Yohanna 12
12
Mwopp m'um Jesu kihh mwoor'teghez Betani
1Kaarooh Kwughur Mettkaah dheeh t'eer peemeh, bhi Jesu k'aa wull Betani, tughuzyill w'u gyet Li'azarus w'u gyet Jesu yakhal kihh nyi kih peemuutt seh kihh tong diy. 2Bhi mwopp shed soh'teer Jesu nhighin. Marta gyet a kihmeh dhighin mhi-shapsoh ni; Li'azarus wu'nyi a kihmeh dhighin mwooh kihh kwangg pwoo tebul p'ee so soh. 3Bhi Maryamu m'ang m'ee z'or dhongg mwoor'teghez keera w'u khi-krhim, w'u a mw'oor m'ee laa'sheep w'u mwopp kihh peet nard, ji kihh nyi, ji m'um shiiy Jesu kihh nyi, yakhal kihh pwaas shiiy nyi ni mwopp kihh shoopkaah rah. Teghez mw'oor ni kwarrangg gampee dhighin luh ni kihhdihng'dihng.
4Bhi Yahuda Iskaryoti, w'u a kihmeh dhighin zheppkamm khi Jesu ni, w'u a nyi yakhal dheeh g'u seett kihh Jesu, satt le: 5“Ai wunn'! A mihyeh dyinn d'aam rooh mwopp seett kihh fw'aan mwoor'teghez ni kaah shaghal dinari dhaa kunn, mwopp pihh shaghal ni mhipyaah mwopp ruh ayeh?” 6Baah Yahuda ni gyet satt kihhsheh a pee'rooh nyi gyet a m'ee gu-naahzheell khi mhipyaah mou; satt kihhsheh a pee'rooh gyet nyi a watt. Yakhal gyet a nyi a gu dhen shaghal khi Jesu mwopp kihh zheppkamm keeniy. Gyet mihh yakhal bhi kihh watt pakk shaghal w'u gurum mwopp kihh le dhighin daam'shaghal ni.
7Bhi Jesu pring Yahuda le, “Yet gha nyi diy shekhett arr maad, p'ee mat ni shep dhen mw'oor mhize a tapp puus w'um keena. 8Ai wunn kihh mhipyaah mwopp kihshag kihh wunn kooh phiranggyeh, dhangg baah wu'an p'ee kwed kihshag kihh wunn chitt mou.”
9Kaarooh dw'uu Zhepp Yahuda mwopp klihng rooh Jesu Betani, bhi mwopp tuud duam nhighin. Baah mwopp duam a p'ee naah Jesu kyekk mou; pakk mwopp duam a p'ee naah Li'azarus w'u deh Jesu yakhal kihh nyi kih peemuutt seh. 10A nyi seh bhi prist wu'nan mwopp y'aa bheett arr w'u tihh mwopp t'u Li'azarus diy zag, 11p'ee lhiwaa a nyi bhi Zhepp Yahuda dhess y'aa yet mwopp, mwopp y'aa pihhzeenn Jesu.
Mwopp kang Jesu kihh waaw kihh sheerr Urshalima
(Mat 21:1-11; Mar 11:1-11; Luk 19:28-40)
12Kih puus wu'zeh bhi dw'uu gurum w'u mwopp ja p'ee Kwughur ni mwopp klihng rooh Jesu kih arr ji Urshalima, 13bhi mwopp kossok khikihmm sarr ruh, mwopp dum kang nyi kihh waaw chapp-chapp mwopp kihh satt le,
“Hosanna!
Naan le'wurett gha,
Gha w'u ghi ji dhighin shumm Puup mu Naan.#KKN 118:25,26
Naan le'wurett gha,
Gha Miskakhamm khi Isra'ila.”
14Bhi Jesu kad m'ee l'aa jaa'kiy l'ang dyikihh, kaa nyi a rih-ran dhighin Ran'Wubhangg se le,
15“Tapp kihkhirmuut y'aa yi mou,
yi Reep khi Sihiyona,
yi naah, miskakhamm keeyi kihh ji,
kihh l'ang kih L'aa jaa'kiy.”#Zak 9:9
16Baah zheppkamm khi Jesu ni mwopp manshiiy bii mihhse mwopp mou, seeh a bwoonrooh Jesu kad lappdhess sh'i yakhal kih peemuutt dhanggbhi mwopp kakkder rooh bii mihhseh ni gyet a w'u rih-ran kaah Jesu, bhi gurum mwopp sh'in a nyi seh.
