Izaiya 24
24
Tongiwa wa ilambo yatene ya vati
1Kaing'anani, Yehova unoza anonge ilambo ya vati, unoza aisandutche, ikale isalesale. Unoza aiduwihe teyiwa eto unoza aamwade atu anakalamo. 2Atu atene anagomela na makalelo amohive. Anamakuta na atu a vaheno vene anoza kakale sawasawa. Azari a alombwana na apatarawiwa anoza kakale sawasawa. Azari a ahiyana na apatarawiwa a ahiyana anoza kakale sawasawa. Aliba gula na aliba guliha anoza kakale sawasawa. Aliba boliha na aliba bolihiha anoza kakale sawasawa. Aliba fiyari na aliba fiyariha anoza kakale sawasawa. 3Ilambo ya vati yatene inoza inongiwe eto jorayela jatene jinoza jikumihiwemo mwasiwa Yehova guwongile ejo. 4Ilambo inanla eto inanyala. Ilambo ya vati ili yokukumuwene eto inazuzuma. Andimuwa andimuwa ovweya a ilambo ya vati kohomala kala waheyo. 5Atu anakala ilambo ya vati kohomala itakaliha, mwasiwa kinahara malamulo a Mulugu, analramwisa mangano aye. Kohomala twa yopangana yohomala, yenno yapanganne liye na aliwa. 6Na mwasa wenno Mulugu umala tembelrelra ilambo ya vati. Atu anakalamo anaona goyi na mwasa wa mulandu unna atu. Nona eto ale anakala mwilamboni ya vati kohomala vareya, eto atu kahanlemo kahi anene.
7Vinyu muxa unanla. Miratchi da uva dihimala zuzuma. Mirima da aliba hagalala dinakumbanya. 8Ziveliwa okumela mwa makotcho unomalihiwa. Madugudugu a atu ohagalala kohomala. Ziveliwa okumela mwa arpa unomalihiwa. 9Aliwa kinang'wa vinyu kaimbaga nyumbo. Yong'wa yolrezelriha peno inanyunya. 10Sidadi yoviringaniha imala bwanyuliwa. Nyumba datene dihimala fungiwa ira mwahavolowe mutu. 11Unavweya kuwa mmarampani na mwasa osauweleya vinyu. Hagalala watene umala tima. Teyela umala tamangihiwa ira wahafwanyeye mwilamboni ya vati. 12Sidadi peno isanduwa kala vadebe. Misuwo da sidadi dihimala gumuwa. 13Ti ejo jinafuna aireyela malogo a atu atene a mwilamboni ya vati. Inoza ikale nnga mutengo wa azeti avosoliwaga, eto nnga mutu avurulaga miratchi da uva atu kagamanle viramo wanle.
Hagalala wa atu apama
14Anafuna hala ale anoza kakuwe muwari mohagalala. Atu anakala mavirelo wa nzuwa anakuwege muwari motamalela undimuwa wa Yehova. 15Na mwasa wenno nyo munakala makumelo wa nzuwa mmutitimihe Yehova. Nyo munakala tcherela ya bara, mutitimihe nzina na Yehova, Mulugu wa Izarayeli. 16Kumela magomelo wa ilambo ya vati nnovwa nyumbo domutitimiha Mutu Wapama.
Tolotchiwa wa atu otega
Mbwenye miyo nnawonga ira: <<Dihigomeliwa. Dihigomeliwa. Udilu wa miyo. Maliba nyenga unadowave eto nyenga waye unadowave sogolro.>> 17Jowopiha, kwegwe na ratuwero jinouzelani nyo atu a mwilamboni ya vati. 18Ule unatawa madugudugu a jowopiha unomorela nkwegweni. Ule unawanda kuma nkwegweni, unomanga ratuwero. Tchoira majanela a zulu kohomala huleya, eto maaliserisi a ilambo ya vati anatekenyeya. 19Ilambo ya vati inoza imale durumuwa-durumuwa. Ilambo ya vati inoza imale kauwa kauwa. Ilambo ya vati inoza itekenyeye na makalelo ohokala a masika. 20Ilambo ya vati inoza iwendege deri deri nnga mutu olrezelra. Inadenguma-denguma nnga ntandamela nadengumaga na nipevo. Inanyemeleliwa na yoviringaniha yaye. Inogwa eto yagwa, kuli venya akoka.
21Siku neno zulu Yehova unolanga nikuru nnakala zulu, eto mwilamboni ya vati Yehova unoalanga amwene anakala mwilamboni ya vati. 22Anoza kagumanihiwe vamohive nnga anyakadeya katatileliwe nkwegweni. Anoza kafungeliwe mukadeya. Vavira malambo madjindji, anoza kalangiwe. 23Mwedi unoza akale tchulriya, eto nzuwa nnoza ninyaswe, mwasiwa Yehova wa Makuru Matene uli Siyawu eto uli Jeruzalemu wewo unatonga liye. Unoza aonihe undimuwa waye vamentoni va andimuwa aye anno anaasogolrelra atwaye.
