Aba Efeso 3
3
Imbombo iya Pabuli pakasi pabantu babo bate ba Yuda
1Pachifukwa chinichi nkubiputila amwe kwa Chala. Ane ne Pabuli indi mujele pachifukwa icha Kilisitu u Yesu, sona pachifukwa icha mwemwe mwe bantu babo bate ba Yuda. 2Naloli mwivuye ukuti u Chala muchisa chache ampiye imbombo ukuti imbombaye pakasi papinyu. 3U Chala akanvumbulila izya kubusyefu ukuyana namumo nasimbila kale mubupimpa. 4#Kols. 1.26-27Bo mukubelenga zinizi, mukwiza pakuzyaghannya ukuti ane nkwivwisya nizya kubusyefu ubwa Kilisitu, 5zizyo zitakavumbuliwa ku bantu abankulilo izinji ukuyana namumo zyavumbuliliwa ilelo mwa Muzimu Umuzelu, sona na batumiwa bache abazelu na balaghuzi. 6Izyakubusyefu zinizi zyakuti ukwendela mu Mazyu Amiza, abantu babo bate ba Yuda bope bapokelaye ulusayo ulwa Chala poka naba Yuda. Poka sona naba Yuda bali vigaba ivya mubili ghoka, sona mwa Kilisitu u Yesu bakupokela ilayizyo ilya Chala.
7Muchisa chache u Chala akampela mubombi uwa Mazyu Amiza, po pakubomba bunubu akandanjizya amaka ghache. 8Napapo ne munandi nkani ukuchila abantu bosi abazelu aba Chala, pope bulo ichisa ichi chikalanjiziwa kukwane ukuti indumbilile pakasi pabantu babo bate ba Yuda nizya bukabi ubusita impaka ubwa Kilisitu 9sona nukuti imbalingannye akiza abantu bosi nizya kubusyefu zinizi, zizyo ku nkulilo inyinji zyafisiwe mwa Chala, yuyo akapela ivintu vyosi, 10umwakuti ukwendela muchipanga abamwene na balaghili bosi aba kumwanya baghamanye amahala aghakulekanalekana agha Chala. 11U Chala akabomba zinizi ukuti imbatiko zyache izya bwila na bwila zibombiwanje, zizyo akayanizya zila mwa Kilisitu u Yesu u Mwene witu. 12Ukwendela mwa Kilisitu, sona nu kwendela mulwitiko lwitu mumwache tungajimba pakupalamila kwa Chala umwakusita ukwilamwa. 13Po losi ulu nkubalaba ukuti mutakanyokele kwisinda pachifukwa ichakubayimbila, chicho buchindamu bwinyu.
Ulughano ulwa Kilisitu
14Pachifukwa ichi, losi ulu nkumufughamilila u Tata, 15yuyo akalwita itabwa lyache uluko losi ulwa kumwanya ni chisu ichapasi. 16Nkwiputa ukuti ukufuma mu bukabi bwache ubwa buchindamu angabapa amaka mwa Muzimu wache Umuzelu ukuti amoyo ghinyu ghabanje na maka 17umwakuti u Kilisitu ikale mumoyo ghinyu ukwendela mu lwitiko, nkwiputa sona ukuti mwisimike na magululuzi ghinyu nukuti mwikalane mulughano. 18Nkwiputa ukuti amwe poka na bantu abazelu aba Chala mubanje na maka aghakwivwisya mumo bubeleye ubukulu nu butali, sona nu bwibizu ubwa lughano ulwa Kilisitu. 19Naloli nkwiputa ukuti mumanye ulughano lula ulwa Kilisitu, lulo lwapamwanya nkani ukuchila amahala agha bantu, ukuti mwizuziwe umwakufikapo nubumi ubwa Chala.
20Ubuchindamu bubanje kwa Chala, yuyo na maka ghache, ghagho ghali pambombo mumwitu angabomba ivintu ivyinji vivyo vitakubelengiwa nukuchila vivyo tungalaba pamo ukuvyinong'ona. 21U Chala apokele umuchizi ughu muvipanga, sona na mwa Kilisitu u Yesu ku nkulilo zyosi, bwila na bwila! Ameni.
လက္ရွိေရြးခ်ယ္ထားမွု
Aba Efeso 3: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.
Aba Efeso 3
3
Imbombo iya Pabuli pakasi pabantu babo bate ba Yuda
1Pachifukwa chinichi nkubiputila amwe kwa Chala. Ane ne Pabuli indi mujele pachifukwa icha Kilisitu u Yesu, sona pachifukwa icha mwemwe mwe bantu babo bate ba Yuda. 2Naloli mwivuye ukuti u Chala muchisa chache ampiye imbombo ukuti imbombaye pakasi papinyu. 3U Chala akanvumbulila izya kubusyefu ukuyana namumo nasimbila kale mubupimpa. 4#Kols. 1.26-27Bo mukubelenga zinizi, mukwiza pakuzyaghannya ukuti ane nkwivwisya nizya kubusyefu ubwa Kilisitu, 5zizyo zitakavumbuliwa ku bantu abankulilo izinji ukuyana namumo zyavumbuliliwa ilelo mwa Muzimu Umuzelu, sona na batumiwa bache abazelu na balaghuzi. 6Izyakubusyefu zinizi zyakuti ukwendela mu Mazyu Amiza, abantu babo bate ba Yuda bope bapokelaye ulusayo ulwa Chala poka naba Yuda. Poka sona naba Yuda bali vigaba ivya mubili ghoka, sona mwa Kilisitu u Yesu bakupokela ilayizyo ilya Chala.
7Muchisa chache u Chala akampela mubombi uwa Mazyu Amiza, po pakubomba bunubu akandanjizya amaka ghache. 8Napapo ne munandi nkani ukuchila abantu bosi abazelu aba Chala, pope bulo ichisa ichi chikalanjiziwa kukwane ukuti indumbilile pakasi pabantu babo bate ba Yuda nizya bukabi ubusita impaka ubwa Kilisitu 9sona nukuti imbalingannye akiza abantu bosi nizya kubusyefu zinizi, zizyo ku nkulilo inyinji zyafisiwe mwa Chala, yuyo akapela ivintu vyosi, 10umwakuti ukwendela muchipanga abamwene na balaghili bosi aba kumwanya baghamanye amahala aghakulekanalekana agha Chala. 11U Chala akabomba zinizi ukuti imbatiko zyache izya bwila na bwila zibombiwanje, zizyo akayanizya zila mwa Kilisitu u Yesu u Mwene witu. 12Ukwendela mwa Kilisitu, sona nu kwendela mulwitiko lwitu mumwache tungajimba pakupalamila kwa Chala umwakusita ukwilamwa. 13Po losi ulu nkubalaba ukuti mutakanyokele kwisinda pachifukwa ichakubayimbila, chicho buchindamu bwinyu.
Ulughano ulwa Kilisitu
14Pachifukwa ichi, losi ulu nkumufughamilila u Tata, 15yuyo akalwita itabwa lyache uluko losi ulwa kumwanya ni chisu ichapasi. 16Nkwiputa ukuti ukufuma mu bukabi bwache ubwa buchindamu angabapa amaka mwa Muzimu wache Umuzelu ukuti amoyo ghinyu ghabanje na maka 17umwakuti u Kilisitu ikale mumoyo ghinyu ukwendela mu lwitiko, nkwiputa sona ukuti mwisimike na magululuzi ghinyu nukuti mwikalane mulughano. 18Nkwiputa ukuti amwe poka na bantu abazelu aba Chala mubanje na maka aghakwivwisya mumo bubeleye ubukulu nu butali, sona nu bwibizu ubwa lughano ulwa Kilisitu. 19Naloli nkwiputa ukuti mumanye ulughano lula ulwa Kilisitu, lulo lwapamwanya nkani ukuchila amahala agha bantu, ukuti mwizuziwe umwakufikapo nubumi ubwa Chala.
20Ubuchindamu bubanje kwa Chala, yuyo na maka ghache, ghagho ghali pambombo mumwitu angabomba ivintu ivyinji vivyo vitakubelengiwa nukuchila vivyo tungalaba pamo ukuvyinong'ona. 21U Chala apokele umuchizi ughu muvipanga, sona na mwa Kilisitu u Yesu ku nkulilo zyosi, bwila na bwila! Ameni.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.