Zwz Nduq 49
49
Yaqgowh Haxdoq Boangx Lug zaiz Dix Mwznaj Paenqdix Baenzzaqrawz
1 Yaqgowh rongx daengz boangx lug zaiz dix maz, daj paenqdix hax: "Maz doqnaj gux, gux haxdoq su, su mwznaj baenzzaqrawz." Yaq dix zoq koanx:
2"Boangx lug zaiz Yaqgowh aj, gaenqsu daengzle zaemh maz biak,
caqsiq biak kauq Yixsowhleh, kauq dez su.
3"Loixbenq aj, mawz zawh lug zaiz to gux, mawz zawh zwz gux zaengx naeh zowngx,
mawz miz riangz,
miz najta dwx nyeuz daenh.
4Gaj mawz daj mezlaeng mawz kwnj mwz mungx faz gux, hawj mungx faz gux mboq saw,
mawz daj naemxnongz gawh dungzlumj hawj daengzle vaih nauq,
mawz mboq ndaej hoak goanz daekgoanq.
5"Cizmyenx daj Liqvaeq zawh bihnongx zaiz, zawh zaemh yowngx ndeu;
paenqdix aeu byax kaj dij goanz lai taeuq.
6Doiqdix yumq luanq daet yeanz dij moaz hoaknyaeux,
gau zaw'jih kaj goanz.
Minghkoan gux aj, laek daj paenqdix hoak yowngx ndeu.
Zaw gux aj, laek daj doiqdix hoak boangx ndeu.
7Doiqdix zaw jih, luanq hoak luanq kaj, hoj mang.
Doiqdix rik, gaeng goj mboq zawchaej, hoj fah.
Gux hawj luglan doiq dix yuq dih Yaqgowh, gawz goj mboq ndaej zaemh yuq,
hawj luglan paenqdix yuq ndaw Yixsowhleh goanz ux yuq dih ux.
8"Yaeuhdaq aj, mwznaj boangx bihnongx mawz gaj goanz gaj biangz mawz.
Mawz aeu mungz jenj hoz sowh dij goanz daj mawz dangq baih naeh.
Boangx lug zaiz dez mawz, daengzle gvih maz doq mawz.
9 Yaeuhdaq, mawz daj cwzzwx reauh dungzlumj.#49:9 Cwzzwx riangz daj dij sow dungzlumj.
Lug gux aj, mawz daj cwzzwx bae jin do yowngh ndai dauh maz dungzlumj.
Mawz hoakzaq dij cwzzwx taek naeh biad taj; mawz daj cwzzwx meh dungzlumj,
gawz ganz bae hoj mawz mux?
10Mizgaj luglan mawz ndaej hoak hongz,
puj ndai mboq rux ndaej hoak hongz,
Taengdeg goanz gaeng naeh daeuj zux gah,
dij goanz dawj fax biak dix nauq.
11Dix aeu dij loix reauh dix puk kaeu maegkaeu'it,
puk yuq sowh kaeu maegkaeu'it yawz naeh.
Dix aeu laeuj maegkaeu'it saek sowj dix saw,
dix aeu sowh naemx maegkaeu'it ndiang daj lowd dungzlumj naeh saek sowj dix.
12Ta dix ndiang laeng laeuj,
Faenz dix kau laeng neuhnaix.
13"Cizbuqlunh yuq haenz haij ndowj,
mbaedmawq zawh dih aeu lowz ced, dih aeu lowz nyaengx.
Dih dix riz mwz daeux Cizdunq.
14"Yixsahzaz daj dij loix zaengx dungzlumj,
yuq ndaw langh dij mbej noanz.
15Dix lez dih rawz yuq ndae,
dih rawz namh yawz,
Zoq gaeuz to dah za'hoq naek,
hoak puj koij daenh.
16"Danq haeggaj hoak ngah ux,
yuq ndaw Yixsowhleh hoak saeq.
17Dix daj sowh dij nguz yuq haenz loh naeh dungzlumj,
daj sowh dij nguz duh taeuq yuq ka loh ix naeh dungzlumj,
rux kaep oangjjeuj dij max,
hawj goanz kviq dij max naeh doak bae baihlaeng.
18 Yez'hoahhuah aj, gux zwzrawz goj taj mawz jeuq.
19"Zazdowh rux zoah daenh maz saeuh, maz longx,
gaj dix daeuq daem daenh saeuh, longx daenh.
20"Kaeujpyaek Yaqsowh toj yawz,
miz kaeujpyaek van taeuq aeu hawj laux hongz.
21"Nahfuhtazliq daj sowh gvang meh zoah daenh zoangq naeh dungzlumj,
dix rungj dij gvang ex chaekzaemz taeuq.
22"Yezsowh daj go maeg taenj ux dungzlumj,
daj sowh maex maeg taenj yuq haenz mboq naeh dungzlumj,#49:22 Baih naeh liangx taeuq, sowh maex yuq haenz naemx naeh zux yawz ndaej.
ngah dix zanz bae baihnog bowng'jingz.
23Puj tw naqgoang maz saeuh dix zaeh zaeh, aeu maeg naqgoang saeuh maz doq dix, gaemh dix.
24Gaj dij Sen gaeng goj rux hoak naeh,
dij Sen Yaqgowh kvej naeh,
dij Sen rongx hoak puj dawz mbej Yixsowhleh naeh,
goj rongx hoak tin dwx Yixsowhleh naeh,#49:24 Hax dij Sen rongx hoak tin dwx Yixsowhleh naehzawh hax: "Dij Sen daj tin dwx dungzlumj mboq rux benq, hawj raeuz maengx dix daengznauq."
toj gumx dix,
hawj naqgoang dix mboq vae,
hawj mbaedmungz dix liauq taeuq.
25Zawh dij Sen dez mawz saeh mawz,
zawh dij Sen gaeng goj rux hoak naeh gumx mawz.
Dix aeu gaenq ndae pumhfax,
hawj naemx dej ndin og maz lai lai,
dix hawj luglan daj doihdo rownz mawz raengh huhhuh.
26Dij Sen gumx dez mawz,
hawj dez mawz yuqndae nyeuz puj jeq rownz mawz.
Gaenq gaenqdix aeu hawj naeh ndaw bo mboq miz saek yowngh ndae lumj,
ngwz sowh gaenq ndae naeh daeuj now to mawz.
Boangx bihnongx mawz naeh,
zawh mawz baenz do nyeuz.
27"Benqyaqminh daj sowh ma'naez dongxyaeg naeh dungzlumj,
zangnaw zaeux bae jin sowh do dix gaep ndaej naeh,
zang'haemh dungzbaen sowh gaenq dix longx ndaej naeh."
28Suq baihnow inxnaeh zawh sipngih ngah Yixsowhleh. Suq kauq baihnow inxnaeh zawh dez paenqdix haxdoq paenqdix. Mwznaj dij Sen hawj paenqdix daj luglan paenqdix baenzzaqrawz, dez paenqdix zoq hoakzaqrawz haxdoq paenqdix.
Yaqgowh Tai
29 Yaqgowh daeuq nemz boangx lug zaiz dix, dix hoakzaqnaeh hax: "Mboq ndowj, gux mwz daj puj jeq rownz gux zaemh yuq yaj, gaenqsu aeu gux mwz moak aen ngomz yuq to oax raeh Yixfuhlunh goanz puj Howx naeh, hawj gux mwz daj puj jeq rownz gux zaemh yuq. 30Aen ngomz naeh yuq ndaw Zaznanh, yuq to raeh Mowhbixlaz, Mowhbixlaz yuq henz Manqliq. Dih naeh zawh Yaqboahlazhanq swx daeq mungz Yixfuhlunh goanz puj Howx naeh maz, swx maz hoak dih mohbujreuh. 31Yaqboahlazhanq daj mez dix Sazlaz zawh aeu moak dih naeh, Yitsaeg daj mez dix Liqbowhzaz goj zawh aeu moak dih naeh, gux goj aeu Liqyaq moak dih naeh. 32Oax raeh naeh daj aen ngomz naeh zawh swx daeq mungz dij goanz puj Howx maz." 33Yaqgowh saengq boangx lug zaiz dix nauq, zoq aeu song ka dix hoat mwz mungxfaz, kaedzaw, mwz daj puj jeq rownz dix zaemh yuq.
လက္ရွိေရြးခ်ယ္ထားမွု
Zwz Nduq 49: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.