Sáni Lúkasï 23
23
Jesusi Pilatuni japarini
(Mt 27.1-2,11-14; Mk 15.1-5; Jn 18.28-38)
1Iámentuechaksï jauaraspti, ka Jesusinksï Pilatuni pákuspti. 2Pilatuni japarinksï uénaspti Jesusini arhinharhikuni, uantaparini:
–Íni achetinchi p'iáraska juchari iretani támu ísï jánhastani jarhani. Uantasïnti eskachi Sésarini no maiamuaka, ka támu uantasïnti eska inte irecheska, eska Krístueska.
3Pilatu kurhamarhesti:
–¿Jeteru, t'u judiouecheri Irecheski?
Ka Jesusi arhispti:
–T'úri ísï uantaska.
4Jimak'ani Pilatu tátecheri urhets'ïkurichani ka máteruechani arhiaspti:
–Nómpema xékuntasïnka íni achetini enkani k'amanharhitarantaaka.
5Ka imaksï sánteru uinhamu arhisïrempti:
–Ampe enka inte jurhentpeni jaka, iámu iretani manataxati. Galilea uénasti, ka iásï ixu Judea ísï jámaxatiia.
Jesusi Erodisini japarini
6Enka ísï kurhapka, Pilatu kurhankorhespti ísïspki eska ima Galilea anapuespka. 7Ka enka na mítepka eska Erodesi juramutispka jini enka Jesusi anapuepka, imani axakuspti jimpoka imat'u imani jurhiatekuechani isï Jerusaleni jámaxapka. 8Enka Erodesi Jesusini exepka, kánekua tsípespti, jimpoka ióni uekaspkia míteni, jimpoka imeri ampe t'uíni aiankunhasïrempkia ka uéksïrempti exeni eska milagru ma úpirinka. 9Uánekua ampe kurhamarhespti, ka Jesusi nómpema mókukuspti. 10Tátecheri urhets'ïkuricha ka juramukua jurhentpirichat'uksï chúxapaspti ka inchats'ïmantaxaptiksï ampe arhiparhatani. 11Erodesi ka imeri p'urhek'utichaksï nósesi kámaspti ka teresmarhunksï, ampakiti takusï irecherini jásïksï jatsikuspti. Tátsekua Erodesi ménteru Pilatuni axakuntaspti. 12Ima jurhiatekuaksï ménteru Pilatu Erodesi jinkuni sési p'áp'erantaspti, enkaksï urheta ikiatsperatini jápka.
Jesusi uantikutarkorhenhasti
(Mt 27.15-26; Mk 15.6-15; Jn 18.39—19.16)
13Jimak'ani Pilatu tátecheri urhets'ïkurichani ka ireteri achechani ka iámu iretani tánantaspti, 14ka arhip'espti:
–Íni achetintsïni cha juácheska, arhiparhatasïnkats'ï eska iretani támu ísï jánhastasïnka; ka ji kurhamarheskia chánksïni japarini, ka nómpema xékuntaska imani ampe enkats'ï xáni arhiparhatak'a. 15Ka Erodesit'u nómpema xékuntasti, jimpots'ïnisï axachent'ati. Xéxakats'ïa, nómpema xáni k'éri kántspesïnti enka jukanchaka atanhani uántikunhani. 16Ji k'uikirhetarkorheaka ka tátsekua jurak'uakia.
17[Jimak'ani isï p'intekuespti k'atakata ma kuínchekuarhu jurak'unhani.]
18Enka úpka, iámentuechaksï uénaspti uinhachani:
–¡Inteni ásï jurak'u! ¡Barrabasintsïni jurak'uche!
19Barrabasïnksï k'ataperakuarhu jatsispti jimpoka iretani manataspka, ka jimpoka atap'espka uántikpeni, 20ka Pilatu, ménteru arhiaspti Jesusini jurak'ukuekani; 21ka imaksï sánteru uinhachaspti:
–¡Krúsirhu cháparhata! ¡Krúsirhu cháparhata!
22Tanimu uéntani jámani Pilatu arhiaspti:
–¿Anti ampechkamentu nósesi niátaski? Ji nómpema xékuntasïnka enka jimpo jukanchaka eska atanhaaka uántikunhani. K'uikirhetarkorheaka ka tátsekua jurak'uaaka.
23Ka imaksï sánteru méntku ísï uantani uinhachani, eska krúsirhu cháparhatanhapirinka; ka xánksï uinhachatini antaspti eska ísï úkorhepirinka eskaksï na uékani jápka. 24Pilatu juramuspti eska úkorhepirinka eska na kurhak'orhenhani jápka; 25ka ísï jimpo, jurak'ukuaspti imani enkaksï kurhak'orhepka enka iretarhu manatap'epka ka enka atap'ekua jimpo k'atakata jápka, ka juramuspti eskaksï Jesusini kámapirinka eskamentuksï na kurhak'orheni jápka.
Jesusi krúsirhu uarhisti
(Mt 27.32-44; Mk 15.21-32; Jn 19.17-27)
26Ka enkaksï Jesusini krúsirhu cháparhatani páni jápka, Sirene anapu ma achetinksï jupikaspti, Simonini, enka jimesï antant'a'ni jápka, ka krúsiksï ichantitaspti ka Jesusinksï chúxatapani.
27Uánekuaksï chúxapaxapti ueparini ka uinhachaparini p'amok'uni, 28ka Jesusi erauaspti ka arhiani:
–Jerusaleni anapu nanecha, jínteni jimpo ásï uera je, cháts'ïsï p'amok'ukorheaka ka chári sapichani jimpo uera je. 29Jimpoka jurhiata janoaka enka uantanhaaka: Tsípeksï ima enkaksï no úk'a sapi káani, nanecha enkaksï no úka sapi káani ka nóksï ma sapini t'arhexerani. 30Jimak'anistia enka uénanhaaka juátechani arhiani: ¡Jatach'akuts'ïni! Ka k'úmstechani arhiani: ¡Jískats'ïni! 31Jimpoka ekaksï p'ukurini enka tsikini jaka ísï kámka, ¿P'ukuri uarhiakukatanksï nánti kámaaru?
32Máteruksï tsimani atap'itichani páaxapti krúsirhu cháparhataani. 33Enkaksï niárapka jima enka Uarhiri ép'u arhinhak'a, Jesusini ka tsimani atap'itichantuksï cháparhataaspti, ma t'irerkantani ka máteru uikixkantanksï cháparhataaspti, 34[Jesusi uantaspti: “Táte, púakuantsï, jimpokaksï no míteska ampeksïsï úni jaki.”]
Ka p'urhek'utichaksï ch'anakua jimpo arhunkurhispti Jesusiri xukuparhakuani.
35Jima janhaspti exenhani; ka juramuticha jamperiksï teresmarhusïrempti, uantaparini:
–Máteruechani p'ímutant'a'asti; eka sési jimpo inte Krístueka ka erakukateni iásï jantiok'u uérakue.
36P'urhek'utichat'uksï Jesusini teresmarhusïrempti. Antarherasïremptiksï ka kauikua tsîp'ekataksï inchachatasïrempti, 37arhiparinksï:
–¡Ekari judiouecheri irecheka, kuáp'ekorhe!
38Ka karakata ma jukarixapti imeri ép'urhu karhakua enka arhimpka: “I judiouecheri irechesti.”
39Ima ma isï atap'iti enkaksï tirhipanhapka, Jesusini arhinhchasïrempti:
–¡Ekari Krístueka, kuáp'ekorhechka ka kuáp'ets'ïni!
40Ka máteru xukaspti imani enka ísï arhipka, arhiparini:
–¿Nóri chérhesïnki Diósïni, enkari t'út'u méntkueni cháparhatakata jaka? 41Juchachi jurhimpekuarhu maiampexaka, jimpokachi nósesi niátaska; ka inte acheti nómpema nósesi niátasti.
42Tátsekua uantasptiteru:
–Jesusi, miántsïrini ekari na uénak'a juramuni.
43Jesusi arhispti:
–Sési jimpokini arhixaka eskari iásïtkisï auantarhu jínteni jinkuni jauaka.
Jesusiri uarhikua
(Mt 27.45-56; Mk 15.33-41; Jn 19.28-30)
44Teruxutini uératini ka ték'amatiru jamperi ma parhakpeni páp'akantespti. 45Tata jurhiata pátakorhespti ka tióstarhu arhunhatarakua teruk'ani karunhespti. 46Ka Jesusi uinhachaspti uantani:
–¡Táte, jucheti espiritunkini t'únkeni jurak'uchexaka!
