Yakub 2
2
Tapp wu sh'in shwatyit mou
1Em'naa, phikrihpp na mwopp, kaa dhoghol wunn a mhi-pihhzeenn Jesu Kristi, w'u a Puup mu gu-men'riin wu'dhess se, bhi tapp wu kihh sh'in shwatyit mou. 2Tihh ih kammshiiy pwoo mihhse diy wunn kihhshe se: Mihh m'ee gulong w'u lop tul zinarya, yakhal sh'in zhwatt sh'i looh krhim diy ji dhel dhighin ku'khur keewu; dhangg m'ee gupyaah w'u wu'nyi a kihh g'ok looh wu'rab diy ji dhel zag eeh? 3Mih wu pihhdhess a gulong w'u wu'nyi rwan looh krhim seh, wu satt wu'nyi wu le, “Gwoohyon, peetong wu'rett se gha 'y;” dheeh wu satt gupyaah ni wu le, “Ghi dharr pakk seh,” h'aa kooh meeh wuh satt nyi le, “Ghi bhakhatt pakk se yill sh'i kwag nah,” 4Mihh wu sh'in kihhsheh bhi wu sh'in a shwatyit seh naar wu yakhal wu dhen a mhi-shwandyeell shag sh'i p'an wu'bis mou aa'?.
5Em'naa, phikrihpp nah mwopp, wu klihng bii w'u a'n kihh nyi p'ee satt wunn. Kan wu man rooh Naan blihp a mwooh yill ni kihh naah le nw'aa a mhipyaah tihh mwopp dhen diy a mhilong dhighin pihhzeenn, yakhal tihh mwopp lapp shapp diy dhighin dhenglong w'u Naan bwakhatbhellepp le riy p'ee pihh nyi mwooh kihh wall riy seh maah? 6Dhangg wu naah, wu kihh toglong mhipyaah mwopp. Dhok a mhilong shi mwopp a mhi treng wunn e'? Dhok a mwopp shi a mhi dres wunn lhidum luhdyeell e'? 7Dhok a mhilong shi a mhi kas gag shumm Wu'yon mhize, shumm w'u mwopp kihh peet wunn dyishig seh 'y?
8Mihh wu kihh kyeer w'aar wu'yon mhi dhenglong khi Naan, w'aar w'u kihh satt dhighin Ran'Wubhangg le, “Ghi wall shaar'tong keegha kaa sak se zag,” bhi wu sh'in dihhreh. 9Dhangg mihh wu kihh sh'in a shwatyit, bhi wunn phi sh'in a shigbis, a kihhsheh bhi w'aar khi Naan y'aa wunn kihh shig tep w'aar. 10P'ee koohweeh w'u mihh kyeer w'aar weett, dhangg taah kat dhighin kihmeh bhi mang'shig mhi tep'waar ni mwopp a weett. 11P'ee Naan w'u satt le, “Tapp ghi sh'in gaa mou,” a nyi satt zag le, “Tapp ghi tu'kaah mou.” Mih ghi kihh sh'in gaa mou, dhangg ghi kihh tu'kaah, bhi gha a g'u tep'waar.#Put 20:13,14; WSW 5:17,18
12Pee'mhinyi, bhi wu kihh kadpwoo yakhal wu kihh sh'in koohmeeh a kaa mwooh mwopp p'ee p'ar togdyeell mwopp a sh'i w'aar w'u kihh ji kihh yetshik gurum. 13Wu sh'in kihhsheh p'ee Naan p'ee p'ar togdyeell noott kaahdhoonn kapp gwooh baah kihh naah kaahdhoonn khi gurum mou. Kaahdhoonn kihh sokokhorong kaah shandyeell.
Pihhzeenn kihh dhakk'shin wu'rett
14Em'naa mwopp, a mihyeh a kyeenn khi rooh gurum diy kihh nhighil shin le riy kihh pihhzeenn dhangg baah nyi kihh dhakk'shin wu'rett mou? Kyed pihhzeenn wu'kihhsheh diy bham nyi mihngg? 15Uwou, kaddhangg m'ee emnhikhin mu, kooh m'ee wu'reep mu noott looh'lop kooh biisoh, 16dhangg meeh muh satt mwopp le, “Wu mwan, ih kihh dhang a wu'rett khi Naan kaah wuh; Naan l'e tihh pee'wong wunn bhoghol, yakhal wu abbhal rih-rett,” dhangg baah sh'in mee'bii kaah kwat bad mhi shoopshik mwopp mou, bhi a mihyeh a kyeenn khinyi. 17A kihhsheh zag, pihhzeenn mihh baah nyi a kihshag kihh dhakk'shin wu'rett mou bhi nyi a kumm.
18T'o, mee'meehseh menguh p'ee satt le, “Wu'gha kihh pihhzeenn; wu'an nah kihh dhakk'shin wu'rett. Ghi kamm pihhzeenn keegha dhak a'n noott dhakk'shin wu'rett e'h, bhi wu'an p'ee kamm pihhzeenn keena gha sh'i dhakk'shin wu'rett keena. 19Ghi kihh pihhzeenn ghi le Naan a kihmeh. Mihhseh dihhreh. Ai kooh mumullung maah mwopp kihh pihhzeenn zag le Naan a kihmeh, harr shoopshik mwopp kihh lapptam sh'i kihkhir nyi.”
20Gag m'ee mwenn! Ghi kihh t'ang tihh mwopp kamm diy gha le pihhzeenn w'u noott dhakk'shin wu'rett a bii wu'buu mihngg? 21Uwou, ih nang dhak kihhshe 'y: gyet Naan satt le puup mu Ibrahim a gu-shigrett lhiwaa a dhakk'shin wu'rett w'u sh'in kaarooh pihh em niy Ishaku a bii'zhukhum kihh kibyin'biizhukhum seh mou aa'h? 22T'o, ghi naah dhakk e'h; pihhzeenn khinyi kihh dhakk'shin wu'rett khinyi mwopp sh'in dhakk dangshag, bhi pihhzeenn khinyi gam a sh'i dhakk'shin wu'rett w'u sh'in. 23A kihhsheh bhi Ran'Wubhangg gam, w'u satt le, “Ibrahim pihhzeenn Naan, bhi Naan ran pihhzeenn khinyi nyi a shigrett.”#Shb 15:6 A kihhsheh bhi mwopp kihh peet nyi shaar khi Naan. 24T'o, wu naah, Naan kihh le'shigrett gurum lhiwaa a dhakk'shin wu'rett w'u sh'in, baa wai a phishumm pihhzeenn kyekk mou.
25A kihhsheh zag, gyet Naan le'shigrett Rahab, w'u a matgaa, lhiwaa dhakk'shin wu'rett w'u sh'in dhighin rooh lapp wer mwopp l'e luh rah, yakhal shenn mwopp kih arr w'aa m'ee koghob wu'dyikk mou aa'h? 26Pee'mhinyi, bhi kaarooh dihng shoopshik w'u noott riin a kumm se, bhi pihhzeenn w'u noott dhakk'shin wu'rett a kumm zag.
လက္ရွိေရြးခ်ယ္ထားမွု
Yakub 2: Chakfem
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation
Yakub 2
2
Tapp wu sh'in shwatyit mou
1Em'naa, phikrihpp na mwopp, kaa dhoghol wunn a mhi-pihhzeenn Jesu Kristi, w'u a Puup mu gu-men'riin wu'dhess se, bhi tapp wu kihh sh'in shwatyit mou. 2Tihh ih kammshiiy pwoo mihhse diy wunn kihhshe se: Mihh m'ee gulong w'u lop tul zinarya, yakhal sh'in zhwatt sh'i looh krhim diy ji dhel dhighin ku'khur keewu; dhangg m'ee gupyaah w'u wu'nyi a kihh g'ok looh wu'rab diy ji dhel zag eeh? 3Mih wu pihhdhess a gulong w'u wu'nyi rwan looh krhim seh, wu satt wu'nyi wu le, “Gwoohyon, peetong wu'rett se gha 'y;” dheeh wu satt gupyaah ni wu le, “Ghi dharr pakk seh,” h'aa kooh meeh wuh satt nyi le, “Ghi bhakhatt pakk se yill sh'i kwag nah,” 4Mihh wu sh'in kihhsheh bhi wu sh'in a shwatyit seh naar wu yakhal wu dhen a mhi-shwandyeell shag sh'i p'an wu'bis mou aa'?.
5Em'naa, phikrihpp nah mwopp, wu klihng bii w'u a'n kihh nyi p'ee satt wunn. Kan wu man rooh Naan blihp a mwooh yill ni kihh naah le nw'aa a mhipyaah tihh mwopp dhen diy a mhilong dhighin pihhzeenn, yakhal tihh mwopp lapp shapp diy dhighin dhenglong w'u Naan bwakhatbhellepp le riy p'ee pihh nyi mwooh kihh wall riy seh maah? 6Dhangg wu naah, wu kihh toglong mhipyaah mwopp. Dhok a mhilong shi mwopp a mhi treng wunn e'? Dhok a mwopp shi a mhi dres wunn lhidum luhdyeell e'? 7Dhok a mhilong shi a mhi kas gag shumm Wu'yon mhize, shumm w'u mwopp kihh peet wunn dyishig seh 'y?
8Mihh wu kihh kyeer w'aar wu'yon mhi dhenglong khi Naan, w'aar w'u kihh satt dhighin Ran'Wubhangg le, “Ghi wall shaar'tong keegha kaa sak se zag,” bhi wu sh'in dihhreh. 9Dhangg mihh wu kihh sh'in a shwatyit, bhi wunn phi sh'in a shigbis, a kihhsheh bhi w'aar khi Naan y'aa wunn kihh shig tep w'aar. 10P'ee koohweeh w'u mihh kyeer w'aar weett, dhangg taah kat dhighin kihmeh bhi mang'shig mhi tep'waar ni mwopp a weett. 11P'ee Naan w'u satt le, “Tapp ghi sh'in gaa mou,” a nyi satt zag le, “Tapp ghi tu'kaah mou.” Mih ghi kihh sh'in gaa mou, dhangg ghi kihh tu'kaah, bhi gha a g'u tep'waar.#Put 20:13,14; WSW 5:17,18
12Pee'mhinyi, bhi wu kihh kadpwoo yakhal wu kihh sh'in koohmeeh a kaa mwooh mwopp p'ee p'ar togdyeell mwopp a sh'i w'aar w'u kihh ji kihh yetshik gurum. 13Wu sh'in kihhsheh p'ee Naan p'ee p'ar togdyeell noott kaahdhoonn kapp gwooh baah kihh naah kaahdhoonn khi gurum mou. Kaahdhoonn kihh sokokhorong kaah shandyeell.
Pihhzeenn kihh dhakk'shin wu'rett
14Em'naa mwopp, a mihyeh a kyeenn khi rooh gurum diy kihh nhighil shin le riy kihh pihhzeenn dhangg baah nyi kihh dhakk'shin wu'rett mou? Kyed pihhzeenn wu'kihhsheh diy bham nyi mihngg? 15Uwou, kaddhangg m'ee emnhikhin mu, kooh m'ee wu'reep mu noott looh'lop kooh biisoh, 16dhangg meeh muh satt mwopp le, “Wu mwan, ih kihh dhang a wu'rett khi Naan kaah wuh; Naan l'e tihh pee'wong wunn bhoghol, yakhal wu abbhal rih-rett,” dhangg baah sh'in mee'bii kaah kwat bad mhi shoopshik mwopp mou, bhi a mihyeh a kyeenn khinyi. 17A kihhsheh zag, pihhzeenn mihh baah nyi a kihshag kihh dhakk'shin wu'rett mou bhi nyi a kumm.
18T'o, mee'meehseh menguh p'ee satt le, “Wu'gha kihh pihhzeenn; wu'an nah kihh dhakk'shin wu'rett. Ghi kamm pihhzeenn keegha dhak a'n noott dhakk'shin wu'rett e'h, bhi wu'an p'ee kamm pihhzeenn keena gha sh'i dhakk'shin wu'rett keena. 19Ghi kihh pihhzeenn ghi le Naan a kihmeh. Mihhseh dihhreh. Ai kooh mumullung maah mwopp kihh pihhzeenn zag le Naan a kihmeh, harr shoopshik mwopp kihh lapptam sh'i kihkhir nyi.”
20Gag m'ee mwenn! Ghi kihh t'ang tihh mwopp kamm diy gha le pihhzeenn w'u noott dhakk'shin wu'rett a bii wu'buu mihngg? 21Uwou, ih nang dhak kihhshe 'y: gyet Naan satt le puup mu Ibrahim a gu-shigrett lhiwaa a dhakk'shin wu'rett w'u sh'in kaarooh pihh em niy Ishaku a bii'zhukhum kihh kibyin'biizhukhum seh mou aa'h? 22T'o, ghi naah dhakk e'h; pihhzeenn khinyi kihh dhakk'shin wu'rett khinyi mwopp sh'in dhakk dangshag, bhi pihhzeenn khinyi gam a sh'i dhakk'shin wu'rett w'u sh'in. 23A kihhsheh bhi Ran'Wubhangg gam, w'u satt le, “Ibrahim pihhzeenn Naan, bhi Naan ran pihhzeenn khinyi nyi a shigrett.”#Shb 15:6 A kihhsheh bhi mwopp kihh peet nyi shaar khi Naan. 24T'o, wu naah, Naan kihh le'shigrett gurum lhiwaa a dhakk'shin wu'rett w'u sh'in, baa wai a phishumm pihhzeenn kyekk mou.
25A kihhsheh zag, gyet Naan le'shigrett Rahab, w'u a matgaa, lhiwaa dhakk'shin wu'rett w'u sh'in dhighin rooh lapp wer mwopp l'e luh rah, yakhal shenn mwopp kih arr w'aa m'ee koghob wu'dyikk mou aa'h? 26Pee'mhinyi, bhi kaarooh dihng shoopshik w'u noott riin a kumm se, bhi pihhzeenn w'u noott dhakk'shin wu'rett a kumm zag.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©️2022 Luke Initiative for Scripture Translation