रोमी 8
8
कोलीमी ङो़गी ॱसीम् धङ् धम्बे थुगी ढीक्ल १-१७
1ख्रीष्ट् येशुदङ् मत् ढेब यो़क्केन् घयेत्ल ह घन्डे छ्येप्प आक् ॱमीत् फोक्केन् बेत्। 2घन्ड हीन् सीन्न छी ॱनङ्गेन् धम्बे थुगी ॱवङ्गी ख्रीष्ट् येशुगी लम्नी दीक्प धङ् ॱस्यीवे ॱवङ्गी होक्नी रङ् या टेन यो़क्केन् बेत्। 3कोलीमीगी ली़सीम् हीगो योक्या यो़क्केन् झ्यीनी, छ्यो़डीम्गी लम्नी घङ् डुप् ॱमत् छुब यो़प्प दी को़न्ज्योक्की खोङ् रोरङ्गी ॱरेबु दीक्पे ॱस्याबल तङ्न युङ्न डुब बेत्। खोङ् कोलीमी दीक्च्येङ्गी ली़ डस्सील युङ्न, कोलीमी ली़सीम्ल यो़प्पे दीक्पे लेल्ल फोक्केङ्गी छ्येप्प दी को़न्ज्योक्की खोङ्ल केब बेत्। 4ॱनी हीगो कोलीमी ङो़गी ली़सीम्दङ् डीक्प झ्यीक्केन् मेम्ब, हज्यरङ् धम्बे थुदङ् डीक्प झ्यीक्केन् घयेक्की मी मीजील छ्यो़डीम्गी कल चीन ढङ्बी़ ले झ्यीत् गोगेन् बेत् सीक्केन् दी डुप्च्येगी ढीक्ल खोङ् ढोङ बेत्।
5कोलीमी ङो़गी रङ्स्यीगी ॱसीम्दङ् डीक्प झ्यीक्केन् घयेक्की ॱसीम् दी हुगो ङो़लरङ् तोङ्गेन् बेत्। ॱनी यङ् धम्बे थुदङ् डीक्प झ्यीक्केन् घयेक्की ॱसीम् दी धम्बे थु ङो़लरङ् तोङ्गेन् बेत्। 6कोलीमी रोरङ् रङ्स्यीगी ॱसीम्बे ॱवङ्ल तोङ्गेन् हुगो ॱस्यीवल डोगेन् बेत्। ॱनी यङ् धम्बे थु ङो़ल ॱसीम् तोङ्गेन् हुगो छी थर्व धङ् ॱसीम् दीव युङ्गेल्ल डोगेन् बेत्। 7कोलीमी रोरङ् रङ्स्यीगी ॱसीम् ङो़ल तोङ्गेन् हुगो को़न्ज्योक्की डल डोगेन् बेत्। हुगो को़न्ज्योक्की छ्यो़डीम्गी ॱवङ्गी होक्ल मीत् दो़क्केन् बेत्। म दीरङ् दो़त् ॱमीत् छुगेन् बेत्। 8कोलीमी रोरङ् रङ्स्यीगी ॱसीम्बे ॱवङ्ल दो़क्केन् घयेक्की को़न्ज्योक् थु गुदु ची़त् ॱमीत् छुगेन् बेत्।
9को़न्ज्योक्की थु खीत्रङ्गी ॱसीम्बे नङ्ल स्युन यो़त्न ॱनी, खीत्रङ् कोलीमी रोरङ् रङ्स्यीगी ॱसीम्बे होक्ल मेम्ब, धम्बे थुगी ॱवङ्गी होक्ल युङ्गेन् बेत्। ॱनी ॱसुल ख्रीष्ट्की थु मीन्दुक्क हुगो ख्रीष्ट् ङो़गी हीन् दीरङ् मेम्बेत्। 10ॱनी ख्रीष्ट् खीत्रङ्गी ॱसीम्बे नङ्ल स्युन यो़त्न ॱनी, सी़बु दीक्प झ्यीबे ढीक्ल ॱस्यीनर हीन्ज्यङ्, ॱसीम् दी यङ् ॱनम्बर् धक्पल थो़न् छर्नी, खीत्रङ् ॱसोम्बु यो़क्केन् बेत्। 11येशु ढोङ्नरनी ॱसोम्बुल ॱलोङ्गेन् दी को़न्ज्योक् बेत्। ॱनी खोङ्गी थु दी खीत्रङ्गी ॱसीम्बे नङ्ल यो़त्न ॱनी, ख्रीष्ट् ॱसोम्बुल ॱलोङ्गेन्, खीत्रङ्गी ॱसीम्बे नङ्ल यो़क्केन् खोङ्गी थु दीगी खीत्रङ्गी ॱस्यी डोगेङ्गी सी़बु दी इक् ॱसोम्बुल सोगेन् बेत्।
