کاریا رسول‌یا 18
18
پولُس دِ قُرَنتُس
1دِما یَه، پولُس دِ شهرِ آتِن کِرد وِ دَر وُ رَت وِ شهرِ قُرَنتُس. 2دِ اوچِه وا یِه پیا یهودی‌ای، دِ مردِمُونِ پُونتوس وِ نُومِ آکیلا آشنا بی کِه وا زِئنَه‌ش پریسکیلا تازَه دِ ایتالیا اُومایی، سی یَکه کلُودیوسِ قیصر هُد کِردی کِه گِردِ یهودیُو دِ روم بَکَن وِ دَر. پولُس رَت وِ دیئِه‌نِشُو، 3دوچِه کِه پولُس هَم چی وِنُو پیشَه‌ش دُوواردوزی بی، تِه‌شُو مَن وَ پورِس وِ کار. 4او هَر شَبات دِ کنیسَه وا یهودیُو وَ یونانی‌یا گَپ‌وُگفت می‌کِرد وَ تَقِلا می‌کِرد وِنُو نِه قانِع بَکَه.
5هِه کِه سیلاس وَ تیموتائوس دِ مقدونیَه اُومان، پولُس تمُومِ‌کمال دَس وِ کارِ تعلیمِ کلُوم بیئی، وِ یهودیُو شاهادَتی مِی‌دَه کِه عیسی هِه او مسیحِ موعود اَ. 6اما هِه کِه واش نِئان وِ تیشک وَ گَن‌ِفاشِش کِردِن، وِ نِشُونَه یَکِه تَشِ غَضُوِ خدا وِ ری وِنُو میا، گَرتِ توزِ جُومَه‌شِه تَکَن وَ وِشُو گُت: «خینِتُو ها دِ مِلِ خُوتُو! مِه دِ وَه بَریئِم. دی ساتما، مِی‌رِم وِ تِه غیرِیهودیُو.»
7اوسِه دِ کنیسَه جُوواز کِرد وَ رَت وِ حُونَه تیتوس یوستوس کِه آیِمِ خداپِرَسی بی وَ حُونَه‌ش دِ لارِگِ کنیسَه بی. 8کریسپوس، رئیسِ کنیسَه، وا گِردِ هوزِحَضِراتِش وِ خداوند ایمُو اُوِردِن. وَ هِه چِنی هَم بُری دِ مردِمُونِ قُرَنتُس هِه یَکِه پِیغُومِه اِشنَفتِن، ایمُو اُوِردِن وَ تعمید گِرِتِن.
9یِه شُو خداوند دِ رُویا وِ پولُس گُت: «زَلَه‌ت نَرُوئَه! قِصَه کُو وَ بی‌کِش نَمُو! 10سی یَکِه مِه هام وات وَ هیشکَه دَس وِ ریت بُلِن نِمی‌کَه تا بِلائی بِئیرَت، سی یَکِه مِه هِه دِ ایی شهر آیِم‌یا زیادی دارِم.» 11پس، پولُس یِه سال وُ نیم مَن دِ اوچِه وَ کلُومِ خدا نِه وِشُو تعلیم دَه.
12اما اوسِه کِه گالیُو، والی وِلاتِ اَخائیَه بی، یهودیُو وا یَک دَس وِ یَکی کِردِن، وِ تیشکِ پولُس وِریسان وَ اُوِردِنِش وِ حضورِ مَحکِمَه، 13گُتِن: «ایی پیا مردِمِه قانِع می‌کَه، خدا نِه بَرخِلافِ روشی کِه شریعت مُوئَه بَپِرَسَن.»
