Aba Filipi 2
2
Nizya kwiyisya ukwa Kilisitu nu bukulu bwache
1Umwakusita ukwilamwa, ubumi bwinyu mwa Kilisitu bukubapa amaka, sona ulughano lwache lukubakazya nukwefya ubogha. Mukuba bamoyo ghoka mu Muzimu Umuzelu, sona mukupelelana ichisa nukupazikizannya. 2Ichi cho chifukwa nkubalaba ukuti munhobosye ane pakwitikizya inyinong'ono nukughanana nukuba mumoyo ghoka na munyinong'ono. 3Mutakabombaye nachimochimo nu moyo uwakwiyighana pamo uwakwituvya. Loli mubanje bakwiyisya, sona mubapimaye abamwinyu pakuba bapamwanya ukubachila amwe. 4Umuntu wesi atakinong'onelaye ni vyache vyene, loli inong'onelaye nivya bantu abanji bulo. 5Mubanje nu moyo ghugho u Kilisitu u Yesu akaba nagho.
6Yuyo pakuba mukabele aka Chala
atakipima mwene ukuti chikaba chapamwanya nkani
ukufyuliwa ubwachala bwache.
7Loli akavula ubuchindamu bwache,
nukusenda akabele aka buzya, akanduka muntu.
8Akiyisya mwene nukwivwila mupaka kubufwe bwache
bubo akafwila pachipinjika.
9Pachifukwa chinichi u Chala akamukwezya pamwanya nkani,
akamwita itabwa lilyo lichilite na matabwa ghosi,
10 #
Yes. 45.23
umwakuti ivipeliwa vyosi, ivya kumwanya na pachisu ichapasi,
sona na kusi kuchisu ichapasi#2.10 kusi kuchisu ichapasi: Abantu bakinong'onagha ukuti abantu abafwe bakendelelagha pakuba nubumi muchisu icha chisi kusi kuchisu. vifughame pakulichindika itabwa ilya Yesu.
11Umuntu wesi akwiza pakumufughamilila nukwitika nu mulomo wache ukuti u Yesu Kilisitu we Mwene
umwakuti u Chala u Tata apokele ubuchindamu.
Ukulama ngati zyo nkozyo muchisu ichapasi
12Polelo baghaniwa bane, munyivwilaye nilelo bulo ukuyana namumo mwanyivwilagha bwila. Mutakanyivwile pene papo indi poka namwe. Po mwendelele pakufisya ubupoki bwinyu nubogha, sona nukutetema. 13Pakuti we Chala yuyo akubomba imbombo mumwinyu ukuti mulondaye, sona nukuti mubombaye ukuyana nu bwighane bwache.
14Bombagha bulo zyosi umwakusita ukwilumbusya pamo ukususya, 15#Ukk. 32.5umwakuti mubanje bantu abazelu, sona abasita nongwa, nukuba bana aba Chala abasita chilema nachimochimo, babo bakwikala muchisu icha bantu abankulilo mbibi. Mubaghiye mulamaye muchisu ichapasi ukuyana namumo intondwa zikulamila kumwanya, 16bo mukubapa amazyu agha bumi. Nanti mukubomba bunubu, nkwiza pakuba ni chifukwa icha kwituvikizya nacho pisiku ilya Kilisitu, pakuti chikwiza pakulanjizya ukuti ukwiyula kwane ni mbombo yane vitakaba vyabulo. 17Loli napapo ibanda lyane likwiza pakukupuliwa pachakwiyipa chicho ulwitiko lwinyu lukupa kwa Chala. Polelo nkuhoboka nkani, sona nkusekela poka namwe. 18Umwakuyana bulo, namwe mubaghiye pakuhoboka, sona musekelaye poka nane.
U Timoti nu Epafulodito
19Nanti u Mwene u Yesu itikizya, nkusubila ukuti nkwiza pakubatumila u Timoti lunulu, umwakuti ningakaziwa pakwivwa mumo mukwikalila. 20Inte nawe nayumo umuntu uyunji yuyo akubinong'onela ubwiza. 21Abantu abanji bosi bakwiyinong'onela nizyabo zyene, ukusita ukwinong'onela nizya Yesu Kilisitu. 22Loli amwe muyimenye inkalo iya Timoti ukuti yikulanjizya ukuti nyiza. Muzimenye sona ukuti abomba poka nane ngati we mwana nu wise pambombo iyakufumusya Amazyu Amiza. 23Po nkusubila pakumutuma kukwinyu lunulu, bo namanya bulo mumo ivintu vikwiza pakunyendela. 24Sona nkusubila mwa Mwene ukuti nkwiza kukwinyu lunulu.
25Loli ninong'onagha ukuti chakulondiwa pakumutuma umukamu witu u Epafulodito kukwinyu, umubombi uwamwitu, sona umusilikali uwamwitu, intumi yinyu, yuyo mukamutuma pakunyavwa ane muvyakusobelwa vyane. 26Pakuti akusamba nkani pakubennya mwebosi, sona akuyimba nkani mumoyo pachifukwa ichakuti mukivwa ukuti akabinagha. 27Momumo akabina nkani, umwakuti akapalamilagha kubufwe. Loli u Chala akamupelela ichisa, sona atakamupelela ichisa mwene, loli akampelela ichisa nane bulo, umwakuti intakabe ni chitima nkani. 28Ichi cho chifukwa nalondagha nkani pakumutuma kukwinyu, ukuti muhoboke bo mwamwennya, sona ichitima chane po chikwiza pakumala. 29Po mumupokele nu buhobosu mwa Mwene. Abantu banaba, mubachindikaye, 30pakuti akaba papipi nukufwa pachifukwa ichakumubombela u Kilisitu. Akabika ubumi bwache pachulu ukuti anyavwe ivintu vivyo amwe mukapotwa pakunyavwa.
လက္ရွိေရြးခ်ယ္ထားမွု
Aba Filipi 2: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.
Aba Filipi 2
2
Nizya kwiyisya ukwa Kilisitu nu bukulu bwache
1Umwakusita ukwilamwa, ubumi bwinyu mwa Kilisitu bukubapa amaka, sona ulughano lwache lukubakazya nukwefya ubogha. Mukuba bamoyo ghoka mu Muzimu Umuzelu, sona mukupelelana ichisa nukupazikizannya. 2Ichi cho chifukwa nkubalaba ukuti munhobosye ane pakwitikizya inyinong'ono nukughanana nukuba mumoyo ghoka na munyinong'ono. 3Mutakabombaye nachimochimo nu moyo uwakwiyighana pamo uwakwituvya. Loli mubanje bakwiyisya, sona mubapimaye abamwinyu pakuba bapamwanya ukubachila amwe. 4Umuntu wesi atakinong'onelaye ni vyache vyene, loli inong'onelaye nivya bantu abanji bulo. 5Mubanje nu moyo ghugho u Kilisitu u Yesu akaba nagho.
6Yuyo pakuba mukabele aka Chala
atakipima mwene ukuti chikaba chapamwanya nkani
ukufyuliwa ubwachala bwache.
7Loli akavula ubuchindamu bwache,
nukusenda akabele aka buzya, akanduka muntu.
8Akiyisya mwene nukwivwila mupaka kubufwe bwache
bubo akafwila pachipinjika.
9Pachifukwa chinichi u Chala akamukwezya pamwanya nkani,
akamwita itabwa lilyo lichilite na matabwa ghosi,
10 #
Yes. 45.23
umwakuti ivipeliwa vyosi, ivya kumwanya na pachisu ichapasi,
sona na kusi kuchisu ichapasi#2.10 kusi kuchisu ichapasi: Abantu bakinong'onagha ukuti abantu abafwe bakendelelagha pakuba nubumi muchisu icha chisi kusi kuchisu. vifughame pakulichindika itabwa ilya Yesu.
11Umuntu wesi akwiza pakumufughamilila nukwitika nu mulomo wache ukuti u Yesu Kilisitu we Mwene
umwakuti u Chala u Tata apokele ubuchindamu.
Ukulama ngati zyo nkozyo muchisu ichapasi
12Polelo baghaniwa bane, munyivwilaye nilelo bulo ukuyana namumo mwanyivwilagha bwila. Mutakanyivwile pene papo indi poka namwe. Po mwendelele pakufisya ubupoki bwinyu nubogha, sona nukutetema. 13Pakuti we Chala yuyo akubomba imbombo mumwinyu ukuti mulondaye, sona nukuti mubombaye ukuyana nu bwighane bwache.
14Bombagha bulo zyosi umwakusita ukwilumbusya pamo ukususya, 15#Ukk. 32.5umwakuti mubanje bantu abazelu, sona abasita nongwa, nukuba bana aba Chala abasita chilema nachimochimo, babo bakwikala muchisu icha bantu abankulilo mbibi. Mubaghiye mulamaye muchisu ichapasi ukuyana namumo intondwa zikulamila kumwanya, 16bo mukubapa amazyu agha bumi. Nanti mukubomba bunubu, nkwiza pakuba ni chifukwa icha kwituvikizya nacho pisiku ilya Kilisitu, pakuti chikwiza pakulanjizya ukuti ukwiyula kwane ni mbombo yane vitakaba vyabulo. 17Loli napapo ibanda lyane likwiza pakukupuliwa pachakwiyipa chicho ulwitiko lwinyu lukupa kwa Chala. Polelo nkuhoboka nkani, sona nkusekela poka namwe. 18Umwakuyana bulo, namwe mubaghiye pakuhoboka, sona musekelaye poka nane.
U Timoti nu Epafulodito
19Nanti u Mwene u Yesu itikizya, nkusubila ukuti nkwiza pakubatumila u Timoti lunulu, umwakuti ningakaziwa pakwivwa mumo mukwikalila. 20Inte nawe nayumo umuntu uyunji yuyo akubinong'onela ubwiza. 21Abantu abanji bosi bakwiyinong'onela nizyabo zyene, ukusita ukwinong'onela nizya Yesu Kilisitu. 22Loli amwe muyimenye inkalo iya Timoti ukuti yikulanjizya ukuti nyiza. Muzimenye sona ukuti abomba poka nane ngati we mwana nu wise pambombo iyakufumusya Amazyu Amiza. 23Po nkusubila pakumutuma kukwinyu lunulu, bo namanya bulo mumo ivintu vikwiza pakunyendela. 24Sona nkusubila mwa Mwene ukuti nkwiza kukwinyu lunulu.
25Loli ninong'onagha ukuti chakulondiwa pakumutuma umukamu witu u Epafulodito kukwinyu, umubombi uwamwitu, sona umusilikali uwamwitu, intumi yinyu, yuyo mukamutuma pakunyavwa ane muvyakusobelwa vyane. 26Pakuti akusamba nkani pakubennya mwebosi, sona akuyimba nkani mumoyo pachifukwa ichakuti mukivwa ukuti akabinagha. 27Momumo akabina nkani, umwakuti akapalamilagha kubufwe. Loli u Chala akamupelela ichisa, sona atakamupelela ichisa mwene, loli akampelela ichisa nane bulo, umwakuti intakabe ni chitima nkani. 28Ichi cho chifukwa nalondagha nkani pakumutuma kukwinyu, ukuti muhoboke bo mwamwennya, sona ichitima chane po chikwiza pakumala. 29Po mumupokele nu buhobosu mwa Mwene. Abantu banaba, mubachindikaye, 30pakuti akaba papipi nukufwa pachifukwa ichakumubombela u Kilisitu. Akabika ubumi bwache pachulu ukuti anyavwe ivintu vivyo amwe mukapotwa pakunyavwa.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.