Izaiya 56
56
Vulusiwa unoza ufiye wa atu a unde.
1Yehova unawonga ira: <<Tchineneva vulusa waga unofiya eto tchineneva upama waga unafuna uoneye. Nona mukayena matongelo a ibaribari eto muiregena upama. 2Orelihiwa ba atu anne anairana eno eto analimbiheda riheda siku na sabado, kahaninongaga eto ndanda newa aliwa hairagana yengo yotakala ili yatene.>> 3Mutu uli watene oza, ugumanenle akala na Yehova, kawonge ira: <<Miyo eni na ibaribari Yehova unoza adimwalanihemo muwari mwa atwaye.>> Eto nne mutu ohoya mmba kawonge ira: <<Kaing'anani, miyo nnafwanyeya dagali mutengo oumma.>> 4Tchoira Yehova unawonga ira: <<Zela atu ohoya mmba anno anakoya masabado aga eto anasakulra irana jejo jinafuna miyo, vamohi no limbiha pama yopangana yaga, 5atu anno miyo nnoza daavahe nimbozo noawumbutcheda nzina newa, muwari mwa muru wa vande vaga, eto nnoza daavahe nzina napama kwaranya kana ahima a alombwana nari a ahiyana. Nnoza dinvahe kada mutu nzina nohokana goma uwa, nzina neno nahanadimela.>>
6Atu a unde anno anagumana na Yehova ira kalabege mabasaye no ziveliwa nzina na Yehova no kala anamalaba aye eto anariheda siku na sabado kahaninongaga eto kakoyaga yopangana yaga, 7anno miyo nnoza daadowena mwango waga otchena eto nnoavaha hagalala muwari mwa nyumba yaga yolobelamo. Nnoza dirumele jovelela jewa jotumeya vamohi na mikuto dimohi diwa jejo jinafuna atu velelaga vaibuwani vaga. Tchoira nyumba yaga inaitaniwege Nyumba yolobelamo para atu a malogo matene.
8Nabwiya Yehova wenno unaagumaniha aIzarayeli atene obalaleya, unawonga ira: <<Nnoza daagumanihe atu amohiwa, daawendjede na anno daagumanihile miyo wanle.>>
Sumululiwa wa asogolrelri a aIzarayeli
9Nyo anavinyama a mukokolani, nyo anavinyama owopiha a muguguruni muze, mudje. 10Asogolrelri oaing'anela aIzarayeli ba atu ohoona. Atene kinna zelru. Anakala nnga anambwa omiyala ohowanda uwa. Mabasiwa ku gona bahi, rohaga joroha, ziveliwaga gona bahi. 11Aliwa ba anambwa oziveliwa dja eto kinarumbala. Eto aliwa ba anamakumbuza ohokana toto. Atene anairana jinafuna atu. Kada mutu unavitutumulela vaye vene eka. 12Aliwa anowonga ira: <<Ndoweni nisake vinyu, ning'weni jolrezelriha ante vinafunela hiyo. Eto siku na metchelo inakalave sawasawa nnga peno eto nnerege kwaranyiha.>>
လက္ရွိေရြးခ်ယ္ထားမွု
Izaiya 56: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral