Likezo 23
23
1Pawulu hakushinshika akwachota swi-i nindi, Enu ana kwami, ami nendi kumesu aNzambi nachinleji chamuchima chachiwahi hohu, kushika nikwifuku ŋalelu. 2Kapristu muneni Ananiya hakuyila antu emeni kwadiŋi yi, nindi amweti kukanwa. 3Pawulu hakumwila nindi, Nzambi wakakweteyi, mbaŋu yakupembesha! Eyi wushakami nakunsompesha mwaya nshimbi, wuleji antu neyi mwetenu, chakumotoka nshimbi? 4Antu emenuku hiyakumwila nawu, Wutuki kapristu muneni wambala waNzambi? 5Pawulu nindi, Enu ana kwetu, hinamwiluki nami diyi kapristu munenuku. Muloŋa nasoneki nawu, Kutena nyuli yawantu enu chatama, chinjila.
6Pawulu chanelukiyi nindi komana aneli awa aSadusi, awa aFwarisi, hakubidika mwenomu muchota nindi, Enu ana kwetu, ami nikaFwarisi, ni mwana kawaFwarisi! Nsaŋu yadi nakunsompeshelawu yoyakuchiŋeja kusaŋuka kwamba kasaŋuka afu. 7Chanahoshiyi chochochu, aFwarisi nawaSadusi hiyakuvwakuka ntadi, nichota chambuka nihakachi. 8Muloŋa aSadusi elaŋa nawu hikwekala kusaŋukaku; nawu hikwekala hela kaŋelu, hela spirituku. Hakwinza aFwarisi etiyaloŋa mwonsu. 9Henohu avwakuka niipumba vwi-i. Ansoneki jawaFwarisi hiyakwimana, hiyakuzuwa nawu, Iwu muntu hitunamumoni nachuma chatamaku. Kwiji kaŋelu diyi nahoshi nayena, indi kwiji spiritu. 10Chihanamwekani ndombu yasweja, mukulumpi muneni hakwakama nindi keŋa amusansoli Pawulu. Hakuleja mashidika nindi, Kunkumukenu mumwamuki naŋovu mukachi kawu, mumuleti mwitala denu.
11Wufuku walondeluku, Mwanta Yesu hakwimana kwadiŋi Pawulu, hakumwila nindi, Tiyaku kuwaha; muloŋa chiwunanshimuni wunsahu muYerusalema, dichi wamba kashimuna nikuRoma nawa.
12Chikunachi, aYudeya hiyakudipompesha, hiyakusanyika naŋovu nawu, Etu kudya nakunwa chiŋa tunajahi Pawulu. 13Wenawa ashakamini hampùŋaoyu adiŋi abadika makumi awana. 14Hiyakuya kudi awakulumpi jawatupristu nikudi awakulumpi, hiyakuyila nawu, Tunasanyiki dehi kusanyika kwakudishiŋa netu, Etu kutompa kudya chiŋa tunasambili dehi kujaha Pawulu. 15Dichi dinu enu niakwachota, mumulejaŋa mukulumpi muneni nenu akenzi naPawulu kudenu kumadiki; chidi neyi munakeŋi kwihulansaŋu yindi chakashinshi. Etu twakela kanda tuhu aswili nikwakwihi, mwaka twamujaha dehi.
16Komana mwiha kaPawulu chanatiyiyi chakukeŋa kumubelaminawu, hakwijila mwitala damashidika nakumuleja Pawulu. 17Pawulu hakutambika senturinu wumu nindi, Mutwali iwu mukwenzi kudi mukulumpi muneni; wukweti kalusaŋu kakukeŋa kumulejayi. 18Dichi hakumutwala nakumushikŋa kudi mukulumpi muneni. Hakumwila nindi, Pawulu, muntu wamukaleya, nantambiki, naŋili nindi nikuleteli iwu mukwenzi, wukweti kalusaŋu kakukeŋa kukulejayi. 19Mukulumpi muneni hakumukwata kuchikasa, hakuya nindi hambadi. Hakumwihula kwakanka wawu nindi, Wudi nakalusaŋwinyi kuwukukeŋa kunleja? 20Hakumuleja nindi, AYudeya anatiyaloŋani kukulomba nawu wakakunkumuki naPawulu kuchota kumadiki, chidi neyi anakeŋi kwihula nsaŋu yindi chakashinshi. 21Hakwila eyi bayi wuyitejaku, muloŋa kunamubelamini dehi amayala akubadika makumi awana; anadishiŋi nawu, kudya hela kunwa chiŋa tunamujahi dehi. Chitudi nakuhosha ichi anabatami dehi, adi nakutalila muwukukeŋa kudishiika nawu. 22Mukulumpi muneni hakufuntisha yenowu mukwenzi, hakumwila nindi, Yaŋa kweyi; ichi chiwunanleji, bayi wulejamu muntu niwumuku.
