Ni Aizjih 37
37
Hoak Aen Gvih Dij Sen
1 Bixsaxleh aeu maex ciztimh hoak aen gvih ux, riz song azmax mbengj,#37:1 Azmax ux riz baenzzaq qensog mwz taeng byai mungz naeh. deanj azmax mbengj, sung azmax mbengj. 2Haenz gvih, ndaw gvih gaj dih gaj aeu jim gangq gob, siq haenz aeu jim hoak laeb ux. 3Dix daeuq hoak siq goangh jim, aeu doj siq ka aen gvih, baih ux song goangh. 4Dix aeu maex ciztimh hoak song saenj maextam, song saenj maextam naeh goj aeu jim gob. 5Aeu maextam ndonj song goangh jim tam gvih. 6Dix aeu jim gangq hoak pa'gvih, riz song azmax mbengj, deanj azmax mbengj. 7Aeu jim ti hoak song goanz Jizluqboah, hawj paenqdix yuq song haenz pa dix. 8Song baih, baih ux miz goanz Jizluqboah ux, hawj Jizluqboah daj pa dix dungzrangh. 9Song goanz Jizluqboah yuq baihnow aj bik, yaz zoah pa dix, song goanz Jizluqboah ueq maz dungzdoq, lez bae doq pa dix.
Hoak Aen Zongz
10 Bixsaxleh aeu maex ciztimh hoak aen zongz ux, riz song azmax, deanj azmax ux, sung azmax mbengj. 11Daengz aen zongz aeu jim gangq gob, siq haenz aeu jim hoak laeb ux. 12Now zongz hoak haenz, haenz dix sung pajmungz ux, haenz dix daengz siq haenz aeu jim hoak laeb ux. 13Hoak siq goangh jim, aeu paenqdix doj siq ka zongz, dih jimq zongz naeh, 14dih yuq zawj laeb haenz zongz naeh, aeu dix ndonj maextam, hoakzaqnaeh zux tam ngaih. 15Maextam aeu maex ciztimh hoak, aeu jim gob, aeu dix tam zongz. 16Aeu jim gangq hoak za'hoq aen zongz, zoq zawh panx, baed, aen zung daj aen pinh. Aen zung daj aen pinh zawh aeu deq sowh laeuj aeu zoaj mbud naeh.
Hoak Rax Daeng
17 Bixsaxleh aeu jim gangq hoak rax daeng ux, aen naeh aeu choih ti, ti din dix, raengx dix, zung dix, ndog dix, daengzle dungzrangh. 18Rax naeh miz choak ngah, doj song baih, baih ux sam ngah. 19Ngah ux miz sam ndog, daj ndog maegpung dungzlumj, daengz choak ngah gaj ngah gaj hoakzaqnaeh. 20Raengx dix miz siq ndog, daj ndog maegpung dungzlumj. 21Sam ndog baihdawj naeh, ndog dangq ndog haeg yuq goak song ngah dungzpiang naeh. 22Ndog dix, ngah dix, daengzle zawh aeu kvaix jim dog ti hoak. 23Aeu jim gangq hoak jiat zoa daeng, dau daet mownz daeng daj aen panx aeu dej mownz daeng. 24Dix aeu tazleanhdowh jim gangq ux hoak rax daeng naeh daj za'hoq rax daeng naeh.#37:24 Tazleanhdowh ux zoq zawh jiatsip-haj gaen.
Hoak Aen Diamj Ciang
25 Bixsaxleh aeu maex ciztimh hoak aen diamj ciang ux, laengriz azmax ux, laengdeanj azmax ux, baenz siq jimq, sung song azmax. Siq jimq dix hoak siq kaeu, siq kaeu naeh hawj daj aen dix dungzrangh. 26Aen diamj ciang naeh, aeu jim gob now dix, haenzhenz dix, siq kaeu dix. Siq haenz dix aeu jim hoak laeb ux. 27Song haenz dix dih baihdawj laeb jim naeh doj song goangh jim, aeu maextam ndonj goangh jim, aeu tam aen diamj ciang. 28Aeu maex ciztimh hoak maextam, maextam aeu jim gob. 29Hoak zaq sowh puj hoak gaenqhom hoak naeh, hoak yuz puj mbud dij Sen daj ciang hom.
လက္ရွိေရြးခ်ယ္ထားမွု
Ni Aizjih 37: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.