2 Aba Kolinti 4
4
Ubukabi ubwabuzimu musonta
1U Chala muchisa chache atupiye imbombo iyi, po tutakunyokela mwisinda. 2Loli tumalanite kale nazyo imbombo zyosi izyakubusyefu, sona ni zyakukozya isoni. Aswe tutakubombezya ubuzimbuli pamo ukunyongannya amazyu agha Chala. Loli pakunena ubwanaloli bosi pabuzelu pamaso pa Chala, ukuti twipale twebene kwa mabyebye uwa muntu wesi. 3Nanti Amazyu Amiza ghagho tukulumbilila ghavwinkiwe, ghavwinkiwe ku bantu bene babo bakusobela. 4Abene batakusubila pakuti u Satana, u chala uwa muchisu ichapasi azikite amoyo ghabo ukuti batakalwennyanje ulukozyo ulwa buchindamu ubwa Mazyu Amiza agha Kilisitu, yuyo nkozya bulo iya Chala. 5Pakuti tutakwilumbilila twebene, loli tukulumbilila u Yesu Kilisitu ukuti we Mwene. Aswe twe babombi binyu bulo pachifukwa icha Yesu. 6#Ubw. 1.3Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.
7Loli aswe tuyanite bulo ni sonta izya kusungilamo ubukabi ubu, ukuti tulanjizye ukuti amaka amakulu agha ghakufuma kwa Chala, kute ko kukwitu, awe. 8Aswe tukukomana na mayimba aghakulekanalekana, loli tutakufyenyiwa sona tukuswigha, loli tutakulekiwapo nalumo. 9Aswe tukuvwimiwa, loli tuli na bamanyani abinji. Tukuwisiwa pasi, loli tutakuvulala. 10Akabalilo kosi tukwenda nu bufwe ubwa Yesu mu mabili ghitu, umwakuti ubumi bwache bope bungaboneka mu mabili ghitu. 11Pakuti akabalilo kosi, napapo tuli nubumi, tukukomana ni vyakoghofya ivya bufwe pachifukwa icha Yesu, umwakuti ubumi bwache bungaboneka mubumi bwitu ubwa muchisu ichapasi. 12Polelo ubufwe buli pambombo mumwitu, loli ubumi buli pambombo mumwinyu.
13 #
Mas. 116.10
Amasimbo ghakuti, “Nkasubila polelo nkati.” Pakuti tuli nu moyo uwa lwitiko ghulaghula, cho chifukwa naswe bulo tukunena. 14Aswe tuzimenye ukuti u Chala yuyo akamuzyusya u Mwene u Yesu kubufwe, akwiza pakutuzyusya naswe bulo kubufwe poka nu Yesu, sona nukutufisya poka namwe pantazi papache. 15Zyosi zinizi zili bunubu pachifukwa icha mwemwe, umwakuti abantu na bantu bakwiza pakumanya namumo ichisa icha Chala chibeleye, po bakwiza pakumupalizya u Chala, sona nukumuchindika.
Tusubilaye mwa Mwene
16Pachifukwa chinichi tutakunyokelapo nalumolumo mwisinda. Napapo amabili ghitu ghakudedebala panandipanandi, loli amoyo ghitu ghakupokela amaka amapya isiku ni siku. 17Pakuti amayimba ghitu manandi, sona ghakabalilo akanandi, ghali pakutuyanizizya aswe ubuchindamu ubukulu ubwakuchilapo, sona nubwa bwila na bwila. 18Polelo tutakwennya pavintu vivyo vikuboneka na maso, loli tukwennya pavintu vivyo vitakuboneka na maso. Pakuti ivintu vivyo vikuboneka na maso vitakwikalizannya, loli ivintu vivyo vitakuboneka na maso vya bwila na bwila.
လက္ရွိေရြးခ်ယ္ထားမွု
2 Aba Kolinti 4: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.
2 Aba Kolinti 4
4
Ubukabi ubwabuzimu musonta
1U Chala muchisa chache atupiye imbombo iyi, po tutakunyokela mwisinda. 2Loli tumalanite kale nazyo imbombo zyosi izyakubusyefu, sona ni zyakukozya isoni. Aswe tutakubombezya ubuzimbuli pamo ukunyongannya amazyu agha Chala. Loli pakunena ubwanaloli bosi pabuzelu pamaso pa Chala, ukuti twipale twebene kwa mabyebye uwa muntu wesi. 3Nanti Amazyu Amiza ghagho tukulumbilila ghavwinkiwe, ghavwinkiwe ku bantu bene babo bakusobela. 4Abene batakusubila pakuti u Satana, u chala uwa muchisu ichapasi azikite amoyo ghabo ukuti batakalwennyanje ulukozyo ulwa buchindamu ubwa Mazyu Amiza agha Kilisitu, yuyo nkozya bulo iya Chala. 5Pakuti tutakwilumbilila twebene, loli tukulumbilila u Yesu Kilisitu ukuti we Mwene. Aswe twe babombi binyu bulo pachifukwa icha Yesu. 6#Ubw. 1.3Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.
7Loli aswe tuyanite bulo ni sonta izya kusungilamo ubukabi ubu, ukuti tulanjizye ukuti amaka amakulu agha ghakufuma kwa Chala, kute ko kukwitu, awe. 8Aswe tukukomana na mayimba aghakulekanalekana, loli tutakufyenyiwa sona tukuswigha, loli tutakulekiwapo nalumo. 9Aswe tukuvwimiwa, loli tuli na bamanyani abinji. Tukuwisiwa pasi, loli tutakuvulala. 10Akabalilo kosi tukwenda nu bufwe ubwa Yesu mu mabili ghitu, umwakuti ubumi bwache bope bungaboneka mu mabili ghitu. 11Pakuti akabalilo kosi, napapo tuli nubumi, tukukomana ni vyakoghofya ivya bufwe pachifukwa icha Yesu, umwakuti ubumi bwache bungaboneka mubumi bwitu ubwa muchisu ichapasi. 12Polelo ubufwe buli pambombo mumwitu, loli ubumi buli pambombo mumwinyu.
13 #
Mas. 116.10
Amasimbo ghakuti, “Nkasubila polelo nkati.” Pakuti tuli nu moyo uwa lwitiko ghulaghula, cho chifukwa naswe bulo tukunena. 14Aswe tuzimenye ukuti u Chala yuyo akamuzyusya u Mwene u Yesu kubufwe, akwiza pakutuzyusya naswe bulo kubufwe poka nu Yesu, sona nukutufisya poka namwe pantazi papache. 15Zyosi zinizi zili bunubu pachifukwa icha mwemwe, umwakuti abantu na bantu bakwiza pakumanya namumo ichisa icha Chala chibeleye, po bakwiza pakumupalizya u Chala, sona nukumuchindika.
Tusubilaye mwa Mwene
16Pachifukwa chinichi tutakunyokelapo nalumolumo mwisinda. Napapo amabili ghitu ghakudedebala panandipanandi, loli amoyo ghitu ghakupokela amaka amapya isiku ni siku. 17Pakuti amayimba ghitu manandi, sona ghakabalilo akanandi, ghali pakutuyanizizya aswe ubuchindamu ubukulu ubwakuchilapo, sona nubwa bwila na bwila. 18Polelo tutakwennya pavintu vivyo vikuboneka na maso, loli tukwennya pavintu vivyo vitakuboneka na maso. Pakuti ivintu vivyo vikuboneka na maso vitakwikalizannya, loli ivintu vivyo vitakuboneka na maso vya bwila na bwila.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.