Yakub 3
3
Y'aa liiss
1Em'naa mwopp, tapp dhess dhighin wunn mwopp kihh t'ang dhen a mhikamm pwoo khi Naan mou, p'ee wu man wu le Naan p'ee p'ar dwarramshiiy dhakk'shin muun'muh mhikamm nett-nett mett mhi mwoohzeh. 2Munn weett mu kihh mak pal dhighin arr shi'nyi-shi'nyi. Mihh menguh kihh mak pal dhighin kadpwoo w'u kihh sh'in mou, bhi wu'nyi a gwooh khi-khibhid, w'u kihh mak y'aa shoopshin kihhdihng.
3Mu kihh rwan as-shaghal pwoo brihngg tihh mwopp sh'in bii w'u mu kihh dh'om diy. A kihhsheh bhi mu kihh mak mekher brihngg ni mwopp lhidum pee w'u mu kihh dh'om diy. 4Wu naah n'an kong'am mwopp zag: kooh bhalang phirooh mwopp nan-nan, yakhal a kutt w'u bhall-bhall kihh tupp mwopp lhidum, weett kihhsheh bhi gu tungg kong'am ni kihh mekher mwopp lhidum pee w'u kihh dh'om diy a sh'i zheb pin'shikhirr mwopp kyekk. 5Liiss a kihhsheh zag: kooh bhalang phirooh reb nyi a bheep wu'shomm dhighin shoopshik gurum, weett kihhsheh bhi kihh nhighil sat kaah n'an bii w'u nan-nan. Wu man wu le reb chidyillipp wus kihh mak t'u gag dh'em kihhdihng'dihng shisihng? 6T'o, liiss a wus. Nyi a m'ee yill mhi-dhakk'shin wu'bis dhighin bheep shoopshik mu. Kihh mak wad gurum kihhdihng'dihng, harr meng wus kih mihhseh mhi t'ong khinyi kihhdihng. Wu'nyi sh'i kaah rah a wusbleng kihh shaan nyi.
7Laa'gurum kihh mak yaa'kaah v'ur lwaa'dhem mwopp, kihh v'ur bul mwopp, kihh lwaa w'u mwopp kihh foo kih bwut ru, kihh v'ur lwaa w'u dhighin kur'am, 8dhangg baah menguh kihh mak yaa'kaah liiss mou. Liiss a bii wu'bis w'u baah kihh mak tong shekhett mou, yakhal gam a kihh yen-tu'pee.
9Mu kihh kwoob Puup mu Naan a kihh liiss muh ni, dhangg yakhal mu kihh kas gurum, w'u Naan l'e mwopp a dhighin lappshik keeniy a kihh liiss muh ni zag. 10Hai-hai, rett tihh kwoobpee kihh kass kihh pwat dhighin pwoo wu'khimhi mou. Haiyou, sh'in kihhsheh mou, em'naa mwopp. 11Hah, diy cham sh'in tihh a'm w'u shi-shangg kihh rooh shall-kiihn mwopp kihh pwat dhighin bhibwutt wu'khimhi mihngg wunn'? 12Em'naa mwopp, tihng koon kihh mak la zhepp paatt mihngg? H'aa kooh tihngg'anab kihh mak la zhepp koon mihngg? A kihhsheh zag bhi baah bhibwutt a'm w'u shall-kiihn kihh mak put kihh a'm w'u shi-shangg mou.
Sherem s'oon mwopp vel
13A wuyeh a w'u sih-soon, w'u a g'u manshiiy-bii naar wu? T'o, bhi yet tihh kammshiiy nyi a sh'i t'ong wu'rett, sh'i dhakk'shin wu'rett w'u mwopp kihh sh'in sh'i saamkihhkaah w'u put a dhighin en'dyee. 14Dhangg mihh wunn a kihh zhikhirr nyav kihh shag, yakhal wunn kihh cha'khar mhi dhom'kaah dhighin phitukhup wu, bhi tapp wu kihh nhighil shuk kihh en'dyee wu'kihhsheh ni mou, h'aa kooh wu kihh kossok dong kaah zeenn mou. 15En'dyee wu'kihhsheh put a kih dhengNaan mou; nyi a mhi yill ni, nyi a mhi Riin mou, nyi a mhi Shetan. 16P'ee kapp pee w'u zhikhirr kihh chakharr mhi dhom'kaah diy, bhi kapp v'ur blungpee kihh v'ur dhakk'wubis p'ee kwed nhighin a ching.
17En'dyee w'u put kih dhengNaan a kihhshe se: bii wu'shee, baah nyi kihh wu'bis dhighin sat mou, yakhal kihh t'ang a tongkakhamm, baah nyi kihh kakhanshig mou, nyi kihh saamkihhkaah, nyi kihh kaahdhoonn, kihh sh'in dhakk'shin wu'rett, baah nyi kihh shwatyit mou, yakhal kihh sh'in zeenn. 18Dhakk'shin wu'rett w'u shigrett kihh ji kihh nyi a bii w'u mhi-tongkakhamm mwopp kihh kopp dhighin tongkakhamm, a nyi kihh ji kihh tongkakhamm.