23Hakutambika asenturinu ayedi nindi, Loŋeshenu mashidika makulakaji ayedi, niakwatuwalu makumi atanu nayedi, niakwamayoŋa makulakaji ayedi, akayi kuKesareya; akanyamuki ora yawufuku yamu chisatu. 24Nindi, Mukeŋa nianyama akwendela, mushuhu Pawulu, akamutwali chachiwahi kudi nguvulu Felisi.
25Hakusoneka mukanda wakwila nindi, 26Ami Kaludusa Lisiya, nidi nakusoneka mukanda weyi eyi nguvulu Felisi walema nankashi. Tunayimwishi mwani. 27Yeniwu iyala amukwatili kudi aYudeya, akeŋeli kumujaha; hinukuyikasumwisha namashidika, hinukumupulwisha, muloŋa namudyi nawu hikaRoma. 28Chinakeŋeli kwiluka muloŋa wanamwinkuwu, hinu kumu kunkumwisha kuchota chawu. 29Kutiya komana anamwinki muloŋa wansaŋu janshimbi jawu, himuloŋa wakutela kufwa hela nyonjuku. 30Chananlejuwu nawu anamushakamini muntu iwu hampùŋa, hinukunyakala kumutemesha kudeyi, hinukuleja anamuholokeli nami akenzi nakumuholokela kudeyi. Shalenu chachiwahi.
31Dichi mashidika hiyakwila mwayilejeluwu, hiyakumutambula Pawulu nakumutwala kuAntipatira nawufuku. 32Chikunachi, hiyakumushiya nawakwatuwalu; wena hiyakufunta kwitala damashidika. 33Chanashikuwu kuKesareya, hiyakumwinka nguvulu mukanda, ashikŋi niPawulu kudi yena. 34Chanawutaŋiyi hakwihula nindi, Himuntu wakuwuloŋi winyi? 35Chanelukiyi nindi himuntu wakuSilisiya, hakwila nindi, Nakatiya nsaŋu yeyi chachiwahi chakenzawu anakuholokeli. Hakuleja mashidika nindi muhembenu mwitala daHerodi dawanta.
လက္ရွိေရြးခ်ယ္ထားမွု
Likezo 23: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.
Likezo 23
23
1Pawulu hakushinshika akwachota swi-i nindi, Enu ana kwami, ami nendi kumesu aNzambi nachinleji chamuchima chachiwahi hohu, kushika nikwifuku ŋalelu. 2Kapristu muneni Ananiya hakuyila antu emeni kwadiŋi yi, nindi amweti kukanwa. 3Pawulu hakumwila nindi, Nzambi wakakweteyi, mbaŋu yakupembesha! Eyi wushakami nakunsompesha mwaya nshimbi, wuleji antu neyi mwetenu, chakumotoka nshimbi? 4Antu emenuku hiyakumwila nawu, Wutuki kapristu muneni wambala waNzambi? 5Pawulu nindi, Enu ana kwetu, hinamwiluki nami diyi kapristu munenuku. Muloŋa nasoneki nawu, Kutena nyuli yawantu enu chatama, chinjila.
6Pawulu chanelukiyi nindi komana aneli awa aSadusi, awa aFwarisi, hakubidika mwenomu muchota nindi, Enu ana kwetu, ami nikaFwarisi, ni mwana kawaFwarisi! Nsaŋu yadi nakunsompeshelawu yoyakuchiŋeja kusaŋuka kwamba kasaŋuka afu. 7Chanahoshiyi chochochu, aFwarisi nawaSadusi hiyakuvwakuka ntadi, nichota chambuka nihakachi. 8Muloŋa aSadusi elaŋa nawu hikwekala kusaŋukaku; nawu hikwekala hela kaŋelu, hela spirituku. Hakwinza aFwarisi etiyaloŋa mwonsu. 9Henohu avwakuka niipumba vwi-i. Ansoneki jawaFwarisi hiyakwimana, hiyakuzuwa nawu, Iwu muntu hitunamumoni nachuma chatamaku. Kwiji kaŋelu diyi nahoshi nayena, indi kwiji spiritu. 10Chihanamwekani ndombu yasweja, mukulumpi muneni hakwakama nindi keŋa amusansoli Pawulu. Hakuleja mashidika nindi, Kunkumukenu mumwamuki naŋovu mukachi kawu, mumuleti mwitala denu.
11Wufuku walondeluku, Mwanta Yesu hakwimana kwadiŋi Pawulu, hakumwila nindi, Tiyaku kuwaha; muloŋa chiwunanshimuni wunsahu muYerusalema, dichi wamba kashimuna nikuRoma nawa.
12Chikunachi, aYudeya hiyakudipompesha, hiyakusanyika naŋovu nawu, Etu kudya nakunwa chiŋa tunajahi Pawulu. 13Wenawa ashakamini hampùŋaoyu adiŋi abadika makumi awana. 14Hiyakuya kudi awakulumpi jawatupristu nikudi awakulumpi, hiyakuyila nawu, Tunasanyiki dehi kusanyika kwakudishiŋa netu, Etu kutompa kudya chiŋa tunasambili dehi kujaha Pawulu. 15Dichi dinu enu niakwachota, mumulejaŋa mukulumpi muneni nenu akenzi naPawulu kudenu kumadiki; chidi neyi munakeŋi kwihulansaŋu yindi chakashinshi. Etu twakela kanda tuhu aswili nikwakwihi, mwaka twamujaha dehi.
16Komana mwiha kaPawulu chanatiyiyi chakukeŋa kumubelaminawu, hakwijila mwitala damashidika nakumuleja Pawulu. 17Pawulu hakutambika senturinu wumu nindi, Mutwali iwu mukwenzi kudi mukulumpi muneni; wukweti kalusaŋu kakukeŋa kumulejayi. 18Dichi hakumutwala nakumushikŋa kudi mukulumpi muneni. Hakumwila nindi, Pawulu, muntu wamukaleya, nantambiki, naŋili nindi nikuleteli iwu mukwenzi, wukweti kalusaŋu kakukeŋa kukulejayi. 19Mukulumpi muneni hakumukwata kuchikasa, hakuya nindi hambadi. Hakumwihula kwakanka wawu nindi, Wudi nakalusaŋwinyi kuwukukeŋa kunleja? 20Hakumuleja nindi, AYudeya anatiyaloŋani kukulomba nawu wakakunkumuki naPawulu kuchota kumadiki, chidi neyi anakeŋi kwihula nsaŋu yindi chakashinshi. 21Hakwila eyi bayi wuyitejaku, muloŋa kunamubelamini dehi amayala akubadika makumi awana; anadishiŋi nawu, kudya hela kunwa chiŋa tunamujahi dehi. Chitudi nakuhosha ichi anabatami dehi, adi nakutalila muwukukeŋa kudishiika nawu. 22Mukulumpi muneni hakufuntisha yenowu mukwenzi, hakumwila nindi, Yaŋa kweyi; ichi chiwunanleji, bayi wulejamu muntu niwumuku.
23Hakutambika asenturinu ayedi nindi, Loŋeshenu mashidika makulakaji ayedi, niakwatuwalu makumi atanu nayedi, niakwamayoŋa makulakaji ayedi, akayi kuKesareya; akanyamuki ora yawufuku yamu chisatu. 24Nindi, Mukeŋa nianyama akwendela, mushuhu Pawulu, akamutwali chachiwahi kudi nguvulu Felisi.
25Hakusoneka mukanda wakwila nindi, 26Ami Kaludusa Lisiya, nidi nakusoneka mukanda weyi eyi nguvulu Felisi walema nankashi. Tunayimwishi mwani. 27Yeniwu iyala amukwatili kudi aYudeya, akeŋeli kumujaha; hinukuyikasumwisha namashidika, hinukumupulwisha, muloŋa namudyi nawu hikaRoma. 28Chinakeŋeli kwiluka muloŋa wanamwinkuwu, hinu kumu kunkumwisha kuchota chawu. 29Kutiya komana anamwinki muloŋa wansaŋu janshimbi jawu, himuloŋa wakutela kufwa hela nyonjuku. 30Chananlejuwu nawu anamushakamini muntu iwu hampùŋa, hinukunyakala kumutemesha kudeyi, hinukuleja anamuholokeli nami akenzi nakumuholokela kudeyi. Shalenu chachiwahi.
31Dichi mashidika hiyakwila mwayilejeluwu, hiyakumutambula Pawulu nakumutwala kuAntipatira nawufuku. 32Chikunachi, hiyakumushiya nawakwatuwalu; wena hiyakufunta kwitala damashidika. 33Chanashikuwu kuKesareya, hiyakumwinka nguvulu mukanda, ashikŋi niPawulu kudi yena. 34Chanawutaŋiyi hakwihula nindi, Himuntu wakuwuloŋi winyi? 35Chanelukiyi nindi himuntu wakuSilisiya, hakwila nindi, Nakatiya nsaŋu yeyi chachiwahi chakenzawu anakuholokeli. Hakuleja mashidika nindi muhembenu mwitala daHerodi dawanta.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.