کاریا رسول‌یا 19
19
پولُس دِ اَفِسُس
1دِ او زِمُو کِه آپولُس دِ قُرَنتُس بی، پولُس دِما رَد بی‌یِه دِ او دیار، دِ رَه حُشکی رَسِس وِ اَفِسُس. دوچِه قَری دِ شاگردیا نِه پیا کِرد 2وَ دِشُو پُرسی: «هِه کِه ایمُو اُوِردیت، روح‌القدسِ نِه گِرِتیت؟»
گُتِن: «نَه، اِیما حتی نَشنَفتیمَه کِه روح‌القدسی هَم هی.»
3پولُس وِشُو گُت: «پس وِ ری چِه اساسی تعمید گِرِتیت؟»
گُتِن: «تعمیدِ یحیی.»
4پولُس گُت: «یحیی، تعمیدِ توبَه مِی‌دَه. یحیی وِ مردِم می‌گُت وِ وَه کِه دِما او می‌آیَه ایمُو بیارَن، یعنی وِ عیسی.» 5هِه کِه یَه نِه اِشنَفتِن، دِ نُومِ خداوند عیسی تعمید گِرِتِن. 6وَ هِه یَکه پولُس دَس نِئا وِ ریشُو، روح‌القدس وِ ریشُو قِرار گِرِت، چِنُو کِه وِ زِوُونیا هَنی قِصَه کِردِن وَ نبوت کِردِن. 7او پیایا، گِردِشُو وا یَک نِزیکِ دُوازَه نفر بییِن.
8اوسِه پولُس رَت وِ کنیسَه، دِ اوچِه سِه ماه وا جرأت قِصَه می‌کِرد وَ دِبارَه پاتشائی خدا گَپ‌وُگُفت می‌کِرد وا دلیل‌یا قُرصی قانِعشُو می‌کِرد. 9اما هِه کِه قَری دِشُو زیرِ بار نَرَتِن وَ ایمُو نیُووِردِن، وَ دِ وَرِ ری همَه، نِئان وِ گَن گُتِه دِبارَه «اَهلِ طریقت». پولُس دِشُو اُفتا وِ لا وَ شاگردیا نِه وا خُوش وِرداشت وَ هَر رو دِ مدرسَه تیرانوس، بحث وَ گَپ‌وُگُفت می‌کِرد. 10دو سال هِه وِ ایی مِنوال دِش رَت وَ دِ ایی مدت، گِردِ یهودیُو وَ یونانی‌یائی کِه دِ منطقَه آسیا بییِن، کلُومِ خداوندِ نِه اِشنَفتِن.
کُرُونِ اِسکیوا
11خدا وِ دَسِ پولُس معجزَه‌یا بِلاجی‌ای می‌کِرد، 12چِنُو کِه مردِم دَسمال‌یا وَ پَرِ جُومَه‌یاشُو کِه وِ قِی او سائِسی، سی مریض‌یا مُوئُوردِن، وَ وِنُو شفا می‌گِرِتِن وَ روح‌یا گَن دِشُو می‌کِردِن وِ دَر.
13اوسِه قَری دِ جِن‌گیریا دُورَه‌گَردِ یهودی هَم تَقِلا کِردِن نُومِ خداوند عیسی نِه بیارَن وِ ری وِنُو کِه روح‌یا گَن داشتِن. وِنُو می‌گُتِن: «وِ نُوم عیسی‌ای کِه پولُس وِ وَه موعظَه می‌کَه بیایت وِ دَر!» 14وِنُو کِه چِنی می‌کِردِن، هفت کُرِ اِسکیوا، یَکی دِ سَرُونِ کاهِن‌یا یهود بییِن. 15اما روحِ گَن دِ جُئُوشُو گُت: «عیسی نِه می‌شناسِم، پولُسِ نِه هَم می‌شناسِم، اما شِما چِه کسی هیسیت؟» 16اوسِه پیائی کِه روحِ گَن داشت، پِرِس وِ ریشُو، وَ زور بی وِ ری گِردِشُو وَ چِنُو وِنُو نِه رِمِه‌کو کِرد کِه لُختِ بِرینَه وُ زَمدار دِ او حُونَه جیستِن.