14هِه کِه پولُس حاس قِصَه بَکَه، گالیُو وِ یهودیُو گُت: «اِ یهودیُو! اَر کارِ خِلافی بیوئَه یا جُرمِ سختی دِ مابِین با، مِه دَلیلی داشتِم کِه شکایتِتُو نِه بَشنُوئِم. 15اما هِه کِه مسئِلَه، ها وِ سَرِ کِلمَه‌یا وَ نُوم‌یا وَ شریعتِ خُوتُو، پس خُوتُو بُونیتِش وِ یَک. مِه نِمی‌‌حام دِبارَه چِنی چیائی داوَری بَکِم.» 16پس وِنُو نِه دِ مَحکِمَه تار کِرد. 17وِنُو هَم گِردِشُو وِ سوستِنِس، رئیسِ کنیسَه رِمال بُردِن وَ دِ جِلو مسندِ والی رِمِه‌کوش کِردِن. اما گالیُو وِ ری خُوش نیُووِرد.
پولُس وِرگَشت وِ اَنطاکیه
18پولُس دِما مدتِ زیادی کِه دِ قُرَنتُس بی، وا بِرارُو خدافظی کِرد وَ دِ رَه دریا عازمِ سوریَه بی. دِ ایی سفر، پریسکیلا وَ آکیلا هَم واردِش بییِن. او دِ کِنخریه سَرِ خُوشِه تِراشت، سی یَکِه چِنی نذر کِردی. 19هِه کِه رَسِسِن وِ اَفِسُس، هُمسفریاشِه دوچِه نِئا وَ خُوش رَت وِ کنیسَه، وا یهودیُو نِشِس وِ گَپ‌وُگُفت. 20دِش حاسِن بیشتِر واشُو بَمُونَه، اما قبول نَکِرد، 21وَ واشُو خدافظی کِرد، گُت: «اَر خدا باحا هَنی میام وِ تِه‌تُو.» اوسِه سُوارِ کَشتی بی وَ دِ اَفِسُس رَت. 22دِ قیصریَه دِ کَشتی اُوما وِ هار وَ دِما یَکِه سَری وِ ایمُوداریا کلیسا زَه، رائی اَنطاکیَه بی. 23مدتی مَن دوچِه وَ هَنی عازِمِ سفر بی، دِ سَرتاسَرِ دیارِ غَلاطیَه وَ فریجیَه گُلَه وِ گُلَه مِی‌‌رَت وَ گِردِ شاگردیا نِه دِ ایمُونِشُو قُوَه مِی‌دَه.
24دِ او روزیا، پیا یهودی‌ای، وِ نُومِ آپولُس، دِ مردِمُونِ اِسکندریَه، اُوما وِ اَفِسُس. او دِ کِتُویا مقدس خو سَررشتَه داشت وَ خو قِصَه می‌کِرد؛ 25دِ طریقِ خداوند تعلیم گِرِتی وَ وا حرارتِ روح‌القدس قِصَه می‌کِرد وَ خو دِبارَه عیسی تعلیم مِی‌دَه، هَر چَن تَنیا دِ تعمیدِ یحیی خَوَر داشت. 26او وا جرأت دِ کنیسَه نِئا وِ قِصَه کِردِه. هِه کِه پریسکیلا وَ آکیلا حرف‌یاشِه اِشنَفتِن، او نِه کَشیئِن والائی وَ طریقِ خدا نِه دُرِس‌تِر وِش یای دَن.
27هِه کِه آپولُس قَصت کِرد رُوئَه وِ اَخائیَه، بِرارُو تشویقِش کِردِن وَ وِ شاگردیا نیسَنِن کِه وا گَرمی دِ جِلوش دِران. هِه کِه آپولُس رَسِس وِ اوچِه، وِ کَسُونی کِه وِ واسطَه فیض ایمُو اُوِردینی، کمکِ زیادی کِرد. 28سی یَکِه دِ نِها ری همَه وا یهودیُو بحث می‌کِرد، عقیدَه‌یا وِنُو نِه وا دَلیل‌یا قُرص وَ محکم رَد می‌کِرد، وَ دِ کِتُویا مقدس دلیل می‌اُوِرد کِه عیسی هِه او مسیح موعود اَ.
လက္ရွိေရြးခ်ယ္ထားမွု
کاریا رسول‌یا 18: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
کاریا رسول‌یا 18
18
پولُس دِ قُرَنتُس
1دِما یَه، پولُس دِ شهرِ آتِن کِرد وِ دَر وُ رَت وِ شهرِ قُرَنتُس. 2دِ اوچِه وا یِه پیا یهودی‌ای، دِ مردِمُونِ پُونتوس وِ نُومِ آکیلا آشنا بی کِه وا زِئنَه‌ش پریسکیلا تازَه دِ ایتالیا اُومایی، سی یَکه کلُودیوسِ قیصر هُد کِردی کِه گِردِ یهودیُو دِ روم بَکَن وِ دَر. پولُس رَت وِ دیئِه‌نِشُو، 3دوچِه کِه پولُس هَم چی وِنُو پیشَه‌ش دُوواردوزی بی، تِه‌شُو مَن وَ پورِس وِ کار. 4او هَر شَبات دِ کنیسَه وا یهودیُو وَ یونانی‌یا گَپ‌وُگفت می‌کِرد وَ تَقِلا می‌کِرد وِنُو نِه قانِع بَکَه.
5هِه کِه سیلاس وَ تیموتائوس دِ مقدونیَه اُومان، پولُس تمُومِ‌کمال دَس وِ کارِ تعلیمِ کلُوم بیئی، وِ یهودیُو شاهادَتی مِی‌دَه کِه عیسی هِه او مسیحِ موعود اَ. 6اما هِه کِه واش نِئان وِ تیشک وَ گَن‌ِفاشِش کِردِن، وِ نِشُونَه یَکِه تَشِ غَضُوِ خدا وِ ری وِنُو میا، گَرتِ توزِ جُومَه‌شِه تَکَن وَ وِشُو گُت: «خینِتُو ها دِ مِلِ خُوتُو! مِه دِ وَه بَریئِم. دی ساتما، مِی‌رِم وِ تِه غیرِیهودیُو.»
7اوسِه دِ کنیسَه جُوواز کِرد وَ رَت وِ حُونَه تیتوس یوستوس کِه آیِمِ خداپِرَسی بی وَ حُونَه‌ش دِ لارِگِ کنیسَه بی. 8کریسپوس، رئیسِ کنیسَه، وا گِردِ هوزِحَضِراتِش وِ خداوند ایمُو اُوِردِن. وَ هِه چِنی هَم بُری دِ مردِمُونِ قُرَنتُس هِه یَکِه پِیغُومِه اِشنَفتِن، ایمُو اُوِردِن وَ تعمید گِرِتِن.
9یِه شُو خداوند دِ رُویا وِ پولُس گُت: «زَلَه‌ت نَرُوئَه! قِصَه کُو وَ بی‌کِش نَمُو! 10سی یَکِه مِه هام وات وَ هیشکَه دَس وِ ریت بُلِن نِمی‌کَه تا بِلائی بِئیرَت، سی یَکِه مِه هِه دِ ایی شهر آیِم‌یا زیادی دارِم.» 11پس، پولُس یِه سال وُ نیم مَن دِ اوچِه وَ کلُومِ خدا نِه وِشُو تعلیم دَه.
12اما اوسِه کِه گالیُو، والی وِلاتِ اَخائیَه بی، یهودیُو وا یَک دَس وِ یَکی کِردِن، وِ تیشکِ پولُس وِریسان وَ اُوِردِنِش وِ حضورِ مَحکِمَه، 13گُتِن: «ایی پیا مردِمِه قانِع می‌کَه، خدا نِه بَرخِلافِ روشی کِه شریعت مُوئَه بَپِرَسَن.»
14هِه کِه پولُس حاس قِصَه بَکَه، گالیُو وِ یهودیُو گُت: «اِ یهودیُو! اَر کارِ خِلافی بیوئَه یا جُرمِ سختی دِ مابِین با، مِه دَلیلی داشتِم کِه شکایتِتُو نِه بَشنُوئِم. 15اما هِه کِه مسئِلَه، ها وِ سَرِ کِلمَه‌یا وَ نُوم‌یا وَ شریعتِ خُوتُو، پس خُوتُو بُونیتِش وِ یَک. مِه نِمی‌‌حام دِبارَه چِنی چیائی داوَری بَکِم.» 16پس وِنُو نِه دِ مَحکِمَه تار کِرد. 17وِنُو هَم گِردِشُو وِ سوستِنِس، رئیسِ کنیسَه رِمال بُردِن وَ دِ جِلو مسندِ والی رِمِه‌کوش کِردِن. اما گالیُو وِ ری خُوش نیُووِرد.
پولُس وِرگَشت وِ اَنطاکیه
18پولُس دِما مدتِ زیادی کِه دِ قُرَنتُس بی، وا بِرارُو خدافظی کِرد وَ دِ رَه دریا عازمِ سوریَه بی. دِ ایی سفر، پریسکیلا وَ آکیلا هَم واردِش بییِن. او دِ کِنخریه سَرِ خُوشِه تِراشت، سی یَکِه چِنی نذر کِردی. 19هِه کِه رَسِسِن وِ اَفِسُس، هُمسفریاشِه دوچِه نِئا وَ خُوش رَت وِ کنیسَه، وا یهودیُو نِشِس وِ گَپ‌وُگُفت. 20دِش حاسِن بیشتِر واشُو بَمُونَه، اما قبول نَکِرد، 21وَ واشُو خدافظی کِرد، گُت: «اَر خدا باحا هَنی میام وِ تِه‌تُو.» اوسِه سُوارِ کَشتی بی وَ دِ اَفِسُس رَت. 22دِ قیصریَه دِ کَشتی اُوما وِ هار وَ دِما یَکِه سَری وِ ایمُوداریا کلیسا زَه، رائی اَنطاکیَه بی. 23مدتی مَن دوچِه وَ هَنی عازِمِ سفر بی، دِ سَرتاسَرِ دیارِ غَلاطیَه وَ فریجیَه گُلَه وِ گُلَه مِی‌‌رَت وَ گِردِ شاگردیا نِه دِ ایمُونِشُو قُوَه مِی‌دَه.
24دِ او روزیا، پیا یهودی‌ای، وِ نُومِ آپولُس، دِ مردِمُونِ اِسکندریَه، اُوما وِ اَفِسُس. او دِ کِتُویا مقدس خو سَررشتَه داشت وَ خو قِصَه می‌کِرد؛ 25دِ طریقِ خداوند تعلیم گِرِتی وَ وا حرارتِ روح‌القدس قِصَه می‌کِرد وَ خو دِبارَه عیسی تعلیم مِی‌دَه، هَر چَن تَنیا دِ تعمیدِ یحیی خَوَر داشت. 26او وا جرأت دِ کنیسَه نِئا وِ قِصَه کِردِه. هِه کِه پریسکیلا وَ آکیلا حرف‌یاشِه اِشنَفتِن، او نِه کَشیئِن والائی وَ طریقِ خدا نِه دُرِس‌تِر وِش یای دَن.
27هِه کِه آپولُس قَصت کِرد رُوئَه وِ اَخائیَه، بِرارُو تشویقِش کِردِن وَ وِ شاگردیا نیسَنِن کِه وا گَرمی دِ جِلوش دِران. هِه کِه آپولُس رَسِس وِ اوچِه، وِ کَسُونی کِه وِ واسطَه فیض ایمُو اُوِردینی، کمکِ زیادی کِرد. 28سی یَکِه دِ نِها ری همَه وا یهودیُو بحث می‌کِرد، عقیدَه‌یا وِنُو نِه وا دَلیل‌یا قُرص وَ محکم رَد می‌کِرد، وَ دِ کِتُویا مقدس دلیل می‌اُوِرد کِه عیسی هِه او مسیح موعود اَ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company