'Olic 64
64
O Pilongoc to Sadipot
O 'olic ni Tafiti. Mapatorod i kakridan no paradiway.
1Kawasaw, nanay tngilenho ko tangic ako,
nanay pa'oripenho kako a paliyas nai miforiforay a 'ada.
2Nanay dipotenho Iso kako a paliyas nai pisa'adapaw no tatiihay a tamdaw, ta caay ka kari'ang kako.
3Matiya o nicadiwan a fonos ko sowal nangra a citalem,
matiya o pana' ko kasadak no cisawarakay a sowal nangra.
4Misa'imer cangra a sapipana'an to awaay ko raraw a tamdaw,
talifahal sa cangra a mipana',
caay ka talatalaw cangra a mipana'.
5Masasowasowal cangra a misahalaka to tatiihay,
misahalaka cangra a midokdok a mitlay to satilo,
<<Cima ko paka'araway titaanan saw?>> saan cangra.
6Sowal sa cangra a misahalaka,
<<O masongila'ay ko nisahalakaan ita,>> saan cangra.
Wata: ko nika caay ko kafana'an ko faloco' no tamdaw.
7Nikawrira, o papana'en no Kawas cangra,
talifahal asa cangra a madoka'.
8O sakatkop nangra ko sowal nangra,
o minengnengay i cangraan a ma^min i,
o mami'inga'ing to fongoh.
9Itiya i, o mamatalaw a ma^min ko tamdamdaw,
o papasowal cangra to tayal no Kawas,
o mamiharateng a mafana' cangra to dmak Ningra.
10O mamiti'er to Tapang ko mo^celay a tamdaw,
o lalipahak cangra to pakayniay i Cingraan,
o papahmek i Cingraan ko mo^celay a tamdaw a ma^min.
လက္ရွိေရြးခ်ယ္ထားမွု
'Olic 64: AMIS2019
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© The Bible Society in Taiwan, 2019