Zwz Nduq 48
48
Yaqgowh Vanz Dij Sen Gumx Yixfahleanh Daj Maxnahciz
1Gvaq ndaej ndauj ux, miz dij goanz haxdoq Yezsowh dez dix baenzchaej. Yezsowh zoq zowz doiq lug zaiz dix, Maxnahciz daj Yixfahleanh, zaemh bae lez dez dix. 2Yaqgowh ruxnyinz lug zaiz dix Yezsowh, maz lez dix, zoq ndenj yuq ndaw tanj naengh. 3Yaqgowh daj Yezsowh hax: "Dij Sen gaeng goj rux hoak naeh yuq Zaznanh dih Luqswz naeh hawj gux taen, gumx gux. 4Dix daj gux hax: ‘Gux hawj luglan mawz raengh huhhuh, hawj luglan mawz baenz lai changz. Gux goj aeu dih naeh hawj luglan mawz, hawj paenqdix daengznauq.’"
5 Yaqgowh daeuq hax: "Yezsowh aj, koax gux naengz mboq maz Aizjih naeh, mawz yuq Aizjih miz doiq lug zaiz ux, gannaeh gux aeu doiqdix hoak lug gux hawj doiqdix daj Loixbenq Cizmyenx dungzlumj. Gux aeu Yixfahleanh daj Maxnahciz hoak lug zaiz gux, hawj doiq dix baen ndaej lai daj lug zaiz ndai dungzlumj. 6Mwznaj jixzawh mawz naengz miz lug zaiz tem, zoq suanq hoak lug zaiz mawz, gajlej gux mboq baen hawj paenqdix sownq mawq, hawj paenqdix baen sownq Yixfahleanh daj Maxnahciz. 7Laemh taeng gaenqgux maz, zwz gux daeq Bazdanq dauh daeuj naeh, Lazjeh daeuj taeng koax Zaznanh, dih liq Yixfahtaz mboq gvae lai naeh, yuq haenz gux tai. Gux aeu dix moak haenz loh ka mwz Yixfahtaz naeh." Yixfahtaz gannaeh rongx hoak Bozliqhaenh.
8 Yixsowhleh leztaen lug zaiz Yezsowh, zoq cham: "Song goanz naeh zawh gawz?" 9Yezsowh yaeng: "Zawh lug zaiz gux, zawh gux maz taeng ndaw Aizjih yaq, dij Sen hawj gux." Yixsowhleh hax: "Zowz doiqdix maz haenz gux inxnaeh, gux vanz dij Sen gumx doiqdix." 10Yixsowhleh ndaej to bi, ta dix naeuz mboq kwnz taen. Yezsowh zoq zowz doiq lug dix mwz doqnaj dez dix. Yixsowhleh zoq zup paenqdix, umj paenqdix. 11Yixsowhleh daj Yezsowh hax: "Gux mboq naemz daeuq ndaej taen naj mawz, gaj dij Sen hawj gux taen mawz, taen daengz lug zaiz mawz." 12Yaq Yezsowh yaix doiq lug zaiz dix daeq ndaw to'kaeuq Yixsowhleh daeuj, hoakri dix gvih mwz doq Yixsowhleh. 13Yaq Yezsowh daeuq zowz doiq lug dix mwz doqnaj Yixsowhleh. Yezsowh hawj Yixfahleanh in yuq baih qensaix Yixsowhleh, hawj Maxnahciz in yuq baih qensa Yixsowhleh. 14Gaj Yixsowhleh aeu mungz sa nyaengx now to Yixfahleanh maeng hoak nongx naeh, aeu mungz saix nyaengx now to Maxnahciz maeng hoak bih naeh. 15Dix zoq vanz dij Sen gumx Yezsowh, dix hoakzaqnaeh vanz dij Sen:
"Dij Sen yeh gux Yaqboahlazhanq daj dij Sen dez gux Yitsaeg kvej naeh,
dij Sen gumx gux daengz zohgoanz naeh.
16Mawz zawh bin Yez'hoahhuah zowz gux ni dih nyinzndang, ni dih mboq ndae naeh.
Ngwz mawz gumx song maeng naeh,
Ngwz luglan doiqdix raengh huhhuh,
hawj paenqdix leuz zwh gux, zwh yeh gux Yaqboahlazhanq daj zwh dez gux Yitsaeg mwznaj."