Ka enka na ísï uantapka, uarhisptia.
47Enka Roma anapu p'urhek'uticheri k'éri exepka ampe enka úkorhepka, Diósïni k'éri ampe arhispti uantaparini:
–Sési jimpo i nómpema kántspesïrempti.
48Eska xáni janhapka, ka enkaksï exepka ampe enka úkorhepka, uánheparinksï kéntikuspti. 49Iámentu enka Jesusi míteapka iauankuksï jarhaspti; ka uarhitichat'uksï jima jarhaspti enkaksï Galilea uératinitki chúxapapka.
Jesusi jántasti
(Mt 27.57-61; Mk 15.42-47; Jn 19.38-42)
50Jarhaspti acheti kaxumpiti ma enka Arimatea anapuepka, enka Judea anapu ireteka. Judiouecheri tátecheri urhets'ïkurispti. 51Ima táta enka Jose arhinhempka, Diósïri irechekuani erokorhexapti ka no jaiapanhentaspti ampe enkaksï tátecha tánkorhekuarhu úskupka, 52ka niraspti Pilatuni uantaxekuni ka arhispti eska Jesusini jiák'utant'a'pirinka. 53Krúsirhu késkuntatini, takusï irhiirhitaspti ka p'orhonharhitakatarhu ma páspti jatsintani enka nótki nema jima jatsinhantani jápka. 54Ima jurhiatekuespti enka ampe tánakorhenhani janhak'a, jimpoka sábadu jurhiatekua uénaxamempkia.
55Ka uarhiticha enkaksï Jesusini Galilea uératinitki pámpepka, nirasptiksï exeni jima enka jántani jápka, ka exesptiksï néna enka péranhapka. 56Niántatinksï p'untsumekua ka atarhentskua ampe tánaspti.
လက္ရွိေရြးခ်ယ္ထားမွု
Sáni Lúkasï 23: BI-PURHE
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblia en P´urhépecha, Michoacán, México © Sociedad Bíblica de México, A.C.
Sáni Lúkasï 23
23
Jesusi Pilatuni japarini
(Mt 27.1-2,11-14; Mk 15.1-5; Jn 18.28-38)
1Iámentuechaksï jauaraspti, ka Jesusinksï Pilatuni pákuspti. 2Pilatuni japarinksï uénaspti Jesusini arhinharhikuni, uantaparini:
–Íni achetinchi p'iáraska juchari iretani támu ísï jánhastani jarhani. Uantasïnti eskachi Sésarini no maiamuaka, ka támu uantasïnti eska inte irecheska, eska Krístueska.
3Pilatu kurhamarhesti:
–¿Jeteru, t'u judiouecheri Irecheski?
Ka Jesusi arhispti:
–T'úri ísï uantaska.
4Jimak'ani Pilatu tátecheri urhets'ïkurichani ka máteruechani arhiaspti:
–Nómpema xékuntasïnka íni achetini enkani k'amanharhitarantaaka.
5Ka imaksï sánteru uinhamu arhisïrempti:
–Ampe enka inte jurhentpeni jaka, iámu iretani manataxati. Galilea uénasti, ka iásï ixu Judea ísï jámaxatiia.
Jesusi Erodisini japarini
6Enka ísï kurhapka, Pilatu kurhankorhespti ísïspki eska ima Galilea anapuespka. 7Ka enka na mítepka eska Erodesi juramutispka jini enka Jesusi anapuepka, imani axakuspti jimpoka imat'u imani jurhiatekuechani isï Jerusaleni jámaxapka. 8Enka Erodesi Jesusini exepka, kánekua tsípespti, jimpoka ióni uekaspkia míteni, jimpoka imeri ampe t'uíni aiankunhasïrempkia ka uéksïrempti exeni eska milagru ma úpirinka. 9Uánekua ampe kurhamarhespti, ka Jesusi nómpema mókukuspti. 10Tátecheri urhets'ïkuricha ka juramukua jurhentpirichat'uksï chúxapaspti ka inchats'ïmantaxaptiksï ampe arhiparhatani. 11Erodesi ka imeri p'urhek'utichaksï nósesi kámaspti ka teresmarhunksï, ampakiti takusï irecherini jásïksï jatsikuspti. Tátsekua Erodesi ménteru Pilatuni axakuntaspti. 12Ima jurhiatekuaksï ménteru Pilatu Erodesi jinkuni sési p'áp'erantaspti, enkaksï urheta ikiatsperatini jápka.
Jesusi uantikutarkorhenhasti
(Mt 27.15-26; Mk 15.6-15; Jn 18.39—19.16)
13Jimak'ani Pilatu tátecheri urhets'ïkurichani ka ireteri achechani ka iámu iretani tánantaspti, 14ka arhip'espti:
–Íni achetintsïni cha juácheska, arhiparhatasïnkats'ï eska iretani támu ísï jánhastasïnka; ka ji kurhamarheskia chánksïni japarini, ka nómpema xékuntaska imani ampe enkats'ï xáni arhiparhatak'a. 15Ka Erodesit'u nómpema xékuntasti, jimpots'ïnisï axachent'ati. Xéxakats'ïa, nómpema xáni k'éri kántspesïnti enka jukanchaka atanhani uántikunhani. 16Ji k'uikirhetarkorheaka ka tátsekua jurak'uakia.
17[Jimak'ani isï p'intekuespti k'atakata ma kuínchekuarhu jurak'unhani.]
18Enka úpka, iámentuechaksï uénaspti uinhachani:
–¡Inteni ásï jurak'u! ¡Barrabasintsïni jurak'uche!
19Barrabasïnksï k'ataperakuarhu jatsispti jimpoka iretani manataspka, ka jimpoka atap'espka uántikpeni, 20ka Pilatu, ménteru arhiaspti Jesusini jurak'ukuekani; 21ka imaksï sánteru uinhachaspti:
–¡Krúsirhu cháparhata! ¡Krúsirhu cháparhata!
22Tanimu uéntani jámani Pilatu arhiaspti:
–¿Anti ampechkamentu nósesi niátaski? Ji nómpema xékuntasïnka enka jimpo jukanchaka eska atanhaaka uántikunhani. K'uikirhetarkorheaka ka tátsekua jurak'uaaka.
23Ka imaksï sánteru méntku ísï uantani uinhachani, eska krúsirhu cháparhatanhapirinka; ka xánksï uinhachatini antaspti eska ísï úkorhepirinka eskaksï na uékani jápka. 24Pilatu juramuspti eska úkorhepirinka eska na kurhak'orhenhani jápka; 25ka ísï jimpo, jurak'ukuaspti imani enkaksï kurhak'orhepka enka iretarhu manatap'epka ka enka atap'ekua jimpo k'atakata jápka, ka juramuspti eskaksï Jesusini kámapirinka eskamentuksï na kurhak'orheni jápka.
Jesusi krúsirhu uarhisti
(Mt 27.32-44; Mk 15.21-32; Jn 19.17-27)
26Ka enkaksï Jesusini krúsirhu cháparhatani páni jápka, Sirene anapu ma achetinksï jupikaspti, Simonini, enka jimesï antant'a'ni jápka, ka krúsiksï ichantitaspti ka Jesusinksï chúxatapani.
27Uánekuaksï chúxapaxapti ueparini ka uinhachaparini p'amok'uni, 28ka Jesusi erauaspti ka arhiani:
–Jerusaleni anapu nanecha, jínteni jimpo ásï uera je, cháts'ïsï p'amok'ukorheaka ka chári sapichani jimpo uera je. 29Jimpoka jurhiata janoaka enka uantanhaaka: Tsípeksï ima enkaksï no úk'a sapi káani, nanecha enkaksï no úka sapi káani ka nóksï ma sapini t'arhexerani. 30Jimak'anistia enka uénanhaaka juátechani arhiani: ¡Jatach'akuts'ïni! Ka k'úmstechani arhiani: ¡Jískats'ïni! 31Jimpoka ekaksï p'ukurini enka tsikini jaka ísï kámka, ¿P'ukuri uarhiakukatanksï nánti kámaaru?
32Máteruksï tsimani atap'itichani páaxapti krúsirhu cháparhataani. 33Enkaksï niárapka jima enka Uarhiri ép'u arhinhak'a, Jesusini ka tsimani atap'itichantuksï cháparhataaspti, ma t'irerkantani ka máteru uikixkantanksï cháparhataaspti, 34[Jesusi uantaspti: “Táte, púakuantsï, jimpokaksï no míteska ampeksïsï úni jaki.”]
Ka p'urhek'utichaksï ch'anakua jimpo arhunkurhispti Jesusiri xukuparhakuani.
35Jima janhaspti exenhani; ka juramuticha jamperiksï teresmarhusïrempti, uantaparini:
–Máteruechani p'ímutant'a'asti; eka sési jimpo inte Krístueka ka erakukateni iásï jantiok'u uérakue.
36P'urhek'utichat'uksï Jesusini teresmarhusïrempti. Antarherasïremptiksï ka kauikua tsîp'ekataksï inchachatasïrempti, 37arhiparinksï:
–¡Ekari judiouecheri irecheka, kuáp'ekorhe!
38Ka karakata ma jukarixapti imeri ép'urhu karhakua enka arhimpka: “I judiouecheri irechesti.”
39Ima ma isï atap'iti enkaksï tirhipanhapka, Jesusini arhinhchasïrempti:
–¡Ekari Krístueka, kuáp'ekorhechka ka kuáp'ets'ïni!
40Ka máteru xukaspti imani enka ísï arhipka, arhiparini:
–¿Nóri chérhesïnki Diósïni, enkari t'út'u méntkueni cháparhatakata jaka? 41Juchachi jurhimpekuarhu maiampexaka, jimpokachi nósesi niátaska; ka inte acheti nómpema nósesi niátasti.
42Tátsekua uantasptiteru:
–Jesusi, miántsïrini ekari na uénak'a juramuni.
43Jesusi arhispti:
–Sési jimpokini arhixaka eskari iásïtkisï auantarhu jínteni jinkuni jauaka.
Jesusiri uarhikua
(Mt 27.45-56; Mk 15.33-41; Jn 19.28-30)
44Teruxutini uératini ka ték'amatiru jamperi ma parhakpeni páp'akantespti. 45Tata jurhiata pátakorhespti ka tióstarhu arhunhatarakua teruk'ani karunhespti. 46Ka Jesusi uinhachaspti uantani:
–¡Táte, jucheti espiritunkini t'únkeni jurak'uchexaka!
Ka enka na ísï uantapka, uarhisptia.
47Enka Roma anapu p'urhek'uticheri k'éri exepka ampe enka úkorhepka, Diósïni k'éri ampe arhispti uantaparini:
–Sési jimpo i nómpema kántspesïrempti.
48Eska xáni janhapka, ka enkaksï exepka ampe enka úkorhepka, uánheparinksï kéntikuspti. 49Iámentu enka Jesusi míteapka iauankuksï jarhaspti; ka uarhitichat'uksï jima jarhaspti enkaksï Galilea uératinitki chúxapapka.
Jesusi jántasti
(Mt 27.57-61; Mk 15.42-47; Jn 19.38-42)
50Jarhaspti acheti kaxumpiti ma enka Arimatea anapuepka, enka Judea anapu ireteka. Judiouecheri tátecheri urhets'ïkurispti. 51Ima táta enka Jose arhinhempka, Diósïri irechekuani erokorhexapti ka no jaiapanhentaspti ampe enkaksï tátecha tánkorhekuarhu úskupka, 52ka niraspti Pilatuni uantaxekuni ka arhispti eska Jesusini jiák'utant'a'pirinka. 53Krúsirhu késkuntatini, takusï irhiirhitaspti ka p'orhonharhitakatarhu ma páspti jatsintani enka nótki nema jima jatsinhantani jápka. 54Ima jurhiatekuespti enka ampe tánakorhenhani janhak'a, jimpoka sábadu jurhiatekua uénaxamempkia.
55Ka uarhiticha enkaksï Jesusini Galilea uératinitki pámpepka, nirasptiksï exeni jima enka jántani jápka, ka exesptiksï néna enka péranhapka. 56Niántatinksï p'untsumekua ka atarhentskua ampe tánaspti.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblia en P´urhépecha, Michoacán, México © Sociedad Bíblica de México, A.C.