2 Aba Kolinti Ukwanda
Ukwanda
Ukalata uwabubili uwa Pabuli ukubasimbila Aba Kolinti akasimbiwa pakabalilo akapalapala bo ali pabumanyani ni chipanga mu Kolinti. Abakilisitu bamo aba chipanga bakaboneka pabuzelu ukuti bakumuvwima u Pabuli, loli ukulanjizya ukupalamasiwa ukwa kusayana, sona nu buhobosu bwache bo ichi chikulanjiziwa.
Muchigaba ichakwanda icha kalata uyu, u Pabuli akulingannya nizya bumanyani bwache ni chipanga mu Kolinti, pakulingannya ichifukwa chicho amulapo nkani na maka pa ntuko sona nukusambuka muchipanga nukulanjizya ubuhobosu bwache ukuti ukwamulapo kwalanjizya ukulapa imbibi sona nukusayana. Polelo akuchilaba ichipanga ukuti chiyipe ivyakwiyipa umwakusita ukumamilizya ukuti vibavwe abakilisitu babo bakusobelwa mukaya aka Yudeya. Mumitu iyabumalilo iya libuku ili u Pabuli akubwimila ubutumiwa bwache pamaso pabantu abanandi mu Kolinti babo bakikwezya bene pakuba batumiwa abanaloli kuno bakumususya u Pabuli ukuti mutumiwa uwa bumyasi.
Ivyamukasi
Ukwanda 1.1-11
U Pabuli ni chipanga icha mu Kolinti 1.12—7.16
Ivyakwiyipa ivya bakilisitu mukaya aka Yudeya 8.1—9.15
Ukwipoka ukwa Pabuli nizya bulaghili bwache pakuba mutumiwa 10.1—13.10
Amazyu aghabumalilo 13.11-13
လက္ရွိေရြးခ်ယ္ထားမွု
2 Aba Kolinti Ukwanda: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.