17هِه یَکِه گِردِ مردِمِ اَفِسُس، دِ یهودی وُ یونانی، دِ ایی جریان واخَوَر بییِن، زَرتِلاق بییِن، چِنُو کِه دِ وَه وا دِما قُرپِ نُومِ خداوند عیسی نِه خیلی نِئَه مِی‌ئاشتِن. 18وَ بُری دِ وِنُو کِه ایمُو اُوِردینی، اُومان وا وَر، وَ آشکارا وِ کاریا خُوشُو اعتراف کِردِن. 19وَ قَری هَم کِه وِرَز وَه جادوگری می‌کِردِن، کِتُویا خُوشُو نِه اُوِردِن وَ دِ وَرِ چَشِ همَه تَش نِئان دِشُو. هِه کِه قیمتِ کِتُویا نِه حِسُو کِردِن، پنجاه هزار سکَه نقرَه بی. 20وِ ایی صورت، کلُومِ خدا وِ همَه جا مِی‌رَت وَ پخش مِئی وَ جُو می‌گِرِت.
21دِما ایی جریان‌یا، پولُس توسطِ روحِ خدا هدایت بی کِه دِ رَه مقدونیَه وَ اَخائیَه، وِرگَردَه وِ اورشلیم، گُت: «دِما رَتِه‌نِم وِ اوچِه بایِس سَری هَم بَزِنِم وِ روم.» 22اوسِه دوتا دِ وَردَس‌یاش، تیموتائوس وَ اِراستوسِ نِه کِل کِرد وِ مقدونیَه وُ خُوش چَن وَختی مَن دِ منطقَه آسیا.
بَلوا دِ اَفِسُس
23دِ ایی موقَع، بِلبِشو گَپی دِبارَه «اَهلِ طریقت» وِریسا. 24نقرَه‌کاری وِ نُومِ دیمیتریوس کِه تِمثال‌یا نقره‌ای دِ بُتِ آرتِمیس می‌ساخت وَ دِ ایی رَه دَرآمدِ زیادی نِصیوِ صنعتگَریا کِردی، 25هُم‌قِطاریا وُ کارگَریا نِه جمع کِرد وُ وِشُو گُت: «پیایا، دُونیت کِه ثروتِ اِیما دِ ایی پیشَه‌آ. 26اما چِنُوکِه مِئی‌نیت وَ می‌شنُوئیت، ایی پولُس، نَه تَنیا دِ اَفِسُس، بلکِم تقریبا دِ سَرتاسَرِ آسیا، بُری نِه قانع کِردَه وَ دِ رَه وِ دَرِشُو کِردَه. او مُوئَه خدایا ساختَه دَسِ بشر، خدا نیسِن. 27پس ایی خطر هی کِه نَه تَنیا کاسُوویمُو دِ رونق بِفتَه، بلکِم معبدِ الهَه گَپِمُو آرتِمیس هَم هیچ وِ حِسُو نِئا وَ او کِه دِ آسیا وَ دِ سَرتاسَرِ دنیا پِرَسِش موئَه، دِ گَپی وُ طَمطِراق بِفتَه.»
28هِه کِه یَه نِه اِشنَفتِن، تَش دِ سَرِشُو رَت، قارَنِن کِه: «گَپ اَ آرتِمیسِ اَفِسُسی‌یا!» 29دِ گِردِ شهر بِلبِشوئی وِریسا! مردِم شیت بیئینی وُ یِه دَس رِمال بُردِن والا مِیُونِ مسابقَه وَ گایوس وُ آریستارخوسِ نِه کِه اَهلِ مقدونیَه وَ دِ هُمرَه‌یا پولُس بییِن، تُرکَش وا خُوشُو مُوئُوردِن. 30اما هِه کِه پولُس حاس بیایَه دِ مینِ شِلوغی، شاگردیا نِئِشتِن. 31حتی قَری دِ مقاماتِ منطقَه آسیا کِه دِ رِفیق‌یاش بییِن، سیش پِیغُوم کِل کِردِن، وَ خواهِشت‌تَمَنا کِردِن کِه پا نَنِئَه دِ مِیُونِ مسابقَه.
32مردِم رِختِسِن دِ یَک قِشقِرِقی وِ پا بی. گِرد وا یَک می‌قارَنِن وَ هَر کَه چیئی می‌گُت وَ بیشتِرِ مردِم نُئُونِسِن سی چی جمع بینَه. 33یهودیُو کِه اسکندرِ نِه وَنینی وا وَر، قَری دِ مینِ جمعیت گِمُو می‌کِردِن اسکندر مسئولِ ایی قِشقِرِق اَ. او دَس تَکُو دَه، دِ مردِم حاس بی‌کِش بان وَ تَقِلا کِرد چیئی سی دفاع بُوئَه. 34اما هِه کِه مردِم فَمِسِن کِه اسکندر یهودی اَ، همَه یِه دَنگ، نِزیکِ دو ساعت می‌قارَنِن: «گَپ اَ آرتِمیسِ اَفِسُسی‌یا!»
