Kueraakua 6
6
K'uiripueri no kurhantirakua
1Enka tatakecha uánenhani jápkia parhakpeni, nanakechat'uksï uánexapti, 2Diósï uáp'echaksï xénhchaaspti nanakechani k'uiripu uáp'echani, erakukorheasptiksï ka témpa úasptiksï. 3ACHA uantaspti: Jucheti espiritu no métku isï k'uiripu jinkuni jauati uarhipeni, ka no jurak'uaka eska ióni irekaaka, jimpoka k'uiripu k'uiripeteriska, kuímu ekuatse uéxurhini (120) irekaati.
4Imani jurhiatekua ísï, k'uiripu iót'arhechaksï jarhaspti parhakpenirhu, enkaksï tatakecha Diósï uáp'echa nanaka k'uiripu uáp'echani kueraapka, ka iót'arhechaniksï uáp'echani káaspti, imaksï p'urhek'utispti ka uánekua uarhipeta antaspti ka iápuruksï mítekatespti.
5ACHA exespti eska k'uiripu kánekua k'amanharhint'axapka parhakpenirhu, ka eskaksï méntu isï no sési eratseni jarhasïrempka úni. 6ACHA no sési p'ikuarheraspti ka mintsita ataspti enka isï k'uiripuni kueraapka parhakpenirhu. 7ACHA uantaspti: K'amantskaaka k'uiripuni enkani kueraaka, ka k'amantskaaka manakorherichani, káratichani ka antsikorheticha. ¡No sési p'ikuarheraska isï kueraarini!
8ACHA kánekua jaiapanhentaspti Noéri kaxumpekuani.
Nóe k'éri icharhuta úspti
9Noé kaxumpitispti ka méntku ísï irekaspti, ka méntku ísï Diósïni janhanharhiparini irekaspti, íksï jintespti Noéri sïrukuecha:
10Noé tanimu tata sapichani kóntenhaspti: Semi, Kami ka Jafeti.
11Diósï exespti eska parhakpenirhu kánekua no sési irenhaspka, jukari uántikperanhani. 12Diósï exespti eska k'uiripu parhakpenirhu kánekua no kurhantiranhasïrempka, k'uiripuecha kánekua no sési irekaspka. 13Diósï arhispti Noéni: Eratseskia k'uiripuni k'amantskarani, jimpoka imechani jimpo parhakpenirhu kánekua atap'eranhasïnka. ¡Ji echeri jinkuni k'amak'uauaka! 14Úkorhe k'éri icharhutakua ma iarhiniri, ka xunhanta atanha ka ataparhakuni, eska jima jukaaka ják'orhekuecha, ka iámu jatsirhe xunhanta eska itsï no inchakuaka. 15Arisï jáxeati: Kuímu ekuatse ka témpeni iúmu (135) ióxurhakua ióskaati, ka ma ekuatse ka tsimani ka teruk'ani (22.5) ióxurhakua kóskaati, ka témpeni tanimu ka teruk'ani (13.5) ióxurhakua iót'arhaati. 16Tanimu xanhari kúts'ïtakateuati, ka kámukua ma jukaati ját'akutini ka ma ióxurhakua sánterku no antancheraani eratamakua ma jukaati. 17Iámu parhakpeni iurhentpeaka, iámentu ampe k'amak'uaka enka xáni echerirhu jaka, iámentu ampe uántikuaka enka xáni tsípiti jaka. 18Ka t'únkeni jinkuni pakatperaakachi, k'éri icharhutanits'ï jataaka, chéti tatakecha, chéti uarhiti ka chéti tarhaskuecha. 19K'éri icharhutarhuri mántani jarhati tsípitichani jatsirauaka, ma kutsï ka ma t'arhe ka nóksï uarhiati. 20Iámentu jasï manakorhericharini jatsiraaka mántani járhati, apepentsticha, káraticha, uákasïcha, ka imani enkaksï antsikorhek'a, tsimantani, ma kutsï ka ma t'arhe, t'únkeni jinkuni jataatiksï ka isï jamaniksï no uarhiati. 21Iámentu jásï jatsirakorhe t'irekua ka patsakorhe jimpokats'ï ióni jamperi uétarhenchaaka t'irekua.
22Noé isï úspti eska Diósï na arhipka.
လက္ရွိေရြးခ်ယ္ထားမွု
Kueraakua 6: BI-PURHE
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblia en P´urhépecha, Michoacán, México © Sociedad Bíblica de México, A.C.