Izaiya 54
54
Upama wohomala unafuna za afwanya atu a Yehova
1Kaimba moteyela we Jeruzalemu, we ngomwa, maliba habala. Kahagalala moimba eto kakuwa weyo waharomile ona upa obala. Tchoira weyo ulanyiwe unoza ukayena ahima oindjiva hiyaniha na ule ateliwe. Unawonga gu Yehova. 2Uulukulihe nimburo nnafuna we kungavo musasa wawo. Utapule nguwo da musasa wawo. Kuyevihe nguwo yawo. Ulapiheve mingohi da musasa eto umbiyelihe pama peregu diwa. 3Tchoira weyo unoza ususihe madilriwa wu na wu eto vizulu dawo nnafuna dikale mwilamboni mwa atu amohiwa eto anafuna kakale muwari mwa sidadi dedo dihiyiwe.
4Kuove mwasiwa kuza unyaswihiwa akoka. Kukale lohulo mwasiwa kuza ululuvihiwa akoka. Tchoira unoza udiwale manyazo wanna we unamwalini wawo. Manyazo wanna we zela kala makwele kuza utulelave. 5Tchoira mamunawo gu Namapandutcha wawo, Yehova wa Makuru Matene ti nzina naye. Mulugu Otchena wa Izarayeli gu Namawombola wawo. Liye unaitaniwa Mulugu wa ilambo yatene ya vati. 6Weyo Izarayeli, Yehova uitana akoka. Weyo uli nnga muhiyana olanyiwa, ozaleliwa kumbanya mmirimani mwaye, nngave muhiyana wa unamwali otamangihiwa. Unawonga gu miyo Mulugu wawo. 7<<Miyo dohouhiya para tempu ya vang'ono. Mbwenye miyo nnafuna dutukule akoka muwari mozivela waga ulukulu. 8Dohotawiha kove yaga ora ya vang'ono na mwasa otakaleliwa ulukulu wanna miyo. Mbwenye nnafuna dize duuwendeleni tangaranga na mwasa ouzivelani waga wohomala. Unawonga gu miyo Yehova, Namawombola wawo. 9Zela wa miyo, jeji jili nnga tempu ya Nowe. Miyo doholumbela tempu yenno ira kadiza dinonga ilambo ya vati na mahindje akoka. Mwa eno, peno nnolumbela akoka ira kadiza dunyanyuwela akoka. Eto kadiza duusumulula akoka. 10Mwango aliwa podi susa, mikuma aliwa podi tonda mbwenye uzivelani waga kuza utchindjeya. Unokalave na weyo kala no kala. Yopangana yaga ya murendele kiza itchindjeya. Unawonga gu Yehova wenno unauwendelani tangaranga.>>
11Yehova unawonga ira: <<Weyo Jeruzalemu uli sidadi yoonihiwa goyi, sidadi yobubudiwa eto yohokana mutu oudidiliha. Mbwenye miyo nnafuna dumange akoka na simenti yolimba pama. Aliserisi wawo nnomanga na mabwe ofuneyetchetcha aneriwa safira. 12Nnafuna dimange nyumba doing'anela na mabwe ofila eto misuwo dawo nnafuna dimange na mabwe ojerimela nnga munlo. Muru wawo watene nnafuna dimange na mabwe ofuneyetchetcha. 13Atwawo atene anoza kafundjihiwe na miyo Yehova.#Juwawu 6:45 Ahimawo anogarati mwa murendele mulukulu. 14Weyo unoza ugarateye muwari mwa upama wa ibaribari. Kaza akalawo mutu unafuna usanya mwasiwa kilivo inafunege we ova. Kuza ukana rendjeya mwasiwa ova kuza ufiya vakwikwive na weyo. 15Mutu avenyiha kondo, kondo yenno kikumile mwa miyo. Unafuna wana na weyo unoimwanana mwasiwa weyo gunafuna mugondjiha. 16Kaing'anani, gu miyo umpandutchile maliba hana wenno unatumbanya munlo wa makalra ira ahanena fwaramento dowanana kondo. Dohompandutcha eto mutu obwanyula ira anonge. 17Inafuna we vahiwa wagali namalaba waga eto gondjiha unafuna miyo uvaha ku wu: Kilivo yengo isakanyiwe na amwidanawo inafuna uporotcha. Eto atene anafuna jounukeda, weyo unerege aruniha. Unawonga gu miyo Yehova.>>
လက္ရွိေရြးခ်ယ္ထားမွု
Izaiya 54: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral
Izaiya 54
54
Upama wohomala unafuna za afwanya atu a Yehova
1Kaimba moteyela we Jeruzalemu, we ngomwa, maliba habala. Kahagalala moimba eto kakuwa weyo waharomile ona upa obala. Tchoira weyo ulanyiwe unoza ukayena ahima oindjiva hiyaniha na ule ateliwe. Unawonga gu Yehova. 2Uulukulihe nimburo nnafuna we kungavo musasa wawo. Utapule nguwo da musasa wawo. Kuyevihe nguwo yawo. Ulapiheve mingohi da musasa eto umbiyelihe pama peregu diwa. 3Tchoira weyo unoza ususihe madilriwa wu na wu eto vizulu dawo nnafuna dikale mwilamboni mwa atu amohiwa eto anafuna kakale muwari mwa sidadi dedo dihiyiwe.
4Kuove mwasiwa kuza unyaswihiwa akoka. Kukale lohulo mwasiwa kuza ululuvihiwa akoka. Tchoira unoza udiwale manyazo wanna we unamwalini wawo. Manyazo wanna we zela kala makwele kuza utulelave. 5Tchoira mamunawo gu Namapandutcha wawo, Yehova wa Makuru Matene ti nzina naye. Mulugu Otchena wa Izarayeli gu Namawombola wawo. Liye unaitaniwa Mulugu wa ilambo yatene ya vati. 6Weyo Izarayeli, Yehova uitana akoka. Weyo uli nnga muhiyana olanyiwa, ozaleliwa kumbanya mmirimani mwaye, nngave muhiyana wa unamwali otamangihiwa. Unawonga gu miyo Mulugu wawo. 7<<Miyo dohouhiya para tempu ya vang'ono. Mbwenye miyo nnafuna dutukule akoka muwari mozivela waga ulukulu. 8Dohotawiha kove yaga ora ya vang'ono na mwasa otakaleliwa ulukulu wanna miyo. Mbwenye nnafuna dize duuwendeleni tangaranga na mwasa ouzivelani waga wohomala. Unawonga gu miyo Yehova, Namawombola wawo. 9Zela wa miyo, jeji jili nnga tempu ya Nowe. Miyo doholumbela tempu yenno ira kadiza dinonga ilambo ya vati na mahindje akoka. Mwa eno, peno nnolumbela akoka ira kadiza dunyanyuwela akoka. Eto kadiza duusumulula akoka. 10Mwango aliwa podi susa, mikuma aliwa podi tonda mbwenye uzivelani waga kuza utchindjeya. Unokalave na weyo kala no kala. Yopangana yaga ya murendele kiza itchindjeya. Unawonga gu Yehova wenno unauwendelani tangaranga.>>
11Yehova unawonga ira: <<Weyo Jeruzalemu uli sidadi yoonihiwa goyi, sidadi yobubudiwa eto yohokana mutu oudidiliha. Mbwenye miyo nnafuna dumange akoka na simenti yolimba pama. Aliserisi wawo nnomanga na mabwe ofuneyetchetcha aneriwa safira. 12Nnafuna dimange nyumba doing'anela na mabwe ofila eto misuwo dawo nnafuna dimange na mabwe ojerimela nnga munlo. Muru wawo watene nnafuna dimange na mabwe ofuneyetchetcha. 13Atwawo atene anoza kafundjihiwe na miyo Yehova.#Juwawu 6:45 Ahimawo anogarati mwa murendele mulukulu. 14Weyo unoza ugarateye muwari mwa upama wa ibaribari. Kaza akalawo mutu unafuna usanya mwasiwa kilivo inafunege we ova. Kuza ukana rendjeya mwasiwa ova kuza ufiya vakwikwive na weyo. 15Mutu avenyiha kondo, kondo yenno kikumile mwa miyo. Unafuna wana na weyo unoimwanana mwasiwa weyo gunafuna mugondjiha. 16Kaing'anani, gu miyo umpandutchile maliba hana wenno unatumbanya munlo wa makalra ira ahanena fwaramento dowanana kondo. Dohompandutcha eto mutu obwanyula ira anonge. 17Inafuna we vahiwa wagali namalaba waga eto gondjiha unafuna miyo uvaha ku wu: Kilivo yengo isakanyiwe na amwidanawo inafuna uporotcha. Eto atene anafuna jounukeda, weyo unerege aruniha. Unawonga gu miyo Yehova.>>
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral