Zwz Nduq 47
47
Bihnongx Zaiz Yezsowh Mwz Dih Laux Hongz
1 Yezsowh mwz dih laux hongz naeh haxdoq dix: "Dez gux daj le bihnongx zaiz gux zowz doihdo daj za'hoq daengzle nauq, daeq ndaw Zaznanh maz, gannaeh yuq ndaw Goazsanz." 2Yezsowh zowz le bihnongx zaiz dix haj goanz mwz doqnaj laux hongz. 3Laux hongz cham le bihnongx zaiz Yezsowh: "Gaenqsu zawh puj hoak gaeng ah?" Paenqdix yaeng: "Le koij daj puj jeq rownz le koij dungzlumj, zawh puj dawz mbej." 4Paenqdix daeuq daj laux hongz hax: "Zaznanh kaeujpyaek mboq yawz saek'i, dij mbej le koij mboq miz nyaj jin. Le koij maz inxnaeh dex yuq jij bi ux, gannaeh vanz mawz hawj le koij yuq ndaw Goazsanz ndowj." 5Yaq laux hongz zoq daj Yezsowh hax: "Dez mawz daj le bihnongx zaiz mawz maz dih mawz inxnaeh. 6Yuq ndaw Aizjih, dih rawz ndae nyeuz mawz zoq hawj dez mawz daj le bihnongx zaiz mawz yuq dih rawz ndowj. Paenqdix zawx yuq Goazsanz ndowj, zoq hawj paenqdix yuq Goazsanz ndowj. Le bihnongx zaiz mawz, mawz hax gawz rux nyeuz, mawz zoq hawj gawz gvanx doihdo gux."
Yaqgowh Mwz Dih Laux Hongz
7 Yezsowh zowz dez dix Yaqgowh, mwz taeng dih laux hongz naeh. Yaqgowh zoq hax kauq yawz dongx laux hongz. 8Laux hongz cham Yaqgowh: "Mawz ndaej jij bi?" 9Yaqgowh yaeng: "Gux zwz ux bae dih ux, kux daengz zohgoanz. Gannaeh zux ndaej baeg-ux-laeng-samsip bi, naengz mboq ndeu puj jeq rownz gux." 10Yaqgowh daeuq hax kauq yawz dwk laux hongz, yaq dix zoq ni bae.
11 Yezsowh hoakzaq laux hongz hax naeh, hawj dez dix daj le bihnongx zaiz dix yuq ndaw Lanhsaiq ndowj, aeu mbanj Lanhsaiq naeh hawj paenqdix.#47:11 Lanhsaiq daj Goazsanz zawh zaemh dih. Yuq ndaw Aizjih zawh dih naeh ndae nyeuz daengzle. 12Yaq Yezsowh aeu kaeuj hawj dez dix, le bihnongx zaiz dix, dij goanz rownz dez dix. Rownz gawz miz jij goanz, zoq hawj jij sownq, goanz ix gajrawz goj hawj.
Jeh Yaeg
13Zwz naeh, kaeujpyaek mboq yawz saek'i, dih rawz goj mboq miz kaeuj. Kaeujpyaek Aizjih daj kaeujpyaek Zaznanh mboq yawz saek'i, song dih naeh dij goanz dongxyaeg daengz talaiz nauq. 14Yezsowh caeu ngaenz Aizjih daj ngaenz Zaznanh maz nauq, zawh ngaenz daengzle aeu maz swx kaeuj naeh. Yezsowh aeu sowh ngaenz naeh mwz nyaengx ndaw rownz laux hongz. 15Dij goanz Aizjih daj dij goanz Zaznanh zaij ngaenz nauq yaq, dij goanz Aizjih zoq mwz daj Yezsowh hax: "Ngaenz piu haeuz zaij nauq eh. Vanz mawz aeu kaeuj hawj piu. Mawz mboq rux hawj gaenqpiu tai doqnaj mawz naeujbojleh?" 16Yezsowh yaeng: "Jixzawh ngaenz su zaij nauq, su aeu doihdo su maz hawj gux, gux aeu kaeuj lwh doihdo su." 17Yaq paenqdix zoq aeu doihdo maz dih Yezsowh naeh. Yezsowh zoq aeu kaeuj hawj paenqdix, aeu kaeuj lwh dij max, dij mbej, dij moaz daj dij loix paenqdix. Bi naeh, Yezsowh zoq aeu kaeuj lwh daengzle doihdo paenqdix, paenqdix zux miz kaeuj, zux mboq yaeg tai. 18Gvaq bi naeh yaq, bilaeng paenqdix daeuq maz dih Yezsowh naeh, daj dix hax: "Gaenqpiu mboq daj saeq piu haxyai, ngaenz gaenqpiu haeuz zaij nauq, doihdo gaenqpiu goj zawh gaenq saeq, yuq doqnaj saeq, gaenqpiu mizgaj dij goanz daj raehnaz, gvaqmaz gaeng goj mboq miz. 19Laek hawj piu tai, laek hawj raehnaz piu mowz. Vanz mawz aeu kaeuj swx gaenqpiu daj raehnaz piu. Daeq gannaeh mwz, raehnaz piu zawh gaenq laux hongz, gaenqpiu hoak puj koij laux hongz. Goj vanz mawz aeu kaeujfaenz hawj piu, hoakzaqnaeh gaenqpiu zux zaeu ndaej, zux mboq rux yaeg tai, raehnaz zux mboq rux mowz."
20 Yezsowh saeh laux hongz swx ndaej Aizjih raehnaz daengzle nauq. Aizjih kaeujpyaek mboq yawz saek'i, yowngh jin mboq miz, gaj goanz gaj kai raehnaz dix nauq. Hoakzaqnaeh, raehnaz daengzle zoq zawh baenz gaenq laux hongz nauq. 21Yezsowh hawj dij goanz Aizjih baenz puj koij laux hongz nauq. 22Yuq ndaw Aizjih, puj moa zwz rawz goj zawh laux hongz aeu kaeuj hawj. Gannaeh paenqdix goj jin gaj sowh kaeuj laux hongz hawj naeh. Puj moa zoq mboq kai raehnaz paenqdix. Yuq ndaw Aizjih, mizgaj raehnaz puj moa mboq zoah Yezsowh swx, gvaqmaz raehnaz Aizjih zoah Yezsowh swx nauq.
23 Yezsowh daj dij goanz Aizjih hax: "Vaenz naeh gaenqgux saeh laux hongz swx gaenqsu daj raehnaz su. Inxnaeh miz kaeujfaenz hawj su, gaenqsu bae ndaem raehnaz. 24Taeng zwz caeu maz, haj gong su aeu hawj laux hongz gong ux, gvaqmaz siq gong hawj su, hawj su aeu leux hoak faenz daj aeu hawj rownz su daj lug su jin." 25Paenqdix yaeng: "Mawz jeuq aen mingh gaenqpiu, doiq gaenqpiu ndae baenzzaqnaeh, gaenqpiu mwz hoak koij laux hongz." 26Raehnaz Aizjih, Yezsowh hoak mbaed goizdingq ux, taengdiak gannaeh naengz mboq byenq, zoq zawh haj gong aeu hawj laux hongz gong ux, mizgaj raehnaz puj moa mboq aeu hawj laux hongz.
Yaqgowh Vanz Yezsowh Aeu Dix Moak Ndaw Zaznanh
27Dij goanz Yixsowhleh yuq Aizjih, dih Goazsanz naeh ndowj. Goazsanz baenz dih paenqdix, paenqdix yuq dih naeh gaj laeng gaj raengh. 28Yaqgowh yuq ndaw Aizjih ndowj ndaej sipjiat bi, dix daengz zoh goanz ndaej baeg-ux-laeng-siqsip-jiat bi. 29Zwz Yixsowhleh zaekgaj mboq miz naeh, dix zoq rongx lug zaiz dix Yezsowh maz haenz dix, daj Yezsowh hax: "Gux mboq suanq zawh gaeng, gaj jixzawh mawz zaemz gux, vanz mawz aeu mungz mawz nyaengx dawj ka'boaj gux, yinq hax mawz toj hoak diauq naeh mboqyaq, zoq zawh: nwh gux mwznaj, laek aeu gux nyaengx ndaw Aizjih inxnaeh. 30Gux mwz daj puj jeq rownz gux zaemh yuq zwz rawz, mawz hoakrawz goj aeu gux ni Aizjih, aeu gux mwz daj paenqdix zaemh moak." Yezsowh hax: "Gux biak gaemz mawz hax naeh hoak." 31Yaqgowh hax: "Mawz daj gux haxgoak daekgoanq hax mawz rux hoak mboqyaq." Yezsowh zoq daj dix hax: "Gux daj mawz haxgoak daekgoanq, gux toj hoak zaq gaemz mawz hax naeh mboqyaq." Yaq Yixsowhleh zoq e to tanj biangz dij Sen.
လက္ရွိေရြးခ်ယ္ထားမွု
Zwz Nduq 47: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.
Zwz Nduq 47
47
Bihnongx Zaiz Yezsowh Mwz Dih Laux Hongz
1 Yezsowh mwz dih laux hongz naeh haxdoq dix: "Dez gux daj le bihnongx zaiz gux zowz doihdo daj za'hoq daengzle nauq, daeq ndaw Zaznanh maz, gannaeh yuq ndaw Goazsanz." 2Yezsowh zowz le bihnongx zaiz dix haj goanz mwz doqnaj laux hongz. 3Laux hongz cham le bihnongx zaiz Yezsowh: "Gaenqsu zawh puj hoak gaeng ah?" Paenqdix yaeng: "Le koij daj puj jeq rownz le koij dungzlumj, zawh puj dawz mbej." 4Paenqdix daeuq daj laux hongz hax: "Zaznanh kaeujpyaek mboq yawz saek'i, dij mbej le koij mboq miz nyaj jin. Le koij maz inxnaeh dex yuq jij bi ux, gannaeh vanz mawz hawj le koij yuq ndaw Goazsanz ndowj." 5Yaq laux hongz zoq daj Yezsowh hax: "Dez mawz daj le bihnongx zaiz mawz maz dih mawz inxnaeh. 6Yuq ndaw Aizjih, dih rawz ndae nyeuz mawz zoq hawj dez mawz daj le bihnongx zaiz mawz yuq dih rawz ndowj. Paenqdix zawx yuq Goazsanz ndowj, zoq hawj paenqdix yuq Goazsanz ndowj. Le bihnongx zaiz mawz, mawz hax gawz rux nyeuz, mawz zoq hawj gawz gvanx doihdo gux."
Yaqgowh Mwz Dih Laux Hongz
7 Yezsowh zowz dez dix Yaqgowh, mwz taeng dih laux hongz naeh. Yaqgowh zoq hax kauq yawz dongx laux hongz. 8Laux hongz cham Yaqgowh: "Mawz ndaej jij bi?" 9Yaqgowh yaeng: "Gux zwz ux bae dih ux, kux daengz zohgoanz. Gannaeh zux ndaej baeg-ux-laeng-samsip bi, naengz mboq ndeu puj jeq rownz gux." 10Yaqgowh daeuq hax kauq yawz dwk laux hongz, yaq dix zoq ni bae.
11 Yezsowh hoakzaq laux hongz hax naeh, hawj dez dix daj le bihnongx zaiz dix yuq ndaw Lanhsaiq ndowj, aeu mbanj Lanhsaiq naeh hawj paenqdix.#47:11 Lanhsaiq daj Goazsanz zawh zaemh dih. Yuq ndaw Aizjih zawh dih naeh ndae nyeuz daengzle. 12Yaq Yezsowh aeu kaeuj hawj dez dix, le bihnongx zaiz dix, dij goanz rownz dez dix. Rownz gawz miz jij goanz, zoq hawj jij sownq, goanz ix gajrawz goj hawj.
Jeh Yaeg
13Zwz naeh, kaeujpyaek mboq yawz saek'i, dih rawz goj mboq miz kaeuj. Kaeujpyaek Aizjih daj kaeujpyaek Zaznanh mboq yawz saek'i, song dih naeh dij goanz dongxyaeg daengz talaiz nauq. 14Yezsowh caeu ngaenz Aizjih daj ngaenz Zaznanh maz nauq, zawh ngaenz daengzle aeu maz swx kaeuj naeh. Yezsowh aeu sowh ngaenz naeh mwz nyaengx ndaw rownz laux hongz. 15Dij goanz Aizjih daj dij goanz Zaznanh zaij ngaenz nauq yaq, dij goanz Aizjih zoq mwz daj Yezsowh hax: "Ngaenz piu haeuz zaij nauq eh. Vanz mawz aeu kaeuj hawj piu. Mawz mboq rux hawj gaenqpiu tai doqnaj mawz naeujbojleh?" 16Yezsowh yaeng: "Jixzawh ngaenz su zaij nauq, su aeu doihdo su maz hawj gux, gux aeu kaeuj lwh doihdo su." 17Yaq paenqdix zoq aeu doihdo maz dih Yezsowh naeh. Yezsowh zoq aeu kaeuj hawj paenqdix, aeu kaeuj lwh dij max, dij mbej, dij moaz daj dij loix paenqdix. Bi naeh, Yezsowh zoq aeu kaeuj lwh daengzle doihdo paenqdix, paenqdix zux miz kaeuj, zux mboq yaeg tai. 18Gvaq bi naeh yaq, bilaeng paenqdix daeuq maz dih Yezsowh naeh, daj dix hax: "Gaenqpiu mboq daj saeq piu haxyai, ngaenz gaenqpiu haeuz zaij nauq, doihdo gaenqpiu goj zawh gaenq saeq, yuq doqnaj saeq, gaenqpiu mizgaj dij goanz daj raehnaz, gvaqmaz gaeng goj mboq miz. 19Laek hawj piu tai, laek hawj raehnaz piu mowz. Vanz mawz aeu kaeuj swx gaenqpiu daj raehnaz piu. Daeq gannaeh mwz, raehnaz piu zawh gaenq laux hongz, gaenqpiu hoak puj koij laux hongz. Goj vanz mawz aeu kaeujfaenz hawj piu, hoakzaqnaeh gaenqpiu zux zaeu ndaej, zux mboq rux yaeg tai, raehnaz zux mboq rux mowz."
20 Yezsowh saeh laux hongz swx ndaej Aizjih raehnaz daengzle nauq. Aizjih kaeujpyaek mboq yawz saek'i, yowngh jin mboq miz, gaj goanz gaj kai raehnaz dix nauq. Hoakzaqnaeh, raehnaz daengzle zoq zawh baenz gaenq laux hongz nauq. 21Yezsowh hawj dij goanz Aizjih baenz puj koij laux hongz nauq. 22Yuq ndaw Aizjih, puj moa zwz rawz goj zawh laux hongz aeu kaeuj hawj. Gannaeh paenqdix goj jin gaj sowh kaeuj laux hongz hawj naeh. Puj moa zoq mboq kai raehnaz paenqdix. Yuq ndaw Aizjih, mizgaj raehnaz puj moa mboq zoah Yezsowh swx, gvaqmaz raehnaz Aizjih zoah Yezsowh swx nauq.
23 Yezsowh daj dij goanz Aizjih hax: "Vaenz naeh gaenqgux saeh laux hongz swx gaenqsu daj raehnaz su. Inxnaeh miz kaeujfaenz hawj su, gaenqsu bae ndaem raehnaz. 24Taeng zwz caeu maz, haj gong su aeu hawj laux hongz gong ux, gvaqmaz siq gong hawj su, hawj su aeu leux hoak faenz daj aeu hawj rownz su daj lug su jin." 25Paenqdix yaeng: "Mawz jeuq aen mingh gaenqpiu, doiq gaenqpiu ndae baenzzaqnaeh, gaenqpiu mwz hoak koij laux hongz." 26Raehnaz Aizjih, Yezsowh hoak mbaed goizdingq ux, taengdiak gannaeh naengz mboq byenq, zoq zawh haj gong aeu hawj laux hongz gong ux, mizgaj raehnaz puj moa mboq aeu hawj laux hongz.
Yaqgowh Vanz Yezsowh Aeu Dix Moak Ndaw Zaznanh
27Dij goanz Yixsowhleh yuq Aizjih, dih Goazsanz naeh ndowj. Goazsanz baenz dih paenqdix, paenqdix yuq dih naeh gaj laeng gaj raengh. 28Yaqgowh yuq ndaw Aizjih ndowj ndaej sipjiat bi, dix daengz zoh goanz ndaej baeg-ux-laeng-siqsip-jiat bi. 29Zwz Yixsowhleh zaekgaj mboq miz naeh, dix zoq rongx lug zaiz dix Yezsowh maz haenz dix, daj Yezsowh hax: "Gux mboq suanq zawh gaeng, gaj jixzawh mawz zaemz gux, vanz mawz aeu mungz mawz nyaengx dawj ka'boaj gux, yinq hax mawz toj hoak diauq naeh mboqyaq, zoq zawh: nwh gux mwznaj, laek aeu gux nyaengx ndaw Aizjih inxnaeh. 30Gux mwz daj puj jeq rownz gux zaemh yuq zwz rawz, mawz hoakrawz goj aeu gux ni Aizjih, aeu gux mwz daj paenqdix zaemh moak." Yezsowh hax: "Gux biak gaemz mawz hax naeh hoak." 31Yaqgowh hax: "Mawz daj gux haxgoak daekgoanq hax mawz rux hoak mboqyaq." Yezsowh zoq daj dix hax: "Gux daj mawz haxgoak daekgoanq, gux toj hoak zaq gaemz mawz hax naeh mboqyaq." Yaq Yixsowhleh zoq e to tanj biangz dij Sen.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.