17V'ur gurum w'u gyet mwopp kihshag kihh Jesu p'ar w'u peet Li'azarus lhiyakhal kih peemuutt, put dhighin kihshirr mwopp y'aa fwa-bhellepp kaah Jesu ni koohneeh. 18Dw'uu gurum dhess mwopp pwat dum kang Jesu p'ee gag bii'aapwoo w'u mwopp klihng le gw'ar sh'in seh. 19Bhi Farisiiy mwopp satt shag le, “T'o, wu naah dhak e'h, bii w'u munn phi sh'in kaah Jesu ni kihh kaah munn mou. Wu naah kihpee yill ni kihhdihng'dihng baa shikhir diy a dang nyi!”
Zhepp Heleni mwopp kihh t'ang naah Jesu
20Gyet pakk mwooh mwopp ka duam soyill Urshalima sh'i Kwughur ni a Zhepp Heleni mwopp. 21Bhi mwopp ja kihpee Filip diy, w'u wu'nyi gyet a Gu-Batsaida dhighin yill Galili. Bhi mwopp dhang phi nyi le, “Gwoohyon, dyinn mu kihh t'ang kad naah Jesu lee 'y.” 22Filip dum satt Andrawus, bhi Andrawus yakhal dang nyi, mwopp dum satt Jesu.
23Bhi Jesu pring mwopp le, “Pee baa wull w'u tihh L'aa khi Gurum lappdhess diy. 24A satt a zeenn wunn, mihh dheng'pee y'ee dhebhenn taah yill m'uut mou, bhi nyi p'ee dheeh a kihhsheh kihmeh mhisat. Mihh m'uut, bhi nyi p'ee la zhepp dhess. 25Gwooh kihh dh'om seen niy, bhi nyi p'ee bhalangdheng; dhangg gwooh mihh kon seen niy dhighin yill mhize, bhi nyi p'ee kyeer nyi dhen p'ee seen w'u harr ngaa-ngaa. 26Koohweeh w'u kihh sh'in dhakk a'n bhi ching tihh lang'dang na. Bhi pee w'u a'n diy, bhi kromm keena p'ee kwed a nhighin. Daa p'ee nhighil gwooh kihh sh'in dhakk a'n.”
Jesu satt orr muutt keeniy
27Jesu so-kihkyeen kihh kadpwoo le, “Phitukhup na tekhenn bis-bis mwasseh, dhangg a'n p'ee satt a mihyeh dhak? A'n p'ee mak satt le, dyinn Daa diy mih-m'ang zheell mhize lhi'baa kaah nah aa'? Kooh lee, p'ee a bii w'u ji kihh a'n dhighin yill ni seh. 28Daa ghi l'e tihh shumm gha kad lappdhess diy!”
Bhi m'ee dhekheh put kih dhengNaan satt le, “Baa ih le tihh shumm nah ni kad lappdhess diy, yakhal a'n p'ee l'e tihh waa lappdhess dyi-dyi.” 29Dw'uu gurum w'u gyet mwopp kihh dyarrang nhighin mwopp klihng dhekheh ni, bhi mwopp satt le a pee kwood. Dhangg pakk mwopp satt le, a m'ee gu'lop khi Naan kadpwoo kihh nyi.
30Jesu pring mwopp le, “Dhekheh mhize ji a p'ee kyeenn mug; baah a p'ee kyeenn m'aan mou. 31Mwasseh baa pee wull p'ee togdyeell yill ni; mwasseh mwopp p'ee pwoorr miskakhamm khi yill ni shen lhidhel. 32Dhangg wu'an, bwoonrooh mwopp eep a'n lhiyakhal yill ni, bhi a'n p'ee del gurum mwopp weett lhija kihpee na diy.” 33Jesu gyet shin'pwoo mihhse a tihh satt arr muutt w'u riy p'ee m'uut diy gurum ni mwopp.
34Bhi dw'uu gurum ni mwopp nang phi Jesu le, “Mu klihng mwopp kihh satt dhighin W'aar mhi Musa le Kristi ni p'ee tong a harr ngaa-ngaa 'y, dheeh a mihyeh l'e bhi ghi kihh satt ghi le nyi a ching tihh mwopp pwas L'aa khi gurum ayeh? A mee'wuyeh a ‘L'aa khi Gurum’ mhizeh ni?”
