Izaiya 23
23
Mulugu unoza aanonge akuda Tiru na akuda Sidoni xx
1Ula gu muselu owonga zela Tiru. Kuwani mokumbanya nyo mwadeya da Tarisi. Mwasiwa sidadi ya Tiru imala nongiwa. Kulive nyumba nne voimeliha mwadeya. Jejo johovweya kumela ilambo ya Xipire. 2Kakalani pee nyo atu munakala tcherela ya bara. Ilambo yenyu imala zala anamaguliha a Sidoni analambuwetcha bara. 3Nyo mwawendetcha ndila didjindji da mbara, mupaga kobiri muwari mwa jodja ja Siyori na jodja ja Nilu jaaguliheda nyo atu a malogo matene. 4Ukayena manyazo we Sidoni, mwasiwa bara vamohi na nimburo nolimba notawelamo nnafwanyeya bara anawonga ira: <<Hiyo kanuiziwileni. Tchoira hiyo kannaone upa wobala, nne kannambale mwana, eto kannaaulukulihe anapongwe nne anavihiyana.>>#23:4 Malambo a mundulrimu atu a Sidoni na Tiru kowendetcha mbara, mbwenye vasogolro tempu yafiya, wenda wewa mbara wafuna mala, fiyeda bara vamohi na nimburo nolimba… anawonga ira: <<Hiyo kanuiziwileni>> Inakala nnga bara ali mma wa akuda Sidoni mbwenye inoza yaakonde. 5AIjipitu kavwa ira Tiru umala nongiwa, anoza karendjeye eto kaove. 6Nyo atu anakala tcherela ya bara mulambuwe, mudowe Tarisi, munle. 7Kodi sidadi ya Tiru yeniyo imangiwe malambo a mundulrimu eto yavweya bure tchenna? Kodi sidadi yaalambutcha atu, yaadowagana vilambo dimohi diwa ira kakale emo tchenna?
8Kodi bani asakannye ira jabure ji jifwanye Tiru? Yali sidadi yoakunga amwene. Anamaguliha aye kafwanyeya kagali anamasogolrelra. Aliba malronda aye kafwanyeya kagali atu orihediwa bure mwilamboni ya vati. 9Asakannye eji ali Yehova wa Makuru Matene ira amalihe jingari wa atu okana undimuwa, eto ira aatakalihe atu atene orihediwa a mwilamboni ya vati. 10Nyo akuda Tarisi muwendege mwilamboni mwenyu na makalelo nnga muhindje Nilu unawenda liye mwilamboni mwaye. Mwasiwa malambwala kamunna voimela. 11Yehova ohotapulela ndanda naye vazulu va bara, aatekenyaga amwene. Yehova unoruma ira mamburo olimba a akuda Kana katolotchiwe. 12Eto ohowonga ira: <<Kamuza muhagalala akoka, nyo atu a Sidoni munaonihiwa goyi. Muvenye, mutawele Xipire. Masiki mutawele wewo, kamunakana vuma.>>
13Kaing'anani, ilambo ya akuda Babiloniya peno kiliwo. Akuda Asiriya kohosakanya ira ilambo ya akuda Babiloniya ikale nimburo mokala anavinyama a mukokolani. Kohomanga nyumba dolapa da agwarda eto kohogwegweretcha muwari mwa nyumba da umwene, aliwa sandutcha sidadi ira ikale ndebe. 14Nlani nyo mwadeya da Tarisi, mwasiwa nimburo ninyu nolimba nihimala gwihiwa.
15Siku nenne nafiya, sidadi ya Tiru inodiwaliwa yaka 70 nnga yaka da ingumi ya mwene mmohi. Era eno, sidadi ya Tiru inowelela kala nnga puta kamuimba atu nyumbo, keraga: 16<<Puta odiwaliwa we, katukula arpa wawo, uwendawendege musidadi. Uimbege pama nyumbo didjindji dene ira atu kauumbuwele weyo akoka.>>
17Vamala yaka 70 dile, Yehova unoza aapande akuda Tiru. Sidadi yenno inoza iwelele ganyo yanna atu. Inowelela mabasiwa oraruwa na amwene atene anafwanyeya mwilamboni yatene ya vati mwatene mwene. 18Mbwenye jokana jiwa na kobiri inapa atu inoza ikale yotchena wa Yehova. Rayela wewa kuza ukoyiwa owu kuza uheliwa vamohi mbwenye rayela wewa wewo unoza waalabe ale anakala vamentoni va Yehova ira kakayena jodja pwi na jowara japama.
လက္ရွိေရြးခ်ယ္ထားမွု
Izaiya 23: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral
Izaiya 23
23
Mulugu unoza aanonge akuda Tiru na akuda Sidoni xx
1Ula gu muselu owonga zela Tiru. Kuwani mokumbanya nyo mwadeya da Tarisi. Mwasiwa sidadi ya Tiru imala nongiwa. Kulive nyumba nne voimeliha mwadeya. Jejo johovweya kumela ilambo ya Xipire. 2Kakalani pee nyo atu munakala tcherela ya bara. Ilambo yenyu imala zala anamaguliha a Sidoni analambuwetcha bara. 3Nyo mwawendetcha ndila didjindji da mbara, mupaga kobiri muwari mwa jodja ja Siyori na jodja ja Nilu jaaguliheda nyo atu a malogo matene. 4Ukayena manyazo we Sidoni, mwasiwa bara vamohi na nimburo nolimba notawelamo nnafwanyeya bara anawonga ira: <<Hiyo kanuiziwileni. Tchoira hiyo kannaone upa wobala, nne kannambale mwana, eto kannaaulukulihe anapongwe nne anavihiyana.>>#23:4 Malambo a mundulrimu atu a Sidoni na Tiru kowendetcha mbara, mbwenye vasogolro tempu yafiya, wenda wewa mbara wafuna mala, fiyeda bara vamohi na nimburo nolimba… anawonga ira: <<Hiyo kanuiziwileni>> Inakala nnga bara ali mma wa akuda Sidoni mbwenye inoza yaakonde. 5AIjipitu kavwa ira Tiru umala nongiwa, anoza karendjeye eto kaove. 6Nyo atu anakala tcherela ya bara mulambuwe, mudowe Tarisi, munle. 7Kodi sidadi ya Tiru yeniyo imangiwe malambo a mundulrimu eto yavweya bure tchenna? Kodi sidadi yaalambutcha atu, yaadowagana vilambo dimohi diwa ira kakale emo tchenna?
8Kodi bani asakannye ira jabure ji jifwanye Tiru? Yali sidadi yoakunga amwene. Anamaguliha aye kafwanyeya kagali anamasogolrelra. Aliba malronda aye kafwanyeya kagali atu orihediwa bure mwilamboni ya vati. 9Asakannye eji ali Yehova wa Makuru Matene ira amalihe jingari wa atu okana undimuwa, eto ira aatakalihe atu atene orihediwa a mwilamboni ya vati. 10Nyo akuda Tarisi muwendege mwilamboni mwenyu na makalelo nnga muhindje Nilu unawenda liye mwilamboni mwaye. Mwasiwa malambwala kamunna voimela. 11Yehova ohotapulela ndanda naye vazulu va bara, aatekenyaga amwene. Yehova unoruma ira mamburo olimba a akuda Kana katolotchiwe. 12Eto ohowonga ira: <<Kamuza muhagalala akoka, nyo atu a Sidoni munaonihiwa goyi. Muvenye, mutawele Xipire. Masiki mutawele wewo, kamunakana vuma.>>
13Kaing'anani, ilambo ya akuda Babiloniya peno kiliwo. Akuda Asiriya kohosakanya ira ilambo ya akuda Babiloniya ikale nimburo mokala anavinyama a mukokolani. Kohomanga nyumba dolapa da agwarda eto kohogwegweretcha muwari mwa nyumba da umwene, aliwa sandutcha sidadi ira ikale ndebe. 14Nlani nyo mwadeya da Tarisi, mwasiwa nimburo ninyu nolimba nihimala gwihiwa.
15Siku nenne nafiya, sidadi ya Tiru inodiwaliwa yaka 70 nnga yaka da ingumi ya mwene mmohi. Era eno, sidadi ya Tiru inowelela kala nnga puta kamuimba atu nyumbo, keraga: 16<<Puta odiwaliwa we, katukula arpa wawo, uwendawendege musidadi. Uimbege pama nyumbo didjindji dene ira atu kauumbuwele weyo akoka.>>
17Vamala yaka 70 dile, Yehova unoza aapande akuda Tiru. Sidadi yenno inoza iwelele ganyo yanna atu. Inowelela mabasiwa oraruwa na amwene atene anafwanyeya mwilamboni yatene ya vati mwatene mwene. 18Mbwenye jokana jiwa na kobiri inapa atu inoza ikale yotchena wa Yehova. Rayela wewa kuza ukoyiwa owu kuza uheliwa vamohi mbwenye rayela wewa wewo unoza waalabe ale anakala vamentoni va Yehova ira kakayena jodja pwi na jowara japama.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral