2 Aba Kolinti 3
3
Ababombi aba Lufingo Ulupya
1Nkimba twanda sona pakwipala twebene? Fwandi, chakulondiwa kukwitu, ngati bo bantu bamo, ukuti tubanje na bakalata abamapalo kukwinyu, pamo abakalata abakusimbiwa namwe? 2Amwe mwebene mwe kalata witu, yuyo asimbiwe mumoyo ghitu ukuti abantu bosi bamumanye, sona nukumubelenga. 3#Ukf. 24.12; Yel. 31.33; Ezk. 11.19, 36.26Amwe mukulanjizya pabuzelu ukuti mwe kalata uwakufuma kwa Kilisitu, yuyo akasimbiwa ukwendela mumwitu. Ukalata uyu atakasimbiwa ni inki, awe, loli akasimbiwa nu Muzimu uwa Chala umumi, sona atakasimbiwa pamabwe amapapate, awe, loli akasimbiwa mumoyo ghitu.
4Tukunena zinizi ichifukwa tukumusubila u Chala ukwendela mwa Kilisitu. 5Chitalipo nachimo mumwitu ichakuti tunginong'ona patwebene ukuti tuli na maka aghakubombela imbombo iyi, loli amaka ghitu ghakufuma kwa Chala. 6#Yel. 31.31U Chala weyuyo akatupa amaka aghakubombela ulufingo ulupya, lulo lute Mundaghilo zizyo zisimbiwe, loli ulwa Muzimu Umuzelu. Pakuti Indaghilo zizyo zisimbiwe zikughogha, loli u Muzimu Umuzelu akupa ubumi.
7 #
Ukf. 34.29
Indaghilo zikasimbiwa pamabwe amapapate, sona ubuchindamu ubwa Chala bukuboneka bo zikupeghiwa. Ubuchindamu bula bukalama nkani, umwakuti aba Izilayeli bakapotwanga pakwenelezya icheni icha Mozesi, napapo ukulama kula kukazimagha. Nanti Indaghilo, zizyo zikughogha zikiza nu buchindamu bunubu, 8nkimba bo bukulu boni ubuchindamu ubwa mbombo iya Muzimu Umuzelu? 9Nanti imbombo iyakulonga abantu ukuti bafundiwanje yikaba yabuchindamu, kokuti imbombo iyakuti abantu baneniwe pakuba bagholosu pamaso pa Chala yikwiza pakuba yabuchindamu ukuchila. 10Pachifukwa icha buchindamu ubukulu bubo bwaboneka, ivintu vivyo vikaba vyabuchindamu kale, losi ulu vite nu buchindamu sona. 11Pakuti nanti ivintu vivyo vikuzima vikiza nu buchindamu, kokuti ivintu vivyo vikubangako bwila na bwila vikwiza pakuba nu buchindamu ubwakuchilapo.
12Pakuti tuli nu lusubilo ulu, twe bajivu nkani. 13#Ukf. 34.33Aswe tutayanite nu Mozesi, yuyo akavwinka icheni chache nu mwenda ukuti aba Izilayeli batakennyanje ukuzima ukwa kulama ukwa cheni chache. 14Loli inyinong'ono zyabo zikaba nkafu, sona mupaka nilelo bulo, bo bakubelenga ulufingo ulwakale, umwenda ghulaghula ghuchili ghuli palapala, pakuti umwenda ghulaghula ghungefiwapo pakumamatilana poka nu Kilisitu mwene. 15Mupaka nilelo bulo bo bakubelenga Indaghilo izya Mozesi, umwenda ghukuvwinka amoyo ghabo. 16#Ukf. 34.34Loli nanti umuntu apindukila kwa Mwene, umwenda ghulaghula ghukwefiwapo. 17Losi ulu u Mwene we Muzimu, sona kuko kuli u Muzimu uwa Mwene, ko kuko kuli sona ubwabuke. 18Polelo aswe twebosi, tukulanjizya ubuchindamu ubwa Mwene nivyeni vyitu vivyo vite ni chakuvwinka. Tukwanduliwa pakuba chifwani chache nu buchindamu ubwakonjelelakonjela, bubo bukufuma kwa Mwene, yuyo we Muzimu Umuzelu.
လက္ရွိေရြးခ်ယ္ထားမွု
2 Aba Kolinti 3: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.
2 Aba Kolinti 3
3
Ababombi aba Lufingo Ulupya
1Nkimba twanda sona pakwipala twebene? Fwandi, chakulondiwa kukwitu, ngati bo bantu bamo, ukuti tubanje na bakalata abamapalo kukwinyu, pamo abakalata abakusimbiwa namwe? 2Amwe mwebene mwe kalata witu, yuyo asimbiwe mumoyo ghitu ukuti abantu bosi bamumanye, sona nukumubelenga. 3#Ukf. 24.12; Yel. 31.33; Ezk. 11.19, 36.26Amwe mukulanjizya pabuzelu ukuti mwe kalata uwakufuma kwa Kilisitu, yuyo akasimbiwa ukwendela mumwitu. Ukalata uyu atakasimbiwa ni inki, awe, loli akasimbiwa nu Muzimu uwa Chala umumi, sona atakasimbiwa pamabwe amapapate, awe, loli akasimbiwa mumoyo ghitu.
4Tukunena zinizi ichifukwa tukumusubila u Chala ukwendela mwa Kilisitu. 5Chitalipo nachimo mumwitu ichakuti tunginong'ona patwebene ukuti tuli na maka aghakubombela imbombo iyi, loli amaka ghitu ghakufuma kwa Chala. 6#Yel. 31.31U Chala weyuyo akatupa amaka aghakubombela ulufingo ulupya, lulo lute Mundaghilo zizyo zisimbiwe, loli ulwa Muzimu Umuzelu. Pakuti Indaghilo zizyo zisimbiwe zikughogha, loli u Muzimu Umuzelu akupa ubumi.
7 #
Ukf. 34.29
Indaghilo zikasimbiwa pamabwe amapapate, sona ubuchindamu ubwa Chala bukuboneka bo zikupeghiwa. Ubuchindamu bula bukalama nkani, umwakuti aba Izilayeli bakapotwanga pakwenelezya icheni icha Mozesi, napapo ukulama kula kukazimagha. Nanti Indaghilo, zizyo zikughogha zikiza nu buchindamu bunubu, 8nkimba bo bukulu boni ubuchindamu ubwa mbombo iya Muzimu Umuzelu? 9Nanti imbombo iyakulonga abantu ukuti bafundiwanje yikaba yabuchindamu, kokuti imbombo iyakuti abantu baneniwe pakuba bagholosu pamaso pa Chala yikwiza pakuba yabuchindamu ukuchila. 10Pachifukwa icha buchindamu ubukulu bubo bwaboneka, ivintu vivyo vikaba vyabuchindamu kale, losi ulu vite nu buchindamu sona. 11Pakuti nanti ivintu vivyo vikuzima vikiza nu buchindamu, kokuti ivintu vivyo vikubangako bwila na bwila vikwiza pakuba nu buchindamu ubwakuchilapo.
12Pakuti tuli nu lusubilo ulu, twe bajivu nkani. 13#Ukf. 34.33Aswe tutayanite nu Mozesi, yuyo akavwinka icheni chache nu mwenda ukuti aba Izilayeli batakennyanje ukuzima ukwa kulama ukwa cheni chache. 14Loli inyinong'ono zyabo zikaba nkafu, sona mupaka nilelo bulo, bo bakubelenga ulufingo ulwakale, umwenda ghulaghula ghuchili ghuli palapala, pakuti umwenda ghulaghula ghungefiwapo pakumamatilana poka nu Kilisitu mwene. 15Mupaka nilelo bulo bo bakubelenga Indaghilo izya Mozesi, umwenda ghukuvwinka amoyo ghabo. 16#Ukf. 34.34Loli nanti umuntu apindukila kwa Mwene, umwenda ghulaghula ghukwefiwapo. 17Losi ulu u Mwene we Muzimu, sona kuko kuli u Muzimu uwa Mwene, ko kuko kuli sona ubwabuke. 18Polelo aswe twebosi, tukulanjizya ubuchindamu ubwa Mwene nivyeni vyitu vivyo vite ni chakuvwinka. Tukwanduliwa pakuba chifwani chache nu buchindamu ubwakonjelelakonjela, bubo bukufuma kwa Mwene, yuyo we Muzimu Umuzelu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.