လက္ရွိေရြးခ်ယ္ထားမွု
Yakub 3: Chakfem
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation
Yakub 3
3
Y'aa liiss
1Em'naa mwopp, tapp dhess dhighin wunn mwopp kihh t'ang dhen a mhikamm pwoo khi Naan mou, p'ee wu man wu le Naan p'ee p'ar dwarramshiiy dhakk'shin muun'muh mhikamm nett-nett mett mhi mwoohzeh. 2Munn weett mu kihh mak pal dhighin arr shi'nyi-shi'nyi. Mihh menguh kihh mak pal dhighin kadpwoo w'u kihh sh'in mou, bhi wu'nyi a gwooh khi-khibhid, w'u kihh mak y'aa shoopshin kihhdihng.
3Mu kihh rwan as-shaghal pwoo brihngg tihh mwopp sh'in bii w'u mu kihh dh'om diy. A kihhsheh bhi mu kihh mak mekher brihngg ni mwopp lhidum pee w'u mu kihh dh'om diy. 4Wu naah n'an kong'am mwopp zag: kooh bhalang phirooh mwopp nan-nan, yakhal a kutt w'u bhall-bhall kihh tupp mwopp lhidum, weett kihhsheh bhi gu tungg kong'am ni kihh mekher mwopp lhidum pee w'u kihh dh'om diy a sh'i zheb pin'shikhirr mwopp kyekk. 5Liiss a kihhsheh zag: kooh bhalang phirooh reb nyi a bheep wu'shomm dhighin shoopshik gurum, weett kihhsheh bhi kihh nhighil sat kaah n'an bii w'u nan-nan. Wu man wu le reb chidyillipp wus kihh mak t'u gag dh'em kihhdihng'dihng shisihng? 6T'o, liiss a wus. Nyi a m'ee yill mhi-dhakk'shin wu'bis dhighin bheep shoopshik mu. Kihh mak wad gurum kihhdihng'dihng, harr meng wus kih mihhseh mhi t'ong khinyi kihhdihng. Wu'nyi sh'i kaah rah a wusbleng kihh shaan nyi.
7Laa'gurum kihh mak yaa'kaah v'ur lwaa'dhem mwopp, kihh v'ur bul mwopp, kihh lwaa w'u mwopp kihh foo kih bwut ru, kihh v'ur lwaa w'u dhighin kur'am, 8dhangg baah menguh kihh mak yaa'kaah liiss mou. Liiss a bii wu'bis w'u baah kihh mak tong shekhett mou, yakhal gam a kihh yen-tu'pee.
9Mu kihh kwoob Puup mu Naan a kihh liiss muh ni, dhangg yakhal mu kihh kas gurum, w'u Naan l'e mwopp a dhighin lappshik keeniy a kihh liiss muh ni zag. 10Hai-hai, rett tihh kwoobpee kihh kass kihh pwat dhighin pwoo wu'khimhi mou. Haiyou, sh'in kihhsheh mou, em'naa mwopp. 11Hah, diy cham sh'in tihh a'm w'u shi-shangg kihh rooh shall-kiihn mwopp kihh pwat dhighin bhibwutt wu'khimhi mihngg wunn'? 12Em'naa mwopp, tihng koon kihh mak la zhepp paatt mihngg? H'aa kooh tihngg'anab kihh mak la zhepp koon mihngg? A kihhsheh zag bhi baah bhibwutt a'm w'u shall-kiihn kihh mak put kihh a'm w'u shi-shangg mou.
Sherem s'oon mwopp vel
13A wuyeh a w'u sih-soon, w'u a g'u manshiiy-bii naar wu? T'o, bhi yet tihh kammshiiy nyi a sh'i t'ong wu'rett, sh'i dhakk'shin wu'rett w'u mwopp kihh sh'in sh'i saamkihhkaah w'u put a dhighin en'dyee. 14Dhangg mihh wunn a kihh zhikhirr nyav kihh shag, yakhal wunn kihh cha'khar mhi dhom'kaah dhighin phitukhup wu, bhi tapp wu kihh nhighil shuk kihh en'dyee wu'kihhsheh ni mou, h'aa kooh wu kihh kossok dong kaah zeenn mou. 15En'dyee wu'kihhsheh put a kih dhengNaan mou; nyi a mhi yill ni, nyi a mhi Riin mou, nyi a mhi Shetan. 16P'ee kapp pee w'u zhikhirr kihh chakharr mhi dhom'kaah diy, bhi kapp v'ur blungpee kihh v'ur dhakk'wubis p'ee kwed nhighin a ching.
17En'dyee w'u put kih dhengNaan a kihhshe se: bii wu'shee, baah nyi kihh wu'bis dhighin sat mou, yakhal kihh t'ang a tongkakhamm, baah nyi kihh kakhanshig mou, nyi kihh saamkihhkaah, nyi kihh kaahdhoonn, kihh sh'in dhakk'shin wu'rett, baah nyi kihh shwatyit mou, yakhal kihh sh'in zeenn. 18Dhakk'shin wu'rett w'u shigrett kihh ji kihh nyi a bii w'u mhi-tongkakhamm mwopp kihh kopp dhighin tongkakhamm, a nyi kihh ji kihh tongkakhamm.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation