Aba Efeso 2
2
Ukufuma kubufwe nukwinjila mubumi
1 #
Kols. 2.13
Kale mukaba mwe bantu abafwe pachifukwa icha kunyongana kwinyu, sona ni chifukwa icha mbibi zyinyu. 2Pakabalilo kalakala mukikolezannya nivya muchisu ichapasi, sona mukakonkagha usongo uwa bulaghili ubwa mumwanyamwanya. Usongo yunuyu we muzimu umubibi, yuyo akubomba imbombo losi ulu pakasi pabantu babo batakumwivwila u Chala. 3Loli twebosi tukaba ngati bo babo, sona tukikalagha ukuyana ni vinyonywa vyitu. Tukabombagha chosi chicho amabili ghitu ni nyinong'ono zyitu vikalondagha. Ichi cho chifukwa ubukali ubwa Chala bukatubaghila ukuyana namumo bukumubaghilila umuntu wesi.
4Loli u Chala, yuyo wachisa nkani, akatughana nu lughano lwache lulo lukulu nkani, 5napapo tukaba twe bantu abafwe pachifukwa icha kunyongana kwitu, akatupa ubumi mwa Kilisitu. U Chala akabapoka ukwendela muchisa chache. 6U Chala akatuzyusya aswe kubufwe poka nu Kilisitu u Yesu nukutwikazya poka nawe kubuzilo ubwa kumwanya, 7umwakuti angatulanjizya ichisa chache ichikulu nkani pakabalilo kako kakwiza pakwendela mwa Kilisitu u Yesu. 8U Chala akabapoka muchisa chache ukwendela mu lwitiko lwinyu. Ichi chite chifukwa icha kwiyula kwinyu, loli chabupi icha Chala. 9Umuntu atakupokiwa pachifukwa icha mbombo zyache, umwakuti atakabepo nayumo umuntu uwakwituvya. 10Pakuti twe vimatiwa ivya Chala, yuyo akatupela ukwendela mwa Kilisitu u Yesu ukuti tubombe imbombo inyiza zizyo akatuyanizya zila ukuti tuzibombaye.
Nizya bupoka mwa Kilisitu
11Polelo amwe mwe bantu babo bate ba Yuda, kumbuka ukuti kale mukitiziwanga ukuti mwe bantu abasita ukusilimuliwa na bantu babo bakiyitizyanga ukuti basilimuliwe, (chicho chikubombiwa pamubili ni nyobe izya bantu.) 12Kumbuka ukuti pakabalilo kala mukaba kubutali nu Kilisitu. Mukaba bayeni, sona mukasabukako kuba Izilayeli. Mutakaba ni chigaba mulufingo lulo u Chala akabalayizya abantu bache, po mukikala muchisu ichapasi ukusita ulusubilo, sona nukusita pakuba nu Chala. 13Losi ulu mwebosi amwe mwe kale mukaba kubutali nu Kilisitu u Yesu mwabuziliwa kupipi ni banda ilya Kilisitu. 14Pakuti u Kilisitu umwenecho mutende witu, yuyo abapela aba Yuda na bantu babo bate ba Yuda pakuba luko loka. Amongolannya ulubumba ulwa bulwani, lulo lukabalesannya. 15#Kols. 2.14Akamazya Indaghilo izya Mozesi poka na malamulo ghache, umwakuti patubukatila tubili utwa bantu tungipela twene pakuba luko loka ulupya, kokuti kubanje umutende, 16#Kols. 1.20sona nukuti angatusayannya twebosi nu Chala mu mubili ghoka ukwendela mu bufwe bwache pachipinjika, papo akamazya ubulwani bwabo. 17#Yes. 57.19Po u Kilisitu akiza nukulumbilila umutende kukwinyu, amwe mwe mukaba kubutali nu Chala, sona na bantu babo bakaba papipi nawe. 18Pakuti ukwendela mumwache aswe twebosi, tuli nu lusako ulwa kwizila pamaso pa Tata mu Muzimu Umuzelu weka.
19Polelo mute sona bayeni pamo basamile, awe. Loli mwe benekaya poka na bantu abazelu aba Chala, sona mwe ba mu Nyumba iya Chala. 20Namwe bulo muzengiwe palwalo lulo lukaliwa na batumiwa na balaghuzi.#2.20 palwalo…balaghuzi: Pamo ulwalo, kokuti abatumiwa na balaghuzi. U Kilisitu u Yesu umwenecho we libwe ilya pankuto. 21Weyuyo akulema inyumba yosi poka nukukwela ukuti yibanje nyumba impaghuliwa iya Mwene. 22Pakumamatilana poka nawe, namwe bulo mukuzengiwa poka ukuti mubanje nyumba, yiyo u Chala akwikalamo mwa Muzimu Umuzelu.
လက္ရွိေရြးခ်ယ္ထားမွု
Aba Efeso 2: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.
Aba Efeso 2
2
Ukufuma kubufwe nukwinjila mubumi
1 #
Kols. 2.13
Kale mukaba mwe bantu abafwe pachifukwa icha kunyongana kwinyu, sona ni chifukwa icha mbibi zyinyu. 2Pakabalilo kalakala mukikolezannya nivya muchisu ichapasi, sona mukakonkagha usongo uwa bulaghili ubwa mumwanyamwanya. Usongo yunuyu we muzimu umubibi, yuyo akubomba imbombo losi ulu pakasi pabantu babo batakumwivwila u Chala. 3Loli twebosi tukaba ngati bo babo, sona tukikalagha ukuyana ni vinyonywa vyitu. Tukabombagha chosi chicho amabili ghitu ni nyinong'ono zyitu vikalondagha. Ichi cho chifukwa ubukali ubwa Chala bukatubaghila ukuyana namumo bukumubaghilila umuntu wesi.
4Loli u Chala, yuyo wachisa nkani, akatughana nu lughano lwache lulo lukulu nkani, 5napapo tukaba twe bantu abafwe pachifukwa icha kunyongana kwitu, akatupa ubumi mwa Kilisitu. U Chala akabapoka ukwendela muchisa chache. 6U Chala akatuzyusya aswe kubufwe poka nu Kilisitu u Yesu nukutwikazya poka nawe kubuzilo ubwa kumwanya, 7umwakuti angatulanjizya ichisa chache ichikulu nkani pakabalilo kako kakwiza pakwendela mwa Kilisitu u Yesu. 8U Chala akabapoka muchisa chache ukwendela mu lwitiko lwinyu. Ichi chite chifukwa icha kwiyula kwinyu, loli chabupi icha Chala. 9Umuntu atakupokiwa pachifukwa icha mbombo zyache, umwakuti atakabepo nayumo umuntu uwakwituvya. 10Pakuti twe vimatiwa ivya Chala, yuyo akatupela ukwendela mwa Kilisitu u Yesu ukuti tubombe imbombo inyiza zizyo akatuyanizya zila ukuti tuzibombaye.
Nizya bupoka mwa Kilisitu
11Polelo amwe mwe bantu babo bate ba Yuda, kumbuka ukuti kale mukitiziwanga ukuti mwe bantu abasita ukusilimuliwa na bantu babo bakiyitizyanga ukuti basilimuliwe, (chicho chikubombiwa pamubili ni nyobe izya bantu.) 12Kumbuka ukuti pakabalilo kala mukaba kubutali nu Kilisitu. Mukaba bayeni, sona mukasabukako kuba Izilayeli. Mutakaba ni chigaba mulufingo lulo u Chala akabalayizya abantu bache, po mukikala muchisu ichapasi ukusita ulusubilo, sona nukusita pakuba nu Chala. 13Losi ulu mwebosi amwe mwe kale mukaba kubutali nu Kilisitu u Yesu mwabuziliwa kupipi ni banda ilya Kilisitu. 14Pakuti u Kilisitu umwenecho mutende witu, yuyo abapela aba Yuda na bantu babo bate ba Yuda pakuba luko loka. Amongolannya ulubumba ulwa bulwani, lulo lukabalesannya. 15#Kols. 2.14Akamazya Indaghilo izya Mozesi poka na malamulo ghache, umwakuti patubukatila tubili utwa bantu tungipela twene pakuba luko loka ulupya, kokuti kubanje umutende, 16#Kols. 1.20sona nukuti angatusayannya twebosi nu Chala mu mubili ghoka ukwendela mu bufwe bwache pachipinjika, papo akamazya ubulwani bwabo. 17#Yes. 57.19Po u Kilisitu akiza nukulumbilila umutende kukwinyu, amwe mwe mukaba kubutali nu Chala, sona na bantu babo bakaba papipi nawe. 18Pakuti ukwendela mumwache aswe twebosi, tuli nu lusako ulwa kwizila pamaso pa Tata mu Muzimu Umuzelu weka.
19Polelo mute sona bayeni pamo basamile, awe. Loli mwe benekaya poka na bantu abazelu aba Chala, sona mwe ba mu Nyumba iya Chala. 20Namwe bulo muzengiwe palwalo lulo lukaliwa na batumiwa na balaghuzi.#2.20 palwalo…balaghuzi: Pamo ulwalo, kokuti abatumiwa na balaghuzi. U Kilisitu u Yesu umwenecho we libwe ilya pankuto. 21Weyuyo akulema inyumba yosi poka nukukwela ukuti yibanje nyumba impaghuliwa iya Mwene. 22Pakumamatilana poka nawe, namwe bulo mukuzengiwa poka ukuti mubanje nyumba, yiyo u Chala akwikalamo mwa Muzimu Umuzelu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.