35Jesu lapp mwopp le, “Peebhangg kudyi kihshag kihh wunn a p'ee t'eer lee kyekk. Wu y'aa mwaan mwasseh kaarooh peebhangg ni kudyi kihshag kihh wunn se, kihhsheh mou bhi pee'kwoo p'ee ji paah wunn. Gwooh kihh mw'aan a dhighin pee'kwoo bhi baah kihh mak man p'ee w'u ri kihh dum diy mou. 36Kaarooh peebhangg ni kudyi kihshag kihh wunn se, bhi w'u pihhzeenn peebhangg ni tihh wu dheeh gurum khi peebhangg ni diy.” Kaarooh Jesu shin'pwoo mihhse kyes bhi put dhel niy, dum la'kham tappseh gurum ni mwopp kad nyi.
Shiin-pihhzeenn khi Zhepp Yahuda
37Kooh bhalang phirooh Jesu sh'in v'ur bii'aapwoo dhess kihyit gurum ni mwopp, weett kihhsheh bhi baah mwopp pihhzeenn nyi mou. 38Bii mihhseh kwed kihhsheh a tihh pwoo khi Ishaya Gu-wanggshiiy gam diy, w'u satt le,
“Daah Naan, a wuyeh pihhzeenn l'op keemu ayeh?
A wuyeh mak naah n'an dhakk'shin w'u Gha Naan ghi sh'in sh'i sarr gha ayeh?”#Ish 53:1
39Pee'mhinyi bhi baah mwopp mak pihhzeenn mou, p'ee nyi a rih-ran mee'pee dhighin Ishaya le,
40“Naan vughum yit mwopp,
yakhal kihkhil phitukhup mwopp
tappseh mwopp naah kihh yit ru,
yakhal mwopp shwan dhighin phitukhup ru,
harr mwopp tu'wapp tihh Naan bar mwopp diy.”#Ish 6:10
41Ishaya shin'pwoo mhize p'ee gyet shep naah tihghindhess khi Kristi bhi sattpwoo kaah nyi.
42Weett kihhsheh bhi gurum dhess mwopp pihhzeenn Jesu, harr kihh pakk mwoohnan khi Zhepp Yahuda ni mwopp zag. Dhangg baah mwoohnan ni mwopp dh'om put kihgaak mwopp le runn pihhzeenn Jesu mou, p'ee mwopp kihh kihkhir Farisiiy mwopp, tapp'baa mwopp fettshiiy mwopp Luh'kang keeru. 43P'ee mwopp kihh dh'om a nhighilpee mhi zhepp gurum mett rooh a Naan p'ee nhighil mwopp.
44Bhi Jesu peet satt kihh dhekheh niy bhall-bhall le, “Gwooh mihh pihhzeenn a'n bhi baah pihhzeenn a a'n dhak mou, pihhzeenn a gwooh lop a'n zag. 45Koohweeh w'u naah a'n bhi naah a gwooh lop a'n. 46Ih ji tihh ih dhen diy a peebhangg khi yill ni, tihh koohweeh w'u pihhzeenn diy a'n bhi tapp diy dheeh tong dhighin pee'kwoo mou.
47“Koohweeh w'u klihng pwoo keena dhangg kyeer mou, bhi baah a a'n p'ee togdyeell gwoh ni mou; p'ee baah ih ji a p'ee togdyeell yill ni mou, ih ji a p'ee bham yill ni. 48Gwooh shiih kihh a'n, yakhal shiih lapp pwoo keena, bhi gu-togdyeell gwoh ni nhighin. Pwoo w'u a'n kaah satt nyi se a nyi p'ee p'ar togdyeell gwoh ni p'ar puus kyess khi yill ni. 49P'ee baah ih kihh kadpwoo a sh'i kaah mhisan mou; a Daa w'u lop a'n gab-bhellepp a'n kaah bii w'u p'ee satt, kihh arr satt khi nyi zag. 50Ih man ih le bhellepp w'u Naan gab se kihh ji kihh seen w'u harr ngaa-ngaa. Pee'mhinyi bhi kapp bii w'u ih kihh satt a bii w'u Daa t'en satt a'n p'ee satt mwoorr.”
လက္ရွိေရြးခ်ယ္ထားမွု
Yohanna 12: Chakfem
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation
Yohanna 12
12
Mwopp m'um Jesu kihh mwoor'teghez Betani
1Kaarooh Kwughur Mettkaah dheeh t'eer peemeh, bhi Jesu k'aa wull Betani, tughuzyill w'u gyet Li'azarus w'u gyet Jesu yakhal kihh nyi kih peemuutt seh kihh tong diy. 2Bhi mwopp shed soh'teer Jesu nhighin. Marta gyet a kihmeh dhighin mhi-shapsoh ni; Li'azarus wu'nyi a kihmeh dhighin mwooh kihh kwangg pwoo tebul p'ee so soh. 3Bhi Maryamu m'ang m'ee z'or dhongg mwoor'teghez keera w'u khi-krhim, w'u a mw'oor m'ee laa'sheep w'u mwopp kihh peet nard, ji kihh nyi, ji m'um shiiy Jesu kihh nyi, yakhal kihh pwaas shiiy nyi ni mwopp kihh shoopkaah rah. Teghez mw'oor ni kwarrangg gampee dhighin luh ni kihhdihng'dihng.
4Bhi Yahuda Iskaryoti, w'u a kihmeh dhighin zheppkamm khi Jesu ni, w'u a nyi yakhal dheeh g'u seett kihh Jesu, satt le: 5“Ai wunn'! A mihyeh dyinn d'aam rooh mwopp seett kihh fw'aan mwoor'teghez ni kaah shaghal dinari dhaa kunn, mwopp pihh shaghal ni mhipyaah mwopp ruh ayeh?” 6Baah Yahuda ni gyet satt kihhsheh a pee'rooh nyi gyet a m'ee gu-naahzheell khi mhipyaah mou; satt kihhsheh a pee'rooh gyet nyi a watt. Yakhal gyet a nyi a gu dhen shaghal khi Jesu mwopp kihh zheppkamm keeniy. Gyet mihh yakhal bhi kihh watt pakk shaghal w'u gurum mwopp kihh le dhighin daam'shaghal ni.
7Bhi Jesu pring Yahuda le, “Yet gha nyi diy shekhett arr maad, p'ee mat ni shep dhen mw'oor mhize a tapp puus w'um keena. 8Ai wunn kihh mhipyaah mwopp kihshag kihh wunn kooh phiranggyeh, dhangg baah wu'an p'ee kwed kihshag kihh wunn chitt mou.”
9Kaarooh dw'uu Zhepp Yahuda mwopp klihng rooh Jesu Betani, bhi mwopp tuud duam nhighin. Baah mwopp duam a p'ee naah Jesu kyekk mou; pakk mwopp duam a p'ee naah Li'azarus w'u deh Jesu yakhal kihh nyi kih peemuutt seh. 10A nyi seh bhi prist wu'nan mwopp y'aa bheett arr w'u tihh mwopp t'u Li'azarus diy zag, 11p'ee lhiwaa a nyi bhi Zhepp Yahuda dhess y'aa yet mwopp, mwopp y'aa pihhzeenn Jesu.
Mwopp kang Jesu kihh waaw kihh sheerr Urshalima
(Mat 21:1-11; Mar 11:1-11; Luk 19:28-40)
12Kih puus wu'zeh bhi dw'uu gurum w'u mwopp ja p'ee Kwughur ni mwopp klihng rooh Jesu kih arr ji Urshalima, 13bhi mwopp kossok khikihmm sarr ruh, mwopp dum kang nyi kihh waaw chapp-chapp mwopp kihh satt le,
“Hosanna!
Naan le'wurett gha,
Gha w'u ghi ji dhighin shumm Puup mu Naan.#KKN 118:25,26
Naan le'wurett gha,
Gha Miskakhamm khi Isra'ila.”
14Bhi Jesu kad m'ee l'aa jaa'kiy l'ang dyikihh, kaa nyi a rih-ran dhighin Ran'Wubhangg se le,
15“Tapp kihkhirmuut y'aa yi mou,
yi Reep khi Sihiyona,
yi naah, miskakhamm keeyi kihh ji,
kihh l'ang kih L'aa jaa'kiy.”#Zak 9:9
16Baah zheppkamm khi Jesu ni mwopp manshiiy bii mihhse mwopp mou, seeh a bwoonrooh Jesu kad lappdhess sh'i yakhal kih peemuutt dhanggbhi mwopp kakkder rooh bii mihhseh ni gyet a w'u rih-ran kaah Jesu, bhi gurum mwopp sh'in a nyi seh.
17V'ur gurum w'u gyet mwopp kihshag kihh Jesu p'ar w'u peet Li'azarus lhiyakhal kih peemuutt, put dhighin kihshirr mwopp y'aa fwa-bhellepp kaah Jesu ni koohneeh. 18Dw'uu gurum dhess mwopp pwat dum kang Jesu p'ee gag bii'aapwoo w'u mwopp klihng le gw'ar sh'in seh. 19Bhi Farisiiy mwopp satt shag le, “T'o, wu naah dhak e'h, bii w'u munn phi sh'in kaah Jesu ni kihh kaah munn mou. Wu naah kihpee yill ni kihhdihng'dihng baa shikhir diy a dang nyi!”
Zhepp Heleni mwopp kihh t'ang naah Jesu
20Gyet pakk mwooh mwopp ka duam soyill Urshalima sh'i Kwughur ni a Zhepp Heleni mwopp. 21Bhi mwopp ja kihpee Filip diy, w'u wu'nyi gyet a Gu-Batsaida dhighin yill Galili. Bhi mwopp dhang phi nyi le, “Gwoohyon, dyinn mu kihh t'ang kad naah Jesu lee 'y.” 22Filip dum satt Andrawus, bhi Andrawus yakhal dang nyi, mwopp dum satt Jesu.
23Bhi Jesu pring mwopp le, “Pee baa wull w'u tihh L'aa khi Gurum lappdhess diy. 24A satt a zeenn wunn, mihh dheng'pee y'ee dhebhenn taah yill m'uut mou, bhi nyi p'ee dheeh a kihhsheh kihmeh mhisat. Mihh m'uut, bhi nyi p'ee la zhepp dhess. 25Gwooh kihh dh'om seen niy, bhi nyi p'ee bhalangdheng; dhangg gwooh mihh kon seen niy dhighin yill mhize, bhi nyi p'ee kyeer nyi dhen p'ee seen w'u harr ngaa-ngaa. 26Koohweeh w'u kihh sh'in dhakk a'n bhi ching tihh lang'dang na. Bhi pee w'u a'n diy, bhi kromm keena p'ee kwed a nhighin. Daa p'ee nhighil gwooh kihh sh'in dhakk a'n.”
Jesu satt orr muutt keeniy
27Jesu so-kihkyeen kihh kadpwoo le, “Phitukhup na tekhenn bis-bis mwasseh, dhangg a'n p'ee satt a mihyeh dhak? A'n p'ee mak satt le, dyinn Daa diy mih-m'ang zheell mhize lhi'baa kaah nah aa'? Kooh lee, p'ee a bii w'u ji kihh a'n dhighin yill ni seh. 28Daa ghi l'e tihh shumm gha kad lappdhess diy!”
Bhi m'ee dhekheh put kih dhengNaan satt le, “Baa ih le tihh shumm nah ni kad lappdhess diy, yakhal a'n p'ee l'e tihh waa lappdhess dyi-dyi.” 29Dw'uu gurum w'u gyet mwopp kihh dyarrang nhighin mwopp klihng dhekheh ni, bhi mwopp satt le a pee kwood. Dhangg pakk mwopp satt le, a m'ee gu'lop khi Naan kadpwoo kihh nyi.
30Jesu pring mwopp le, “Dhekheh mhize ji a p'ee kyeenn mug; baah a p'ee kyeenn m'aan mou. 31Mwasseh baa pee wull p'ee togdyeell yill ni; mwasseh mwopp p'ee pwoorr miskakhamm khi yill ni shen lhidhel. 32Dhangg wu'an, bwoonrooh mwopp eep a'n lhiyakhal yill ni, bhi a'n p'ee del gurum mwopp weett lhija kihpee na diy.” 33Jesu gyet shin'pwoo mihhse a tihh satt arr muutt w'u riy p'ee m'uut diy gurum ni mwopp.
34Bhi dw'uu gurum ni mwopp nang phi Jesu le, “Mu klihng mwopp kihh satt dhighin W'aar mhi Musa le Kristi ni p'ee tong a harr ngaa-ngaa 'y, dheeh a mihyeh l'e bhi ghi kihh satt ghi le nyi a ching tihh mwopp pwas L'aa khi gurum ayeh? A mee'wuyeh a ‘L'aa khi Gurum’ mhizeh ni?”