17 Yezsowh leztaen dez dix aeu mungz sa nyaengx now to Yixfahleanh, ndaw zaw zoq mboq faengz, yaq dix zoq gaem mungz sa dez dix, daz aeu mungz sa dez dix daeq now to Yixfahleanh nyaengx maz now to Maxnahciz. 18Dix daj dez dix hax: "Dez, hoakzaqnaeh mboq hoj, dix zux zawh lug zaiz to, mawz aeu mungz sa nyaengx now to dix mah." 19Dez dix mboq biak dix, hax: "Lug gux ah, gux ruxndeq, gux ruxndeq. Mwznaj luglan Maxnahciz goj baenz changz dwx ux, gaj nongx zaiz dix riangz nyeuz dix, najta dwx nyeuz dix, luglan nongx zaiz dix baenz jijgaj changz dwx." 20Vaenz gaengnaeh, Yixsowhleh vanz dij Sen gumx doiq lug zaiz Yezsowh, dix hax:
"Mwznaj dij goanz Yixsowhleh aeu minxzwh su hoak kauq yawz dungzbiangz,
paenqdix rux hoakzaqnaeh dungzbiangz:
‘Ngwz dij Sen gumx su daj dix gumx Yixfahleanh daj Maxnahciz dungzlumj.’" Hoakzaqnaeh, Yixsowhleh hawj Yixfahleanh najta dwx nyeuz Maxnahciz.
21 Yixsowhleh daeuq daj Yezsowh hax: "Mawz ruxndeq gux zaekgaj tai yaj, gaj dij Sen gumx su mboqyaq, mwznaj zowz gaenqsu dauh mwz dih puj jeq rownz su naeh. 22Gux aeu Swqjenq hawj mawz, dih naeh zawh gaenqgux aeu remz aeu naqgoang bae longx puj Yaqmoahliq maz, gux aeu hawj mawz. Hawj mawz ndaej lai nyeuz le bihnongx zaiz ndai mawz sownq ux."
လက္ရွိေရြးခ်ယ္ထားမွု
Zwz Nduq 48: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.
Zwz Nduq 48
48
Yaqgowh Vanz Dij Sen Gumx Yixfahleanh Daj Maxnahciz
1Gvaq ndaej ndauj ux, miz dij goanz haxdoq Yezsowh dez dix baenzchaej. Yezsowh zoq zowz doiq lug zaiz dix, Maxnahciz daj Yixfahleanh, zaemh bae lez dez dix. 2Yaqgowh ruxnyinz lug zaiz dix Yezsowh, maz lez dix, zoq ndenj yuq ndaw tanj naengh. 3Yaqgowh daj Yezsowh hax: "Dij Sen gaeng goj rux hoak naeh yuq Zaznanh dih Luqswz naeh hawj gux taen, gumx gux. 4Dix daj gux hax: ‘Gux hawj luglan mawz raengh huhhuh, hawj luglan mawz baenz lai changz. Gux goj aeu dih naeh hawj luglan mawz, hawj paenqdix daengznauq.’"
5 Yaqgowh daeuq hax: "Yezsowh aj, koax gux naengz mboq maz Aizjih naeh, mawz yuq Aizjih miz doiq lug zaiz ux, gannaeh gux aeu doiqdix hoak lug gux hawj doiqdix daj Loixbenq Cizmyenx dungzlumj. Gux aeu Yixfahleanh daj Maxnahciz hoak lug zaiz gux, hawj doiq dix baen ndaej lai daj lug zaiz ndai dungzlumj. 6Mwznaj jixzawh mawz naengz miz lug zaiz tem, zoq suanq hoak lug zaiz mawz, gajlej gux mboq baen hawj paenqdix sownq mawq, hawj paenqdix baen sownq Yixfahleanh daj Maxnahciz. 7Laemh taeng gaenqgux maz, zwz gux daeq Bazdanq dauh daeuj naeh, Lazjeh daeuj taeng koax Zaznanh, dih liq Yixfahtaz mboq gvae lai naeh, yuq haenz gux tai. Gux aeu dix moak haenz loh ka mwz Yixfahtaz naeh." Yixfahtaz gannaeh rongx hoak Bozliqhaenh.
8 Yixsowhleh leztaen lug zaiz Yezsowh, zoq cham: "Song goanz naeh zawh gawz?" 9Yezsowh yaeng: "Zawh lug zaiz gux, zawh gux maz taeng ndaw Aizjih yaq, dij Sen hawj gux." Yixsowhleh hax: "Zowz doiqdix maz haenz gux inxnaeh, gux vanz dij Sen gumx doiqdix." 10Yixsowhleh ndaej to bi, ta dix naeuz mboq kwnz taen. Yezsowh zoq zowz doiq lug dix mwz doqnaj dez dix. Yixsowhleh zoq zup paenqdix, umj paenqdix. 11Yixsowhleh daj Yezsowh hax: "Gux mboq naemz daeuq ndaej taen naj mawz, gaj dij Sen hawj gux taen mawz, taen daengz lug zaiz mawz." 12Yaq Yezsowh yaix doiq lug zaiz dix daeq ndaw to'kaeuq Yixsowhleh daeuj, hoakri dix gvih mwz doq Yixsowhleh. 13Yaq Yezsowh daeuq zowz doiq lug dix mwz doqnaj Yixsowhleh. Yezsowh hawj Yixfahleanh in yuq baih qensaix Yixsowhleh, hawj Maxnahciz in yuq baih qensa Yixsowhleh. 14Gaj Yixsowhleh aeu mungz sa nyaengx now to Yixfahleanh maeng hoak nongx naeh, aeu mungz saix nyaengx now to Maxnahciz maeng hoak bih naeh. 15Dix zoq vanz dij Sen gumx Yezsowh, dix hoakzaqnaeh vanz dij Sen:
"Dij Sen yeh gux Yaqboahlazhanq daj dij Sen dez gux Yitsaeg kvej naeh,
dij Sen gumx gux daengz zohgoanz naeh.
16Mawz zawh bin Yez'hoahhuah zowz gux ni dih nyinzndang, ni dih mboq ndae naeh.
Ngwz mawz gumx song maeng naeh,
Ngwz luglan doiqdix raengh huhhuh,
hawj paenqdix leuz zwh gux, zwh yeh gux Yaqboahlazhanq daj zwh dez gux Yitsaeg mwznaj."
17 Yezsowh leztaen dez dix aeu mungz sa nyaengx now to Yixfahleanh, ndaw zaw zoq mboq faengz, yaq dix zoq gaem mungz sa dez dix, daz aeu mungz sa dez dix daeq now to Yixfahleanh nyaengx maz now to Maxnahciz. 18Dix daj dez dix hax: "Dez, hoakzaqnaeh mboq hoj, dix zux zawh lug zaiz to, mawz aeu mungz sa nyaengx now to dix mah." 19Dez dix mboq biak dix, hax: "Lug gux ah, gux ruxndeq, gux ruxndeq. Mwznaj luglan Maxnahciz goj baenz changz dwx ux, gaj nongx zaiz dix riangz nyeuz dix, najta dwx nyeuz dix, luglan nongx zaiz dix baenz jijgaj changz dwx." 20Vaenz gaengnaeh, Yixsowhleh vanz dij Sen gumx doiq lug zaiz Yezsowh, dix hax:
"Mwznaj dij goanz Yixsowhleh aeu minxzwh su hoak kauq yawz dungzbiangz,
paenqdix rux hoakzaqnaeh dungzbiangz:
‘Ngwz dij Sen gumx su daj dix gumx Yixfahleanh daj Maxnahciz dungzlumj.’" Hoakzaqnaeh, Yixsowhleh hawj Yixfahleanh najta dwx nyeuz Maxnahciz.
21 Yixsowhleh daeuq daj Yezsowh hax: "Mawz ruxndeq gux zaekgaj tai yaj, gaj dij Sen gumx su mboqyaq, mwznaj zowz gaenqsu dauh mwz dih puj jeq rownz su naeh. 22Gux aeu Swqjenq hawj mawz, dih naeh zawh gaenqgux aeu remz aeu naqgoang bae longx puj Yaqmoahliq maz, gux aeu hawj mawz. Hawj mawz ndaej lai nyeuz le bihnongx zaiz ndai mawz sownq ux."
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.