35آخِرسَر، داروغَه شهر جمعیتِ نِه آرُوم کِرد وَ گُت: «پیایا اَفِسُس، مَه کسی هی کِه نُئُونِسوئَه شهرِ اَفِسُسی‌یا ناتورِ معبد آرتِمیسِ گَپ اَ؟ مَر کَسی هی کِه نُئُونِسوئَه کِه شهرِ اَفِسُسی‌یا ویردارِ او بَردِ سی اَ کِه دِ آسمُو اُفتایَه وِ زِمی؟ 36پس هِه کِه ایی حقیقت حاشاکِردِه‌نی نی، بایِس سِتارِتُو بِئی‌رَه وَ هُول‌پِلَکی کاری نَکیت. 37سی یَکه ایی پیایا کِه اُوِردیتَه وِ ایچِه، نَه معبدمُو نِه بی‌قُرپ کِردِنَه وَ نَه وِ الهَه اِیما کِفِر گُتِنَه. 38پس اَر دیمیتریوس وَ هُم‌قِطاریا صنعتگرِش دِ کسی شاکی اَن، دَرِ مَحکِمَه‌یا چارطاق اَ وَ والی‌یا هَم هان ووچِه. تُونَن شکایت‌یاشُو نِه بُورَن ووچِه. 39اما اَر مسئِلَه‌ای هَنی داریت، بایِس او نِه دِ مجلسِ شهر حَل‌وُفصل بَکیت. 40سی یَکِه واقعا ایی خطر هی کِه وِ سُنَه بِلبِشو اِیمرو، متهم بایم وِ شورشگری. اَر چِنی با، نَتُونیم دلیلی سی توجیه ایی بِلبِشو بیاریم.» 41یَه نِه گُت وَ مردِمِه دِ یَک تَرفِه‌تین کِرد.
လက္ရွိေရြးခ်ယ္ထားမွု
کاریا رسول‌یا 19: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
کاریا رسول‌یا 19
19
پولُس دِ اَفِسُس
1دِ او زِمُو کِه آپولُس دِ قُرَنتُس بی، پولُس دِما رَد بی‌یِه دِ او دیار، دِ رَه حُشکی رَسِس وِ اَفِسُس. دوچِه قَری دِ شاگردیا نِه پیا کِرد 2وَ دِشُو پُرسی: «هِه کِه ایمُو اُوِردیت، روح‌القدسِ نِه گِرِتیت؟»
گُتِن: «نَه، اِیما حتی نَشنَفتیمَه کِه روح‌القدسی هَم هی.»
3پولُس وِشُو گُت: «پس وِ ری چِه اساسی تعمید گِرِتیت؟»
گُتِن: «تعمیدِ یحیی.»
4پولُس گُت: «یحیی، تعمیدِ توبَه مِی‌دَه. یحیی وِ مردِم می‌گُت وِ وَه کِه دِما او می‌آیَه ایمُو بیارَن، یعنی وِ عیسی.» 5هِه کِه یَه نِه اِشنَفتِن، دِ نُومِ خداوند عیسی تعمید گِرِتِن. 6وَ هِه یَکه پولُس دَس نِئا وِ ریشُو، روح‌القدس وِ ریشُو قِرار گِرِت، چِنُو کِه وِ زِوُونیا هَنی قِصَه کِردِن وَ نبوت کِردِن. 7او پیایا، گِردِشُو وا یَک نِزیکِ دُوازَه نفر بییِن.
8اوسِه پولُس رَت وِ کنیسَه، دِ اوچِه سِه ماه وا جرأت قِصَه می‌کِرد وَ دِبارَه پاتشائی خدا گَپ‌وُگُفت می‌کِرد وا دلیل‌یا قُرصی قانِعشُو می‌کِرد. 9اما هِه کِه قَری دِشُو زیرِ بار نَرَتِن وَ ایمُو نیُووِردِن، وَ دِ وَرِ ری همَه، نِئان وِ گَن گُتِه دِبارَه «اَهلِ طریقت». پولُس دِشُو اُفتا وِ لا وَ شاگردیا نِه وا خُوش وِرداشت وَ هَر رو دِ مدرسَه تیرانوس، بحث وَ گَپ‌وُگُفت می‌کِرد. 10دو سال هِه وِ ایی مِنوال دِش رَت وَ دِ ایی مدت، گِردِ یهودیُو وَ یونانی‌یائی کِه دِ منطقَه آسیا بییِن، کلُومِ خداوندِ نِه اِشنَفتِن.
