ گَنی دِ بارَه تو نیُووِردِنَه. 22اما دوس داریم عقیدَه تو نِه هَم بَشنُوئیم، سی یَکِه دُونیم کِه مردِم دِ هَر جا وِ تیشکِ ایی فِرقَه قِصَه میکَن.»
23پس روزی نِه دیاری کِردِن وَ بُریوُشُری اُومان وِ حُونَهش تا بِئینَنِش. او دِ صُو تا شُو، دِ بارَه پاتشائی خدا واشُو قِصَه کِرد وَ تَقِلا کِرد دِ توراتِ موسی وَ نیسَنَهیا انبیا، دِ بارَه عیسی قانِعِشُو بَکَه. 24قَری دِشُو وا قِصَهیاش قانِع بییِن، اما باقی باوَر نَکِردِن. 25پس هِه چِنُو کِه وا یَک دَمرِگَه میکِردِن، دوچِه زَن وِ دَر. اما وِرَز یَکِه دوچِه رُوئَن، پولُس کلُومِ آخِرِ خُوشِه اِعلُوم کِرد وَ گُت: «روحالقدس چِه دُرِس وا بُوَهیا شِما قِصَه کِرد، اوسِه کِه وِ واسطَه اِشعَیا نبی گُت:
26«”وِ تِه ایی قُوم رُو وَ بُو،
’شِما حقیقتا وِ گوشِ خُوتُو مِیشنُوئیت، اما هیچ موقَع نِمیفَمیت؛
شِما حقیقتا وِ چَشِ خُوتُو مِئینیت، اما هیچ موقَع درک نِمیکیت.‘
27سی یَکِه دِلِ ایی قُوم بَرد بییَه،
گوشیاشُو سنگین بییَه،
وَ چَشیا خُوشُو نِه بَستِنَه،
نَکَه وا چَشیاشُو بِئینَن،
وَ وا گوشیاشُو بَشنُوئَن،
وَ دِ دِلِ خُوشُو بَفَمَن
وَ والا مِه وِرگَردَن وَ مِه شَفاشُو بِئِم.“
28« پس دُونِسوئیت کِه نجاتِ خدا وِ تِه غیرِیهودیُو کِل بییَه وَ وِنُو گوش مِیئَن!» 29[دِما یَکِه یَه نِه گُت، یهودیُو هِه چِنُو کِه سخت وا یَک دَمرِگَه میکِردِن، دوچِه رَتِن.]
30وِ ایی صورت پولُس دو سالِ تمُوم مَن دِ حُونَه اِجارِهایش وَ هَر کَه نِه کِه مِیاُوما وِ تِهش، قبول میکِرد. 31او پاتشائی خدا نِه اِعلُوم میکِرد وَ وا دِلوُجرأتِ تمُوم بییَکِه کسی جِلوشِه بِئیرَه دِ بارَه عیسی مسیحِ خداوند تعلیم مِیدَه.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company