Izaiya 55
55
Itana wa Yehova
1Yehova unawonga ira: <<Nyo mwatene munna ntona muze, mahindje kali vano. Eto nyo mwahanna kobiri, muze mugule jodja ira mudje. Muze mugule vinyu na mukaka mwahakumihile kobiri eto mwahakumihile yengo ili yatene. 2Mwasiwa gwa nni kobiri denyu nongelaga jengo johodjiwa? Mwasiwa gwa nni nyo labelaga jengo jahanafuna ukamihedagani? Kavwani pama jengo jinawonga miyo ji, mudje jengo japama eto muvihagalalihe na jodja jonuna. 3Mureye mabaru eto muze wa miyo. Mudivwe miyo vano ira mukayena ingumi. Miyo nnosakanya yopangana yohomala na nyo. Eto nnouonihani zivela waga wohotchindjeya nnga mwapanganne miyo na Davi. 4Kaing'anani, miyo dohosakanya ira Davi akale mboni waga vamentoni va atu a unde eto ira akale musogolrelri na mundimuwa wa atu a unde. 5Nyo munerege itana nlogo na atu mwahaaiziwile nyo, evale nlogo neno nahaiziwile nyo nnerege tamanga nizege wa nyo. Jatene ejo jinafuna jiireye na mwasa wa miyo Yehova Mulugu wenyu, Mulugu Otchena wa Izarayeli. Tchoira miyo duhuuvahani undimuwa.>>
6Mmusake Yehova tempu yenna inawanda liye fwanyeya. Mmuitane tempu yenna ili liye vakwikwive. 7Mutu otakala ahiye makalelo aye otakala. Eto mutu oirana jabure atchindje joumbuwela jaye, awelele wa Yehova ira Yehova amuwendele tangaranga. Awelele wa Mulugu wehu mwasiwa liye gowanda levelela valukulu. 8Tchoira Yehova unawonga ira: <<Joumbuwela jaga na joumbuwela jenyu kahi jimohive. Eto joira jaga na joira jenyu kahi jimohive. 9Joira jaga jihilapelana na joira jenyu eto joumbuwela jaga jihilapelana na joumbuwela jenyu na makalelo nnga ilambo ya zulu inalapelana atu na ilambo ya vati.
10<<Muzongwe na neve#55:10 neve tchi yengo yotchena nnga ntondje inamora zulu vamalroni va muzongwe unde wasimbwa didila. jinakumela zulu eto kajinawelela zulu akoka jahanababihe nyetiha teya ya ilambo ya vati. Jinomeliha vamohi no ulukuliha jomela ira namalima akayena mbewu daye eto maliba ndala akayena jodja jaye. 11Na makalelo amohive, mazu aga anakuma muwano mwaga kinawela kaza wa miyo kahalabile yengo. Mbwenye anolaba nnga mwemo munafunela miyo eto anokwakwaneliheda yenno inaruma miyo ira kalabe.
12<<Munoza mukume mohagalala mmakatamihoni mwenyu#55:12 Munoza mukume mohagalala mmakatamihoni mwenyu: Afwase mazwala anawonga zela hagalala wafuna kana aIzarayeli kakumaga Babiloniya. (Nione Izaiya 48.20; 52:8) eto munoza musogolrelriwe mwa murendele. Eto mwadowaga, mwango na mikuma nnerege uimbelani nyumbo eto mitengo datene da mukokolani nnerege uimbelani manda. 13Wewo wali mutengo wa minga unoza umele mutengo wa mbila. Wewo wali makaruwe unoza umele folori da vande. #55:13 mbila owu hehi faya. folori da vande owu hehi murta. Jejo jinafuna juwumbutchedegeni zela nzina na Yehova. Jinokala ionihedo ya mukalakala eto kajiza jimala.>>
လက္ရွိေရြးခ်ယ္ထားမွု
Izaiya 55: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral
Izaiya 55
55
Itana wa Yehova
1Yehova unawonga ira: <<Nyo mwatene munna ntona muze, mahindje kali vano. Eto nyo mwahanna kobiri, muze mugule jodja ira mudje. Muze mugule vinyu na mukaka mwahakumihile kobiri eto mwahakumihile yengo ili yatene. 2Mwasiwa gwa nni kobiri denyu nongelaga jengo johodjiwa? Mwasiwa gwa nni nyo labelaga jengo jahanafuna ukamihedagani? Kavwani pama jengo jinawonga miyo ji, mudje jengo japama eto muvihagalalihe na jodja jonuna. 3Mureye mabaru eto muze wa miyo. Mudivwe miyo vano ira mukayena ingumi. Miyo nnosakanya yopangana yohomala na nyo. Eto nnouonihani zivela waga wohotchindjeya nnga mwapanganne miyo na Davi. 4Kaing'anani, miyo dohosakanya ira Davi akale mboni waga vamentoni va atu a unde eto ira akale musogolrelri na mundimuwa wa atu a unde. 5Nyo munerege itana nlogo na atu mwahaaiziwile nyo, evale nlogo neno nahaiziwile nyo nnerege tamanga nizege wa nyo. Jatene ejo jinafuna jiireye na mwasa wa miyo Yehova Mulugu wenyu, Mulugu Otchena wa Izarayeli. Tchoira miyo duhuuvahani undimuwa.>>
6Mmusake Yehova tempu yenna inawanda liye fwanyeya. Mmuitane tempu yenna ili liye vakwikwive. 7Mutu otakala ahiye makalelo aye otakala. Eto mutu oirana jabure atchindje joumbuwela jaye, awelele wa Yehova ira Yehova amuwendele tangaranga. Awelele wa Mulugu wehu mwasiwa liye gowanda levelela valukulu. 8Tchoira Yehova unawonga ira: <<Joumbuwela jaga na joumbuwela jenyu kahi jimohive. Eto joira jaga na joira jenyu kahi jimohive. 9Joira jaga jihilapelana na joira jenyu eto joumbuwela jaga jihilapelana na joumbuwela jenyu na makalelo nnga ilambo ya zulu inalapelana atu na ilambo ya vati.
10<<Muzongwe na neve#55:10 neve tchi yengo yotchena nnga ntondje inamora zulu vamalroni va muzongwe unde wasimbwa didila. jinakumela zulu eto kajinawelela zulu akoka jahanababihe nyetiha teya ya ilambo ya vati. Jinomeliha vamohi no ulukuliha jomela ira namalima akayena mbewu daye eto maliba ndala akayena jodja jaye. 11Na makalelo amohive, mazu aga anakuma muwano mwaga kinawela kaza wa miyo kahalabile yengo. Mbwenye anolaba nnga mwemo munafunela miyo eto anokwakwaneliheda yenno inaruma miyo ira kalabe.
12<<Munoza mukume mohagalala mmakatamihoni mwenyu#55:12 Munoza mukume mohagalala mmakatamihoni mwenyu: Afwase mazwala anawonga zela hagalala wafuna kana aIzarayeli kakumaga Babiloniya. (Nione Izaiya 48.20; 52:8) eto munoza musogolrelriwe mwa murendele. Eto mwadowaga, mwango na mikuma nnerege uimbelani nyumbo eto mitengo datene da mukokolani nnerege uimbelani manda. 13Wewo wali mutengo wa minga unoza umele mutengo wa mbila. Wewo wali makaruwe unoza umele folori da vande. #55:13 mbila owu hehi faya. folori da vande owu hehi murta. Jejo jinafuna juwumbutchedegeni zela nzina na Yehova. Jinokala ionihedo ya mukalakala eto kajiza jimala.>>
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral