Ni Aizjih 39
39
Hoak Ndangnungh Puj mbud Dij Sen
1 Bixsaxleh hoak zaq Yez'hoahhuah yaix Moahciz naeh, aeu mae daeuh, mae zaemq, mae'ndiang hoak sowh ndangnungh nungh yuq ndaw zangjpungh dij Sen kvej naeh, goj saeh Yaqlunh hoak ndangnungh nungh mbud dij Sen.
Hoak Yixfuhdowh
2Aeu mae'jim, mae daeuh, mae zaemq, mae ndiang, mae'banq liak sowh aeu laenz naeh hoak Yixfuhdowh. 3Aeu jim ti hoak ndeaj mbangmbej, daet baenz mae liak, hawj sowh puj hoakroiz seb naeh aeu daj mae daeuh, mae zaemq, mae ndiang zaemh daemq. 4Hoak song sai rongzmbaq, hawj Yixfuhdowh kvaix baihnaj daj kvaix baihlaeng dungzrangh. 5Sairaengx daj Yixfuhdowh dungzrangh naeh, daj hoak Yixfuhdowh dungzlumj, aeu mae'jim, mae daeuh, mae zaemq, mae ndiang, mae'banq liak sowh aeu laenz naeh hoak, zawh hoakzaq Yez'hoahhuah yaix Moahciz naeh. 6Aeu maz song ndeaj maxnaux ndiang,#39:6 Maxnaux zawh sowh tin ux, biangz taeuq. hoak zaq kaeuz yinqzangz naeh kaeuz minxzwh sipngih goanz lug zaiz Yixsowhleh, aeu paenqdix doj bae ndaw zoa jim. 7Aeu song ndeaj maxnaux naeh doj mwz song sai rongzmbaq Yixfuhdowh naeh, hawj puj Yixsowhleh yuq ndaw zaw Yez'hoahhuah, zawh hoak zaq Yez'hoahhuah yaix Moahciz naeh.
Hoak Cungzpaih
8Dix hawj sowh puj hoakroiz seb naeh hoak kvaix cungzpaih ux, daj hoak Yixfuhdowh dungzlumj, aeu mae'jim, mae daeuh, mae zaemq, mae'ndiang, mae'banq liak sowh aeu laenz naeh hoak. 9Cungzpaih baenz siq jimq, hoak song laeb, hawj baih laengriz riz hub ux, baih laengdeanj riz hub ux. 10Now cungzpaih aeu bauxswh hoak siq rongh: Rongh nduq dix zawh tinngaeuz ndiang, tinngaeuz henj, tinngaeuz loak. 11Rongh daih ngih zawh tin loak, tinngaeuz daeuh, tinngaeuz maenq. 12Rongh daih sam zawh maxnaux zaemq, maxnaux kau, tinngaeuz zaemq. 13Rongh daih siq zawh tin'henj, maxnaux ndiang, viq qeu. Suq naeh aeu doj bae ndaw zoa jim. 14Hoakzaq kaeuz yinqzangz naeh, aeu minxzwh sipngih goanz lug zaiz Yixsowhleh kaeuz ndaw sipngih ndeaj tin naeh, ndeaj tin ux kaeuz aen minxzwh ux. Sipngih ndeaj tin naeh zawh hax sipngih ngah Yixsowhleh. 15Song sai aeu rangh cungzpaih naeh aeu jim gangq hoak, daj sowh zowg aeu pow naeh dungzlumj. 16Hoak song zoa jim daj song goangh jim, aeu paenqdix doj song jimq baihnow cungzpaih. 17Aeu song sai jim aeu pow naeh ndonj song goangh jim doj to cungzpaih naeh. 18Song sai jim aeu pow naeh to ndai aeu dix rangh baihnaj song zoa jim yuq rongzmbaq Yixfuhdowh naeh. 19Daeuq hoak song goangh jim, aeu dix doj song jimq baihdawj cungzpaih, aeu dix doj baihndaw Yixfuhdowh. 20Daeuq hoak song goangh jim, aeu dix doj baihdawj song sai Yixfuhdowh dih daj sairaengx dungzmex naeh, sairaengx Yixfuhdowh zawh aeu daemq hoak. 21Aeu mae daeuh qiat Yixfuhdowh daj goangh jim cungzpaih naeh, hawj paenqdix dungzrangh, hawj cungzpaih daeb baihnow sairaengx Yixfuhdowh naeh, hawj paenqdix dungzrangh naeuz jinx ux, hoakzaq Yez'hoahhuah yaix Moahciz naeh.
Hoak Sowj Na
22Dix aeu mae daeuh gangq daemq hoak gongz sowj na ux, nungh baihndaw Yixfuhdowh. 23Hoak hozsowj, hozsowj aeu sowh paeng daemq naeh gob, daj hoak sowh hozsowj aeu nungh dungzsaeuh naeh dungzlumj, hoakzaqnaeh zux mboq rux riag. 24Din sowj dix aeu mae daeuh, mae zaemq, mae ndiang daj sowh mae'banq si liak aeu laenz naeh hoak maegsan. 25Dix daeuq aeu jim gangq hoak liangz, aeu liangz doj jinghzang maegsan. 26Din sowj doj lengz daj maegsan, doj aen liangz jim ux, doj aen maegsan ux, doj aen liangz jim ux, doj aen maegsan ux, yowngh jeg yowngh. Gongz naeh mbud dij Sen gaurawz nungh, hoakzaq Yez'hoahhuah yaix Moahciz naeh.
Hoak Sowj Riz
27 Bixsaxleh aeu sowh paeng aeu mae'banq liak daemq naeh saeh Yaqlunh daj le lug zaiz Yaqlunh hoak sowjriz, 28aeu sowh paeng aeu mae'banq liak hoak naeh hoak duz daj hoak paj, 29aeu mae'banq liak sowh aeu laenz naeh, mae daeuh, mae zaemq, mae'ndiang hoak sairaengx, sairaengx hawj sowh puj hoakroiz seb naeh va, hoakzaq Yez'hoahhuah yaix Moahciz naeh.
Kvaix Doqnaj Paj Naeh
30Aeu jim gangq hoak kvaix doj now paj naeh, now kvaix naeh daj kaeuz yinqzangz dungzlumj kaeuz: "Zawh gaenq Yez'hoahhuah." 31Aeu laenj mae daeuh liak ux, aeu kvaix naeh doj mwz baihnaj paj, hoakzaq Yez'hoahhuah yaix Moahciz naeh.
Aen Zangjpungh Dij Sen Daj Za'hoq Ndaw Dix hoak Ndae Nauq
32Zangjpungh dij Sen gaj yowngh gaj hoak ndae nauq, Yez'hoahhuah hoakrawz yaix Moahciz, dij goanz Yixsowhleh zoq hoakzaqrawz hoak. 33Paenqdix aeu zangjpungh dij Sen daj sowh za'hoq zangjpungh dij Sen naeh maz dih Moahciz naeh, zoq zawh koa kven paeng, tejpa, maexkvang, saeu, sowh zoa aeu saeu doj naeh, 34naeng dij mbej taek sowh aeu nyomx ndiang aeu gumq now zangjpungh naeh, sowh naeng naemx bae ndaw dix mboq ndaej aeu gumq niangz zangjpungh naeh, kvaix paeng aeu yaz ruk dij Sen naeh, 35aen gvih dungzdingq, maextam aen gvih, pa'gvih, 36aen zongz, za'hoq aen zongz, sowh binx aeu baiz doqnaj dij Sen naeh, 37rax daeng aeu jim gangq hoak naeh, zoa daeng, za'hoq aen daeng, yuz daeng, 38aen diamj ciang aen aeu jim hoak naeh, yuz aeu daz, ciang hom, kvaix paeng yaz baegdu zangjpungh naeh, 39aen kuq aeu dongz gob naeh, ka'goi doj ndaw kuq naeh, maextam aen kuq, za'hoq aen kuq, banz, aen aeu banz nyaengx now dix naeh, 40sowh paeng aeu dingz gumhhongh naeh, saeu, sowh zoa aeu saeu doj now dix naeh, kvaix paeng yaz baegdu gumhhongh naeh, zowg, dengdinz, za'hoq ndaw zangjpungh dij Sen, 41sowh ndangnungh puj hoakroiz seb hoak naeh, sowh ndangnungh puj mbud dij Sen Yaqlunh daj le lug zaiz dix nungh mbud dij Sen naeh, 42suq najgaengx naeh, Yez'hoahhuah hoakzaqrawz yaix Moahciz, dij goanz Yixsowhleh zoq hoakzaqrawz hoak. 43Gaenq paenqdix hoak naeh, Moahciz bae hoak yowngh hoak yowngh lez, gaj yowngh gaj hoak daj gaenq Yez'hoahhuah yaix naeh dungzlumj, Moahciz zoq vanz dij Sen gumx paenqdix.
လက္ရွိေရြးခ်ယ္ထားမွု
Ni Aizjih 39: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.