रोमी 7
7
छ्यो़डीम्गी होक्नी थर्केन् १-६
1पी़न्ज्यासो, खीत्रङ् छ्यो़डीम् ॱस्यीगेन् घयेत्ल ङे हीगो ॱस्यो़क्केन् हीनो। मी नम् ॱस्यी ॱस्यी थुक्ल छ्यो़डीम्गी क घयेत् हुगी होक्ल दो़त् गो़ ॱस्यर्केन् बेत्। हीगो खीत्रङ्ल ॱस्यो़च्च्ये यो़ट्टो। 2ॱनी हीगोदङ् छ्येत्मीत् छ्यो़डीम्गी कल यो़प्पल भुमु रोरङ्गी छ्योबु यो़स्स्यीङ् भोर्ल मत् घीब दो़त् गोगेन् बेत्। छ्योबु ॱस्यीन खुर्न ॱनी, भुमु छ्यो़डीम्गी क हुल ची मीत् गो़ब रङ्मो़ल थो़ङ्गेन् बेत्। 3भुमु रोरङ्लरङ् छ्योबु यो़क्कीन् यो़क्कीन् छ्योगो ॱयोङ्मादङ् ङीन ॱनी, हुल छ्येमु सीक्केन् बेत्। छ्योबु दी ॱस्यीन खुर्न ॱनी, भुमु छ्यो़डीम्गी क हुल ची मीत् गो़ब, रङ्मो़ल थो़न्न हुनी हस्सो़त् ॱयोङ्मागी ॱनमल फीन्न आक्, हुनी छ्येमुल मीत् डोगेन् बेत्। 4पी़न्ज्यासो, पी हुगो डस्सी खीत्रङ् ॱअङ् ख्रीष्ट्की सी़गी यल्लक् झ्यीनी, ख्रीष्ट् ढोङे यङ्ल खीत्रङ् ॱअङ् छ्यो़डीम् हुगोदङ् या ढेन ॱयोङ् ङो़ल ॱसोम्बुल लोङ्न यो़क्केन् ख्रीष्ट् छ्योल युङ्न यो़क्केन् बेत्। हुगो झ्यीनी हस्सो़त् को़न्ज्योक्ल घो छ्यो़प्प हज्यरङ् च्यानी डेबु छ्यान युङ्गेन् बेत्। 5एल्ला हज्यरङ् कोलीमी ङो़गी ॱसीम्बे ॱवङ्गी होक्ल दो़प्पे यङ्ल छ्यो़डीम् हुगी हज्यरङ्गी ॱसीम्ल दीक्प झ्यीत्तु ची़क्केन् धेत्मो़ ङेम्ब घयेत् ॱलोङ्न सी़गी यल्लक् घयेत्ल ले झ्यीत्तु ची़प्प बेत्। ॱनी हीगी डेबु दील ॱस्यीव युङ्गेन् बेत्। 6ॱनी हुन्दो छ्यो़डीम् ङो़नी हज्यरङ् ॱस्यीनर यो़क्केन् झ्यीनी, हुगी होक्नी थर्न छ्यो़डीम्गी यीगील यो़प्पे लेमु ॱङीङ्बे होक्ल मेम्ब, धम्बे थुगी लेमु ॱसम्बे होक्ल देत्न को़न्ज्योक्ल स्यप्च्यी़ ज्युक्केल्ल झ्युङ्न यो़क्केन् बेत्।
छ्यो़डीम् धङ् दीक्प ७-२५
7ॱनी हुगो हीन्न ॱनी, छ्यो़डीम् हुल घन्ड सीक्केन्? हुगो दीक्पल डोगेन् बेक्क ॱनी? ॱस्युली मेम्बेत्। छ्यो़डीम् मीत्न ॱनी, दीक्प दी घङ्गो हीम्ब हुगो ङे ॱयुव पीक् दीरङ् ॱमीत् ॱस्यीगेन् बेत्। छ्यो़डीम्गी ङल
ॱमीक् छक्प मत् झ्यीज्यीत् सीन्न ॱमत् ॱस्येत्न ॱनी, ङे हुगो घन्दुक् झ्यीन दीक्प हीम्ब ॱह घो छुगेन्? (थो़म्ब २०:१७)
