'Olic 90
90
SAKA SPAT A MALOLODAY CUDAD
('Olic 90--106)
O Kawas ato Tamdaw
O tolon ni Mosi, o tamdaw no Kawas.
1Tapangaw, o mida'ocay a piki'adingan niyam Kiso,
2Yo caho ka sanga' ko lotolotok,
yo caho ka safaco ko sra ato hkal i,
o Kawasto Kiso nai ti:yaho tangasa i da'oc.
3Papinokayen Iso ko tamdamdaw i tatapangan nangra,
saka, mapanokay Iso kami i sra.
4O pinengneng Iso to ccay a patek a mihcaan i,
mato ccayay a romi'ad,
matiya o mata'lifayto a romi'ad inacila,
matiya o ccay a cmet to dadaya.
5Matiya o cdas ko pistol Iso a miala to 'orip niyam,
mamoko' ko 'orip niyam a matiya o lmed.
Matiya o molngaway to dafak a cngo' no rngos ko 'orip niyam.
6Manga'ay ko lahad nira to dafak,
dadaya sato i, mafadi'to a ma'icang.
7Mapackok no kter Iso kami,
saka, matkop no kter Iso kami.
8Tlien Iso i ka'ayaw Iso ko raraw niyam,
mapatalahkal Iso ko masimeday a raraw niyam.
9Masakamoko' no kter Iso ko mihcaan niyam,
matiya sa o ccay a picdaah ko 'orip niyam a malahdaw.
10O mihcaan niyam a ma'orip i, pito aca a polo',
ano tanektek ko tireng i, tangasa i falo a polo' ko mihcaan niyam,
nikawrira, o malayapay niyam tonini a mihcaan i,
deng o roray ato pades a ccay,
sano ma^feray saan ko 'orip niyam a mita'lif.
11Cima ko mafana'ay to nika ci'icel no kter Iso?
Cima ko mafana'ay to nika o katalawan ko kter Iso?
12Nanay pasifana'en kami a misa'osi to nika kamoko' no mihcaan niyam,
ta matongal ko taneng niyam.
13 Tapangaw, tahacowa ta mapahrek ko kter Iso?
Nanay kaadayayenho Iso ko polong no matayalay Iso.
14Nanay to dafadafak parihakden kami toya caay ka falic a olah Iso,
ta matomes no lipahak ko 'orip niyam.
15O nipadesan Iso kami to pinapi:na a mihcaan,
nanay haenen Iso kami a palipahak to pinapi:na a mihcaan.
16Nanay pa'arawen Iso ko polong no matayalay Iso to tadamaanay a dmak Iso,
nanay pa'arawen Iso ko wawawawa niyam to tadamaanay a 'icel Iso.
17Tapang a Kawas niyam, nanay palmeden Iso kami.
Nanay sanga'ayen Iso ko tayal niyam a ma^min.
Nanay palahcien Iso ko nitayalan niyam a ma^min.
လက္ရွိေရြးခ်ယ္ထားမွု
'Olic 90: AMIS2019
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© The Bible Society in Taiwan, 2019