လက္ရွိေရြးခ်ယ္ထားမွု
Izaiya 24: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral
Izaiya 24
24
Tongiwa wa ilambo yatene ya vati
1Kaing'anani, Yehova unoza anonge ilambo ya vati, unoza aisandutche, ikale isalesale. Unoza aiduwihe teyiwa eto unoza aamwade atu anakalamo. 2Atu atene anagomela na makalelo amohive. Anamakuta na atu a vaheno vene anoza kakale sawasawa. Azari a alombwana na apatarawiwa anoza kakale sawasawa. Azari a ahiyana na apatarawiwa a ahiyana anoza kakale sawasawa. Aliba gula na aliba guliha anoza kakale sawasawa. Aliba boliha na aliba bolihiha anoza kakale sawasawa. Aliba fiyari na aliba fiyariha anoza kakale sawasawa. 3Ilambo ya vati yatene inoza inongiwe eto jorayela jatene jinoza jikumihiwemo mwasiwa Yehova guwongile ejo. 4Ilambo inanla eto inanyala. Ilambo ya vati ili yokukumuwene eto inazuzuma. Andimuwa andimuwa ovweya a ilambo ya vati kohomala kala waheyo. 5Atu anakala ilambo ya vati kohomala itakaliha, mwasiwa kinahara malamulo a Mulugu, analramwisa mangano aye. Kohomala twa yopangana yohomala, yenno yapanganne liye na aliwa. 6Na mwasa wenno Mulugu umala tembelrelra ilambo ya vati. Atu anakalamo anaona goyi na mwasa wa mulandu unna atu. Nona eto ale anakala mwilamboni ya vati kohomala vareya, eto atu kahanlemo kahi anene.
7Vinyu muxa unanla. Miratchi da uva dihimala zuzuma. Mirima da aliba hagalala dinakumbanya. 8Ziveliwa okumela mwa makotcho unomalihiwa. Madugudugu a atu ohagalala kohomala. Ziveliwa okumela mwa arpa unomalihiwa. 9Aliwa kinang'wa vinyu kaimbaga nyumbo. Yong'wa yolrezelriha peno inanyunya. 10Sidadi yoviringaniha imala bwanyuliwa. Nyumba datene dihimala fungiwa ira mwahavolowe mutu. 11Unavweya kuwa mmarampani na mwasa osauweleya vinyu. Hagalala watene umala tima. Teyela umala tamangihiwa ira wahafwanyeye mwilamboni ya vati. 12Sidadi peno isanduwa kala vadebe. Misuwo da sidadi dihimala gumuwa. 13Ti ejo jinafuna aireyela malogo a atu atene a mwilamboni ya vati. Inoza ikale nnga mutengo wa azeti avosoliwaga, eto nnga mutu avurulaga miratchi da uva atu kagamanle viramo wanle.
Hagalala wa atu apama
14Anafuna hala ale anoza kakuwe muwari mohagalala. Atu anakala mavirelo wa nzuwa anakuwege muwari motamalela undimuwa wa Yehova. 15Na mwasa wenno nyo munakala makumelo wa nzuwa mmutitimihe Yehova. Nyo munakala tcherela ya bara, mutitimihe nzina na Yehova, Mulugu wa Izarayeli. 16Kumela magomelo wa ilambo ya vati nnovwa nyumbo domutitimiha Mutu Wapama.
Tolotchiwa wa atu otega
Mbwenye miyo nnawonga ira: <<Dihigomeliwa. Dihigomeliwa. Udilu wa miyo. Maliba nyenga unadowave eto nyenga waye unadowave sogolro.>> 17Jowopiha, kwegwe na ratuwero jinouzelani nyo atu a mwilamboni ya vati. 18Ule unatawa madugudugu a jowopiha unomorela nkwegweni. Ule unawanda kuma nkwegweni, unomanga ratuwero. Tchoira majanela a zulu kohomala huleya, eto maaliserisi a ilambo ya vati anatekenyeya. 19Ilambo ya vati inoza imale durumuwa-durumuwa. Ilambo ya vati inoza imale kauwa kauwa. Ilambo ya vati inoza itekenyeye na makalelo ohokala a masika. 20Ilambo ya vati inoza iwendege deri deri nnga mutu olrezelra. Inadenguma-denguma nnga ntandamela nadengumaga na nipevo. Inanyemeleliwa na yoviringaniha yaye. Inogwa eto yagwa, kuli venya akoka.
21Siku neno zulu Yehova unolanga nikuru nnakala zulu, eto mwilamboni ya vati Yehova unoalanga amwene anakala mwilamboni ya vati. 22Anoza kagumanihiwe vamohive nnga anyakadeya katatileliwe nkwegweni. Anoza kafungeliwe mukadeya. Vavira malambo madjindji, anoza kalangiwe. 23Mwedi unoza akale tchulriya, eto nzuwa nnoza ninyaswe, mwasiwa Yehova wa Makuru Matene uli Siyawu eto uli Jeruzalemu wewo unatonga liye. Unoza aonihe undimuwa waye vamentoni va andimuwa aye anno anaasogolrelra atwaye.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral