کاریا رسول‌یا 10
10
پِطرُس وُ کُرنِلیوس
1دِ شهرِ قیصریَه پیائی بی، کُرنِلیوس نُوم، دِ فَرمُوندَه‌یا گُردانِ رومی معروف وِ «گُردانِ ایتالیائی». 2او وَ هوزِحَضِراتِش گِردِشُو وا یَک خداپِرَس وَ خداتَرس بییِن. کُرنِلیوس وا دَسِ‌دِلوازی وِ ژاریا صِدَقَه مِی‌دَه وُ گُراگُر وِ درگاه خدا دعا می‌کِرد. 3یِه رو نِزیکِ ساعت سِه بعدظهر آشکارا دِ رُویا دی کِه یِه فرشتَه خدا اُوما وِ تِه‌ش وُ گُت:«کُرنِلیوس!»
4کُرنِلیوس هِراسُو گِز بُری وِش وُ جُئُو دَه: «بله، خداوند!»
فرشتَه گُت: «دعایا وَ صِدَقَه‌یا تو هِه چی قُرُونی ذکر رَسِسَه وِ تِه خدا. 5ایسِه قَری پیا کِل کُو وِ شهرِ یافا وَ شَمعون معروف وِ پِطرُس نِه بیار ویچِه. 6او مِمُونَه وِ تِه دباغی وِ نُومِ شَمعون کِه حُونَه‌ش ها دِ لُوءِ دریا.»
7هِه کِه او فرشتَه کِه واش قِصَه می‌کِرد دِ تِه‌ش رَت، کُرنِلیوس دو پیا دِ غُلِم‌یاش وَ یَکی دِ سَروازیاش کِه وِش بَفادار بی، هِنا کِرد 8وُ گِردِ جریان نِه سیشُو تعریف کِرد وُ وِنُو نِه رِ کِرد وِ یافا.
9وِ صُوش، نِزیکِ ظهر، هِه کِه دِ رَه بییِن وُ وِ شهر نِزیک مِویئِن، پِطرُس رَت وِ سَرِ بُونِ حُونَه تا دعا بَکَه. 10دِ اوچِه گُسنَه‌ش بی وُ حاس چیئی بُحُورَه. هِه دِ او حال کِه داشتِن خوراکِ نِه حاضر می‌کِردن، پطرس رَت وِ خَلسَه. 11هِه دِ او حال دی، کِه آسمُو گُشِسَه وُ چیئی هِه چی سِفرَه گَپی کِه دِ چارچَمَک دُر کِردَه‌آ، والا زِمی میا وِ هار 12وُ پُر اَ دِ همَه جور چاروایا وُ خزندَه‌یا وَ بالِنَه‌یا. 13اوسِه دَنگی وِش گُت: «پِطرُس، وِری، سَر بُوئُور وَ بُحُور!»
14پِطرُس گُت: «حاشا دِ مِه، خداوند، سی یَکِه هرگز وِ چی حَرُوم یا نِجِس لُوء نَزَمَه.»
15سی گِلِ دوئِم او دَنگ وِش گُت: «او چیائی کِه خدا پاک کِردَه، تو نِجِس نُئُونِسو!» 16یَه، سِه گِل تکرار بی وَ اوسِه آزِعی سِفرَه کَشِس بالا وِ آسمُو.
17هِه دِ او حال کِه پِطرُس ماقِشا بُردی وَ وِ معنی ایی رُویا فکر می‌کِرد، وِنُو کِه کُرنِلیوس کِل کِردی، حُونَه شَمعون نِه جُستِن، وَ رَسِسِن وِ دَرِ حُونَه. 18وِنُو وا دَنگِ بُلِنی می‌پرسیئِن: «تو مُوئی شَمعون معروف وِ پِطرُس دِ ایچِه مِمُونَه؟»
19پِطرُس هَنی دِ فکرِ رُویا بی کِه روح‌القدس وِش گُت: «سِه کُو، سِه نفر ها مِنی تو می‌کَن. 20وِری رُو وِ هار وَ دِ رَتِه واشُو دو وِ شَک نو، سی یَکه مِه رِشُو کِردِمَه.»
21پِطرُس رَت وِ هار وُ وِشُو گُت: «مِه هِه وِنَه‌آم کِه ها مِنیش می‌کیت. سی چی اُومایتَه؟»
22وِنُو گُتِن: «کُرنِلیوسِ فرمُوندَه، اِیما نِه رِ کِردَه. او پیا کاردُرِس وُ خداتَرسی اَ وَ یهودیُو همَه دِش وِ خوئی یای می‌کَن. او دِ لا یِه فرشتَه مقدس هدایت بی، کِه رِ بَکَه دِ دُمِت وَ تو نِه دعوت بِئیرَه وِ حُونَه‌ش، تا قِصَه‌یاتِه بَشنُوئَه.» 23پس پِطرُس بُردِشُو وِ حُونَه تا مِمُونِش بان.
وِ صُوش پِطرُس وِریسا وُ واردِشُو اُفتا وِ رَه. قَری دِ بِرارُونِ اَهلِ یافا هَم واردِش رَتِن. 24وا صُوش رَسِسِن وِ شهرِ قیصریَه. کُرنِلیوس هوزِحَضِرات وُ قُوم وُ خویش‌یا وُ رِفیق‌یا نِزدیکِشِه هَم جمع کِردی وَ چَش وِ رَه اُومایِه‌نِشُو بی. 25هِه کِه پِطرُس اُوما وِ مینِ حُونَه، کُرنِلیوس رَت وا نِهاش وَ اُفتا وِ پاش، او نِه پِرَسِش کِرد. 26اما پِطرُس هیزِش دَه وَ گُت: «وِری واراس؛ مِه هَم یِه آیِمِم.»
27اوسِه پِطرُس هِه چِنُو کِه داشت وا او قِصَه می‌کِرد رَت وا مینِ حُونَه وَ دِ اوچِه وا بُری‌وُشُری ری‌وِری بی. 28پِطرُس وِشُو گُت: «شِما خُوتُو دُونیت کِه سی یِه یهودی رَوا نی کِه وا کسی دِ یِه ملتی هَنی آمَدوُشُد بَکَه یا یَکِه رُوئَه وِ حُونَه‌ش. اما خدا وِ مِه نِشُو دِئَه کِه مِه هیشکَه نِه نِجِس یا ناپاک نُئُونِسوئِم. 29پس هِه کِه رِ کِردیت دِ دُمِم، بی چَک‌چِنَه اُومام. ایسِه بُوئیت، سی چی مِه نِه حاسیت؟»
30کُرنِلیوس جُئُو دَه: «چار رو وِرَز یَه هِه دِ ایی موقَع، نِزیکِ ساعت سِه بعدظهر دِ حُونَه خُوم داشتِم دعا می‌کِردِم کِه یِگِلی پیائی دِ جُومَه نیرداری اِیسا دِ وَرِ ریم 31وُ گُت: ”کُرنِلیوس، دعات مستجاب بی‌یَه وَ صِدَقَه‌یات دِ تِه خدا قبول بی‌یَه. 32ایمدال، قَری پیا کِل کُو وِ یافا وَ دِ دُمِ شَمعونِ معروف وِ پِطرُس با. او مِمُونَه وِ تِه شَمعونِ دباغ، کِه حُونَه‌ش ها دِ لُوءِ دریا.“ 33پس آزِعی کِل کِردِم دِ دُمِت وَ تو هَم لطف کِردی وُ اُومایی. ایسِه گِردِ اِیما دِ حضورِ خدا حاضریم تا هَر چیئی کِه خداوند وِت فَرمایِشت کِردَه، بَشنُوئیم.»
34ایمدال، پِطرُس چِنی نِئا وِ قِصَه کِردِه: «ایسِه فَمِسِم کِه دِ راسی خدا دِ مینِ قُوم‌یا دوچَشکی نِمی‌کَه؛ 35بلکِم دِ هَر ملتی، هَر کَه دِ خدا زَلَه‌ش رُوئَه وُ هَر چی کِه دُرِس اَ نِه اَنجُوم بِئَه، موردِ پِسَنِ او موئَه. 36شِما دِ پِیغُومی کِه خدا سی قُومِ اسرائیل کِل کِرد، خَوَر داریت کِه وِ واسطَه عیسی مسیح کِه خداوندِ همَه‌آ، وِ صُول‌وُسِلامت بشارت دَه. 37شِما خُوتُو دُونیت کِه ایی امر چطور دِما تعمیدی کِه یحیی وِ وَه موعظَه می‌کِرد، دِ جلیل شِروع بی وَ رَسِس وِ سَرتاسَرِ یهودیَه، 38وَ چطور خدا، عیسی ناصری نِه وا روح‌القدس وَ قدرتِ خُوش مسح کِرد، وِ طوری کِه همَه جا می‌گَشت وَ کاریا خوئی می‌کِرد وَ گِردِ وِنُونی نِه کِه زیرِ جُورِ ابلیس بییِن، شفا مِی‌دَه، سی یَکه خدا واش بی.
39«اِیما شاهدیا گِردِ کاریائی هیسیم کِه او دِ دیارِ یهود وُ دِ اورشلیم کِرد. وِنُو کَشیئِنِش وِ صلیب وُ کُشتِنِش. 40اما خدا دِ روزِ سِئِم زِنَه‌ش کِرد وُ دیاریش کِرد، 41اما نَه وِ همَه، بلکِم تَنیا وِ شاهدیائی کِه خُوش دِ زی انتخاب کِردی، یعنی وِ اِیما کِه دِما زِنَه‌بی‌یِه‌نِش دِ مُردَه‌یا، واش حَردیم وُ وِراشَنیم. 42او وِمُو هُد کِرد تا ایی حقیقتِ نِه وِ قُوم اِعلُوم بَکیم وَ شاهادَتی بِئیم کِه خدا او نِه نِئا تا داوَرِ زِنَه‌یا وُ مُردَه‌یا با. 43گِردِ پِیغَمَریا دِبارَه او شاهادَتی مِی‌ئَن کِه هَر کَه وِ او ایمُو بیارَه، وِ نُومِ او گُنَه‌یاش آمُرزیَه موئَه.»
44پِطرُس هَنی داشت ایی چیا نِه می‌گُت کِه روح‌القدس وِ ری گِردِ وِنُو کِه پِیغُومِ نِه می‌شنَفتِن، قِرار گِرِت. 45قَری دِ ایمُوداریا یهودی‌نژاد کِه واردِ پِطرُس اُومایینی، هِه یَکِه دیئِن عطای روح‌القدس حتی وِ ری غیرِیهودیُو هَم رِختِسَه، بِلاجیشُو اُوما. 46سی یَکه اِشنَفتِن کِه وِنُو وِ زِوُونیا هَنی قِصَه می‌کَن وَ خدا نِه جِلال مِی‌ئَن. اوسِه پِطرُس گُت: 47«ایسِه کِه یِنُو روح‌القدسِ نِه دُرِس هِه چی اِیما دریافت کِردِنَه، دَ کی تُونَه جِلو تعمیدِشُو نِه دِ اُو بِئیرَه؟» 48پس پطرس هُد کِرد وِنُو نِه دِ نُومِ عیسی مسیح تعمید بِئَن. اوسِه دِ پِطرُس حاسِن سی چَن رو بَمُونَه واشُو.
လက္ရွိေရြးခ်ယ္ထားမွု
کاریا رسول‌یا 10: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
کاریا رسول‌یا 10
10
پِطرُس وُ کُرنِلیوس
1دِ شهرِ قیصریَه پیائی بی، کُرنِلیوس نُوم، دِ فَرمُوندَه‌یا گُردانِ رومی معروف وِ «گُردانِ ایتالیائی». 2او وَ هوزِحَضِراتِش گِردِشُو وا یَک خداپِرَس وَ خداتَرس بییِن. کُرنِلیوس وا دَسِ‌دِلوازی وِ ژاریا صِدَقَه مِی‌دَه وُ گُراگُر وِ درگاه خدا دعا می‌کِرد. 3یِه رو نِزیکِ ساعت سِه بعدظهر آشکارا دِ رُویا دی کِه یِه فرشتَه خدا اُوما وِ تِه‌ش وُ گُت:«کُرنِلیوس!»
4کُرنِلیوس هِراسُو گِز بُری وِش وُ جُئُو دَه: «بله، خداوند!»
فرشتَه گُت: «دعایا وَ صِدَقَه‌یا تو هِه چی قُرُونی ذکر رَسِسَه وِ تِه خدا. 5ایسِه قَری پیا کِل کُو وِ شهرِ یافا وَ شَمعون معروف وِ پِطرُس نِه بیار ویچِه. 6او مِمُونَه وِ تِه دباغی وِ نُومِ شَمعون کِه حُونَه‌ش ها دِ لُوءِ دریا.»
7هِه کِه او فرشتَه کِه واش قِصَه می‌کِرد دِ تِه‌ش رَت، کُرنِلیوس دو پیا دِ غُلِم‌یاش وَ یَکی دِ سَروازیاش کِه وِش بَفادار بی، هِنا کِرد 8وُ گِردِ جریان نِه سیشُو تعریف کِرد وُ وِنُو نِه رِ کِرد وِ یافا.
9وِ صُوش، نِزیکِ ظهر، هِه کِه دِ رَه بییِن وُ وِ شهر نِزیک مِویئِن، پِطرُس رَت وِ سَرِ بُونِ حُونَه تا دعا بَکَه. 10دِ اوچِه گُسنَه‌ش بی وُ حاس چیئی بُحُورَه. هِه دِ او حال کِه داشتِن خوراکِ نِه حاضر می‌کِردن، پطرس رَت وِ خَلسَه. 11هِه دِ او حال دی، کِه آسمُو گُشِسَه وُ چیئی هِه چی سِفرَه گَپی کِه دِ چارچَمَک دُر کِردَه‌آ، والا زِمی میا وِ هار 12وُ پُر اَ دِ همَه جور چاروایا وُ خزندَه‌یا وَ بالِنَه‌یا. 13اوسِه دَنگی وِش گُت: «پِطرُس، وِری، سَر بُوئُور وَ بُحُور!»
14پِطرُس گُت: «حاشا دِ مِه، خداوند، سی یَکِه هرگز وِ چی حَرُوم یا نِجِس لُوء نَزَمَه.»
15سی گِلِ دوئِم او دَنگ وِش گُت: «او چیائی کِه خدا پاک کِردَه، تو نِجِس نُئُونِسو!» 16یَه، سِه گِل تکرار بی وَ اوسِه آزِعی سِفرَه کَشِس بالا وِ آسمُو.
17هِه دِ او حال کِه پِطرُس ماقِشا بُردی وَ وِ معنی ایی رُویا فکر می‌کِرد، وِنُو کِه کُرنِلیوس کِل کِردی، حُونَه شَمعون نِه جُستِن، وَ رَسِسِن وِ دَرِ حُونَه. 18وِنُو وا دَنگِ بُلِنی می‌پرسیئِن: «تو مُوئی شَمعون معروف وِ پِطرُس دِ ایچِه مِمُونَه؟»
19پِطرُس هَنی دِ فکرِ رُویا بی کِه روح‌القدس وِش گُت: «سِه کُو، سِه نفر ها مِنی تو می‌کَن. 20وِری رُو وِ هار وَ دِ رَتِه واشُو دو وِ شَک نو، سی یَکه مِه رِشُو کِردِمَه.»
21پِطرُس رَت وِ هار وُ وِشُو گُت: «مِه هِه وِنَه‌آم کِه ها مِنیش می‌کیت. سی چی اُومایتَه؟»
22وِنُو گُتِن: «کُرنِلیوسِ فرمُوندَه، اِیما نِه رِ کِردَه. او پیا کاردُرِس وُ خداتَرسی اَ وَ یهودیُو همَه دِش وِ خوئی یای می‌کَن. او دِ لا یِه فرشتَه مقدس هدایت بی، کِه رِ بَکَه دِ دُمِت وَ تو نِه دعوت بِئیرَه وِ حُونَه‌ش، تا قِصَه‌یاتِه بَشنُوئَه.» 23پس پِطرُس بُردِشُو وِ حُونَه تا مِمُونِش بان.
وِ صُوش پِطرُس وِریسا وُ واردِشُو اُفتا وِ رَه. قَری دِ بِرارُونِ اَهلِ یافا هَم واردِش رَتِن. 24وا صُوش رَسِسِن وِ شهرِ قیصریَه. کُرنِلیوس هوزِحَضِرات وُ قُوم وُ خویش‌یا وُ رِفیق‌یا نِزدیکِشِه هَم جمع کِردی وَ چَش وِ رَه اُومایِه‌نِشُو بی. 25هِه کِه پِطرُس اُوما وِ مینِ حُونَه، کُرنِلیوس رَت وا نِهاش وَ اُفتا وِ پاش، او نِه پِرَسِش کِرد. 26اما پِطرُس هیزِش دَه وَ گُت: «وِری واراس؛ مِه هَم یِه آیِمِم.»
27اوسِه پِطرُس هِه چِنُو کِه داشت وا او قِصَه می‌کِرد رَت وا مینِ حُونَه وَ دِ اوچِه وا بُری‌وُشُری ری‌وِری بی. 28پِطرُس وِشُو گُت: «شِما خُوتُو دُونیت کِه سی یِه یهودی رَوا نی کِه وا کسی دِ یِه ملتی هَنی آمَدوُشُد بَکَه یا یَکِه رُوئَه وِ حُونَه‌ش. اما خدا وِ مِه نِشُو دِئَه کِه مِه هیشکَه نِه نِجِس یا ناپاک نُئُونِسوئِم. 29پس هِه کِه رِ کِردیت دِ دُمِم، بی چَک‌چِنَه اُومام. ایسِه بُوئیت، سی چی مِه نِه حاسیت؟»
30کُرنِلیوس جُئُو دَه: «چار رو وِرَز یَه هِه دِ ایی موقَع، نِزیکِ ساعت سِه بعدظهر دِ حُونَه خُوم داشتِم دعا می‌کِردِم کِه یِگِلی پیائی دِ جُومَه نیرداری اِیسا دِ وَرِ ریم 31وُ گُت: ”کُرنِلیوس، دعات مستجاب بی‌یَه وَ صِدَقَه‌یات دِ تِه خدا قبول بی‌یَه. 32ایمدال، قَری پیا کِل کُو وِ یافا وَ دِ دُمِ شَمعونِ معروف وِ پِطرُس با. او مِمُونَه وِ تِه شَمعونِ دباغ، کِه حُونَه‌ش ها دِ لُوءِ دریا.“ 33پس آزِعی کِل کِردِم دِ دُمِت وَ تو هَم لطف کِردی وُ اُومایی. ایسِه گِردِ اِیما دِ حضورِ خدا حاضریم تا هَر چیئی کِه خداوند وِت فَرمایِشت کِردَه، بَشنُوئیم.»
34ایمدال، پِطرُس چِنی نِئا وِ قِصَه کِردِه: «ایسِه فَمِسِم کِه دِ راسی خدا دِ مینِ قُوم‌یا دوچَشکی نِمی‌کَه؛ 35بلکِم دِ هَر ملتی، هَر کَه دِ خدا زَلَه‌ش رُوئَه وُ هَر چی کِه دُرِس اَ نِه اَنجُوم بِئَه، موردِ پِسَنِ او موئَه. 36شِما دِ پِیغُومی کِه خدا سی قُومِ اسرائیل کِل کِرد، خَوَر داریت کِه وِ واسطَه عیسی مسیح کِه خداوندِ همَه‌آ، وِ صُول‌وُسِلامت بشارت دَه. 37شِما خُوتُو دُونیت کِه ایی امر چطور دِما تعمیدی کِه یحیی وِ وَه موعظَه می‌کِرد، دِ جلیل شِروع بی وَ رَسِس وِ سَرتاسَرِ یهودیَه، 38وَ چطور خدا، عیسی ناصری نِه وا روح‌القدس وَ قدرتِ خُوش مسح کِرد، وِ طوری کِه همَه جا می‌گَشت وَ کاریا خوئی می‌کِرد وَ گِردِ وِنُونی نِه کِه زیرِ جُورِ ابلیس بییِن، شفا مِی‌دَه، سی یَکه خدا واش بی.
39«اِیما شاهدیا گِردِ کاریائی هیسیم کِه او دِ دیارِ یهود وُ دِ اورشلیم کِرد. وِنُو کَشیئِنِش وِ صلیب وُ کُشتِنِش. 40اما خدا دِ روزِ سِئِم زِنَه‌ش کِرد وُ دیاریش کِرد، 41اما نَه وِ همَه، بلکِم تَنیا وِ شاهدیائی کِه خُوش دِ زی انتخاب کِردی، یعنی وِ اِیما کِه دِما زِنَه‌بی‌یِه‌نِش دِ مُردَه‌یا، واش حَردیم وُ وِراشَنیم. 42او وِمُو هُد کِرد تا ایی حقیقتِ نِه وِ قُوم اِعلُوم بَکیم وَ شاهادَتی بِئیم کِه خدا او نِه نِئا تا داوَرِ زِنَه‌یا وُ مُردَه‌یا با. 43گِردِ پِیغَمَریا دِبارَه او شاهادَتی مِی‌ئَن کِه هَر کَه وِ او ایمُو بیارَه، وِ نُومِ او گُنَه‌یاش آمُرزیَه موئَه.»
44پِطرُس هَنی داشت ایی چیا نِه می‌گُت کِه روح‌القدس وِ ری گِردِ وِنُو کِه پِیغُومِ نِه می‌شنَفتِن، قِرار گِرِت. 45قَری دِ ایمُوداریا یهودی‌نژاد کِه واردِ پِطرُس اُومایینی، هِه یَکِه دیئِن عطای روح‌القدس حتی وِ ری غیرِیهودیُو هَم رِختِسَه، بِلاجیشُو اُوما. 46سی یَکه اِشنَفتِن کِه وِنُو وِ زِوُونیا هَنی قِصَه می‌کَن وَ خدا نِه جِلال مِی‌ئَن. اوسِه پِطرُس گُت: 47«ایسِه کِه یِنُو روح‌القدسِ نِه دُرِس هِه چی اِیما دریافت کِردِنَه، دَ کی تُونَه جِلو تعمیدِشُو نِه دِ اُو بِئیرَه؟» 48پس پطرس هُد کِرد وِنُو نِه دِ نُومِ عیسی مسیح تعمید بِئَن. اوسِه دِ پِطرُس حاسِن سی چَن رو بَمُونَه واشُو.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company