Yohanna 13
13
Jesu vwang shiiy zheppkamm keeniy mwopp
1Kaarooh dihng Puus Kwughur Mettkaah wull kuss, bhi Jesu man le pee wull tihh ri yet yill mhize ri dum kihpee Pukhun diy. Wall mwooh a miin'niy w'u dhighin yill ni mwopp, bhi kamm zhur'ruk mhi wall keeniy mwopp harr kyess ni.
2Kaarooh mwopp tong p'ee so soh'teer, bhi Shetan khi t'en dhen bii mihhseh phitukhup Yahuda Iskaryoti Em khi Siman tihh seett diy kihh Jesu. 3Jesu man le Pukhun Naan l'e bii weett a sarr niy, yakhal man zag le ri put a kihpee Naan ni diy, yakhal riy p'ee baa'dum a kihpee nyi diy. 4A nyi seh bhi yakhal yet soh, bhi shwat bh'aar keeniy wu'nan lhiba, bhi m'ang tawul bwakhat bwoonn niy. 5Kaarooh sh'in kihhsheh, bhi dhekhe a'm dhighin kong, y'aa vwang shiiy zheppkamm keeniy mwopp dyishig, yakhal kihh pwaas shiiy mwopp kihh tawul w'u bwoonn niy seh.
6Kaarooh ji wull kihpee Siman Bitrus diy, bhi Siman satt nyi le, “Gwoohyon, a gha pwetd p'ee vwang shiiy nah -ng?”
7Jesu lapp nyi le, “Baah ghi man bii w'u a'n phi sh'in nyi mwasseh mou, dhangg seh kihkyeen bhi gha p'ee p'ar manshiiy nyi.”
8Bhi Bitrus satt nyi le, “Hai Daah, baah gha p'ee vwang shiiy nah mou, kooh lee!”
Jesu pring nyi le, “Mihh ih vwang shiiy gha mou, bhi baah gha kihh shapp dhighin a'n mou.”
9Bhi Siman Bitrus satt nyi le, “Ahah! Gwoohyon, mihh nyi a kihhsheh bhi a shiiy na kyekk mou, ghi vwang harr sarr nah mwopp kihh kaah nah zag.”
10Jesu lapp nyi satt le, “Ai gwooh baa shukhup bhi kihh vwang a shiiy niy kyekk, p'ee dihng shoopshik nyi a wu'bhangg. Wunn a wu'bhangg, dhangg baah a weett keewu mou.” 11Jesu satt kihhsheh p'ee man gwooh p'ee seett kihh riy. A nyi a bii w'u le tihh satt le, baah a kooh m'ee mwopp wu'rangg a wu'bhangg mou.
12Bwoonrooh Jesu vwang shiiy zheppkamm keeniy ni mwopp kyes, bhi kok looh keeniy waa zhwal dyi shin, bhi b'aa dum tong kihpee w'u dyinn kihh tong diy, bhi satt mwopp le, “Wu manshiiy bii w'u ih yakhal sh'in nyi wunn mwasseh se aa'? 13Wu kihh peet a'n Gukamm keewu kihh Gwoohyon keewu; nyi a dihhreh, p'ee a'n a Gukamm keewu kihh Gwoohyon keewu a zeenn. 14T'o, kaarooh a'n w'u a Gwoohyon keewu kihh Gukamm keewu a vwang shiiy wuh se, bhi nyi a ching tihh wu'wunn zag wu vwang shiiy shag. 15P'ee ih sh'in a m'ee kammshiiy wunn tihh wu'wunn wu sh'in diy kaarooh a'n ih sh'in wunn se zag. 16Ih satt a zeenn wunn, kromm kihh mett guluh keeniy mou, kooh laa'lop mett gwooh lop riy mou. 17T'o, mwasseh kaarooh baa wu man bii mihhse mwopp se, bhi rettyit a mug'wuh kadmihh wu kihh sh'in mwopp.
18“Baah a'n phi kadpwoo mihhse a p'ee wunn weett mou, p'ee ih man mwooh ih blihp. Dhangg dhen a ching tihh pwoo khi Naan gam, w'u kihh satt le, ‘Harr gwooh lapp shapp dhighin bii' soh keena buakhar dharr kob kihh a'n.’#KKN 41:9
19“An phi shep satt bii mihhse wunn bhi baah khi sh'in mou, tihh baa mihh sh'in diy bhi wu pihhzeenn w'u le A'n a A'n shi. 20Ih kihh satt a zeenn wunn, koohweeh w'u mihh lapp koohweeh w'u ih lop, bhi lapp a a'n; yakhal koohweeh w'u mihh lapp a'n, bhi lapp a gwooh lop a'n.”
Jesu shep satt rooh menguh p'ee seett kihh riy
(Mat 26:20-25; Mar 14:17-21; Luk 22:21-23)
21Bwoonrooh Jesu satt bii mihhse, bhi phitukhup nyi wad bis-bis, bhi satt le, “Ih satt a zeenn wunn, kihmeh dhighin wunn p'ee seett kihh a'n!”
22Bhi zheppkamm khinyi mwopp y'aa naah shag zihng-ng-ng, bii mihhseh yeeh mwopp pwetd, baah mwopp man kooh kyed nyi phi shin'pwoo mihhseh a kaah meeh ruh wu'rangg mou. 23Bhi kihmeh dhighin zheppkamm ni mwopp, rooh Jesu kihh wall nyi dhepplekk, kihh tong kuss sh'i Jesu. 24Bhi Siman Bitrus gwed nyi satt nyi le, “Ghi nang phi nyi, kyed nyi phi satt a meeh muh wu'rangg oh.”
25Bhi kaarooh laa'kamm mhizeh ni sh'in ji kuss kihh Jesu, bhi nang phi nyi le, “Gwoohyon, a meeh muh wu'ranggyeh?”
26Bhi Jesu satt nyi le, “A gwooh a'n p'ee pihh bott gutt w'u a'n p'ee t'en nyi dhighin wab se nyi.” Bhi Jesu t'en bott gutt dhighin wab, pihh Yahuda em Siman Iskaryoti. 27Bwoonrooh Yahuda lapp gutt ni so, bhi Shetan dhel dhighin phitukhup nyi abet.
Jesu satt nyi le, “Bii w'u ghi kihh t'ang sh'in nyi seh, bhi ghi sh'in laah-laah.” 28Baah m'ee mwooh phi so soh ni manshiiy bii w'u l'e tihh Jesu satt bii mihhse Yahuda mou. 29Pakk mwopp kihh ryeeh le a pee'rooh a Yahuda a g'u looh daam'shaghal khimwopp, bhi Jesu phi satt a rooh tihh seett biisoh w'u p'ee Kwughur Mettkaah ni diy, h'aa kooh nyi a phi satt le gw'ar pihh a mee'bii mhipyaah nw'aa oh. 30Bhi kaarooh Yahuda lapp bott gutt ni so, bhi mett put abet, bhi khipar baa sh'in.
Jesu shep satt le Bitrus p'ee shiihshig man riy
31Bwoonrooh Yahuda mett dhel, bhi Jesu satt le, “Mwasseh L'aa khi Gurum kad lapp-dhess, yakhal Naan kad lapp-dhess zag lhiwaa L'aa khi Gurum ni. 32Kaarooh Naan p'ee kad lapp-dhess lhiwaa a L'aa ni se, bhi Naan p'ee l'e tihh L'aa ni wu'nyi kad lapp-dhess dyi zag lhiwaa riy. Nyi p'ee l'e tihh L'aa ni kad lapp-dhess diy abet.”
33“Zhepp nah oo, a'n p'ee kwed kihshag kihh wunn a p'ee reb pee lee kyekk. Wunn p'ee p'ar lyap a'n, dhangg kaa deh ih satt mwoohnan khi Zhepp Yahuda seh, bhi ih satt a kihhsheh wu'wunn zag ih le, pee w'u a'n p'ee dum diy bhi baah wunn p'ee mak ja dang na mou.
34“An phi pihh a m'ee w'aar wu'pwooh wunn, ih le wu wall shag. Yet tihh mwoorr kaa a'n ih kihh wall wunn se, bhi wu wall shag a kihhsheh zag. 35A sh'i kihhsheh bhi gurum weett p'ee man le wunn a zheppkamm keena, kadmihh wu kihh wall shag.”
36Siman Bitrus nang phi nyi le, “Gwoohyon, gha p'ee dum a nihyeh?”
Jesu lapp nyi satt le, “Pee w'u ih kihh dum diy bhi baah gha p'ee mak lang'dang na kongg mou; gha p'ee p'ar ji dang na par'meeh.”
37Bitrus nang phi nyi le, “Gwoohyon, a mihyeh p'ee l'e tihh ih mak lang'dang gha mwasseh mou ayeh? An p'ee pihh seen na p'ee gha.”
38Bhi Jesu nang phi nyi le, “Gha p'ee mak pihh seen gha p'ee a'n a'ng? T'o, ih kihh satt a zeenn gha, dhanggbhi dool kihh peetpee shinn, bhi gha p'ee shiihshig man a'n yit kunn.”
လက္ရွိေရြးခ်ယ္ထားမွု
Yohanna 13: Chakfem
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation
Yohanna 13
13
Jesu vwang shiiy zheppkamm keeniy mwopp
1Kaarooh dihng Puus Kwughur Mettkaah wull kuss, bhi Jesu man le pee wull tihh ri yet yill mhize ri dum kihpee Pukhun diy. Wall mwooh a miin'niy w'u dhighin yill ni mwopp, bhi kamm zhur'ruk mhi wall keeniy mwopp harr kyess ni.
2Kaarooh mwopp tong p'ee so soh'teer, bhi Shetan khi t'en dhen bii mihhseh phitukhup Yahuda Iskaryoti Em khi Siman tihh seett diy kihh Jesu. 3Jesu man le Pukhun Naan l'e bii weett a sarr niy, yakhal man zag le ri put a kihpee Naan ni diy, yakhal riy p'ee baa'dum a kihpee nyi diy. 4A nyi seh bhi yakhal yet soh, bhi shwat bh'aar keeniy wu'nan lhiba, bhi m'ang tawul bwakhat bwoonn niy. 5Kaarooh sh'in kihhsheh, bhi dhekhe a'm dhighin kong, y'aa vwang shiiy zheppkamm keeniy mwopp dyishig, yakhal kihh pwaas shiiy mwopp kihh tawul w'u bwoonn niy seh.
6Kaarooh ji wull kihpee Siman Bitrus diy, bhi Siman satt nyi le, “Gwoohyon, a gha pwetd p'ee vwang shiiy nah -ng?”
7Jesu lapp nyi le, “Baah ghi man bii w'u a'n phi sh'in nyi mwasseh mou, dhangg seh kihkyeen bhi gha p'ee p'ar manshiiy nyi.”
8Bhi Bitrus satt nyi le, “Hai Daah, baah gha p'ee vwang shiiy nah mou, kooh lee!”
Jesu pring nyi le, “Mihh ih vwang shiiy gha mou, bhi baah gha kihh shapp dhighin a'n mou.”
9Bhi Siman Bitrus satt nyi le, “Ahah! Gwoohyon, mihh nyi a kihhsheh bhi a shiiy na kyekk mou, ghi vwang harr sarr nah mwopp kihh kaah nah zag.”
10Jesu lapp nyi satt le, “Ai gwooh baa shukhup bhi kihh vwang a shiiy niy kyekk, p'ee dihng shoopshik nyi a wu'bhangg. Wunn a wu'bhangg, dhangg baah a weett keewu mou.” 11Jesu satt kihhsheh p'ee man gwooh p'ee seett kihh riy. A nyi a bii w'u le tihh satt le, baah a kooh m'ee mwopp wu'rangg a wu'bhangg mou.
12Bwoonrooh Jesu vwang shiiy zheppkamm keeniy ni mwopp kyes, bhi kok looh keeniy waa zhwal dyi shin, bhi b'aa dum tong kihpee w'u dyinn kihh tong diy, bhi satt mwopp le, “Wu manshiiy bii w'u ih yakhal sh'in nyi wunn mwasseh se aa'? 13Wu kihh peet a'n Gukamm keewu kihh Gwoohyon keewu; nyi a dihhreh, p'ee a'n a Gukamm keewu kihh Gwoohyon keewu a zeenn. 14T'o, kaarooh a'n w'u a Gwoohyon keewu kihh Gukamm keewu a vwang shiiy wuh se, bhi nyi a ching tihh wu'wunn zag wu vwang shiiy shag. 15P'ee ih sh'in a m'ee kammshiiy wunn tihh wu'wunn wu sh'in diy kaarooh a'n ih sh'in wunn se zag. 16Ih satt a zeenn wunn, kromm kihh mett guluh keeniy mou, kooh laa'lop mett gwooh lop riy mou. 17T'o, mwasseh kaarooh baa wu man bii mihhse mwopp se, bhi rettyit a mug'wuh kadmihh wu kihh sh'in mwopp.
18“Baah a'n phi kadpwoo mihhse a p'ee wunn weett mou, p'ee ih man mwooh ih blihp. Dhangg dhen a ching tihh pwoo khi Naan gam, w'u kihh satt le, ‘Harr gwooh lapp shapp dhighin bii' soh keena buakhar dharr kob kihh a'n.’#KKN 41:9
19“An phi shep satt bii mihhse wunn bhi baah khi sh'in mou, tihh baa mihh sh'in diy bhi wu pihhzeenn w'u le A'n a A'n shi. 20Ih kihh satt a zeenn wunn, koohweeh w'u mihh lapp koohweeh w'u ih lop, bhi lapp a a'n; yakhal koohweeh w'u mihh lapp a'n, bhi lapp a gwooh lop a'n.”
Jesu shep satt rooh menguh p'ee seett kihh riy
(Mat 26:20-25; Mar 14:17-21; Luk 22:21-23)
21Bwoonrooh Jesu satt bii mihhse, bhi phitukhup nyi wad bis-bis, bhi satt le, “Ih satt a zeenn wunn, kihmeh dhighin wunn p'ee seett kihh a'n!”
22Bhi zheppkamm khinyi mwopp y'aa naah shag zihng-ng-ng, bii mihhseh yeeh mwopp pwetd, baah mwopp man kooh kyed nyi phi shin'pwoo mihhseh a kaah meeh ruh wu'rangg mou. 23Bhi kihmeh dhighin zheppkamm ni mwopp, rooh Jesu kihh wall nyi dhepplekk, kihh tong kuss sh'i Jesu. 24Bhi Siman Bitrus gwed nyi satt nyi le, “Ghi nang phi nyi, kyed nyi phi satt a meeh muh wu'rangg oh.”
25Bhi kaarooh laa'kamm mhizeh ni sh'in ji kuss kihh Jesu, bhi nang phi nyi le, “Gwoohyon, a meeh muh wu'ranggyeh?”
26Bhi Jesu satt nyi le, “A gwooh a'n p'ee pihh bott gutt w'u a'n p'ee t'en nyi dhighin wab se nyi.” Bhi Jesu t'en bott gutt dhighin wab, pihh Yahuda em Siman Iskaryoti. 27Bwoonrooh Yahuda lapp gutt ni so, bhi Shetan dhel dhighin phitukhup nyi abet.
Jesu satt nyi le, “Bii w'u ghi kihh t'ang sh'in nyi seh, bhi ghi sh'in laah-laah.” 28Baah m'ee mwooh phi so soh ni manshiiy bii w'u l'e tihh Jesu satt bii mihhse Yahuda mou. 29Pakk mwopp kihh ryeeh le a pee'rooh a Yahuda a g'u looh daam'shaghal khimwopp, bhi Jesu phi satt a rooh tihh seett biisoh w'u p'ee Kwughur Mettkaah ni diy, h'aa kooh nyi a phi satt le gw'ar pihh a mee'bii mhipyaah nw'aa oh. 30Bhi kaarooh Yahuda lapp bott gutt ni so, bhi mett put abet, bhi khipar baa sh'in.
Jesu shep satt le Bitrus p'ee shiihshig man riy
31Bwoonrooh Yahuda mett dhel, bhi Jesu satt le, “Mwasseh L'aa khi Gurum kad lapp-dhess, yakhal Naan kad lapp-dhess zag lhiwaa L'aa khi Gurum ni. 32Kaarooh Naan p'ee kad lapp-dhess lhiwaa a L'aa ni se, bhi Naan p'ee l'e tihh L'aa ni wu'nyi kad lapp-dhess dyi zag lhiwaa riy. Nyi p'ee l'e tihh L'aa ni kad lapp-dhess diy abet.”
33“Zhepp nah oo, a'n p'ee kwed kihshag kihh wunn a p'ee reb pee lee kyekk. Wunn p'ee p'ar lyap a'n, dhangg kaa deh ih satt mwoohnan khi Zhepp Yahuda seh, bhi ih satt a kihhsheh wu'wunn zag ih le, pee w'u a'n p'ee dum diy bhi baah wunn p'ee mak ja dang na mou.
34“An phi pihh a m'ee w'aar wu'pwooh wunn, ih le wu wall shag. Yet tihh mwoorr kaa a'n ih kihh wall wunn se, bhi wu wall shag a kihhsheh zag. 35A sh'i kihhsheh bhi gurum weett p'ee man le wunn a zheppkamm keena, kadmihh wu kihh wall shag.”
36Siman Bitrus nang phi nyi le, “Gwoohyon, gha p'ee dum a nihyeh?”
Jesu lapp nyi satt le, “Pee w'u ih kihh dum diy bhi baah gha p'ee mak lang'dang na kongg mou; gha p'ee p'ar ji dang na par'meeh.”
37Bitrus nang phi nyi le, “Gwoohyon, a mihyeh p'ee l'e tihh ih mak lang'dang gha mwasseh mou ayeh? An p'ee pihh seen na p'ee gha.”
38Bhi Jesu nang phi nyi le, “Gha p'ee mak pihh seen gha p'ee a'n a'ng? T'o, ih kihh satt a zeenn gha, dhanggbhi dool kihh peetpee shinn, bhi gha p'ee shiihshig man a'n yit kunn.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation