Likezo 24
24
1Chimunahiti mafuku atanu, kapristu muneni Ananiya hakushika nawawakulumpi amu, niihaku dawu ijina dindi Teritulu. Hiyakumuleja nguvulu muloŋa waPawulu. 2Chana mutambi kuwu Teritulu, yena hakutachika kushimuna muloŋa waPawulu. Nindi, Chiwuna tushakamishi chachiwahi chamwena, niyuma yatama yayivulu yamwenaŋa muza wetu wunayololi dehi namaaneyi, 3twachitambulaŋa mafuku ejima mwejima, eyi Felisi wasweja kulema nankashi, twasakililaŋa nankoshi jajivulu. 4Ilaŋa hinakeŋi mwani kukulabishaku, nakenda kakuzeyesha. Niketuli dakukulembelela wututiyi tumazu twanti naluwi lwambala wekala nalu. 5Iyaliwu tunamumoni hikavuba, wasaŋumunaŋa majita mwahita aYudeya mumpata yamunu mwishina yejima. Himukulumpi wawakwachaaku chawaNazareta. 6Yeniwu wadiŋi nakweseka nindi ajiloli tembeli; tumukwata nikumukwata netu tuniusompeshi mwaya nshimbi jetu. 7Ilaŋa mukulumpi muneni Lisiya hakwinza nandombu yayeni, hakutwamukayi. 8Hakuleja etu tunamuholokeli, nindi twinzi kudeyi. Mwihuli tuhu eyi aweni, wiluki chachiwahi mwejima namutunamwinkeli nyiloŋa. 9AYudeya niwena hiyakukoleshamu nawu chalala kwaamu.
10Nŋuvulu chanamulejiyi nachikasa nindi ahoshi, Pawulu hakwakula nindi, Chineluki nami eyi wunasompeshi dehi muza wetu nyaka yayivulu, dichi natiyi kuwaha kudi hakwila. 11Eyi aweni wukushinshika tuhu chinayili kuYerusalema nakudifukula kudi Nzambi, kanda muhiti nimafuku ikumi nayedi. 12Hiyanweni mutembeli nakutadika namuntu niwumuku; hela kuvulumuna ipumba mumashikola aweni, hela tuhu muŋanda nehi. 13Hiyakutwesha kunhisha nayuma yananholokeluwuku. 14Hela chochu, nukwiteja tuhu kudeyi nami nakalakelaŋa Nzambi yawankakulula jetu mwaya chaaku chatenaŋawu nawu Njila; netiyaloŋa yuma yejima mwaya nshimbi, niyanasonekuwu atuprofwetu. 15Namukuhwelelaŋa Nzambi mwomwakuhwelelaŋawu niwena nawa, nami kwamba kekala kusaŋuka kwawaloŋa nikwawabula kuloŋa. 16Chinachiŋejaŋa mwenimu nadikwatishaŋa nankashi, kulonda nidimoni nawa, nami kudi Nzambi nikudi antu nabuli muloŋa mafuku ejima. 17Dichi dinu chiyahitili nyaka yayivulu, chinadiŋi nakuletela akwetu akwamuza wami yamukunkulu, nikulambula Nzambi, 18aYudeya akuAsiya hiyakunwana nadijilika dehi mutembeli, chakadi izaza hela tuhu ipumba. 19Wenowu diwu ateji kwinza kunu nakunholokela kudeyi, neyi akweti nsaŋu nanami. 20Hela wenowu ashimuni tuhu chuma chatama chamwenuwu chinemani muchota; 21kwiji dodizu dinemeni nakubidika naŋovu mukachi kawu nami, Mudi nakunsompesha lelu nsaŋu yakusaŋuka kwawafu.
22Felisi, nanochu chelukayi dehi nsaŋu yaNjila chakashinshi, hakuhachika nsaŋu nindi, Chakenzayi mukulumpi muneni Lisiya, nakasompa nsaŋu yenu. 23Hakumuleja senturinu kumuhemba chachiwahi mukaleya chakadi kumukabisha; nindi bayi alekesha amabwambu jindi kwinza nakumukalakelaku.
24Chimunahiti mafuku amakwawu, Felisi hakwinza naŋodindi Durisila, yena nawa hikaYudeya; hakutumesha Pawulu, hakumutiya chakushimunayi nsaŋu yindi yakukuhwelela Kristu Yesu. 25Chashimwiniyi jakuloŋa, nŋakudihemba, nŋakusompa kwamba kenza, Felisi hakuza ala woma; hakwakula nindi, Lelu yaloŋa kweyi; neyi namoni hahawahi nakakutambika. 26Hakukuhwelela nindi akumwinka mali kudi Pawulu; dihu hafuminaŋa kumutambika nakuhanjika nindi hanti nahanti. 27Chimunahiti nyaka yiyedi, Felisi hiyakumuswana kudi Porokiwu Fesitusi. Chakeŋeliyi Felisi kutiyisha aYudeya kuwaha, hakumulekela Pawulu mukaleya.
လက္ရွိေရြးခ်ယ္ထားမွု
Likezo 24: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.
Likezo 24
24
1Chimunahiti mafuku atanu, kapristu muneni Ananiya hakushika nawawakulumpi amu, niihaku dawu ijina dindi Teritulu. Hiyakumuleja nguvulu muloŋa waPawulu. 2Chana mutambi kuwu Teritulu, yena hakutachika kushimuna muloŋa waPawulu. Nindi, Chiwuna tushakamishi chachiwahi chamwena, niyuma yatama yayivulu yamwenaŋa muza wetu wunayololi dehi namaaneyi, 3twachitambulaŋa mafuku ejima mwejima, eyi Felisi wasweja kulema nankashi, twasakililaŋa nankoshi jajivulu. 4Ilaŋa hinakeŋi mwani kukulabishaku, nakenda kakuzeyesha. Niketuli dakukulembelela wututiyi tumazu twanti naluwi lwambala wekala nalu. 5Iyaliwu tunamumoni hikavuba, wasaŋumunaŋa majita mwahita aYudeya mumpata yamunu mwishina yejima. Himukulumpi wawakwachaaku chawaNazareta. 6Yeniwu wadiŋi nakweseka nindi ajiloli tembeli; tumukwata nikumukwata netu tuniusompeshi mwaya nshimbi jetu. 7Ilaŋa mukulumpi muneni Lisiya hakwinza nandombu yayeni, hakutwamukayi. 8Hakuleja etu tunamuholokeli, nindi twinzi kudeyi. Mwihuli tuhu eyi aweni, wiluki chachiwahi mwejima namutunamwinkeli nyiloŋa. 9AYudeya niwena hiyakukoleshamu nawu chalala kwaamu.
10Nŋuvulu chanamulejiyi nachikasa nindi ahoshi, Pawulu hakwakula nindi, Chineluki nami eyi wunasompeshi dehi muza wetu nyaka yayivulu, dichi natiyi kuwaha kudi hakwila. 11Eyi aweni wukushinshika tuhu chinayili kuYerusalema nakudifukula kudi Nzambi, kanda muhiti nimafuku ikumi nayedi. 12Hiyanweni mutembeli nakutadika namuntu niwumuku; hela kuvulumuna ipumba mumashikola aweni, hela tuhu muŋanda nehi. 13Hiyakutwesha kunhisha nayuma yananholokeluwuku. 14Hela chochu, nukwiteja tuhu kudeyi nami nakalakelaŋa Nzambi yawankakulula jetu mwaya chaaku chatenaŋawu nawu Njila; netiyaloŋa yuma yejima mwaya nshimbi, niyanasonekuwu atuprofwetu. 15Namukuhwelelaŋa Nzambi mwomwakuhwelelaŋawu niwena nawa, nami kwamba kekala kusaŋuka kwawaloŋa nikwawabula kuloŋa. 16Chinachiŋejaŋa mwenimu nadikwatishaŋa nankashi, kulonda nidimoni nawa, nami kudi Nzambi nikudi antu nabuli muloŋa mafuku ejima. 17Dichi dinu chiyahitili nyaka yayivulu, chinadiŋi nakuletela akwetu akwamuza wami yamukunkulu, nikulambula Nzambi, 18aYudeya akuAsiya hiyakunwana nadijilika dehi mutembeli, chakadi izaza hela tuhu ipumba. 19Wenowu diwu ateji kwinza kunu nakunholokela kudeyi, neyi akweti nsaŋu nanami. 20Hela wenowu ashimuni tuhu chuma chatama chamwenuwu chinemani muchota; 21kwiji dodizu dinemeni nakubidika naŋovu mukachi kawu nami, Mudi nakunsompesha lelu nsaŋu yakusaŋuka kwawafu.
22Felisi, nanochu chelukayi dehi nsaŋu yaNjila chakashinshi, hakuhachika nsaŋu nindi, Chakenzayi mukulumpi muneni Lisiya, nakasompa nsaŋu yenu. 23Hakumuleja senturinu kumuhemba chachiwahi mukaleya chakadi kumukabisha; nindi bayi alekesha amabwambu jindi kwinza nakumukalakelaku.
24Chimunahiti mafuku amakwawu, Felisi hakwinza naŋodindi Durisila, yena nawa hikaYudeya; hakutumesha Pawulu, hakumutiya chakushimunayi nsaŋu yindi yakukuhwelela Kristu Yesu. 25Chashimwiniyi jakuloŋa, nŋakudihemba, nŋakusompa kwamba kenza, Felisi hakuza ala woma; hakwakula nindi, Lelu yaloŋa kweyi; neyi namoni hahawahi nakakutambika. 26Hakukuhwelela nindi akumwinka mali kudi Pawulu; dihu hafuminaŋa kumutambika nakuhanjika nindi hanti nahanti. 27Chimunahiti nyaka yiyedi, Felisi hiyakumuswana kudi Porokiwu Fesitusi. Chakeŋeliyi Felisi kutiyisha aYudeya kuwaha, hakumulekela Pawulu mukaleya.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.