8ॱमीक् छक्प मत् झ्यीज्यीत् सीक्केङ्गी छ्यो़डीम्गी क हुगो ॱस्यो़च्च्ये झ्युङ्नी क, ङे ॱसीम्ल ॱमीक् छक्पे दीक्प ॱनम्ब गज्येन् ॱलङ्न युङ ॱह घोज्युङ्। ॱनी म दी छ्यो़डीम् मीत्न ॱनी, दीक्प हुल उ ॱमत् थोब डस्सी युङ्गेन् बेत्। 9ङल एल्ला छ्यो़डीम् ॱस्यो़च्च्ये मीप्पे यङ्ल ङ नुक्रङ् यो़त्। ॱनी तीङ्ला छ्यो़डीम्गी क हुगो ॱस्यो़च्च्ये झ्युङ्नी, हुनी ङे दीक्पल उ थोसोङ्। 10ॱनी ङ ॱस्यीनरल फीन्ज्युङ्। छ्यो़डीम् हुनी स्येन् छी थोप् गोगेन् बेत्। ॱनी ङल हुगो मेम्ब, हुगी ॱस्यीवल च्यो़गेन् हीम्ब ॱह घोज्युङ्। 11छ्यो़डीम्गी क हुगो ॱस्यो़च्च्ये झ्युङ्नी क, ङे ङरङ् दीक्पे ॱयोङ्गोर्ल छ्यी़न ॱस्यीनर हीम्ब ॱह घोज्युङ्। 12म दी छ्यो़डीम् हुगो धक्सी यो़क्केन् बेत्। ॱनी हुगी क घयेत् हुगो ओक् धक्सी, ढङ्सी धङ् गङ्ज्येन् यो़क्केन् बेत्।
13हुगो गङ्ज्येन् हीन्न ॱनी, ङ ॱस्यीनरल तोङ्गेन् दी हुगो बेक्क ॱनी? ॱस्युली मेम्बेत्। दीक्प बेत्। हुगी क गङ्ज्येन् हुगी लम्नी दीक्पे ङ ॱस्यीनरल तङ्ज्युङ्। ॱनी हीगो दीक्प हुगो ॱङो़न्ने दीक्प हीम्ब धङ् हुगो गन्दीय ङीब हीम्ब ॱह घोज्येगी ढीक्ल बेत्।
14छ्यो़डीम् हीगो धम्बे थु ङो़गी हीम्ब हज्यरङ्ल ॱस्यो़च्च्ये यो़क्केन् बेत्। ॱनी ङ दीक्पे ॱलल ॱस्योर्नर कोलीमी ङो़गी ली़सीम् च्येम्मे मी हीन्। 15ङे घन्ड झ्यीगुक्क हुगो ङरङ्गी इक् त ॱह मीत् घोयेत्। घन्ड हीन् सीन्न ङे ॱसीम्बे यीक्ल घन्ड झ्यीच्च्ये ॱनो़गो़दङ् हुगो मीत् डुब, बोर ॱयोङ्मा तोक्स्यीप् झ्यीन मीत् झ्यीत् ॱनो़गेन् दी क झ्यीन डुप्केन् बेत्। 16ॱनी ङे मीत् झ्यीत् ॱनो़बे ले दी झ्यीन हुगो डुप्न युङ्न अक्, छ्यो़डीम् गङ्ज्येर्रङ् बेत् ॱनो़ब खुको़र्त्। 17ॱनी ङे हुन्दुक् झ्यीन घन्ड डुप्न युङ्गुक्क हुगो ङरङ् रङ्स्यीगी झ्यीक्केन् मेम्ब, ङे खोक्ल दो़क्केङ्गी दीक्प दीगी झ्यीक्केन् बेत्। 18ङे खोक्ल ङेम्बे ॱसीम् दी मेन्द, गागी ढङ् ज्यी़त् च्यीक् इक् मीप्प हीम्ब ङरङ्गी ॱह घोज्युङ्। गा झ्यीच्च्ये ॱनो़बे ॱसीम् त ॱनो़गुक्। ॱनी हुगो डुप् ॱमीत् छुबेत्। 19ॱनी ङे ॱसीम्बे यीक्ल गा झ्यीच्च्ये ॱनो़ब दी मीत् डुब, बोर मीत् झ्यीत् ॱनो़गेङ्गी ङेम्ब दी क झ्यीन डुप्केन् बेत्। 20ङे मीत् झ्यीत् ॱनो़गेङ्गी ले दी झ्यीक्को़त्न ॱनी, हुगो ङे ङरङ् रङ्स्यीगी झ्यीक्केन् मेम्ब, ङे खोक्ल दो़क्केन् दीक्प दीगी झ्यीक्केन् बेत्।
21हुगी ढीक्ल ङे ली़सीम्ल हीन्दुक् झ्यीबे लुस यो़प्प ङे ॱह घोज्युङ्। ङरङ्गी त गारङ् झ्यीच्च्ये ॱनो़गुक्। ॱनी हीन्न अक्, ङेम्ब दीदङ् या ढे ॱमीत् छुबेत्। 22ङे ॱसीम्बे यीक् दील त को़न्ज्योक्की छ्यो़डीम् गस्सी छोर्कुक्। 23ङे ङरङ्गी घङ् झ्यीप्पल तेन, ङे ली़सीम् हीगो लुस ॱयोङ्मागी ॱवङ्गी होक्ल ॱस्योर्नर थोङ्गुक्। ॱनी ङ ॱसीम्बे यीक्ल गस्सी छोरे छ्यो़डीम् दील हीगी लुस हीगो मीत् डीक्प थुक्तु युङ्गुक्। हुगो झ्यीनी ङे खोक्ल यो़क्केन् दीक्पे लेमु हुगी होक्ल ङ ॱस्योर्न लेज्युङ्। 24ङ घन्डे दुक्प आ। ॱस्यी डोगेङ्गी सी़ हीनी ङ घन्दुक् झ्यीन ॱसी़ छ्यीगेन्? 25हज्यरङ्गी चोव ज्यीन्दक् येशु ख्रीष्ट्की लम्नी छ्यीगेन् बेत्। को़न्ज्योक्ल थु छ्यी छ्यी। ङरङ्गी म दी ॱसीम्बे यीक्ल को़न्ज्योक्की छ्यो़डीम्गी कल चीन दो़क्केन् हीन् सीक्केन्। ॱनी कोलीमी ङो़गी ङे ङेम्बे ॱसीम् दी यङ् दीक्पे लेमु ङो़ल ॱस्योर्न ॱयोक् ज्युक्कीन् यो़क्केन् बेत्।
လက္ရွိေရြးခ်ယ္ထားမွု
रोमी 7: LHM
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 1995 Wycliffe Bible Translators, Inc. and Nepal Bible Society
रोमी 7
7
छ्यो़डीम्गी होक्नी थर्केन् १-६
1पी़न्ज्यासो, खीत्रङ् छ्यो़डीम् ॱस्यीगेन् घयेत्ल ङे हीगो ॱस्यो़क्केन् हीनो। मी नम् ॱस्यी ॱस्यी थुक्ल छ्यो़डीम्गी क घयेत् हुगी होक्ल दो़त् गो़ ॱस्यर्केन् बेत्। हीगो खीत्रङ्ल ॱस्यो़च्च्ये यो़ट्टो। 2ॱनी हीगोदङ् छ्येत्मीत् छ्यो़डीम्गी कल यो़प्पल भुमु रोरङ्गी छ्योबु यो़स्स्यीङ् भोर्ल मत् घीब दो़त् गोगेन् बेत्। छ्योबु ॱस्यीन खुर्न ॱनी, भुमु छ्यो़डीम्गी क हुल ची मीत् गो़ब रङ्मो़ल थो़ङ्गेन् बेत्। 3भुमु रोरङ्लरङ् छ्योबु यो़क्कीन् यो़क्कीन् छ्योगो ॱयोङ्मादङ् ङीन ॱनी, हुल छ्येमु सीक्केन् बेत्। छ्योबु दी ॱस्यीन खुर्न ॱनी, भुमु छ्यो़डीम्गी क हुल ची मीत् गो़ब, रङ्मो़ल थो़न्न हुनी हस्सो़त् ॱयोङ्मागी ॱनमल फीन्न आक्, हुनी छ्येमुल मीत् डोगेन् बेत्। 4पी़न्ज्यासो, पी हुगो डस्सी खीत्रङ् ॱअङ् ख्रीष्ट्की सी़गी यल्लक् झ्यीनी, ख्रीष्ट् ढोङे यङ्ल खीत्रङ् ॱअङ् छ्यो़डीम् हुगोदङ् या ढेन ॱयोङ् ङो़ल ॱसोम्बुल लोङ्न यो़क्केन् ख्रीष्ट् छ्योल युङ्न यो़क्केन् बेत्। हुगो झ्यीनी हस्सो़त् को़न्ज्योक्ल घो छ्यो़प्प हज्यरङ् च्यानी डेबु छ्यान युङ्गेन् बेत्। 5एल्ला हज्यरङ् कोलीमी ङो़गी ॱसीम्बे ॱवङ्गी होक्ल दो़प्पे यङ्ल छ्यो़डीम् हुगी हज्यरङ्गी ॱसीम्ल दीक्प झ्यीत्तु ची़क्केन् धेत्मो़ ङेम्ब घयेत् ॱलोङ्न सी़गी यल्लक् घयेत्ल ले झ्यीत्तु ची़प्प बेत्। ॱनी हीगी डेबु दील ॱस्यीव युङ्गेन् बेत्। 6ॱनी हुन्दो छ्यो़डीम् ङो़नी हज्यरङ् ॱस्यीनर यो़क्केन् झ्यीनी, हुगी होक्नी थर्न छ्यो़डीम्गी यीगील यो़प्पे लेमु ॱङीङ्बे होक्ल मेम्ब, धम्बे थुगी लेमु ॱसम्बे होक्ल देत्न को़न्ज्योक्ल स्यप्च्यी़ ज्युक्केल्ल झ्युङ्न यो़क्केन् बेत्।
छ्यो़डीम् धङ् दीक्प ७-२५
7ॱनी हुगो हीन्न ॱनी, छ्यो़डीम् हुल घन्ड सीक्केन्? हुगो दीक्पल डोगेन् बेक्क ॱनी? ॱस्युली मेम्बेत्। छ्यो़डीम् मीत्न ॱनी, दीक्प दी घङ्गो हीम्ब हुगो ङे ॱयुव पीक् दीरङ् ॱमीत् ॱस्यीगेन् बेत्। छ्यो़डीम्गी ङल
ॱमीक् छक्प मत् झ्यीज्यीत् सीन्न ॱमत् ॱस्येत्न ॱनी, ङे हुगो घन्दुक् झ्यीन दीक्प हीम्ब ॱह घो छुगेन्? (थो़म्ब २०:१७)
8ॱमीक् छक्प मत् झ्यीज्यीत् सीक्केङ्गी छ्यो़डीम्गी क हुगो ॱस्यो़च्च्ये झ्युङ्नी क, ङे ॱसीम्ल ॱमीक् छक्पे दीक्प ॱनम्ब गज्येन् ॱलङ्न युङ ॱह घोज्युङ्। ॱनी म दी छ्यो़डीम् मीत्न ॱनी, दीक्प हुल उ ॱमत् थोब डस्सी युङ्गेन् बेत्। 9ङल एल्ला छ्यो़डीम् ॱस्यो़च्च्ये मीप्पे यङ्ल ङ नुक्रङ् यो़त्। ॱनी तीङ्ला छ्यो़डीम्गी क हुगो ॱस्यो़च्च्ये झ्युङ्नी, हुनी ङे दीक्पल उ थोसोङ्। 10ॱनी ङ ॱस्यीनरल फीन्ज्युङ्। छ्यो़डीम् हुनी स्येन् छी थोप् गोगेन् बेत्। ॱनी ङल हुगो मेम्ब, हुगी ॱस्यीवल च्यो़गेन् हीम्ब ॱह घोज्युङ्। 11छ्यो़डीम्गी क हुगो ॱस्यो़च्च्ये झ्युङ्नी क, ङे ङरङ् दीक्पे ॱयोङ्गोर्ल छ्यी़न ॱस्यीनर हीम्ब ॱह घोज्युङ्। 12म दी छ्यो़डीम् हुगो धक्सी यो़क्केन् बेत्। ॱनी हुगी क घयेत् हुगो ओक् धक्सी, ढङ्सी धङ् गङ्ज्येन् यो़क्केन् बेत्।
13हुगो गङ्ज्येन् हीन्न ॱनी, ङ ॱस्यीनरल तोङ्गेन् दी हुगो बेक्क ॱनी? ॱस्युली मेम्बेत्। दीक्प बेत्। हुगी क गङ्ज्येन् हुगी लम्नी दीक्पे ङ ॱस्यीनरल तङ्ज्युङ्। ॱनी हीगो दीक्प हुगो ॱङो़न्ने दीक्प हीम्ब धङ् हुगो गन्दीय ङीब हीम्ब ॱह घोज्येगी ढीक्ल बेत्।
14छ्यो़डीम् हीगो धम्बे थु ङो़गी हीम्ब हज्यरङ्ल ॱस्यो़च्च्ये यो़क्केन् बेत्। ॱनी ङ दीक्पे ॱलल ॱस्योर्नर कोलीमी ङो़गी ली़सीम् च्येम्मे मी हीन्। 15ङे घन्ड झ्यीगुक्क हुगो ङरङ्गी इक् त ॱह मीत् घोयेत्। घन्ड हीन् सीन्न ङे ॱसीम्बे यीक्ल घन्ड झ्यीच्च्ये ॱनो़गो़दङ् हुगो मीत् डुब, बोर ॱयोङ्मा तोक्स्यीप् झ्यीन मीत् झ्यीत् ॱनो़गेन् दी क झ्यीन डुप्केन् बेत्। 16ॱनी ङे मीत् झ्यीत् ॱनो़बे ले दी झ्यीन हुगो डुप्न युङ्न अक्, छ्यो़डीम् गङ्ज्येर्रङ् बेत् ॱनो़ब खुको़र्त्। 17ॱनी ङे हुन्दुक् झ्यीन घन्ड डुप्न युङ्गुक्क हुगो ङरङ् रङ्स्यीगी झ्यीक्केन् मेम्ब, ङे खोक्ल दो़क्केङ्गी दीक्प दीगी झ्यीक्केन् बेत्। 18ङे खोक्ल ङेम्बे ॱसीम् दी मेन्द, गागी ढङ् ज्यी़त् च्यीक् इक् मीप्प हीम्ब ङरङ्गी ॱह घोज्युङ्। गा झ्यीच्च्ये ॱनो़बे ॱसीम् त ॱनो़गुक्। ॱनी हुगो डुप् ॱमीत् छुबेत्। 19ॱनी ङे ॱसीम्बे यीक्ल गा झ्यीच्च्ये ॱनो़ब दी मीत् डुब, बोर मीत् झ्यीत् ॱनो़गेङ्गी ङेम्ब दी क झ्यीन डुप्केन् बेत्। 20ङे मीत् झ्यीत् ॱनो़गेङ्गी ले दी झ्यीक्को़त्न ॱनी, हुगो ङे ङरङ् रङ्स्यीगी झ्यीक्केन् मेम्ब, ङे खोक्ल दो़क्केन् दीक्प दीगी झ्यीक्केन् बेत्।
21हुगी ढीक्ल ङे ली़सीम्ल हीन्दुक् झ्यीबे लुस यो़प्प ङे ॱह घोज्युङ्। ङरङ्गी त गारङ् झ्यीच्च्ये ॱनो़गुक्। ॱनी हीन्न अक्, ङेम्ब दीदङ् या ढे ॱमीत् छुबेत्। 22ङे ॱसीम्बे यीक् दील त को़न्ज्योक्की छ्यो़डीम् गस्सी छोर्कुक्। 23ङे ङरङ्गी घङ् झ्यीप्पल तेन, ङे ली़सीम् हीगो लुस ॱयोङ्मागी ॱवङ्गी होक्ल ॱस्योर्नर थोङ्गुक्। ॱनी ङ ॱसीम्बे यीक्ल गस्सी छोरे छ्यो़डीम् दील हीगी लुस हीगो मीत् डीक्प थुक्तु युङ्गुक्। हुगो झ्यीनी ङे खोक्ल यो़क्केन् दीक्पे लेमु हुगी होक्ल ङ ॱस्योर्न लेज्युङ्। 24ङ घन्डे दुक्प आ। ॱस्यी डोगेङ्गी सी़ हीनी ङ घन्दुक् झ्यीन ॱसी़ छ्यीगेन्? 25हज्यरङ्गी चोव ज्यीन्दक् येशु ख्रीष्ट्की लम्नी छ्यीगेन् बेत्। को़न्ज्योक्ल थु छ्यी छ्यी। ङरङ्गी म दी ॱसीम्बे यीक्ल को़न्ज्योक्की छ्यो़डीम्गी कल चीन दो़क्केन् हीन् सीक्केन्। ॱनी कोलीमी ङो़गी ङे ङेम्बे ॱसीम् दी यङ् दीक्पे लेमु ङो़ल ॱस्योर्न ॱयोक् ज्युक्कीन् यो़क्केन् बेत्।
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 1995 Wycliffe Bible Translators, Inc. and Nepal Bible Society