'Olic 77
77
O Sahinom yo Mapades
O 'olic ni Asaf. Mapatorod i kakridan no paradiway ci Yitutun.
1Pasayra kako i Kawas a miwaho a milongoc,
lkal sa kako a pangiha', nanay mitngil Cingra i takowanan.
2Yo mapades kako i, mitolon kako to Tapang,
salafii sa kako a pakamay a mitolon i,
caay ka hinom ko faloco' ako.
3Yo miharateng kako to Kawas i, cdaah sa kako,
misaharaterateng kako i, matoled ko faloco' ako.
4Kiso ko saka^ca ka ala no fafoti'en ako,
rawraw sa kako, caayto ka nga'ay a caciyaw kako.
5Miharateng kako to mata'lifayto a romi'ad,
miharateng haca kako to mata'lifayto a mihcaan.
6Salafii sa kako a miharateng,
sangaliwngiw sa kako a milicay to tireng ako,
7<<Tahada'oc han no Tapang a mifalah kami?
Tahada'oc a caayto piliyaw a maolah Cingra i tamiyanan?
8Caayto piliyaw a maolah Cingra i tamiyanan haw?
Malasawadto ko niktonan Ningra a sowal a ma^min haw?
9Awaayto ko adayay no Kawas haw?
Malakterto ko adayay Ningra haw?
10O kararoman ako i, mafalicto ko 'icel no Isatakaraway a Kawas,>> sa kako.
11 Tapangaw, maharateng ako ko tadamaanay a dmak Iso,
maharateng ako ko kafahka'an a dmak Iso i ti:yaho.
12Maharateng ako ko nidmakan Iso a ma^min,
maharateng ako ko kahaccaccay a nidmakan Iso a ma^min.
13Kawasaw, fangcalay a ma^min ko nidmakan Iso,
awaay ko romaroma a kawas to sapasasotiri' i Tisowanan.
14O midmakay Kiso to kafahka'an a dmak a Kawas,
patiri'en Iso i kasakitakit ko tadamaanay a 'icel Iso.
15Pakaynien Iso i 'icel Iso ko sapa'orip to finawlan Iso,
pa'oripen Iso ko tloc ni Yakop aci Yosif.
16Kawasaw, paka'araw ko nanom i Tisowanan i,
matalaw a ma^min canira,
halotalolongay a riyar a mamirmir a minengneng i Tisowanan.
17Tfaden no to'em ko 'orad,
pasadaken no kakarayan ko kakleng,
mildef to kakarayan ko kalapiyat.
18Sakalongkong sa ko kakleng Iso,
mapatdi no kalapiyat ko polong no hkal,
mackok a mangernger ko sra.
19Rakaten Iso ko riyar,
hawang han Iso ko talolongay a riyar,
nikawrira, awaay a ma'araw ko nasaripa'an Iso.
20Pakaynien Iso ci Mosian aci Aronan ko nipikrid to finawlan Iso a matiya o pakaenay to siri.
လက္ရွိေရြးခ်ယ္ထားမွု
'Olic 77: AMIS2019
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© The Bible Society in Taiwan, 2019