Aba Filipi 1
1
1 #
Imbo. 16.12
Ane ne Pabuli poka nu Timoti, aswe twe babombi aba Kilisitu u Yesu.
Ukubasimbila abantu bosi abazelu aba Chala aba mu Filipi, babo ubumi bwabo bwamamatilana poka nu Kilisitu Yesu, nkaninkani abalongozi aba chipanga, sona na bavwilizi babo.
2Ichisa nu mutende ivyakufuma kwa Chala u Tata witu, sona ni vyakufuma kwa Mwene u Yesu Kilisitu vibanje namwe.
U Pabuli akubiputila aba Filipi
3Nkumupalizya u Chala wane akabalilo kosi kako nkubakumbuka. 4Akabalilo kosi kako nkubiputila mwebosi, nkubiputila nu buhobosu. 5Imbaghiye mbapalizye pachifukwa ichakuti mwanyavwanga pakulumbilila Amazyu Amiza ukwandila ko kubwandilo mupaka ilelo. 6Intakwilamwa napo panandi ukuti u Chala, yuyo akanda imbombo inyiza iyi mumwinyu, akwiza pakuyimalizya mupaka pisiku ilyakufika kwa Kilisitu Yesu. 7Chiza nkani ukuti mbinong'onelaye bunubu, pachifukwa ichakuti mwebosi muli pamoyo wane. Pakuti mwagabana nane ulusako lulo u Chala ampiye pakughimila, sona nukughikazya Amazyu Amiza, manyi indi mujele, manyi ne muntu umusatuke. 8U Chala we kaboni wane ukuti nkunena ubwanaloli, bo nkunena ukuti nkubasamba nkani, sona we kaboni wane ukuti imbaghanite nkani ukuyana namumo u Kilisitu u Yesu abaghaniye.
9Nkwiputa ukuti ulughano lwinyu lwendelelaye pakukulilakulila mukivwisizye akakufikapo, sona na muchililizi, 10umwakuti mumanye pakusala chicho chiza. Po mukwiza pakuba mwe bantu abazelu, sona na basita chilema nachimochimo mupaka pisiku ilya Kilisitu. 11Ubumi bwinyu bukwiza pakwizula ni nkalo inyiza nkani yiyo yikwizila mwa Yesu Kilisitu. Pachifukwa chinichi abantu bakwiza pakumuchindika nukumupala u Chala.
Pakuba nubumi we Kilisitu
12Mwee bakamu bane, nkulonda mumanye ukuti zizyo zikangwila zikavwa nkani pakufumusya Amazyu Amiza. 13#Imbo. 28.30Po bunubu abalindilili bosi abamunyumba iya mwene, sona na bantu bosi abanji bulo bazimenye ukuti indi mujele pachifukwa ichakuti ne mubombi uwa Kilisitu. 14Pachifukwa ichakuti indi mujele, abakamu bane abinji bakujimba nkani mwa Mwene, sona bakulumbilila amazyu agha Chala umwakusita ubogha nabumobumo.
15Momumo abantu bamo bakumulumbilila u Kilisitu pachifukwa ichakuti bali na kabini nane, sona bakulonda ukudalinkana nane. Loli abantu bamo bakulumbilila pachifukwa icha nyinong'ono inyiza. 16Abantu banaba bakubomba bunubu pachifukwa icha lughano pakuti bazimenye ukuti u Chala ampiye imbombo iyakughimila Amazyu Amiza. 17Abanji batakumulumbilila u Kilisitu ni nyinong'ono inyiza, loli bakulumbilila nu moyo uwakwiyighana. Bakwinong'ona ukuti bakwiza pakumpelela intamyo inyinji nkani bo indi mujele.
18Chite ni mbombo! Manyi bakulumbilila mubumyasi, manyi mubwanaloli, chicho chikulondiwa bulo chakuti u Kilisitu akulumbililiwa. Ihobokite bulo nacho. 19Pakuti inzimenye ukuti ukwendela munyiputo zyinyu, sona nu bwavwilizi ubwa Muzimu uwa Yesu Kilisitu, nkwiza pakusatuliwa. 20Polelo nkulindilila nukumusubila nkani ukuti ntakwiza pakubombapo nachimo chicho chingankozya isoni. Loli nkusubila ukuti nkwiza pakujimba umoyo, umwakuti ilelo ngati bwila, u Kilisitu akwiza pakuchindikiwa mumwane, manyi mubumi, manyi mu bufwe. 21Pakuti ane, ubumi we Kilisitu, sona ubufwe bope ko kukaba. 22Loli nanti ukwendelela kwane pakuba nubumi muchisu ichapasi chikumpa ulusako ulwakuti imbombe imbombo iyakwavwa abantu abanji, po intakuchimanya chicho ningasala. 23Nkuwesiwa kumbazu zyosi zibili. Kulubazu loka nkulonda nkani ukuti ngali nabuka pakwikala poka nu Kilisitu, chicho chintu chapamwanya nkani. 24Loli kulubazu ulunji, chintu chakulondiwa nkani ukuti imbanje nubumi pachifukwa icha mwemwe. 25Umwakusita ukwilamwa inzimenye ukuti nkwiza pakuba nubumi. Nkwiza pakwendelela pakubavwa mwebosi ukuti ulwitiko lwinyu lukulaye nukubapa ubuhobosu ukuchila kale, 26umwakuti bo indinamwe sona, mukwiza pakuba ni vifukwa ivyakukwana ivyakwituvikizya nane mubumi bwinyu ubwakumamatilana poka nu Kilisitu u Yesu.
27Ichintu ichapamwanya chakuti, inkalo yinyu yiyane na Mazyu Amiza aghakunena nizya Kilisitu. Napapo nize kukwinyu pakubennya, pamo imbanje kubutali, nkulonda ukwivwa ukuti mukwiyula nkani nu moyo ghoka. Nkulonda ukwivwa sona ukuti umwakwivwana, sona nu mwakwavwana mukulwa ubwite pachifukwa icha kusubila Amazyu Amiza. 28Mutakabanyilaye abalwani binyu. Mubanje bajivu nkani bwila, po ichi chikwiza pakubasimikizya ukuti bakwiza pakupotwa, sona amwe mukwiza pakupota, pakuti u Chala weyuyo akubapa ubupoti. 29Pakuti mupeghiwe ulusako ulwa kumubombela u Kilisitu, te kumusubila kwene, awe, loli nukuyimba bulo pachifukwa icha yuyo. 30#Imbo. 16.19-40Namwe bulo mukulwa ubwite bulabula bubo mukanyennya nkulwa, sona bo bubo mukivwa ukuti inchili nkulwa mupaka nilelo bulo.
လက္ရွိေရြးခ်ယ္ထားမွု
Aba Filipi 1: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.
Aba Filipi 1
1
1 #
Imbo. 16.12
Ane ne Pabuli poka nu Timoti, aswe twe babombi aba Kilisitu u Yesu.
Ukubasimbila abantu bosi abazelu aba Chala aba mu Filipi, babo ubumi bwabo bwamamatilana poka nu Kilisitu Yesu, nkaninkani abalongozi aba chipanga, sona na bavwilizi babo.
2Ichisa nu mutende ivyakufuma kwa Chala u Tata witu, sona ni vyakufuma kwa Mwene u Yesu Kilisitu vibanje namwe.
U Pabuli akubiputila aba Filipi
3Nkumupalizya u Chala wane akabalilo kosi kako nkubakumbuka. 4Akabalilo kosi kako nkubiputila mwebosi, nkubiputila nu buhobosu. 5Imbaghiye mbapalizye pachifukwa ichakuti mwanyavwanga pakulumbilila Amazyu Amiza ukwandila ko kubwandilo mupaka ilelo. 6Intakwilamwa napo panandi ukuti u Chala, yuyo akanda imbombo inyiza iyi mumwinyu, akwiza pakuyimalizya mupaka pisiku ilyakufika kwa Kilisitu Yesu. 7Chiza nkani ukuti mbinong'onelaye bunubu, pachifukwa ichakuti mwebosi muli pamoyo wane. Pakuti mwagabana nane ulusako lulo u Chala ampiye pakughimila, sona nukughikazya Amazyu Amiza, manyi indi mujele, manyi ne muntu umusatuke. 8U Chala we kaboni wane ukuti nkunena ubwanaloli, bo nkunena ukuti nkubasamba nkani, sona we kaboni wane ukuti imbaghanite nkani ukuyana namumo u Kilisitu u Yesu abaghaniye.
9Nkwiputa ukuti ulughano lwinyu lwendelelaye pakukulilakulila mukivwisizye akakufikapo, sona na muchililizi, 10umwakuti mumanye pakusala chicho chiza. Po mukwiza pakuba mwe bantu abazelu, sona na basita chilema nachimochimo mupaka pisiku ilya Kilisitu. 11Ubumi bwinyu bukwiza pakwizula ni nkalo inyiza nkani yiyo yikwizila mwa Yesu Kilisitu. Pachifukwa chinichi abantu bakwiza pakumuchindika nukumupala u Chala.
Pakuba nubumi we Kilisitu
12Mwee bakamu bane, nkulonda mumanye ukuti zizyo zikangwila zikavwa nkani pakufumusya Amazyu Amiza. 13#Imbo. 28.30Po bunubu abalindilili bosi abamunyumba iya mwene, sona na bantu bosi abanji bulo bazimenye ukuti indi mujele pachifukwa ichakuti ne mubombi uwa Kilisitu. 14Pachifukwa ichakuti indi mujele, abakamu bane abinji bakujimba nkani mwa Mwene, sona bakulumbilila amazyu agha Chala umwakusita ubogha nabumobumo.
15Momumo abantu bamo bakumulumbilila u Kilisitu pachifukwa ichakuti bali na kabini nane, sona bakulonda ukudalinkana nane. Loli abantu bamo bakulumbilila pachifukwa icha nyinong'ono inyiza. 16Abantu banaba bakubomba bunubu pachifukwa icha lughano pakuti bazimenye ukuti u Chala ampiye imbombo iyakughimila Amazyu Amiza. 17Abanji batakumulumbilila u Kilisitu ni nyinong'ono inyiza, loli bakulumbilila nu moyo uwakwiyighana. Bakwinong'ona ukuti bakwiza pakumpelela intamyo inyinji nkani bo indi mujele.
18Chite ni mbombo! Manyi bakulumbilila mubumyasi, manyi mubwanaloli, chicho chikulondiwa bulo chakuti u Kilisitu akulumbililiwa. Ihobokite bulo nacho. 19Pakuti inzimenye ukuti ukwendela munyiputo zyinyu, sona nu bwavwilizi ubwa Muzimu uwa Yesu Kilisitu, nkwiza pakusatuliwa. 20Polelo nkulindilila nukumusubila nkani ukuti ntakwiza pakubombapo nachimo chicho chingankozya isoni. Loli nkusubila ukuti nkwiza pakujimba umoyo, umwakuti ilelo ngati bwila, u Kilisitu akwiza pakuchindikiwa mumwane, manyi mubumi, manyi mu bufwe. 21Pakuti ane, ubumi we Kilisitu, sona ubufwe bope ko kukaba. 22Loli nanti ukwendelela kwane pakuba nubumi muchisu ichapasi chikumpa ulusako ulwakuti imbombe imbombo iyakwavwa abantu abanji, po intakuchimanya chicho ningasala. 23Nkuwesiwa kumbazu zyosi zibili. Kulubazu loka nkulonda nkani ukuti ngali nabuka pakwikala poka nu Kilisitu, chicho chintu chapamwanya nkani. 24Loli kulubazu ulunji, chintu chakulondiwa nkani ukuti imbanje nubumi pachifukwa icha mwemwe. 25Umwakusita ukwilamwa inzimenye ukuti nkwiza pakuba nubumi. Nkwiza pakwendelela pakubavwa mwebosi ukuti ulwitiko lwinyu lukulaye nukubapa ubuhobosu ukuchila kale, 26umwakuti bo indinamwe sona, mukwiza pakuba ni vifukwa ivyakukwana ivyakwituvikizya nane mubumi bwinyu ubwakumamatilana poka nu Kilisitu u Yesu.
27Ichintu ichapamwanya chakuti, inkalo yinyu yiyane na Mazyu Amiza aghakunena nizya Kilisitu. Napapo nize kukwinyu pakubennya, pamo imbanje kubutali, nkulonda ukwivwa ukuti mukwiyula nkani nu moyo ghoka. Nkulonda ukwivwa sona ukuti umwakwivwana, sona nu mwakwavwana mukulwa ubwite pachifukwa icha kusubila Amazyu Amiza. 28Mutakabanyilaye abalwani binyu. Mubanje bajivu nkani bwila, po ichi chikwiza pakubasimikizya ukuti bakwiza pakupotwa, sona amwe mukwiza pakupota, pakuti u Chala weyuyo akubapa ubupoti. 29Pakuti mupeghiwe ulusako ulwa kumubombela u Kilisitu, te kumusubila kwene, awe, loli nukuyimba bulo pachifukwa icha yuyo. 30#Imbo. 16.19-40Namwe bulo mukulwa ubwite bulabula bubo mukanyennya nkulwa, sona bo bubo mukivwa ukuti inchili nkulwa mupaka nilelo bulo.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.