کُرُونِ اِسکیوا
11خدا وِ دَسِ پولُس معجزَه‌یا بِلاجی‌ای می‌کِرد، 12چِنُو کِه مردِم دَسمال‌یا وَ پَرِ جُومَه‌یاشُو کِه وِ قِی او سائِسی، سی مریض‌یا مُوئُوردِن، وَ وِنُو شفا می‌گِرِتِن وَ روح‌یا گَن دِشُو می‌کِردِن وِ دَر.
13اوسِه قَری دِ جِن‌گیریا دُورَه‌گَردِ یهودی هَم تَقِلا کِردِن نُومِ خداوند عیسی نِه بیارَن وِ ری وِنُو کِه روح‌یا گَن داشتِن. وِنُو می‌گُتِن: «وِ نُوم عیسی‌ای کِه پولُس وِ وَه موعظَه می‌کَه بیایت وِ دَر!» 14وِنُو کِه چِنی می‌کِردِن، هفت کُرِ اِسکیوا، یَکی دِ سَرُونِ کاهِن‌یا یهود بییِن. 15اما روحِ گَن دِ جُئُوشُو گُت: «عیسی نِه می‌شناسِم، پولُسِ نِه هَم می‌شناسِم، اما شِما چِه کسی هیسیت؟» 16اوسِه پیائی کِه روحِ گَن داشت، پِرِس وِ ریشُو، وَ زور بی وِ ری گِردِشُو وَ چِنُو وِنُو نِه رِمِه‌کو کِرد کِه لُختِ بِرینَه وُ زَمدار دِ او حُونَه جیستِن.
17هِه یَکِه گِردِ مردِمِ اَفِسُس، دِ یهودی وُ یونانی، دِ ایی جریان واخَوَر بییِن، زَرتِلاق بییِن، چِنُو کِه دِ وَه وا دِما قُرپِ نُومِ خداوند عیسی نِه خیلی نِئَه مِی‌ئاشتِن. 18وَ بُری دِ وِنُو کِه ایمُو اُوِردینی، اُومان وا وَر، وَ آشکارا وِ کاریا خُوشُو اعتراف کِردِن. 19وَ قَری هَم کِه وِرَز وَه جادوگری می‌کِردِن، کِتُویا خُوشُو نِه اُوِردِن وَ دِ وَرِ چَشِ همَه تَش نِئان دِشُو. هِه کِه قیمتِ کِتُویا نِه حِسُو کِردِن، پنجاه هزار سکَه نقرَه بی. 20وِ ایی صورت، کلُومِ خدا وِ همَه جا مِی‌رَت وَ پخش مِئی وَ جُو می‌گِرِت.
21دِما ایی جریان‌یا، پولُس توسطِ روحِ خدا هدایت بی کِه دِ رَه مقدونیَه وَ اَخائیَه، وِرگَردَه وِ اورشلیم، گُت: «دِما رَتِه‌نِم وِ اوچِه بایِس سَری هَم بَزِنِم وِ روم.» 22اوسِه دوتا دِ وَردَس‌یاش، تیموتائوس وَ اِراستوسِ نِه کِل کِرد وِ مقدونیَه وُ خُوش چَن وَختی مَن دِ منطقَه آسیا.
بَلوا دِ اَفِسُس
23دِ ایی موقَع، بِلبِشو گَپی دِبارَه «اَهلِ طریقت» وِریسا. 24نقرَه‌کاری وِ نُومِ دیمیتریوس کِه تِمثال‌یا نقره‌ای دِ بُتِ آرتِمیس می‌ساخت وَ دِ ایی رَه دَرآمدِ زیادی نِصیوِ صنعتگَریا کِردی، 25هُم‌قِطاریا وُ کارگَریا نِه جمع کِرد وُ وِشُو گُت: «پیایا، دُونیت کِه ثروتِ اِیما دِ ایی پیشَه‌آ. 26اما چِنُوکِه مِئی‌نیت وَ می‌شنُوئیت، ایی پولُس، نَه تَنیا دِ اَفِسُس، بلکِم تقریبا دِ سَرتاسَرِ آسیا، بُری نِه قانع کِردَه وَ دِ رَه وِ دَرِشُو کِردَه. او مُوئَه خدایا ساختَه دَسِ بشر، خدا نیسِن. 27پس ایی خطر هی کِه نَه تَنیا کاسُوویمُو دِ رونق بِفتَه، بلکِم معبدِ الهَه گَپِمُو آرتِمیس هَم هیچ وِ حِسُو نِئا وَ او کِه دِ آسیا وَ دِ سَرتاسَرِ دنیا پِرَسِش موئَه، دِ گَپی وُ طَمطِراق بِفتَه.»
28هِه کِه یَه نِه اِشنَفتِن، تَش دِ سَرِشُو رَت، قارَنِن کِه: «گَپ اَ آرتِمیسِ اَفِسُسی‌یا!» 29دِ گِردِ شهر بِلبِشوئی وِریسا! مردِم شیت بیئینی وُ یِه دَس رِمال بُردِن والا مِیُونِ مسابقَه وَ گایوس وُ آریستارخوسِ نِه کِه اَهلِ مقدونیَه وَ دِ هُمرَه‌یا پولُس بییِن، تُرکَش وا خُوشُو مُوئُوردِن. 30اما هِه کِه پولُس حاس بیایَه دِ مینِ شِلوغی، شاگردیا نِئِشتِن. 31حتی قَری دِ مقاماتِ منطقَه آسیا کِه دِ رِفیق‌یاش بییِن، سیش پِیغُوم کِل کِردِن، وَ خواهِشت‌تَمَنا کِردِن کِه پا نَنِئَه دِ مِیُونِ مسابقَه.
32مردِم رِختِسِن دِ یَک قِشقِرِقی وِ پا بی. گِرد وا یَک می‌قارَنِن وَ هَر کَه چیئی می‌گُت وَ بیشتِرِ مردِم نُئُونِسِن سی چی جمع بینَه. 33یهودیُو کِه اسکندرِ نِه وَنینی وا وَر، قَری دِ مینِ جمعیت گِمُو می‌کِردِن اسکندر مسئولِ ایی قِشقِرِق اَ. او دَس تَکُو دَه، دِ مردِم حاس بی‌کِش بان وَ تَقِلا کِرد چیئی سی دفاع بُوئَه. 34اما هِه کِه مردِم فَمِسِن کِه اسکندر یهودی اَ، همَه یِه دَنگ، نِزیکِ دو ساعت می‌قارَنِن: «گَپ اَ آرتِمیسِ اَفِسُسی‌یا!»
35آخِرسَر، داروغَه شهر جمعیتِ نِه آرُوم کِرد وَ گُت: «پیایا اَفِسُس، مَه کسی هی کِه نُئُونِسوئَه شهرِ اَفِسُسی‌یا ناتورِ معبد آرتِمیسِ گَپ اَ؟ مَر کَسی هی کِه نُئُونِسوئَه کِه شهرِ اَفِسُسی‌یا ویردارِ او بَردِ سی اَ کِه دِ آسمُو اُفتایَه وِ زِمی؟ 36پس هِه کِه ایی حقیقت حاشاکِردِه‌نی نی، بایِس سِتارِتُو بِئی‌رَه وَ هُول‌پِلَکی کاری نَکیت. 37سی یَکه ایی پیایا کِه اُوِردیتَه وِ ایچِه، نَه معبدمُو نِه بی‌قُرپ کِردِنَه وَ نَه وِ الهَه اِیما کِفِر گُتِنَه. 38پس اَر دیمیتریوس وَ هُم‌قِطاریا صنعتگرِش دِ کسی شاکی اَن، دَرِ مَحکِمَه‌یا چارطاق اَ وَ والی‌یا هَم هان ووچِه. تُونَن شکایت‌یاشُو نِه بُورَن ووچِه. 39اما اَر مسئِلَه‌ای هَنی داریت، بایِس او نِه دِ مجلسِ شهر حَل‌وُفصل بَکیت. 40سی یَکِه واقعا ایی خطر هی کِه وِ سُنَه بِلبِشو اِیمرو، متهم بایم وِ شورشگری. اَر چِنی با، نَتُونیم دلیلی سی توجیه ایی بِلبِشو بیاریم.» 41یَه نِه گُت وَ مردِمِه دِ یَک تَرفِه‌تین کِرد.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company