35Jesu lapp mwopp le, “Peebhangg kudyi kihshag kihh wunn a p'ee t'eer lee kyekk. Wu y'aa mwaan mwasseh kaarooh peebhangg ni kudyi kihshag kihh wunn se, kihhsheh mou bhi pee'kwoo p'ee ji paah wunn. Gwooh kihh mw'aan a dhighin pee'kwoo bhi baah kihh mak man p'ee w'u ri kihh dum diy mou. 36Kaarooh peebhangg ni kudyi kihshag kihh wunn se, bhi w'u pihhzeenn peebhangg ni tihh wu dheeh gurum khi peebhangg ni diy.” Kaarooh Jesu shin'pwoo mihhse kyes bhi put dhel niy, dum la'kham tappseh gurum ni mwopp kad nyi.
Shiin-pihhzeenn khi Zhepp Yahuda
37Kooh bhalang phirooh Jesu sh'in v'ur bii'aapwoo dhess kihyit gurum ni mwopp, weett kihhsheh bhi baah mwopp pihhzeenn nyi mou. 38Bii mihhseh kwed kihhsheh a tihh pwoo khi Ishaya Gu-wanggshiiy gam diy, w'u satt le,
“Daah Naan, a wuyeh pihhzeenn l'op keemu ayeh?
A wuyeh mak naah n'an dhakk'shin w'u Gha Naan ghi sh'in sh'i sarr gha ayeh?”#Ish 53:1
39Pee'mhinyi bhi baah mwopp mak pihhzeenn mou, p'ee nyi a rih-ran mee'pee dhighin Ishaya le,
40“Naan vughum yit mwopp,
yakhal kihkhil phitukhup mwopp
tappseh mwopp naah kihh yit ru,
yakhal mwopp shwan dhighin phitukhup ru,
harr mwopp tu'wapp tihh Naan bar mwopp diy.”#Ish 6:10
41Ishaya shin'pwoo mhize p'ee gyet shep naah tihghindhess khi Kristi bhi sattpwoo kaah nyi.
42Weett kihhsheh bhi gurum dhess mwopp pihhzeenn Jesu, harr kihh pakk mwoohnan khi Zhepp Yahuda ni mwopp zag. Dhangg baah mwoohnan ni mwopp dh'om put kihgaak mwopp le runn pihhzeenn Jesu mou, p'ee mwopp kihh kihkhir Farisiiy mwopp, tapp'baa mwopp fettshiiy mwopp Luh'kang keeru. 43P'ee mwopp kihh dh'om a nhighilpee mhi zhepp gurum mett rooh a Naan p'ee nhighil mwopp.
44Bhi Jesu peet satt kihh dhekheh niy bhall-bhall le, “Gwooh mihh pihhzeenn a'n bhi baah pihhzeenn a a'n dhak mou, pihhzeenn a gwooh lop a'n zag. 45Koohweeh w'u naah a'n bhi naah a gwooh lop a'n. 46Ih ji tihh ih dhen diy a peebhangg khi yill ni, tihh koohweeh w'u pihhzeenn diy a'n bhi tapp diy dheeh tong dhighin pee'kwoo mou.
47“Koohweeh w'u klihng pwoo keena dhangg kyeer mou, bhi baah a a'n p'ee togdyeell gwoh ni mou; p'ee baah ih ji a p'ee togdyeell yill ni mou, ih ji a p'ee bham yill ni. 48Gwooh shiih kihh a'n, yakhal shiih lapp pwoo keena, bhi gu-togdyeell gwoh ni nhighin. Pwoo w'u a'n kaah satt nyi se a nyi p'ee p'ar togdyeell gwoh ni p'ar puus kyess khi yill ni. 49P'ee baah ih kihh kadpwoo a sh'i kaah mhisan mou; a Daa w'u lop a'n gab-bhellepp a'n kaah bii w'u p'ee satt, kihh arr satt khi nyi zag. 50Ih man ih le bhellepp w'u Naan gab se kihh ji kihh seen w'u harr ngaa-ngaa. Pee'mhinyi bhi kapp bii w'u ih kihh satt a bii w'u Daa t'en satt a'n p'ee satt mwoorr.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation