Sáni Lúkasï 24
24
Jesusiri tsíntskua
(Mt 28.1-10; Mk 16.1-8; Jn 20.1-10)
Ka sábaduksï mintsikorhespti eska juramukua na arhik'a, 1ka ménteru dominku jurhiatekuaksï uarhiticha xarhentku niraspti ka p'untsumekuaksï páspti enkaksï tánapka. 2Enkaksï niárapka, tsakapu t'uíni kéntitakata jarhasptia. 3Ka inchasptiksï ka Jesusi t'uíni nóteru jarhania. 4Ka ískuksï pakareraspti ísï exerini; ka jimak'uksï xarhakuaspti tsimani acheticha, anhaxurhitinksï jarhani ma akantani, meremerekjasï ampeksï xukuparharini. 5Kánekua chéparinksï tinkuixurhispti iámu kápatserani; ka imaksï acheticha arhiaspti:
–¿Ima tsípiti jarhasti, antits'ïsï uarhiriricha jinkuni jirinhantani jaki? 6Nóteru ixu jarhastia, tsíntastia. Míantsï je ampe enkaksïni arhika enka útasï Galilea jámani jápka; 7arhistiksïni eska acheti Uáp'a jatsipirinka k'amanharhintstichani intsïnharhitanhani, eskaksï krúsirhu cháparhatapirinka ka eska tanimu jurhia jimpo tsíntapirinka.
8Imaksï jiák'ani miántaspti ampe enka Jesusi uantapka, 9ka uarhitichaksï uarhiri jatsintskuarhu uératini k'uanhatsentaspti témpeni ma jurhenkorherichani ka iámentuechani iámu ampe aiankuani. 10Maria Magdalena ka Juana, ka Maria enka Santiagueri nánte jémpepka ka máteru uarhitichaksï jurhenkorherichani aiankuaspti. 11Ka jurhenkorherichaksï no jakak'ukuasïrempti, ka arhiasïremptiksï eskaksï ísku ampemasï uantani jápka.
12Pédru k'óru uiriapaspti jima enka jatsinhantapka; ka enka eranhapka, takusïterkusï jima jáptia. Ka níntaspti ísku pakareratini enka ísï úkorhepka.
Emausï nirani jámani
(Mk 16.12-13)
13Ima jurhiatekuat'uksï tsimani jurhenkorhericha Emausi iretarhu niraxapti, imani iretarhu enka Jerusalenini témpeni ka ma kilometru jarharetini jaka. 14Imani ampeksï uantaxepaxapti enka úkorhepka. 15Enkaksï uantaxeni ka uinhamarhetsperapani jápka, Jesusi antarheraaspti ka márkuksï xanharapaxaptia. 16Ka náuek'iksï exeni jápka ampe ma no jiáretaasïrempti eskaksï mítent'apirinka.
17Ka Jesusi kurhamarheaspti:
–¿Ampets'ï uantaxepaxaki?
Ka imaksï kánekua kómu ninharhiparini anhaxurhispti, 18ka ima ma isï enka Kleofasi arhinhempka kurhakorhespti:
–¿Péka t'úk'u uérakua ireti no mítetini jaka ampe enka arini jurhiatekuechani Jerusaleni úkorheka?
19Ka ima kurhamarheaspti:
–¿Anti ampe úkorheski?
Ka imaksï arhispti:
–Nasareti anapu Jesusiri ampe, ima k'éri ma Diósïri uantarispti ka iretani japarini ka úkua jimpo ka uantakua jimpo Diósïni xarhatasïrempti; 20ka enkaksï tátecha ka juchari juramuticha intsïnharhitpeka uantikutarkorheni ka eskaksï krúsirhu cháparhatapirinka. 21Jucha mintsikaxapka eska ima Israelichani p'ímutant'a'apirinka. Enka úka, tanimu jurhiauestia enka ísï ampe úkorheka. 22Nák'irukats'ïni máru uarhiticha chéraka, jimpokaksï xarhentku niraska jima enka jatsinhantaka, 23ka ískuksï k'uanhatsentasti jimpoka Jesusi nóteru jima jarhaspkia. Ka uantant'a'stiksï eskaksï ánjelicha máru xarhakuaska ka eskaksïnha arhiaska eska Jesusi tsípiti jámaxaka. 24Máruksï juchari pámpetpiricha nirasti jima enka jatsinhantapka ka ísïnha jarhasti eskaksï uarhiticha na uantant'a'ka, ka Jesusinksïnha nóteru xéntasptia.
25Jimak'ani Jesusi arhiaspti:
–¡Na enkats'ï xáni no kurhankuk'a ka na enkats'ï xáni ióntak'a jakak'uni imani ampe enkaksï xáni Diósïri uantaricha uantaka! 26¿Anti no jatsipirini Úch'akurakata íni ampe urheta úkorhenchani, enka nótki k'érikuarhu pénhantani japirinka?
27Tátsekua úntaspti jánhastaani iámentu ampe enka imeri ampe karakata arhik'a, enka Moisesiri karakatarhu uénanitki arhik'a ka chúnkuramani iámentu karakatecharhu ka enka Diósïri uantaricheri jamperi arhik'a.
28Enkaksï na niárapka imani iretarhu enkaksï eraapani jápka, Jesusi ísï niraspti énak'i urhetatakorhepirini. 29Ka imaksï uinhapetarhu p'ínkuspti arhiparinksï:
–Ixuk'u pakara jimpoka xatiniskia, chúrexatiia.
Ka Jesusi imechani jinkuni pakaraspti. 30Enkaksï na t'ireni jámempkia kurhinta p'íkuspti ka úch'akuraspti, arhukuspti ka íntsaani. 31Jimaksï jánhaskantaspti ka mítent'ani eska Jesusipka; k'óru ima jimak'u nónespti. 32Ka imaksï arhip'erasïrempti:
–Jimpochisï mintsitarhu tixanheni jápka enkats'ïni uantaxechepunkuani jápka, ka jimpots'ïnisï karakata jánhastapunkuani jápti ¡Ano!
33K'uanhap'atsesptiksï Jerusaleni, ka témpeni ma jurhenkorherichani ka imecheri pámpetpirichanksï tánkorhent'atixapti, 34imechanksï arhiaspti:
–Sési jimpo Acha tsíntastia, ka Simonini xarhakusti.
35Jimak'anksï ima tsimarheni aiankuaspti eskaksï ima na jámapka, ka néna enkaksï mítent'apka Jesusini enka kurhinta íntsani jápka.
Na enka Jesusi jurhenkorherichani xarhakuantaapka
(Mt 28.16-20; Mk 16.14-18; Jn 20.19-23)
36Útasïksï interi ampe uantaxexapti, enka Jesusi teruk'ani niárakuaaka ka arisï arhiaparini uantap'aani:
–Sési jakuaksïni janochesti.
37Imaksï kánekua chérakorhespti, uantaparini eskaksï ánimanisï ma exeni jápka. 38Enka úpka Jesusi arhiaspti:
–¿Antits'ïsï chérakorhetini jaki? ¿Antits'ïsï tsimanitsimanheak'i? 39Jíska, erak'uts'ïni ka erantukuts'ïni, p'árhets'ïni ka exets'ïni: Ánima ma k'uiripeta ka únichani no jukaasïnti, eskats'ïni cha jínteni na xéni jaka.
40Enka ísï arhiapka, ima ják'i ka jantsiri exeraaspti. 41Ka enkaksï ima útasï no úempka jakak'uni, xáni tsípeni ka xáni nónanimaru p'ikuarheratini, Jesusi kurhamarheaspti:
–¿T'irekuats'ï no sáni jatsiski?
42Kurucha pámakataksï sáni íntskuspti, 43ka ima euaaspti ka arhani ka imaksï eramukuspti.
44Tátsekua Jesusi arhiaspti:
–Imani ampesïni úkorhenchaka enkaksïni aiankupkia enkani útasï chánksïni jinkuni jámani jápka: Eska iámu ampe jatsipirinka úkorheni eska jima Moisesiri juramukuarhu ka Diósïri uantaricheri karakatecharhu ka pirekuecharhu jucheti ampe na karakata jaka.
45Karakatechani jimak'ani kurhankutaraaspti 46ka arhiaspti:
–Karakata jarhasti eska Krístu uarhipirinka, ka eska tanimu jurhia jimpo tsíntapirinka, 47ka eska iámentu iretecharhu imeri jakankuarhikua jimpo aiankperanhapirinka eska Diósïni antarheranhantaaka, ka eska k'amanharhintskuechani púakuantauaka. Jerusaleni uénani, 48cháts'ï íni ampesï uantant'a'aka. 49Ka jíksïni axacheaka imani enka jucheti Táte aiatspeka. K'óru cha ixu Jerusaleni iretarhu pakara je, jiák'ani jamperi enkats'ï auantarhu anapu uinhapekua intsïnhaaka.
Jesusi karhanchent'asti
(Mk 16.19-20)
50Tátsekua Jesusi jurhenkorherichani iretarhu petaataaspti, Betania jamperi páaspti ka ják'i tarhatatini úch'akuraaspti. 51Ka enka na úch'akuraani jápka jarhareantaaspti ka auantarhu pánhantaspti.
52Enkaksï ima na k'éri ampe arhipka, Jerusaleniksï kánekua tsípeparini k'uanhatsentaspti. 53Ka méntkuksï tiósïo jarhasptia, Diósïni k'éri ampe arhini.
လက္ရွိေရြးခ်ယ္ထားမွု
Sáni Lúkasï 24: BI-PURHE
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblia en P´urhépecha, Michoacán, México © Sociedad Bíblica de México, A.C.
Sáni Lúkasï 24
24
Jesusiri tsíntskua
(Mt 28.1-10; Mk 16.1-8; Jn 20.1-10)
Ka sábaduksï mintsikorhespti eska juramukua na arhik'a, 1ka ménteru dominku jurhiatekuaksï uarhiticha xarhentku niraspti ka p'untsumekuaksï páspti enkaksï tánapka. 2Enkaksï niárapka, tsakapu t'uíni kéntitakata jarhasptia. 3Ka inchasptiksï ka Jesusi t'uíni nóteru jarhania. 4Ka ískuksï pakareraspti ísï exerini; ka jimak'uksï xarhakuaspti tsimani acheticha, anhaxurhitinksï jarhani ma akantani, meremerekjasï ampeksï xukuparharini. 5Kánekua chéparinksï tinkuixurhispti iámu kápatserani; ka imaksï acheticha arhiaspti:
–¿Ima tsípiti jarhasti, antits'ïsï uarhiriricha jinkuni jirinhantani jaki? 6Nóteru ixu jarhastia, tsíntastia. Míantsï je ampe enkaksïni arhika enka útasï Galilea jámani jápka; 7arhistiksïni eska acheti Uáp'a jatsipirinka k'amanharhintstichani intsïnharhitanhani, eskaksï krúsirhu cháparhatapirinka ka eska tanimu jurhia jimpo tsíntapirinka.
8Imaksï jiák'ani miántaspti ampe enka Jesusi uantapka, 9ka uarhitichaksï uarhiri jatsintskuarhu uératini k'uanhatsentaspti témpeni ma jurhenkorherichani ka iámentuechani iámu ampe aiankuani. 10Maria Magdalena ka Juana, ka Maria enka Santiagueri nánte jémpepka ka máteru uarhitichaksï jurhenkorherichani aiankuaspti. 11Ka jurhenkorherichaksï no jakak'ukuasïrempti, ka arhiasïremptiksï eskaksï ísku ampemasï uantani jápka.
12Pédru k'óru uiriapaspti jima enka jatsinhantapka; ka enka eranhapka, takusïterkusï jima jáptia. Ka níntaspti ísku pakareratini enka ísï úkorhepka.
Emausï nirani jámani
(Mk 16.12-13)
13Ima jurhiatekuat'uksï tsimani jurhenkorhericha Emausi iretarhu niraxapti, imani iretarhu enka Jerusalenini témpeni ka ma kilometru jarharetini jaka. 14Imani ampeksï uantaxepaxapti enka úkorhepka. 15Enkaksï uantaxeni ka uinhamarhetsperapani jápka, Jesusi antarheraaspti ka márkuksï xanharapaxaptia. 16Ka náuek'iksï exeni jápka ampe ma no jiáretaasïrempti eskaksï mítent'apirinka.
17Ka Jesusi kurhamarheaspti:
–¿Ampets'ï uantaxepaxaki?
Ka imaksï kánekua kómu ninharhiparini anhaxurhispti, 18ka ima ma isï enka Kleofasi arhinhempka kurhakorhespti:
–¿Péka t'úk'u uérakua ireti no mítetini jaka ampe enka arini jurhiatekuechani Jerusaleni úkorheka?
19Ka ima kurhamarheaspti:
–¿Anti ampe úkorheski?
Ka imaksï arhispti:
–Nasareti anapu Jesusiri ampe, ima k'éri ma Diósïri uantarispti ka iretani japarini ka úkua jimpo ka uantakua jimpo Diósïni xarhatasïrempti; 20ka enkaksï tátecha ka juchari juramuticha intsïnharhitpeka uantikutarkorheni ka eskaksï krúsirhu cháparhatapirinka. 21Jucha mintsikaxapka eska ima Israelichani p'ímutant'a'apirinka. Enka úka, tanimu jurhiauestia enka ísï ampe úkorheka. 22Nák'irukats'ïni máru uarhiticha chéraka, jimpokaksï xarhentku niraska jima enka jatsinhantaka, 23ka ískuksï k'uanhatsentasti jimpoka Jesusi nóteru jima jarhaspkia. Ka uantant'a'stiksï eskaksï ánjelicha máru xarhakuaska ka eskaksïnha arhiaska eska Jesusi tsípiti jámaxaka. 24Máruksï juchari pámpetpiricha nirasti jima enka jatsinhantapka ka ísïnha jarhasti eskaksï uarhiticha na uantant'a'ka, ka Jesusinksïnha nóteru xéntasptia.
25Jimak'ani Jesusi arhiaspti:
–¡Na enkats'ï xáni no kurhankuk'a ka na enkats'ï xáni ióntak'a jakak'uni imani ampe enkaksï xáni Diósïri uantaricha uantaka! 26¿Anti no jatsipirini Úch'akurakata íni ampe urheta úkorhenchani, enka nótki k'érikuarhu pénhantani japirinka?
27Tátsekua úntaspti jánhastaani iámentu ampe enka imeri ampe karakata arhik'a, enka Moisesiri karakatarhu uénanitki arhik'a ka chúnkuramani iámentu karakatecharhu ka enka Diósïri uantaricheri jamperi arhik'a.
28Enkaksï na niárapka imani iretarhu enkaksï eraapani jápka, Jesusi ísï niraspti énak'i urhetatakorhepirini. 29Ka imaksï uinhapetarhu p'ínkuspti arhiparinksï:
–Ixuk'u pakara jimpoka xatiniskia, chúrexatiia.
Ka Jesusi imechani jinkuni pakaraspti. 30Enkaksï na t'ireni jámempkia kurhinta p'íkuspti ka úch'akuraspti, arhukuspti ka íntsaani. 31Jimaksï jánhaskantaspti ka mítent'ani eska Jesusipka; k'óru ima jimak'u nónespti. 32Ka imaksï arhip'erasïrempti:
–Jimpochisï mintsitarhu tixanheni jápka enkats'ïni uantaxechepunkuani jápka, ka jimpots'ïnisï karakata jánhastapunkuani jápti ¡Ano!
33K'uanhap'atsesptiksï Jerusaleni, ka témpeni ma jurhenkorherichani ka imecheri pámpetpirichanksï tánkorhent'atixapti, 34imechanksï arhiaspti:
–Sési jimpo Acha tsíntastia, ka Simonini xarhakusti.
35Jimak'anksï ima tsimarheni aiankuaspti eskaksï ima na jámapka, ka néna enkaksï mítent'apka Jesusini enka kurhinta íntsani jápka.
Na enka Jesusi jurhenkorherichani xarhakuantaapka
(Mt 28.16-20; Mk 16.14-18; Jn 20.19-23)
36Útasïksï interi ampe uantaxexapti, enka Jesusi teruk'ani niárakuaaka ka arisï arhiaparini uantap'aani:
–Sési jakuaksïni janochesti.
37Imaksï kánekua chérakorhespti, uantaparini eskaksï ánimanisï ma exeni jápka. 38Enka úpka Jesusi arhiaspti:
–¿Antits'ïsï chérakorhetini jaki? ¿Antits'ïsï tsimanitsimanheak'i? 39Jíska, erak'uts'ïni ka erantukuts'ïni, p'árhets'ïni ka exets'ïni: Ánima ma k'uiripeta ka únichani no jukaasïnti, eskats'ïni cha jínteni na xéni jaka.
40Enka ísï arhiapka, ima ják'i ka jantsiri exeraaspti. 41Ka enkaksï ima útasï no úempka jakak'uni, xáni tsípeni ka xáni nónanimaru p'ikuarheratini, Jesusi kurhamarheaspti:
–¿T'irekuats'ï no sáni jatsiski?
42Kurucha pámakataksï sáni íntskuspti, 43ka ima euaaspti ka arhani ka imaksï eramukuspti.
44Tátsekua Jesusi arhiaspti:
–Imani ampesïni úkorhenchaka enkaksïni aiankupkia enkani útasï chánksïni jinkuni jámani jápka: Eska iámu ampe jatsipirinka úkorheni eska jima Moisesiri juramukuarhu ka Diósïri uantaricheri karakatecharhu ka pirekuecharhu jucheti ampe na karakata jaka.
45Karakatechani jimak'ani kurhankutaraaspti 46ka arhiaspti:
–Karakata jarhasti eska Krístu uarhipirinka, ka eska tanimu jurhia jimpo tsíntapirinka, 47ka eska iámentu iretecharhu imeri jakankuarhikua jimpo aiankperanhapirinka eska Diósïni antarheranhantaaka, ka eska k'amanharhintskuechani púakuantauaka. Jerusaleni uénani, 48cháts'ï íni ampesï uantant'a'aka. 49Ka jíksïni axacheaka imani enka jucheti Táte aiatspeka. K'óru cha ixu Jerusaleni iretarhu pakara je, jiák'ani jamperi enkats'ï auantarhu anapu uinhapekua intsïnhaaka.
Jesusi karhanchent'asti
(Mk 16.19-20)
50Tátsekua Jesusi jurhenkorherichani iretarhu petaataaspti, Betania jamperi páaspti ka ják'i tarhatatini úch'akuraaspti. 51Ka enka na úch'akuraani jápka jarhareantaaspti ka auantarhu pánhantaspti.
52Enkaksï ima na k'éri ampe arhipka, Jerusaleniksï kánekua tsípeparini k'uanhatsentaspti. 53Ka méntkuksï tiósïo jarhasptia, Diósïni k'éri ampe arhini.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblia en P´urhépecha, Michoacán, México © Sociedad Bíblica de México, A.C.