Svun Mateo 3
3
Ja' li' yaloj ti lic yal a'yuc sc'op Riox ti Juan j'ac'-ich'vo'e
(Mc 1.1-8; Lc 3.1-9,15-17; Jn 1.19-28)
1C'alal i'ech' xa'ox jayibuc jabile, ti Juan j'ac'-ich'vo'e lic yal a'yuc sc'op Riox ta xocol balamil li' ta Judeae. 2Ja yech iyal chac li'i: «¡Sutanictal ta stojol ti Rioxe yu'un chlic xa cuentainvanuc ti Rioxe!» ―Xi.
3Ti Rioxe ixch'amunbe ye ti j'alc'op Isaiase, iyalbe ono'ox sc'oplal ti Juane:
«Oy much'u tsots ch-avetaj ta xocol balamil:
Chapanbeic sbe ti Cajvaltique;
tuq'uibtasbeic li sbee.”» —Xi ono'ox.
4Ti Juane jalbil tsatsal cameyo sc'u'. Nucul xchuc xch'ut. Li sve'ele naca cochi' xchi'uc ajapom. 5Ti much'utic tey nacalic ta Jerusalene xchi'uc ti much'utic nacajtic ta sjunlej yosilal li Judeae xchi'uc ti much'utic tey nopol nacajtic ta uc'um Jordane tal ya'iic scotolic c'usi chal ti Juane. 6Ti much'utic iyalic ta jamal li smulique, i'ac'bat yich'ic vo' ta uc'um Jordán yu'un ti Juane.
7C'alal iyil ti Juane ti tey c'ot sc'anic ich'vo' epal jfariseoetic xchi'uc jsaduceoetique, yech iyalbe chac li'i: «¡Li vo'oxuque ja' achi'ilic li quiletel chonetique! ¿Much'u layalbeic ti chacolic ta tsatsal castico ti ta xtale? 8Ac'o vinajuc ta acuxlejalic ti mi ta melel asutesoj avo'onic ta stojol ti Cajvaltique, 9mu me xanopic yech chac li'i: “Ja' jmuc'tatoticotic ti Abrahame mu me xa chiic”; ta melel chacalbeic, ti Rioxe xu' tsc'atajes ta smom Abraham li tonetic li'i. 10Tombil xa yeq'uelal ta yoc li te'etique yu'un chboje loq'uel scotol c'alal to yisim. Scotol li te'etic ti bu chopolic sate, chich' bojel, chich' chiq'uel. 11Li vo'one ja' no'ox chacac'be avich'ic vo' scuenta chasutes o avo'onic ta stojol ti Rioxe. Yan li much'u ts'acal to ta xtale, más oy syu'el. Li vo'one mi ja'uc slicbel xonob, mu xitun o. Li stuque ja' chayac'be avich'ic ti Ch'ul Espiritue ti co'ol xchi'uc c'oq'ue. 12Ja' no'ox yech noxtoc li sjic'aobil trigoe tey xa stomoj ta sc'ob, ta xch'ubabe lec yav li smajobil strigoe. Li strigoe ta xch'ol ta stenal; li solepale ta xchic' ta c'oc yo' bu mu xtup' o taj jmoje.» —X'utatic yu'un ti Juane.
Ja' li' yaloj ti i'ac'bat yich' vo' ti Jesuse
(Mc 1.9-11; Lc 3.21-22)
13Ti c'alal yolel chac' ich' vo' ti Juane, ja'o iloc' tal ta Galilea ti Jesuse, tey ic'ot ta uc'um Jordán yu'un tsc'an ti ch-ac'bat yich' vo' yu'un ti Juane. 14Ti Juane mu ox sc'an xac'be yich' vo' ti Jesuse, xi iyalbee:
—¡Ma'uc yech smelol ti vo'on chacac'be avich' vo'e! Vo'ot chavac'bon quich' vo' ti yechuque, ―xi ti Juane.
15Itac'av ti Jesuse:
—Taje mu to c'u jtu'untic, lavie ja' jts'acubtastic scotol ti c'usi tsc'an ti Rioxe. ―Xi ti Jesuse.
Yech'o un ti Juane ixch'un. 16Ti c'alal laj yich' vo' ti Jesuse, iloc' ta uc'um. Ja'o ijam li vinajele. Iyil iyal tal ti Ch'ul Espiritu yu'un ti Rioxe, tey ic'ot ta stojol, co'ol xchi'uc culajte'#3.16 culajte': Paloma yilel. 17Ja'o oy much'u ic'opoj tal ta vinajel: «Li'i ja' Jch'amal, jc'anoj tajmec. Jun co'on yu'un.» ―Xi.
လက္ရွိေရြးခ်ယ္ထားမွု
Svun Mateo 3: LeqAC
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Sociedad Biblica de Mexico AC
Svun Mateo 3
3
Ja' li' yaloj ti lic yal a'yuc sc'op Riox ti Juan j'ac'-ich'vo'e
(Mc 1.1-8; Lc 3.1-9,15-17; Jn 1.19-28)
1C'alal i'ech' xa'ox jayibuc jabile, ti Juan j'ac'-ich'vo'e lic yal a'yuc sc'op Riox ta xocol balamil li' ta Judeae. 2Ja yech iyal chac li'i: «¡Sutanictal ta stojol ti Rioxe yu'un chlic xa cuentainvanuc ti Rioxe!» ―Xi.
3Ti Rioxe ixch'amunbe ye ti j'alc'op Isaiase, iyalbe ono'ox sc'oplal ti Juane:
«Oy much'u tsots ch-avetaj ta xocol balamil:
Chapanbeic sbe ti Cajvaltique;
tuq'uibtasbeic li sbee.”» —Xi ono'ox.
4Ti Juane jalbil tsatsal cameyo sc'u'. Nucul xchuc xch'ut. Li sve'ele naca cochi' xchi'uc ajapom. 5Ti much'utic tey nacalic ta Jerusalene xchi'uc ti much'utic nacajtic ta sjunlej yosilal li Judeae xchi'uc ti much'utic tey nopol nacajtic ta uc'um Jordane tal ya'iic scotolic c'usi chal ti Juane. 6Ti much'utic iyalic ta jamal li smulique, i'ac'bat yich'ic vo' ta uc'um Jordán yu'un ti Juane.
7C'alal iyil ti Juane ti tey c'ot sc'anic ich'vo' epal jfariseoetic xchi'uc jsaduceoetique, yech iyalbe chac li'i: «¡Li vo'oxuque ja' achi'ilic li quiletel chonetique! ¿Much'u layalbeic ti chacolic ta tsatsal castico ti ta xtale? 8Ac'o vinajuc ta acuxlejalic ti mi ta melel asutesoj avo'onic ta stojol ti Cajvaltique, 9mu me xanopic yech chac li'i: “Ja' jmuc'tatoticotic ti Abrahame mu me xa chiic”; ta melel chacalbeic, ti Rioxe xu' tsc'atajes ta smom Abraham li tonetic li'i. 10Tombil xa yeq'uelal ta yoc li te'etique yu'un chboje loq'uel scotol c'alal to yisim. Scotol li te'etic ti bu chopolic sate, chich' bojel, chich' chiq'uel. 11Li vo'one ja' no'ox chacac'be avich'ic vo' scuenta chasutes o avo'onic ta stojol ti Rioxe. Yan li much'u ts'acal to ta xtale, más oy syu'el. Li vo'one mi ja'uc slicbel xonob, mu xitun o. Li stuque ja' chayac'be avich'ic ti Ch'ul Espiritue ti co'ol xchi'uc c'oq'ue. 12Ja' no'ox yech noxtoc li sjic'aobil trigoe tey xa stomoj ta sc'ob, ta xch'ubabe lec yav li smajobil strigoe. Li strigoe ta xch'ol ta stenal; li solepale ta xchic' ta c'oc yo' bu mu xtup' o taj jmoje.» —X'utatic yu'un ti Juane.
Ja' li' yaloj ti i'ac'bat yich' vo' ti Jesuse
(Mc 1.9-11; Lc 3.21-22)
13Ti c'alal yolel chac' ich' vo' ti Juane, ja'o iloc' tal ta Galilea ti Jesuse, tey ic'ot ta uc'um Jordán yu'un tsc'an ti ch-ac'bat yich' vo' yu'un ti Juane. 14Ti Juane mu ox sc'an xac'be yich' vo' ti Jesuse, xi iyalbee:
—¡Ma'uc yech smelol ti vo'on chacac'be avich' vo'e! Vo'ot chavac'bon quich' vo' ti yechuque, ―xi ti Juane.
15Itac'av ti Jesuse:
—Taje mu to c'u jtu'untic, lavie ja' jts'acubtastic scotol ti c'usi tsc'an ti Rioxe. ―Xi ti Jesuse.
Yech'o un ti Juane ixch'un. 16Ti c'alal laj yich' vo' ti Jesuse, iloc' ta uc'um. Ja'o ijam li vinajele. Iyil iyal tal ti Ch'ul Espiritu yu'un ti Rioxe, tey ic'ot ta stojol, co'ol xchi'uc culajte'#3.16 culajte': Paloma yilel. 17Ja'o oy much'u ic'opoj tal ta vinajel: «Li'i ja' Jch'amal, jc'anoj tajmec. Jun co'on yu'un.» ―Xi.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Sociedad Biblica de Mexico AC