12हुगो झ्यीनी पी़न्ज्यासो, हज्यरङ्ल ढीन् छ्यीम्मु यो़क्केन् बेत्। ॱनी हीगी ढीन् हीगो हज्यरङ् कोलीमी रोरङ् रङ्ज्यी़गी लेमुदङ् डीक्प झ्यीच्च्ये मीत् युङ्गेन् बेत्। 13ॱनी खीत्रङ्गी कोलीमी रोरङ् रङ्ज्यी़गी ॱसीम्दङ् डीक्प झ्यीक्को़त्न ॱनी, खीत्रङ् ॱस्यीगेन् बेत्। ॱनी हीगो मेम्ब, खीत्रङ्गी ली़सीम्नी लङे दीक्पे ले घयेत् धम्बे थु डेन्न हुगो ॱसो़क्को़त्न ॱनी, खीत्रङ् ॱङो़न्ने ॱसो़गेन् बेत्।
14को़न्ज्योक्की थुगी लम् ठीक्पल मी ॱसु ॱसु युङ्गुक्क हुब घयेत्रङ् को़न्ज्योक्की भीज हीम्ब युङ्गेन् बेत्। 15खीत्रङ्ल धम्बे थु थोब हुगो रङ्मो़ मीप्पे ॱयोक्पु रोरङ्गी दक्पुल ज्यीब लङे लेमु डस्सी मेम्ब, खीत्रङ् को़न्ज्योक्की भीजल युङ्ज्येल बेत्। हुगो झ्यीनी धम्बे थुगी लम्नी हज्यरङ्गी को़न्ज्योक्ल ॱवे अब्बा सीन्न पब सीर् छुगेन् बेत्। 16हज्यरङ् को़न्ज्योक्की भीज ॱङो़न्ने हीन् धङ् मेल्ल हज्यरङ्गी ॱसीम्दङ् दल धम्बे थुगी इक् धक्पर् हीम्ब झ्यीत्रो झ्यीक्केन् बेत्। 17हज्यरङ् को़न्ज्योक्की भीजल झ्युङ्नी, हुनी पब च्यानी भीजल थोबे नोर्की फक् दी हज्यरङ्ल ख्रीष्ट्तङ् कङ्ज्यीक्ल थोप्केन् बेत्। ॱनी खोङ्दङ् कङ्ज्यीक्ल दुक्प गुर्रो झ्यीन ॱनी, खोङ्दङ् कङ्ज्यीक्ल तो़त्वङ्गी फक् दी इक् हज्यरङ्ल थोप्केन् बेत्।
तो़त्वङ् थोप्केन् हीम्ब १८-३०
18हज्यरङ्ल तीङ्ला थोप्केङ्गी तो़त्वङ् च्येम्मे ओ़च्च्य हुल तेन दङ् हरीङ्गी हीगी दुक्प हीगो त घन्ड अक् मेम्बेत् ॱनो़गुक्। 19तीङ्ला को़न्ज्योक्की भीज घयेत् कुरीक् इगीदु थोङ्सल तो़न्न युङे यङ्ल खोङ्गी छ्यादु ची़प्प घयेत् म दीरङ् छङ्म थम्ज्येत् हुगो ढेम्बे गन्दीक्म गुक्कीन् दो़क्केन् बेत्। 20को़न्ज्योक्की घङ् छ्यादु ची़प्प घयेत् म दीरङ् धो़म्मीक्की ॱवङ्ल ॱसोङ्न यो़क्केन् बेत्। हीगो रोरङ् रङ्स्यीगी मेम्ब, को़न्ज्योक्की ॱलो़लङ्गी तङ् तङ बेत्। ॱनी तङ्न आक्, म दी रीगो च्यीक् यो़क्केन् बेत्। 21हुगी रीगो दी हीन घङ् छ्यादु ची़प्प घयेत् हीगो फु ॱमीत् तक्केङ्गी लक्नी या टेन, को़न्ज्योक्की भीज घयेत्ल थोप्केन् रङ्मो़ च्येम्मे तो़त्वङ् डस्सील युङ्ज्येगी ढीक्ल बेत्। 22हीन घङ् छ्यादु ची़प्प घयेत् हीगो म दीरङ् भुमु कीस्सुक् लङ डस्सी हजो़त् थुक्ल घी़रीम ॱस्योर्कील्ल हुगोल गुक्कीन् यो़क्केन् बेत्। हीगो हज्यरङ्ल ॱस्यो़च्च्ये यो़क्केन् बेत्। 23ॱनी हीन घङ् छ्यादु ची़प्प घयेत् हीगो छ्युवक् मेम्ब, को़न्ज्योक्की धम्बे थु फी़त्तङ् छ्येत्मीत्ल थोप्न यो़क्केन् हज्यरङ् अङ् हज्यरङ्गी ली़ हीगो को़न्ज्योक्की हीनी ॱली़न रङ्मो़ल तो़न्न खोङ्गी भीज ॱङो़न्ने हीम्ब युङ थुक्ल हुगो ढेम्बे गुक्कीन् घी़रीम ॱस्योर्कील्ल दो़क्केन् बेत्। 24ॱनी म दी हीगी रीगो हील हज्यरङ् थर् छर बेत्। रीगो डुप् छरल रीगो झ्यीक्केन् मीत् सीक्केन् बेत्। झ्युङ् छरे ढङ्ल ॱसु दीगी रीगो झ्यीक्केन्? 25हुगो मेम्ब, हज्यरङ्गी रीगो हुगो हुन्दो ॱमीक्की ॱमीत् थोङ्गेङ्गी ढङ्ल झ्यीक्केन् बेत्। ॱनी हीगी ढीक्ल धु च्यङ्न गुक्कीन् यो़क्केन् बेत्।
26हज्यरङ् योक्याब झ्यीनी, धम्बे थुगी इक् रीगो हुगोदङ् छ्येत्मीक्की दगु जेक्केन् बेत्। घन्दुक् झ्यीन ॱसुव तोप् गोगेन् बेक्क हुगो हज्यरङ्गी ॱमीत् ॱस्यीबल धम्बे थुगी हज्यरङ्गी ढीक्ल घी़रीम ॱस्योर्कील्ल छीक्टल ॱस्यो़त् दीरङ् ॱमीत् छुगेङ्गी केच्च्यल को़न्ज्योक्ल स्युव ज्यक्केन् बेत्। 27ॱनी धम्बे थुगी घी़रीम हुगो मी ॱसीम्ल तगेन् को़न्ज्योक्की ॱह घोगेन् बेत्। घन्ड हीन् सीन्न को़न्ज्योक्की मी चङ्म घयेक्की ढीक्ल धम्बे थुगी स्युदेन् ज्यब हुगो को़न्ज्योक्की गोङ्बदङ् डीक्केन् बेत्।
28को़न्ज्योक्ल झ्यम्ब खुर्केन् खोङ्गी ॱनो़बल भो़बे मी घयेत्ल घन्ड झ्युङ्न अक्, हुगो कुरीक् फेन् थोगेल्ल खोङ्गी सोगेन् बेत्। हीगो हज्यरङ्ल ॱस्यो़च्च्ये यो़क्केन् बेत्। 29ॱनी हज्यरङ् पी़न्ज्या कुरीक्की छीक्नी को़न्ज्योक्की ॱरेबु गेन्स्यो युङ्ज्येल धङ् को़न्ज्योक्की एल्लानीरङ् दम्न यो़प्प घयेत् खोङ्गी ॱरेबुदङ् डव युङ्ज्ये यो़प्पल हज्यरङ् खोङ्गी थुल ॱमीन स्यक्न यो़क्केन् बेत्। 30ॱनी एल्लानीरङ् खोङ्गी ॱमीन स्यक्प घयेत् दी खोङ्गी भो़ब बेत्। ॱनी भो़ब घयेत् दी ॱनम्बर् धक्पल तो़म्ब बेत्। ॱनी ॱनम्बर् धक्पल तो़न् छर घयेत्ल खोङ्गी तो़त्वङ्गी फक् ॱनङ्न यो़क्केन् बेत्।
को़न्ज्योक्की झ्यम्ब ङो़नी या टो़ ॱमीत् छुगेन् ३१-३९
31हुगो हीन्न ॱनी, हील हज्यरङ्गी घन्ड सीक्केन्? हज्यरङ्गी छ्यल को़न्ज्योक् यो़त्न ॱनी, हज्यरङ्गी डल ॱसु दी लोङ् छुगेन्? 32को़न्ज्योक्की खोङ् रोरङ्गी ॱरेबु उक् मत् स्यक्प, हज्यरङ्गी धो़न्दु ॱरोक् च्यो़दु तङ्न युङ बेत्। ॱनी हुन्दुक् झ्यीन खोङ्गी ॱरेबु उक् त ॱनङ्न युङल, ॱनी ॱयोङ्मा ॱसुम्ब हरुङ् हुले ले ॱल्हा कुरीक् ॱनङ्गेन् मेम्बेक्क ॱनी? 33ॱनम्बर् धक्पल तो़ङ्गेन् दी को़न्ज्योक् झ्यीनी ॱनी, खोङ्गी दम्बे मी घयेत्ल ङीब कोप्केन् दी ॱसु दी थो़ङ्गेन्? 34ॱसु दीगी छ्येप्प को़गेन्? ख्रीष्ट् येशु ॱस्यीनर च्यीक्पु मेम्ब, ॱस्यीनरे ॱसनी ॱसोम्बुल लोङ्न को़न्ज्योक्की छ्यक् ॱये छ्योदु स्युन हज्यरङ्गी ढीक्ल खबाल लोङ्न स्युदेन् ज्यक्केन् बेत्। 35हीगो झ्यीनी ख्रीष्ट्की झ्यम्ब ङो़नी हज्यरङ् ॱसु दीगी या टो़ छुगेन्? दुक्स्यीगी, ॱसीम्दुक्की, डस्सीङ्गी, तोरीगी, च्यरेङ्मु लेबे, ज्यीसीगी लेमु धङ् ढी पदङ् हुन्दुक् झ्यीबे ढङ्गी या टे योङ् सीक्केन्? घन्डे एक् या टो़ ॱमीत् छुगेन् बेत्। 36हीगी ढीक्ल ॱसुङ्रप्ल थो़ङ्गेन् बेत्।
नीज्यरङ्गी धो़न्दु ङीत् ङीन्दङ् फो़स्स्यी ॱसो़त्तु ठीक्केन् बेत्। ॱरोक्ल ॱसो़त्तु ठीक्केङ्गी लुक्तङ् छ्येत्मीत् ङीत्ल ॱसम्गेन् बेत्। (ॱसुङ्रप्की गुल्लु ४४:२२)
37ॱनी हीन्न अक्, हज्यरङ्ल झ्यम्ब जेक्केन् खोङ्गी दगु जेत्नी, हुन्दुक् झ्यीबनी हज्यरङ् ज्यला लीङ् थो़न् छुगेन् बेत्। 38खोङ्गी झ्यम्ब ङो़नी हज्यरङ् ॱस्यीन आक्, ॱसो़न आक्, घन्डे एक् या टो़ ॱमीत् छुगेन् बेत्। तेङ् यी़गी भङ्ज्येम्बे हीन्, ॱनो़प्पे लेङेन् घयेक्की हीन्, ॱस्यीक् च्येम्मे हीन्, दङ् हरीङ्गी हीन्, नेम्बेत् ॱनाङ्गी हीन्, 39ॱस धङ् ॱनम्गी तेङ्स्युक्मे हीन्, यङ् होक्स्युक्कीरङ् हीन्, घङ् छ्यादु ची़प्प घयेत् कुरीक्की घन्डे एक् हज्यरङ्गी चोव ज्यीन्दक् ख्रीष्ट् येशुगी लम्नी जेप्पे को़न्ज्योक्की झ्यम्ब हुगो ङो़नी या टो़ ॱमीत् छुगेन् बेत्। हीगो खुङ् हीम्बल ङ देङ् खीन यो़त्।
လက္ရွိေရြးခ်ယ္ထားမွု
रोमी 8: LHM
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 1995 Wycliffe Bible Translators, Inc. and Nepal Bible Society
रोमी 8
8
कोलीमी ङो़गी ॱसीम् धङ् धम्बे थुगी ढीक्ल १-१७
1ख्रीष्ट् येशुदङ् मत् ढेब यो़क्केन् घयेत्ल ह घन्डे छ्येप्प आक् ॱमीत् फोक्केन् बेत्। 2घन्ड हीन् सीन्न छी ॱनङ्गेन् धम्बे थुगी ॱवङ्गी ख्रीष्ट् येशुगी लम्नी दीक्प धङ् ॱस्यीवे ॱवङ्गी होक्नी रङ् या टेन यो़क्केन् बेत्। 3कोलीमीगी ली़सीम् हीगो योक्या यो़क्केन् झ्यीनी, छ्यो़डीम्गी लम्नी घङ् डुप् ॱमत् छुब यो़प्प दी को़न्ज्योक्की खोङ् रोरङ्गी ॱरेबु दीक्पे ॱस्याबल तङ्न युङ्न डुब बेत्। खोङ् कोलीमी दीक्च्येङ्गी ली़ डस्सील युङ्न, कोलीमी ली़सीम्ल यो़प्पे दीक्पे लेल्ल फोक्केङ्गी छ्येप्प दी को़न्ज्योक्की खोङ्ल केब बेत्। 4ॱनी हीगो कोलीमी ङो़गी ली़सीम्दङ् डीक्प झ्यीक्केन् मेम्ब, हज्यरङ् धम्बे थुदङ् डीक्प झ्यीक्केन् घयेक्की मी मीजील छ्यो़डीम्गी कल चीन ढङ्बी़ ले झ्यीत् गोगेन् बेत् सीक्केन् दी डुप्च्येगी ढीक्ल खोङ् ढोङ बेत्।
5कोलीमी ङो़गी रङ्स्यीगी ॱसीम्दङ् डीक्प झ्यीक्केन् घयेक्की ॱसीम् दी हुगो ङो़लरङ् तोङ्गेन् बेत्। ॱनी यङ् धम्बे थुदङ् डीक्प झ्यीक्केन् घयेक्की ॱसीम् दी धम्बे थु ङो़लरङ् तोङ्गेन् बेत्। 6कोलीमी रोरङ् रङ्स्यीगी ॱसीम्बे ॱवङ्ल तोङ्गेन् हुगो ॱस्यीवल डोगेन् बेत्। ॱनी यङ् धम्बे थु ङो़ल ॱसीम् तोङ्गेन् हुगो छी थर्व धङ् ॱसीम् दीव युङ्गेल्ल डोगेन् बेत्। 7कोलीमी रोरङ् रङ्स्यीगी ॱसीम् ङो़ल तोङ्गेन् हुगो को़न्ज्योक्की डल डोगेन् बेत्। हुगो को़न्ज्योक्की छ्यो़डीम्गी ॱवङ्गी होक्ल मीत् दो़क्केन् बेत्। म दीरङ् दो़त् ॱमीत् छुगेन् बेत्। 8कोलीमी रोरङ् रङ्स्यीगी ॱसीम्बे ॱवङ्ल दो़क्केन् घयेक्की को़न्ज्योक् थु गुदु ची़त् ॱमीत् छुगेन् बेत्।
9को़न्ज्योक्की थु खीत्रङ्गी ॱसीम्बे नङ्ल स्युन यो़त्न ॱनी, खीत्रङ् कोलीमी रोरङ् रङ्स्यीगी ॱसीम्बे होक्ल मेम्ब, धम्बे थुगी ॱवङ्गी होक्ल युङ्गेन् बेत्। ॱनी ॱसुल ख्रीष्ट्की थु मीन्दुक्क हुगो ख्रीष्ट् ङो़गी हीन् दीरङ् मेम्बेत्। 10ॱनी ख्रीष्ट् खीत्रङ्गी ॱसीम्बे नङ्ल स्युन यो़त्न ॱनी, सी़बु दीक्प झ्यीबे ढीक्ल ॱस्यीनर हीन्ज्यङ्, ॱसीम् दी यङ् ॱनम्बर् धक्पल थो़न् छर्नी, खीत्रङ् ॱसोम्बु यो़क्केन् बेत्। 11येशु ढोङ्नरनी ॱसोम्बुल ॱलोङ्गेन् दी को़न्ज्योक् बेत्। ॱनी खोङ्गी थु दी खीत्रङ्गी ॱसीम्बे नङ्ल यो़त्न ॱनी, ख्रीष्ट् ॱसोम्बुल ॱलोङ्गेन्, खीत्रङ्गी ॱसीम्बे नङ्ल यो़क्केन् खोङ्गी थु दीगी खीत्रङ्गी ॱस्यी डोगेङ्गी सी़बु दी इक् ॱसोम्बुल सोगेन् बेत्।
12हुगो झ्यीनी पी़न्ज्यासो, हज्यरङ्ल ढीन् छ्यीम्मु यो़क्केन् बेत्। ॱनी हीगी ढीन् हीगो हज्यरङ् कोलीमी रोरङ् रङ्ज्यी़गी लेमुदङ् डीक्प झ्यीच्च्ये मीत् युङ्गेन् बेत्। 13ॱनी खीत्रङ्गी कोलीमी रोरङ् रङ्ज्यी़गी ॱसीम्दङ् डीक्प झ्यीक्को़त्न ॱनी, खीत्रङ् ॱस्यीगेन् बेत्। ॱनी हीगो मेम्ब, खीत्रङ्गी ली़सीम्नी लङे दीक्पे ले घयेत् धम्बे थु डेन्न हुगो ॱसो़क्को़त्न ॱनी, खीत्रङ् ॱङो़न्ने ॱसो़गेन् बेत्।
14को़न्ज्योक्की थुगी लम् ठीक्पल मी ॱसु ॱसु युङ्गुक्क हुब घयेत्रङ् को़न्ज्योक्की भीज हीम्ब युङ्गेन् बेत्। 15खीत्रङ्ल धम्बे थु थोब हुगो रङ्मो़ मीप्पे ॱयोक्पु रोरङ्गी दक्पुल ज्यीब लङे लेमु डस्सी मेम्ब, खीत्रङ् को़न्ज्योक्की भीजल युङ्ज्येल बेत्। हुगो झ्यीनी धम्बे थुगी लम्नी हज्यरङ्गी को़न्ज्योक्ल ॱवे अब्बा सीन्न पब सीर् छुगेन् बेत्। 16हज्यरङ् को़न्ज्योक्की भीज ॱङो़न्ने हीन् धङ् मेल्ल हज्यरङ्गी ॱसीम्दङ् दल धम्बे थुगी इक् धक्पर् हीम्ब झ्यीत्रो झ्यीक्केन् बेत्। 17हज्यरङ् को़न्ज्योक्की भीजल झ्युङ्नी, हुनी पब च्यानी भीजल थोबे नोर्की फक् दी हज्यरङ्ल ख्रीष्ट्तङ् कङ्ज्यीक्ल थोप्केन् बेत्। ॱनी खोङ्दङ् कङ्ज्यीक्ल दुक्प गुर्रो झ्यीन ॱनी, खोङ्दङ् कङ्ज्यीक्ल तो़त्वङ्गी फक् दी इक् हज्यरङ्ल थोप्केन् बेत्।
तो़त्वङ् थोप्केन् हीम्ब १८-३०
18हज्यरङ्ल तीङ्ला थोप्केङ्गी तो़त्वङ् च्येम्मे ओ़च्च्य हुल तेन दङ् हरीङ्गी हीगी दुक्प हीगो त घन्ड अक् मेम्बेत् ॱनो़गुक्। 19तीङ्ला को़न्ज्योक्की भीज घयेत् कुरीक् इगीदु थोङ्सल तो़न्न युङे यङ्ल खोङ्गी छ्यादु ची़प्प घयेत् म दीरङ् छङ्म थम्ज्येत् हुगो ढेम्बे गन्दीक्म गुक्कीन् दो़क्केन् बेत्। 20को़न्ज्योक्की घङ् छ्यादु ची़प्प घयेत् म दीरङ् धो़म्मीक्की ॱवङ्ल ॱसोङ्न यो़क्केन् बेत्। हीगो रोरङ् रङ्स्यीगी मेम्ब, को़न्ज्योक्की ॱलो़लङ्गी तङ् तङ बेत्। ॱनी तङ्न आक्, म दी रीगो च्यीक् यो़क्केन् बेत्। 21हुगी रीगो दी हीन घङ् छ्यादु ची़प्प घयेत् हीगो फु ॱमीत् तक्केङ्गी लक्नी या टेन, को़न्ज्योक्की भीज घयेत्ल थोप्केन् रङ्मो़ च्येम्मे तो़त्वङ् डस्सील युङ्ज्येगी ढीक्ल बेत्। 22हीन घङ् छ्यादु ची़प्प घयेत् हीगो म दीरङ् भुमु कीस्सुक् लङ डस्सी हजो़त् थुक्ल घी़रीम ॱस्योर्कील्ल हुगोल गुक्कीन् यो़क्केन् बेत्। हीगो हज्यरङ्ल ॱस्यो़च्च्ये यो़क्केन् बेत्। 23ॱनी हीन घङ् छ्यादु ची़प्प घयेत् हीगो छ्युवक् मेम्ब, को़न्ज्योक्की धम्बे थु फी़त्तङ् छ्येत्मीत्ल थोप्न यो़क्केन् हज्यरङ् अङ् हज्यरङ्गी ली़ हीगो को़न्ज्योक्की हीनी ॱली़न रङ्मो़ल तो़न्न खोङ्गी भीज ॱङो़न्ने हीम्ब युङ थुक्ल हुगो ढेम्बे गुक्कीन् घी़रीम ॱस्योर्कील्ल दो़क्केन् बेत्। 24ॱनी म दी हीगी रीगो हील हज्यरङ् थर् छर बेत्। रीगो डुप् छरल रीगो झ्यीक्केन् मीत् सीक्केन् बेत्। झ्युङ् छरे ढङ्ल ॱसु दीगी रीगो झ्यीक्केन्? 25हुगो मेम्ब, हज्यरङ्गी रीगो हुगो हुन्दो ॱमीक्की ॱमीत् थोङ्गेङ्गी ढङ्ल झ्यीक्केन् बेत्। ॱनी हीगी ढीक्ल धु च्यङ्न गुक्कीन् यो़क्केन् बेत्।
26हज्यरङ् योक्याब झ्यीनी, धम्बे थुगी इक् रीगो हुगोदङ् छ्येत्मीक्की दगु जेक्केन् बेत्। घन्दुक् झ्यीन ॱसुव तोप् गोगेन् बेक्क हुगो हज्यरङ्गी ॱमीत् ॱस्यीबल धम्बे थुगी हज्यरङ्गी ढीक्ल घी़रीम ॱस्योर्कील्ल छीक्टल ॱस्यो़त् दीरङ् ॱमीत् छुगेङ्गी केच्च्यल को़न्ज्योक्ल स्युव ज्यक्केन् बेत्। 27ॱनी धम्बे थुगी घी़रीम हुगो मी ॱसीम्ल तगेन् को़न्ज्योक्की ॱह घोगेन् बेत्। घन्ड हीन् सीन्न को़न्ज्योक्की मी चङ्म घयेक्की ढीक्ल धम्बे थुगी स्युदेन् ज्यब हुगो को़न्ज्योक्की गोङ्बदङ् डीक्केन् बेत्।
28को़न्ज्योक्ल झ्यम्ब खुर्केन् खोङ्गी ॱनो़बल भो़बे मी घयेत्ल घन्ड झ्युङ्न अक्, हुगो कुरीक् फेन् थोगेल्ल खोङ्गी सोगेन् बेत्। हीगो हज्यरङ्ल ॱस्यो़च्च्ये यो़क्केन् बेत्। 29ॱनी हज्यरङ् पी़न्ज्या कुरीक्की छीक्नी को़न्ज्योक्की ॱरेबु गेन्स्यो युङ्ज्येल धङ् को़न्ज्योक्की एल्लानीरङ् दम्न यो़प्प घयेत् खोङ्गी ॱरेबुदङ् डव युङ्ज्ये यो़प्पल हज्यरङ् खोङ्गी थुल ॱमीन स्यक्न यो़क्केन् बेत्। 30ॱनी एल्लानीरङ् खोङ्गी ॱमीन स्यक्प घयेत् दी खोङ्गी भो़ब बेत्। ॱनी भो़ब घयेत् दी ॱनम्बर् धक्पल तो़म्ब बेत्। ॱनी ॱनम्बर् धक्पल तो़न् छर घयेत्ल खोङ्गी तो़त्वङ्गी फक् ॱनङ्न यो़क्केन् बेत्।
को़न्ज्योक्की झ्यम्ब ङो़नी या टो़ ॱमीत् छुगेन् ३१-३९
31हुगो हीन्न ॱनी, हील हज्यरङ्गी घन्ड सीक्केन्? हज्यरङ्गी छ्यल को़न्ज्योक् यो़त्न ॱनी, हज्यरङ्गी डल ॱसु दी लोङ् छुगेन्? 32को़न्ज्योक्की खोङ् रोरङ्गी ॱरेबु उक् मत् स्यक्प, हज्यरङ्गी धो़न्दु ॱरोक् च्यो़दु तङ्न युङ बेत्। ॱनी हुन्दुक् झ्यीन खोङ्गी ॱरेबु उक् त ॱनङ्न युङल, ॱनी ॱयोङ्मा ॱसुम्ब हरुङ् हुले ले ॱल्हा कुरीक् ॱनङ्गेन् मेम्बेक्क ॱनी? 33ॱनम्बर् धक्पल तो़ङ्गेन् दी को़न्ज्योक् झ्यीनी ॱनी, खोङ्गी दम्बे मी घयेत्ल ङीब कोप्केन् दी ॱसु दी थो़ङ्गेन्? 34ॱसु दीगी छ्येप्प को़गेन्? ख्रीष्ट् येशु ॱस्यीनर च्यीक्पु मेम्ब, ॱस्यीनरे ॱसनी ॱसोम्बुल लोङ्न को़न्ज्योक्की छ्यक् ॱये छ्योदु स्युन हज्यरङ्गी ढीक्ल खबाल लोङ्न स्युदेन् ज्यक्केन् बेत्। 35हीगो झ्यीनी ख्रीष्ट्की झ्यम्ब ङो़नी हज्यरङ् ॱसु दीगी या टो़ छुगेन्? दुक्स्यीगी, ॱसीम्दुक्की, डस्सीङ्गी, तोरीगी, च्यरेङ्मु लेबे, ज्यीसीगी लेमु धङ् ढी पदङ् हुन्दुक् झ्यीबे ढङ्गी या टे योङ् सीक्केन्? घन्डे एक् या टो़ ॱमीत् छुगेन् बेत्। 36हीगी ढीक्ल ॱसुङ्रप्ल थो़ङ्गेन् बेत्।
नीज्यरङ्गी धो़न्दु ङीत् ङीन्दङ् फो़स्स्यी ॱसो़त्तु ठीक्केन् बेत्। ॱरोक्ल ॱसो़त्तु ठीक्केङ्गी लुक्तङ् छ्येत्मीत् ङीत्ल ॱसम्गेन् बेत्। (ॱसुङ्रप्की गुल्लु ४४:२२)
37ॱनी हीन्न अक्, हज्यरङ्ल झ्यम्ब जेक्केन् खोङ्गी दगु जेत्नी, हुन्दुक् झ्यीबनी हज्यरङ् ज्यला लीङ् थो़न् छुगेन् बेत्। 38खोङ्गी झ्यम्ब ङो़नी हज्यरङ् ॱस्यीन आक्, ॱसो़न आक्, घन्डे एक् या टो़ ॱमीत् छुगेन् बेत्। तेङ् यी़गी भङ्ज्येम्बे हीन्, ॱनो़प्पे लेङेन् घयेक्की हीन्, ॱस्यीक् च्येम्मे हीन्, दङ् हरीङ्गी हीन्, नेम्बेत् ॱनाङ्गी हीन्, 39ॱस धङ् ॱनम्गी तेङ्स्युक्मे हीन्, यङ् होक्स्युक्कीरङ् हीन्, घङ् छ्यादु ची़प्प घयेत् कुरीक्की घन्डे एक् हज्यरङ्गी चोव ज्यीन्दक् ख्रीष्ट् येशुगी लम्नी जेप्पे को़न्ज्योक्की झ्यम्ब हुगो ङो़नी या टो़ ॱमीत् छुगेन् बेत्। हीगो खुङ् हीम्बल ङ देङ् खीन यो़त्।
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 1995 Wycliffe Bible Translators, Inc. and Nepal Bible Society